இந்திய தொழில் மேம்பாட்டு வங்கியின் முக்கிய பணிகள் இரு பிரிவுகளாக பிரித்து கூறப்பட்டுள்ளன.
1. மற்ற தொழில் நிறுவனங்களுக்கு நிதியளிப்பது.
2. தொழில் நிறுவனங்களுக்கு நேரடியாகவோ அல்லது மற்ற நிதியளிக்கும் நிறுவனங்களுடன் இணைந்தோ நேரடியாக கடன் வழங்குவது ஆகும்.

கலப்பு பொருளாதார அமைப்பின் நன்மைகள்:
1. அதிவேக பொருளாதார வளர்ச்சி: இதன் சிறந்த தன்மை அதிவேக பொருளாதார வளர்ச்சியை ஊக்குவிப்பதாகும். பொது தேவைகளும் சிந்திக்கப்படுகின்றன
2. சமமான வளர்ச்சி: பொருளாதாரத்தில் சமநிலை வளர்ச்சியை கலப்புத்துவம் ஊக்குவிக்கிறது
3. வளங்களை சரியாக பயன்படுத்துதல்: அரசு பல்வேறு முக்கிய நடவடிக்கைகளை நேரடியாக கட்டுப்படுத்தும். மேலும் தனியார் துறையை மறைமுகமாக கட்டுப்படுத்தும்.
4. பொருளாதார சமத்துவம்: அரசு வருவாய் வரியை வளர்வீத முறையைப் பயன்படுத்தி பொருளாதார சமத்துவத்தைக் கொண்டு வருகிறது
5. சமூகத்திற்கு சிறப்பு நன்மைகள்: குறைந்தபட்ச கூலி, பகிர்வு முறை சட்டம், நியாய விலைக் கடைகள் ஆகியவற்றின் மூலம் சமூக நல நடவடிக்கைகளை உருவாக்குகிறது
கலப்பு பொருளாதார அமைப்பின் தீமைகள்:
1. ஒருங்கிணைப்பு இல்லாமை: கலப்புத்துவத்தின் மிகப்பெரிய குறைபாடு பொதுத்துறைக்கும், தனியார் துறைக்கும் ஒருங்கிணைப்பு இல்லாததாகும்.
2. போட்டி மனப்பான்மை: அரசு மற்றும் தனியார் துறைகள் இணைந்து செயலாற்ற வாய்ப்பு குறைவு. இவை இரண்டும் போட்டித் தன்மையுடைதான் செயல்படும்
3. திறமையின்மை: மந்தமான அதிகார முறை, சிவப்பு நாடா முறை, ஊக்கமின்மை ஆகியவை திறமையின்மை ஏற்பட வாய்ப்பு உண்டு.
4. தேசியமயமாக்கல் பற்றிய பயம்: தேசியமயமாக்குதல் என்ற பயம் தனியார் துறையின் வளர்ச்சியையும், புதிதாக்க முயற்சியையும் தடை செய்யும்
5. விரிவடையும் சமத்துவமின்மை: வளங்களின் உரிமை, பரம்பரை சட்டம், மக்களின் இலாப நோக்கம் ஆகியவை பணக்காரர், ஏழைகளிடையே இடைவெளியை விரிவடையச் செய்கின்றன

முதலாளித்துவத்தின் நன்மைகள்:
1. தானாக இயங்குதல்: அரசாங்கத்தின் எந்த தலையீடும் இல்லாமல் பொருளாதாரம் தானாகவே செயல்படும்
2. வளங்களை திறமையாகப் பயன்படுத்துதல்: அனைத்து வளங்களுக்கும் திறமையாகவும், உத்தம அளவிலும் பயன்படுத்தப்படுகிறது
3. கடின உழைப்பிற்கு வெகுமதி: கடின உழைப்பை ஊக்குவிப்பதும், திறமையால் அதிக லாபம் பெறுவதற்கும் பயன்படுத்தப்படுகிறது
4. பொருளாதார முன்னேற்றம்: முதலாளித்துவ பொருளாதாரத்தில் உற்பத்தி மற்றும் உற்பத்தித் திறன் மிக அதிகமாகும்
5. நுகர்வோர் இறையாண்மை: அனைத்து உற்பத்தி நடவடிக்கைகளும் நுகர்வோர்களை திருப்தி செய்வதை முக்கிய நோக்கமாக கொண்டிருக்கும்
6. மூலதன ஆக்க வீதம் அதிகரித்தல்: சேமிப்பு முதலீடு அதிகரித்து மூலதன ஆக்க வீதம் உயர வழிவகுக்கும்
7. புதிய தொழில்நுட்ப முன்னேற்றம்: இலாபம் பெறுவது நோக்கமாக இருப்பதால் புதிய முறையைக் கையாண்டு உற்பத்தி உயர முயற்சிகள் மேற்கொள்ளப்படும்
முதலாளித்துவத்தின் குறைபாடுகள்:
1. வருமானம் மற்றும் செல்வச் செறிவு: வருமானம் மற்றும் செல்வம் சிலரது கையில் மட்டும் குவிந்து வருமான ஏற்றத்தாழ்வு அதிகமாகும்
2. வளங்கள் வீணாக்கப்படுதல்: போட்டி விளம்பரங்களினாலும், பொருட்களின் பிரதிகளினாலும் வளங்கள் வீணாக்கப்படும்
3. வகுப்புப் போராட்டம்: சமுதாயத்தை முதலாளிகள், வேலைக்காரர்கள் என பிரித்து வகுப்பு போராட்டத்திற்கு வழிவகுக்கும்
4. வாணிபச் சுழல்: தடையில்லா சந்தை முறையால் அதிக அளவு பொருளாதார ஏற்றத்தாழ்வு ஏற்பட்டு நெருக்கடி நிலை ஏற்படும்
5. அத்தியாவசியமில்லா பொருட்களை உற்பத்தி: இலாபத்தைப் பெறுவதற்காக தீங்கு விளைவிக்கும் பொருட்கள் கூட உற்பத்தி செய்ய வாய்ப்பு உள்ளது. 

1. நாணய மாற்று வீதத்தில் நிலைத்தன்மையை கொண்டு வருதல்
(i) ஐ.எம்.எஃப்-ன் முதல் மற்றும் முக்கிய பணி நாணய மாற்று வீதத்தை நிலைப்படுத்துதல்.
(ii) நாணய மதிப்பு குறைப்பை வலியுறுத்துதல் 
(iii) உறுப்பு நாடுகள் பன்முக மாற்று வீதங்களுக்கு செல்வதைத் தடுத்தல்.
2. அயல் நாட்டு செலுத்து சமமின்மையை சரிசெய்தல் 
உறுப்பு நாடுகளுக்கு அந்நிய செலாவணியை விற்பனை செய்தல் மற்றும் அவற்றை கடனாக வழங்கி, அயல்நாட்டு செலுத்து சமமின்மையை சரிசெய்தல்.
3. இணை மதிப்பை உறுதி செய்தல் 
உறுப்பு நாடுகள் அதன் நாணய மதிப்பினை தங்கள் அல்லது அமெரிக்க டாலர்கள் என்ற அடிப்படையில் உறுதி செய்ய வேண்டும்.
4. நாடுகளின் பணத்தேவையை அளிப்புக்கு சமமாகும் வகையில் பராமரித்தல் :
(i) உயர்வான தேவையுள்ள எந்த நாட்டுப் பணத்தையும் பற்றாக்குறையுள்ள பணம் என நிதியம் அறிவிக்கலாம்.
(ii) அந்த நாட்டிலிருந்து அவர்களின் பணத்தை கடன் வாங்கியோ தங்கத்தைக் கொடுத்து கொள்முதல் செய்தோ அளிப்பை நிதியம் உயர்த்தும்.
5. வாணிபத் தடைகளைக் குறைத்தல் :
இந்நிதியம் உறுப்பு நாடுகளால் விதிக்கப்படுகின்ற சுங்கவரி மற்றும் பிற வாணிபத் தடைகளைத் குறைப்பதன் மூலம் வாணிபத் தடைகளை குறைத்தல்.
6. கடன் வசதிகளை வழங்குதல் :
அடிப்படை கடன் வசதி, விரிவுபடுத்தப்பட்ட நிதி வசதி, ஈடுசெய் நிதி வசதி, கட்டமைப்பு சரிசெய்தல் ஆகிய கடன் வசதிகளை ஏற்படுத்தியுள்ளது.

உலக வங்கியின் பணிகள் : உறுப்பு நாடுகளின் பொருளாதார மேம்பாட்டுத் திட்டங்களுக்கு கடன் வழங்கும் பணியை உலக வங்கி செய்கிறது. இதற்காக நீண்ட கால கடன்களை வழங்குகிறது.
உற்பத்திக்கு ஊக்கமளிக்கும் முதலீட்டுக்கான கடன் உதவி:
உற்பத்திக்குக் கடன் முதலீடு வழங்கும் திட்டத்தின் மூலம் உறுப்பு நாடுகளின் நில எல்லைக்குட்பட்ட பகுதிகளின் மறுகட்டமைப்புக்கும் மேம்பாட்டுக்கும் உதவி செய்யும் பணியை உலக வங்கி செய்கிறது.
பன்னாட்டு வாணிகத்தின் சரிவிகித வளர்ச்சி:
1. பன்னாட்டு கடன் மூலதனம் வழங்கி உறுப்பு நாடுகள் அனைத்தும் சரிவிகித பன்னாட்டு வணிக நீண்டகால வளர்ச்சியடைய உதவும் பணியை வங்கி செய்கிறது.
2. இதன் விளைவாக உறுப்பு நாடுகளின் அயல்நாட்டுச் செலுத்துநிலை சமநிலையை அடையும்.
கடன் மற்றும் ஈட்டுறுதி வழங்குதல் :
முக்கியமான திட்டங்களுக்கு கடன் வழங்குவது, பிற வழிகளில் கடன் பெற ஈட்டுறுதி வழங்குவது ஆகிய பணிகளையும் வங்கி செய்கிறது.
வெளிநாட்டுத் தனியார் முதலீட்டிற்கு ஊக்கமளித்தல்:
1. தனியார் வெளிநாட்டு முதலீட்டாளர்கள் மூலம் உலக வங்கியின் உறுப்பு நாடுகளுக்கு கடன் வழங்க ஈட்டுறுதிகள் வழங்கும் பணியைச் செய்து வெளிநாட்டு மூலதனத்துக்கு ஊக்கமளிக்கிறது.
2. இந்தப் பணியின் மூலம் தனியார் மூலதனத்துடன் ஒன்று சேர்ந்து சொந்த நிதியிலிருந்து மட்டும் கடன் வழங்காமல் கடன் நிதியிலிருந்தும் கடன் வழங்க முடிகிறது.
தொழில்நுட்ப பணிகள் :
உலக வங்கி வாஷிங்டனில் அமைந்துள்ள பணியாளர் கல்லூரி நிபுணர்களைக் கொண்டு தொழில்நுட்ப ஆலோசனைகளையும் உறுப்பு நாடுகளுக்கு வழங்குகிறது.

அ. முதல்நிலைப் பணிகள் :
i)  பணம் ஓர் பரிமாற்றக் கருவியாக: இது பணத்தின் அடிப்படை பணியாகும். பணம் பொது ஏற்புத் தன்மையைக் கொண்டது. மேலும், இது அனைத்துப் பரிவர்த்தனைகளிலும் தவறாது இடம்பெறுகிறது.
ii) பணம் ஓர் மதிப்பின் அளவுகோலாக : பொருட்கள் மற்றும் பணிகளை மதிப்பளவை செய்வது பணத்தின் இரண்டாவது முக்கிய பணியாகும். ஆகவே, பணம் ஒரு பொது அளவுகோலாக பார்க்கப்படுகிறது.
ஆ. இரண்டாம் நிலைப் பணிகள்
i) பணம் ஒரு மதிப்பின் நிலைக்கலனாக: பண்டங்களைச் சேமிப்பாக வைத்திருந்தால் அது நிலைத்திருக்காது. ஆனால் பணம் கண்டுபிடிக்கப்பட்ட பின் பண்டங்களையும் பணிகளையும் சேமித்து வைப்பதில் உள்ள சிக்கல்கள் மறைந்துவிட்டன.
ii) பணம் வருங்காலச் செலுத்துதல்களுக்கான ஓர் அடிப்படை: பண்டமாற்று முறையில் கடன் வாங்குவதிலும் திருப்பிச் செலுத்துவதிலும் சிக்கல் நிறைந்திருந்தது. பணம் வருங்கால செலுத்துதல்களுக்கு இடையீட்டுக் கருவியாகச் செயல்படுகின்றது.
iii) பணம் வாங்கும்திறனை மாற்றிக் கொள்ளும் ஒரு கருவியாக : பொருளாதார வளர்ச்சியினை ஒட்டி பரிமாற்றம் விரிவடைந்து செல்கிறது.
இ. துணைப்பணிகள் :
i) கடனுக்கான அடிப்படை : கடன் முறைக்கு அடிப்படையாக பணம் அமைந்துள்ளது. வணிக வங்கிகள் வாடிக்கையாளர் கணக்குகளில் உள்ள ரொக்க இருப்பின் அளவை பொருத்தே கடன்களை உருவாக்குகின்றன.
ii) பணம் நாட்டு வருமானப் பங்கீட்டிற்கு உதவுகிறது: பண்டமாற்று முறையில் நாட்டு வருமானப் பங்கீடானது மிகச்சிக்கலான ஒன்றாகும். ஆனால், பணம் என்ற கருவி கண்டறியப்பட்ட பின் வாரம், கூலி, வட்டி, இலாபம் என காரணிகளுக்கான வருமானத்தை, அதாவது நாட்டு வருமானத்தை எளிதாகப் பகிர்ந்தளிக்க முடிகிறது.
iii) இறுதிநிலைப் பயன்பாடுகளையும், இறுதி நிலை உற்பத்தித் திறன்களையும் சமன் செய்திட பணம் பயன்படுகிறது: நுகர்வோர் தனது மொத்தப் பயன்பாட்டினை உச்சநிலைப்படுத்தும் நோக்கில் தாம் நுகரும் பல்வேறு பண்டங்களின் இறுதிநிலைப் பயன்பாடுகளை பணத்தின் துணையுடன் சமப்படுத்த வேண்டியதாகிறது.
iv) பணம் மூலதனத்தின் உற்பத்தித்திறனை உயர்த்துகிறது : மூலதனம் பல்வகை வடிவங்களில் காணப்படுகிறது. பணம் நீர்மைத் தன்மை கொண்ட ஒரு மூலதனமாகும்.
ஈ. இதர பணிகள் :
i)  திரும்பச் செலுத்தும் திறனை தக்கவைக்க பணம் உதவுகிறது: பணம் பொது ஏற்புத்தன்மை கொண்ட ஒரு சாதனமாகும். நிறுவனங்கள் தங்களின் செலுத்துதல்களை மேற்கொள்ள எப்பொழுதும் குறிப்பிட்ட அளவு ரொக்கப் பணத்தை தயார் நிலையில் வைத்திருக்கும்.
ii) பணம் பொதுமைப்படுத்தப்பட்ட வாங்கு திறனைக் குறிக்கிறது : எந்த குறிப்பிட்ட நோக்கத்திற்காக அந்த பணம் எனும் வாங்குதிறன் சேமித்து வைக்கப்பட்டதோ, அதை மட்டுமே வாங்க வேண்டும் என்ற அவசியம் இல்லை.
iii) பணம் மூலதனத்திற்கு நீர்மைத் தன்மையைத் தருகிறது : பணம் என்பது நீர்மைத் தன்மை கொண்ட ஒரு மூலதனமாகும். இதன் துணையுடன் அனைத்து இடு பொருட்களையும் வாங்குவதன் மூலம் எந்த ஒரு செய்பொருளையும் உற்பத்தி செய்ய இயலும்.

தன்மைகள்		முதலாளித்துவம்	சமத்துவம்	கலப்புத்துவம்
1.	உற்பத்தி மூலங்களின் உரிமை.	தனியார் வசம் உள்ளது.	பொதுத்துறை உரிமை.	தனியார் மற்றும் பொதுத்துறை உரிமை.
2.	பொருளாதார நோக்கம்.	லாபத்தின் உச்ச நோக்கம்.	சமூக நலன்.	சமூக நலன் மற்றும் லாபநோக்கம்.
3.	மைய பிரச்சனைகளின் தீர்வு.	தடையில்லா சந்தைமுறை.	மத்திய திட்டக்குழு முறை.	மத்திய திட்டக்குழு முறை மற்றும் தடையில்லா சந்தைமுறை.
4.	அரசின் பங்கு.	உள்ளீடு கட்டுப்பாடு மட்டும்.	முழுமையான உற்பத்தி கட்டுப்பாடு.	குறைவான பங்கு.
5.	வருவாய் பங்கீடு.	சமனற்ற நிலை பங்கீடு.	சமநிலை பங்கீடு.	குறையாத சமநிலையற்ற நிலை பங்கீடு.
6.	நிறுவன தன்மை.	தனியார் நிறுவனமாகும்.	அரசு நிறுவனமாகும்.	தனியார் மற்றும் அரசு நிறுவனங்கள் இணைந்து காணப்படுவது.
7.	பொருளாதார சுதந்திரம்.	முழுமையான சுதந்திரம் காணப்படும்.	சுதந்திரமின்மை காணப்படும்.	கட்டுப்பாடுகளுடன் கூடிய சுதந்திரம் காணப்படும்.
8.	முக்கிய பிரச்சனையாக காணப்படுவது	சமமின்மை நிலை காணப்படும்.	திறனின்மை நிலை காணப்படும்.	சமமின்மை மற்றும் திறனின்மை நிலை காணப்படும்.

1. பொருளாதார வளர்ச்சி, சமூக வளர்ச்சி, பண்பாட்டு மாற்றம் ஆகியவற்றை விரைவுப்படுத்துவது.
2. ஐ.நா சபையின் கொள்கைகளைக் கடைபிடித்து தென்கிழக்காசிய பகுதியில் அமைதி மற்றும் உறுதியான அரசியல் சூழ்நிலையை மேம்படுத்துவது.

1. கடன் உருவாக்கம் என்பது கடன்களையும், முன்பண அளிப்பினையும் அதிகரிக்கும் ஒரு செயல்.
2. மொத்த பண அளிப்பில் கடன் பணத்தின் அளவினை அதிகரிப்பது கடன் உருவாக்கம் ஆகும்.

1. அண்மையில் அறிமுகப்படுத்தப்பட்ட பணம் நெகிழிப் பணமாகும். இது நிதிப் பொருட்களின் வரிசையில் மிக முக்கியத்துவம் வாய்ந்த ஒரு தோற்றமாகும்.
2. நெகிழ்வுப் பணம்(Plastic Money) நடைமுறையில் உள்ள காகித பணத்திற்கு மாற்றாகும். தினந்தோறும் பயன்படுத்தும் வகையில் நெகிழி அட்டையில் உருவாக்கப்பட்டிருப்பதால் இது நெகிழிப் பணம் என்றழைக்கப்படுகிறது.
(உ.ம்) ரொக்க அட்டை, கடன் அட்டை, பற்று அட்டை போன்றவை ஆகும்.

நாட்டு வருமானத்தின் மாற்றத்திற்கும் முதலீட்டில் ஏற்படும் மாற்றத்திற்கும் உள்ள வீதத்தை பெருக்கி என வரையறுக்கலாம்.
\(\Delta I\)என்பது முதலீட்டில் அதிகரிப்பையும், \(\Delta Y\) என்பது வருமானத்தில் அதிகரிப்பையும் குறிக்கின்றது. எனவே,.
\(K=\frac { \Delta Y }{ \Delta I } \)

வருவாய்க்கும் நுகர்வுக்கும் உள்ள தொடர்பையே "நுகர்வுச் சார்பு" அல்லது "நுகர்வு நாட்டம்" என்கிறோம். இது "மொத்த நுகர்வு, மொத்த நாட்டு வருமானம் ஆகிய இரு ஒட்டுமொத்தத்திற்கிடையேயான சார்புத் தொடர்பாகும்."
இதனை = C = f (Y) எனலாம்.
இதில் C = நுகர்வு
Y = வருமானம்
f = சார்பு

NNP நிகர நாட்டு உற்பத்தி	NDP நிகர உள்நாட்டு உற்பத்தி
நிகர நாட்டு உற்பத்தி என்பது ஒரு ஆண்டின், பொருளாதாரத்தின் நிகர உற்பத்தியின் மதிப்பு ஆகும்.	நிகர உள்நாட்டு உற்பத்தி (NDP) என்பது ஓர் ஆண்டில் ஒரு நாட்டில் ஏற்படும் தேய்மானத்தைக் கழித்த பிறகு கிடைக்கும் நிகர உற்பத்தி ஆகும்.
NNP = GNP - தேய்மான கழிவு	நிகர உள்நாட்டு உற்பத்தி = GDP - தேய்மானம்.

அங்காடி விலையில் GNP என்பது C+I+G+ (X-M) + (R-P) 
அங்காடி விலையில் GNP =அங்காடி விலையில் GDP + வெளிநாட்டிலிருந்து கிடைக்கும் நிகர வருமானம்.

1. அதிக லாப வாய்ப்புள்ள துறைகளில் முதலீடு அதிகம் 
2. நாட்டுக்கு பொருத்தமற்ற தொழில்நுட்பத்தை புகுத்துகிறது 
3. முதலீடு திரும்பப் பெறும்போது அயல்நாட்டு செலுத்து சமமின்மை உண்டாகும்.
4. அரசியல் தலையீடு 
5. அறமற்ற வணிகம் 
6. சிறு மற்றும் குறு தொழில்கள் நசிவு 
7. முற்றுரிமை சூழல் 
8. வாணிக வீதம் பாதகமாதல் 

	NEFT	RTGS
1	தேசிய மின்னணு வழி பண பரிவர்த்தனை	நிகழ்நேர பெருந்திரள் தீர்வுகள்
2	தொகுப்பாக பரிமாற்றம் செய்யப்படுகிறது எனவே தாமதமாகும்.	நிகழ் நேரத்தில் பரிமாற்றம் எனவே, விரைவாகச் செயல்படும்
3	நேரம் காலை 8 மணி முதல் மாலை 6.30 மணி வரை (சனிக்கிழமை மதியம் 12.30 வரை மட்டுமே)	நேரம் காலை 9 மணி முதல் மாலை 4.30 மணி வரை (மாலை 1.30 வரை சனிக்கிழமைகளில்)
4	குறைந்தபட்ச அளவு கிடையாது	குறைந்தபட்ச அனுப்பும் தொகை 2 லட்சம்

1. உறுப்பு நாடுகளின் பொருளாதார மற்றும் நிதித் துறைகளில் ஒருங்கிணைத்து செயல்படுதல்.
2. புதிய வளர்ச்சி வங்கியை சீனாவின் ஷாங்காய் அலுவலகத்தில் ஆரம்பித்தது.
3. பொருளாதார பலம், மக்கள் தொகை உலக அளவில் ஆதிக்கம்.

தடையற்ற வாணிகப் பகுதி, சுங்கத்தீர்வை ஒன்றியம் பொது அங்காடி, பொருளாதார ஒன்றியம் ஆகிய வடிவங்களில் பொருளாதார ஒருங்கிணைப்பு நிகழ்கிறது.
தடையற்ற வாணிகப் பகுதி :
ஒப்பந்தத்தில் கையொப்பமிட்ட உறுப்பினர் நாடுகள் அனைத்தும் ஒரே மண்டலமாகக் கருதி வாணிகத்தடைகளைக் குறைக்க ஒத்துழைக்கும்.
(எ.கா): SAFTA, EFTA
சுங்கவரி ஒன்றியம் :
உறுப்பினர்களுக்கு இடையிலான வாணிகத்தில் வரி விதிக்காமலும் உறுப்பினர் அல்லாதவர்களுடனான வாணிகத்தில் பொது வரிவிதித்தும் ஒத்துழைக்கும் அமைப்பே சுங்கவரி ஒன்றியம் எனப்படுகிறது.
(எ.கா): BENELUX
பொது அங்காடி :
புவியின் ஒரு குறிப்பிட்ட பகுதியில் அமைந்துள்ள நாடுகள் தடையற்ற வாணிகம் மற்றும் உற்பத்திக் காரணிகள் இடப்பெயர்வுக்காகவும் அமைக்கும் அமைப்பே பொது அங்காடி.
(எ.கா): ஐரோப்பிய பொது அங்காடி.
பொருளாதார ஒன்றியம் :
பொது அங்காடியையும் சுங்கவரி ஒன்றியத்தையும் ஒன்றிணைத்து உருவாக்கப்படும் அமைப்பே பொருளாதார ஒன்றியம்.
பண்டங்கள் உற்பத்தி, பணிகள் உற்பத்தி, பண்டங்கள், பணிகள், காரணிகள் இடம்பெயர்வு பொதுவான உறுப்பினரல்லாத நாடுகள் வாணிகத்தின் மீது வரி ஆகிய அனைத்தும் பொருளாதார ஒன்றியத்தில் இடம்பெறும்.
(எ.கா) -ஐரோப்பிய பொருளாதார ஒன்றியம்.

பணமதிப்பு நீக்கம் : பணமதிப்பு நீக்கம் என்பது அரசின் சட்டப்படியான பணத்தொகுப்பிலிருந்து குறிப்பிட்ட அலகிலான பணத்தின் மதிப்பைச் செல்லாது என அறிவிக்கும் செயலாகும்.
பணமதிப்பு நீக்கத்தின் நோக்கங்கள் :
1. கருப்புப் பணத்தை ஒழிப்பது.
2. இலஞ்சத்தைத் தடுப்பது.
3. தீவிரவாதத்திற்குப் பணம் செல்வதை தடுப்பது
4. கள்ளப் பணத்தைத் தடுப்பது ஆகியன.

1. மிகைப் பெருக்கி எளிய பெருக்கியை விட சிறந்ததாகும். ஏனெனில் எளிய பெருக்கி தன்னிச்சை முதலீட்டை மட்டும் உள்ளடக்கி இருக்கும். ஆனால் மிகைப் பெருக்கி தன்னிச்சை முதலீடு மற்றும் தூண்டப்பட்ட முதலீடு ஆகிய இரண்டையும் கொண்டிருக்கும். 
2. ஆரம்ப முதலீட்டினால் வருமானத்தில் ஏற்படும் மொத்த விளைவை அறிய ஹிக்ஸ் K மற்றும் B ஐ இணைத்து மிகைப் பெருக்கி என்பதை கணித ரீதியில் உருவாக்கினார். 
3. மிகைப் பெருக்கியானது தூண்டப்பட்ட நுகர்வு, தூண்டப்பட்ட முதலீடு ஆகியவை இணைந்து செயல்படுவதாகும்.
 

தனிமனிதர் வருமானம்	செலவிடக்கூடிய வருமானம்
1. தனிமனிதர் வருமானம் என்பது ஒரு ஆண்டில் ஒரு நாட்டில் வாழும் ஒவ்வொரு தனிமனிதருக்கும் பல வழிகளில் இருந்து கிடைக்கப் பெறும் மொத்த வருமானம் ஆகும்.	செலவிடக்கூடிய வருமானம் என்பது தனிமனிதர் செலவிடக்கூடிய வருமானத்தைக் குறிக்கிறது.
2. வட்டியாகவோ, வாரமாகவோ, கூலியாகவோ இருக்கலாம். இவை அனைத்தையும் ஒவ்வொரு தனிமனிதருக்கும் கூட்டினால் அது தனிமனிதர் வருமானம் ஆகும்.	இந்த வருமானம் தான் தனிமனிதர்கள் நுகர்வுக்காக செலவிடக்கூடிய பண அளவு ஆகும்.
3. சூத்திரம்: தனிமனிதர் வருமானம் = நாட்டு வருமானம் - (சமூக பாதுகாப்பு பங்களிப்பு மற்றும் பகிரப்படாத கார்ப்பரேட் இலாபம்) மாற்று செலுத்துதல்கள்.	சூத்திரம் : செலவிடக்கூடிய வருமானம் = தனிமனிதர் வருமானம் - நேர்முக வரிகள்.