ER மாதிரியில், இரண்டு உருப்பொருளுக்கு இடையே உறவுநிலை உள்ளது. மூன்று வகையான உறவுநிலைகள் உள்ளன. அவை:
(i) ஒன்றுடன் ஒன்று உறவு நிலை
(ii) ஒன்றுடன் பல உறவு நிலை
(iii) பலவற்றுடன் பல உறவு நிலை

1. தரவு நகல்கள் : ஒரே தரவானது, செயலாக்கத்திற்கான பல வளங்களால் பயன்படுத்தப்பட்டது. இது ஒரே தரவின் பல நகல்களை உருவாக்கி இடங்களை வீணாக்கியது.
2. அதிக பராமரிப்பு : அணுகல் கட்டுப்பாட்டு மற்றும் நிலைத்தன்மையைச் சரிபார்க்க அதிக பராமரிப்புத் தொகை தேவைப்பட்டது.
3. பாதுகாப்பு : தரவுக்கு குறைந்த பாதுகாப்பே வழங்கபட்டது.எனவே, கோப்பு அமைப்பின் மேற்கூறிய வரம்புகளை சமாளிக்க தரவுதள அமைப்புகள் பிரபலமானது.

தரவுத்தள தொழில்நுட்பம் உறவுநிலை மற்றும் பொருள் உறவுநிலை பண்புகளைக் கொண்ட மாதிரிகளின் அடிப்படையில் அமைந்துள்ளது.
வகைகள் :
1. படிநிலை தரவுத்தள மாதிரி 
2. வலையமைப்பு மாதிரி 
3. உறவுநிலை மாதிரி 
4. பொருள் சார்ந்த தரவுத்தள மாதிரி 

MySQL நிர்வாகக் கட்டளைகள் :
1. Use Database -இந்த கட்டளை MySQLல் பணி செய்வதற்கான தரவுத்தளத்தைத் தேர்ந்தெடுக்கப் பயன்படுகிறது.
2. Show Database - தரவுத்தள சேவையகத்தில் இருக்கும் அனைத்து தரவுத் தளங்களையும் பட்டியிலிடுகிறது.
3. Show Tables - பயன்பாட்டில் உள்ள தரவுத்தளத்தில் இருக்கும் அனைத்து அட்டவணைகளையும் பட்டியிலிடுகிறது. 
4. SHOW COLUMNS FROM table_name -கொடுக்கப்பட்ட அட்டவணையின் அனைத்து பண்புக்கூறுகள், பண்புக் கூறுவகை மற்றும் பிற தகவல்களைப் பட்டியிலிடுகிறது.
5. SHOW INDEX FROM table_name - கொடுக்கப்பட்ட அட்டவணையின் அனைத்து குறியீடுகளையும் காண்பிக்கிறது.
6. SHOW TABLE STATUS LIKE tablename/G :
அட்டவணையின் செயல் திறனை விரிவான அறிக்கையுடன் வழங்குகிறது.

எண் அளவை (Cardinality):
(i) இது உறவுநிலையில் சேர்க்கப்பட வேண்டிய உருப்பொருள்களின் எண்ணிக்கையாக வரையறுக்கப்படுகிறது.
(ii) அதாவது, உறவு நிலை வழியாக மற்றொரு தொகுப்பில் உள்ள உருப்பொருள்களின் எண்ணிக்கையுடன் இணைக்கப்பட்ட ஒரு தொகுப்பில் உள்ள உருப்பொருள்களின் எண்ணிக்கை, ஒன்றுடன் ஒன்று, ஒன்றுடன் பல, பலவற்றுடன் பல என்பன எண் அளவையின் மூன்று வகைப்பாடுகள் ஆகும்.

iii) மேலே உள்ள படம் எண் அளவை எடுத்துக்காட்டில், person மற்றும் Vehicle என்ற இரண்டு உருப்பொருள்கள் உள்ளன.
(iv) இயங்கிக் கொண்டிருக்கும் வாகனம் (Vehicle), இயங்குகின்ற ஓட்டுநர் (person) என எடுத்துக்கொண்டால் வாகனம் மற்றும் ஓட்டுநருக்கு இடையே ஒன்றுடன் ஒன்று உறவுநிலை உருவாக்கப்படும்.

(v) எண் அளவை உறவுநிலை 1 to n மேலே உள்ள எடுத்துக்காட்டில், வாடிக்கையாளர் (Customer) தன் தேவைகளை (Orders) முன்வைப்பது. ஒன்றுடன் பல உறவுநிலையாகும்.
(vi) இங்கு வாடிக்கையாளர், பல தேவைகளை முன்வைக்கலாம் மற்றும் தேவைகள் ஒரே ஒரு வாடிக்கையாளரை மட்டுமே சார்ந்து இருக்கும்.

(vii) எண் அளவை உறவுநிலை n to n மாணவர்கள் (Students), பாடப்பிரிவுகளில் (Courses) பதிவு செய்வது பலவற்றுடன் பல உறவுநிலைக்கான எடுத்துக்காட்டாகும்.
(viii) ஒரு மாணவன், ஒன்றுக்கும் மேற்பட்ட பாடப்பிரிவுகளில் பதிவு செய்ய முடியும். மற்றும் ஒரு பாடப்பிரிவு. பல மாணவர்களால் பதிவு செய்யப்படமுடியும். எனவே இது பலவற்றுடன் பல வகையாகும்.

ER மாதிரியில், இரண்டு உருப்பொருளுக்கு இடையே உறவுநிலை உள்ளது. மூன்று வகையான உறவுநிலைகள் உள்ளன. மேலும் ER மாதிரியானது கீழே கொடுக்கப்பட்டுள்ள மூன்று வகைகளைச் சார்ந்துள்ளது.
(i) ஒன்றுடன் ஒன்று உறவுநிலை (One to-one relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் (அ) 1 நிலை, உருப்பொருள் B-இன் 0 (அ) 1 நிலையுடன் தொடர்பு படுத்தப்படும் பொழுதோ மற்றும் உருப்பொருள் B-இன் 0 (அ) 1 நிலை, உருப்பொருள் A-இன் 0 (அ) 1 நிலையுடன் தொடர்புபடுத்தப்படும் பொழுதோ, உறவுநிலை தரவுதள வடிவமைப்பில், ஒன்றுடன் ஒன்று (1:1) உறவுநிலை உருவாகிறது.
(ii) ஒன்றுடன் பல உறவுநிலை (one-to-many relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 0 (அ) 1 (அ) பல நிலைகளுடனும், மற்றும் உருப்பொருள் B-இன் 1 நிலை, உருப்பொருள் A-இன்) (அ) 1 நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், ஒன்றுடன் பல (1:N) உறவுநிலை உருவாகிறது.
(iii) பலவற்றுடன் பல உறவுநிலை (Many-to many relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 1 நிலை, உருப்பொருள் A-இன் 0 (அ) 1 (அ) பல நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், பலவற்றுடன் பல (M:N) உறவுநிலை உருவாகிறது.

துணை வினவல்கள்:
(i) இதில் முதன்மை வினவலுக்கு உள்ளே SQL வினவல் எழுதப்படுகிறது. இது பின்னலான அல்லது துணை வினவல் எனப்படும். துணை வினவல்கள் முதலில் இயக்கப்படுகின்றன. 
(ii) இதனுடைய விடையானது நிபந்தனையாக முதன்மை வினவலுக்கு அமைகிறது. துணை வினவல் கீழே உள்ள விதிகளை பின்பற்ற வேண்டும்.
1. துணை வினவல்கள் அடைப்புக் குறிக்குள் எழுதப்படவேண்டும்.
2. ஒப்பீட்டு செயற்குறிக்கு வலது புறத்தில் துணை வினவல் அமையவேண்டும்.
3. ORDER BY பிரிவு துணை வினவலில் பயன்படுத்தவில்லை, ஏனெனில் துணை வினவல்கள் அதனுள்ளேயே விடைகளை கையாள முடியாது.
(iii) EMPLOYEE அட்டவணையை கருத்தில் கொண்டால் EMPID, Name, Age D Salary ஆகிய புலங்கள் உள்ளன. மாதிரி தரவுகள் கீழே உள்ள அட்டவணை-ல் கொடுக்கப்பட்டுள்ளன

(iv) பின்வரும் வினவலில் SELECT கூற்றில் துணை வினவல் பயன்படுத்தப்பட்டுள்ளது. SELECT * From Employee where EMPID IN (SELECT EMPID from Emplooyee WHERE Salary < 20000);
(v) முதலில் அடைப்புக்குறிக்குள் உள்ள வினவல் இயக்கப்படும். அதன் விடையாக EMPID 101 மற்றும் 103 மீட்டெடுக்கப்படும்.
(vi) இப்பொழுது வெளியே உள்ள வினவல் இயக்கப்படும். இப்பொழுது வினவல் பின்வருமாறு : SELECT* from Employee where EmpID IN (101, 102)
(vii) இதன் வெளியீடு பின்வரும் அட்டவணையில் உள்ளது.பின்வரும் வினவலில் SELCT கூற்றில் துணை வினவல் பயன்படுத்தப்பட்டுள்ளது.

(viii) இதைப்போல துணை வினவல்களானது INSERT, UPDATE மற்றும் DELETE உடன் பயன்படுத்தப்படுகிறது.

தரவுதளத்தை சிறந்த மற்றும் திறமையான முறையில் வடிவமைப்பதற்கான, பல திறந்த மூல கருவிகள் கிடைக்கின்றன. phymyAdmin என்பது வலை நிர்வாகத்திற்கு மிகவும் பிரபலமானதாகவும். MYSQL Work bench மற்றும் Heidi SQ போன்றவை பிரபலமான டெக்ஸ்டாப் பயன்பாட்டு கருவிகளாகும்.
PHPMYADMIN (Web Admin):
(i) MYSQL -ன் நிர்வாகக் கருவி ஆனது - PHP -ல் எழுதப்பட்ட ஒரு வலைப்பயன்பாடாகும்.
(ii) இவைகள் வலைச் சேவைகளில் முக்கியமாகப் பயன்படுத்தப்படுகின்றன.
(iii) CSV -ல் இருந்து தரவுகளை தருவித்தல் மற்றும் தரவுகளை பல்வேறு வடிவமைப்பில் வழங்குதலுக்கான வலை இடைமுகத்தை வழங்குவது இதன் முக்கிய அம்சமாகும்.
(iv) இது MYSQL சேவையாக செயல்களான இணைப்புகள், செயல்முறைகள் மற்றும் நினைவகப் பயன்பாடு போன்றவற்றை கண்காணிப்பதற்கான நேரடி வரைப்படங்களை (Charts) உருவாக்குகிறது. இது சிக்கலான வினவல்களை எளிமையாக்கவும் பயன்படுகிறது.
MY SQL Work bench (டெஸ்க்டாப் பயன்பாடு):
(i) இது நிரலர்கள் மற்றும் DBA - வால் முக்கியமாக காட்சிப்படுத்தலுக்காகப் பயன்படுத்தப்படும் ஒரு தரவுதளக் கருவி ஆகும்.
(ii) இந்தக் கருவி தரவு மாதிரியாக்கம், SQLஉருவாக்கம், சேவையக மற்றும் MYSQLன் காப்புப் பிரதி (Back up) போன்றவற்றில் உதவுகிறது.
(iii) இதன் அடிப்படை வெளியீட்டு பதிப்பு 5.0 ஆகும். தற்போது 8.0 அனைத்து இயக்க அமைப்புகளிலும் பயன்படுத்தப்படுகிறது.
(iv) இந்தக் கருவியின் SQL பதிப்பாளர் (editor) பல வெளியீடு தொகுதிகளை கையாளுவதில் நெகிழ்வுத் தன்மையுடனும் மற்றும் வசதியாகவும் உள்ளது.
HeidiSQL (டெக்ஸ்டாப் பயன்பாடு) :
(i) இந்த திறந்த மூலக்கூறுகள் சிறந்த தரவுத்தள அமைப்புகளின் நிர்வாகத்தில் உதவுகிறது.
(ii) இது சேவையக இணைப்பு, தரவுதளங்கள். அட்டவணைகள், காட்சிகள், தூண்டுதல்கள் மற்றும்  நிகழ்வுகள் ஆகியவற்றுகான GUI (Graphical| User Interface) சிறப்பம்சங்களை ஆதரிக்கிறது.