வைரம் வரையறு நிறுமம் ஒன்று ரூ.10 வீதம் 60,000 பங்குகளை ரூ.2 முனைமத்தில் பின்வரும் செலுத்துதலுக்கேற்ப வெளியிட்டது.

அனைத்துப் பங்குகளும் ஏற்கப்பட்டன. சரிதாவின் 100 பங்குகளுக்கான ஒதுக்கீடு, முதலாவது அழைப்பு மற்றும் இறுதி அழைப்பிற்கான தொகை தவிர, ஏனைய அனைத்தும் பெறப்பட்டன. அவருடைய பங்குகள் ஒறுப்பிழப்பு செய்யப்பட்டன. ஒறுப்பிழப்பு செய்யப்பட்ட அனைத்து பங்குகளும் பரிமளா என்பவருக்கு பங்கு ஒன்று ரூ.7 வீதம் மறுவெளியீடு செய்யப்பட்டன. குறிப்பேட்டுப் பதிவுகள் தரவும்.

கஸ்தூரி வரையறு நிறுமம் ரூ.10 மதிப்புள்ள 20,000 நேர்மைப் பங்குகளை ரூ.2 முனைமத்தில் வெளியிட்டது. 30,000 பங்குகளுக்கான விண்ணப்பதாரர்களுக்கு விகித அளவு அடிப்படையில் ஒதுக்கீடு செய்தது. ரூ.3 விண்ணப்பத்தின் மீதும், ரூ.5 ஒதுக்கீட்டின் மீதும் (முனைமம் ரூ.2 உள்பட), ரூ.2 முதல் அழைப்பின் மீதும் மற்றும் ரூ.2 இறுதி அழைப்பின் மீதும் செலுத்தப்பட வேண்டும். சுபின் என்னும் பங்குதாரர் தன்னுடைய 500 பங்குகளுக்கான முதலாவது மற்றும் இறுதி அழைப்பிற்கான தொகையினை கட்டத் தவறினார். அவரது பங்குகள் ஒறுப்பிழப்பு செய்யப்பட்டன. அதில், 400 பங்குகள் ஒன்று ரூ.8 வீதம் மறுவெளியீடு செய்யப்பட்டன. தேவையான குறிப்பேட்டுப் பதிவினைத் தரவும்

யுனைடட் இண்டஸ்ட்ரிஸ் வரையறு நிறுமம் ரூ.10 மதிப்பிலான நேர்மைப் பங்குகளை 10% முனைமத்தில் வெளியிட்டது. விண்ணப்பத்தின் மீது ரூ.3, ஒதுக்கீட்டின் மீது (முனைமம் உள்பட) ரூ.4, முதலாவது அழைப்பின் மீது ரூ.2 மற்றும் இறுதி அழைப்பின் மீது ரூ.2 என தொகை செலுத்தப்பட வேண்டும்.
பின்வரும் நடவடிக்கைகளின் சூழ்நிலைகளுக்கேற்ப ஒறுப்பிழப்பு குறிப்பேட்டுப் பதிவினைத் தரவும்.
(i) 250 பங்குகள் வைத்துள்ள மனோஜ் இரண்டாவது மற்றும் இறுதி அழைப்பினை செலுத்தத் தவறியதால், அவருடைய பங்குகள் ஒறுப்பிழப்பு செய்யப்பட்டன.
(ii) 250 பங்குகள் வைத்துள்ள மனோஜ் ஒதுக்கீட்டு, முதலாவது மற்றும் இறுதி அழைப்பினை செலுத்தத் தவறியதால், அவருடைய பங்குகள் ஒறுப்பிழப்பு செய்யப்பட்டன.
(iii) 250 பங்குகள் வைத்துள்ள மனோஜ் ஒதுக்கீடு மற்றும் முதலாவது அழைப்பினை, செலுத்தத் தவறியதால் முதலாவது அழைப்பிற்கு பின் அவரது பங்குகள் ஒறுப்பிழப்பு செய்யப்பட்டன

பாரடைஸ் வரையறு நிறுமம், ரூ.4,40,000 மதிப்புள்ள சொத்துகளை சுகுணா அறைகலன் வரையறு நிறுவனத்திடமிருந்து வாங்கியது. இதற்குப் பதிலாக ரூ.10 மதிப்புள்ள முழுவதும் செலுத்தப்பட்ட பங்குகளை செலுத்தி நிறைவு செய்தனர். பின்வரும் சூழலுக்கான பதிவுகளைத் தரவும்.
அ) பங்குகளை முகமதிப்பில் வெளியிட்டால்
ஆ) பங்குகளை 10% முனைமத்தில் வெளியிட்டால்

அப்துல் வரையறு நிறுமம் ரூ.10 மதிப்புள்ள 50,000 நேர்மைப் பங்குகளை, வெளியிட்டது. அனைத்துத் தொகையும், விண்ணப்பத்துடன் செலுத்துமாறு பின்வரும் நிலைகளில் குறிப்பேட்டுப் பதிவினைத் தரவும்.
(i) பங்குகளை முகமதிப்பில் வெளியிட்டால்
(ii) பங்கொன்று ரூ.2 முனைமத்தில் வெளியிட்டால்