(i) சில உலோக அயனிகளை அணைவுச் சேர்மமாக்குவதன் மூலம் துல்லியமாக அளந்தறியலாம்.
(ii) (எ.கா) நிக்கல் குளோரைடில் உள்ள Ni²⁺ அயனியானது, ஆல்கஹாலில் கரைக்கப்பட்ட டைமீத்தைல் கிளையாக்ஸைம் உடன் வினைப்படுத்தப்பட்டு [Ni(DMG)₂] என்ற கரையாத அணைவுச் சேர்மமாக மாற்றப்பட்டு துல்லியமாக அளந்தறியப்படுகிறது.
(iii) EDTA என்பது ஒரு கொடுக்கினைப்பு ஈனி. இது பருமனறி பகுப்பாய்வின் மூலம் அநேக உலோக அயனிகளை அளந்தறிய பயன்படுகிறது. (எ.கா): Zn²⁺, Pb²⁺, Ca²⁺, Co²⁺, Ni²⁺, Cu²⁺
(iv) ஒன்றுக்கு மேற்பட்ட உலோக அயனிகள் உள்ள கரைசலில் ஒரு உலோகத்தை அளந்தறியும் போது, மற்றொரு உலோக அயனி குறுக்கிடாமல் தடுக்கும் மறைப்புக் காரணியாக EDTA பயன்படுகிறது.

(அ) i) Al₂O₃ உருவாதல் மற்றும் MgO உருவாதல் எலிங்கம் வரைபடம் சுமார் 1500°C அளவில் வெட்டுகின்றன. இவ்வெப்பநிலைக்கு மேல், MgO-வரைபடமானது அலுமினியம் வரைபடத்திற்கு மேலுள்ளது. எனவே 1500°Cக்கு மேல் அலுமினியம் ஆனது மெக்னீசியாவை ஒடுக்கும் என எதிர்பார்க்கலாம்.
ii) MgO உருவாதலின் எலிங்கம் வரைபடம், Al₂O₃ ஐவிட MgO அதிக நிலைப்புத் தன்மை உடையது. எனவே அலுமினாவை மெக்னீசியம் ஒடுக்கும்.
ஆ) ஏறத்தாழ 1200K வெப்பநிலையில் Fe₂O₃ யைக் கார்பனைக் கொண்டு ஒடுக்க இயலுமா?
ஏறத்தாழ 1200K வெப்பநிலையில், கார்பனின் எலிங்கம் வரைபடம், Fe₂O₃ உருவாதலின் வரை படத்தை விட கீழே உள்ளது. எனவே 1200Kல் Fe₂O₃ ஐ கார்பனைக் கொண்டு ஒடுக்க இயலும்.

\(\begin{aligned} \left(\mathrm{E}_{\mathrm{ox}}^0\right)_{\mathrm{FFe}^{2+}}=+0.44 \mathrm{~V} \end{aligned}\)
\(\begin{aligned} \left(\mathrm{E}_{\mathrm{red}}^0\right)_{\mathrm{Cu}^{2+} |\mathrm{Cu}}=+0.34 \mathrm{~V} \end{aligned}\)
இந்த +Ve emf மதிப்புகள் இரும்பு ஆக்ஸிஜனேற்றமடைகிறது எனவும் காப்பர் ஒடுக்கமடைகிறது எனவும் தெரிவிக்கின்றன. (எனவே) இரும்புக் கலனில் காப்பர் சல்பேட்டை சேமித்து வைக்க இயலாது.

\(\mathrm{HClO}_4 \rightleftharpoons \mathrm{H}^{+}+\mathrm{ClO}_4^{-}\)
ப்ரான்ஸ்டட் அமிலம் புரோட்டான் இணைகாரம் HCIO₄ ஆனது ஒரு புரோட்டானை வழங்கவல்லது. எனவே HCIO₄ ஓர் அமிலம். அதன் இணைகாரம் CIO₄^-ஆகும்.

இப்படிகங்களில் அடிப்படை அமைப்பு அலகுகளாக நேர் அயனிகள் மற்றும் எதிர் அயனிகள் காணப்படுகின்றன. இவைகள் வலிமையான நிலைமின்னியல் கவர்ச்சி விசையால் ஒன்றோடொன்று இறுக்கமாகப் பிணைத்து வைக்கப்பட்டுள்ளன. இந்த நிலைமின்னியல் கவர்ச்சி விசையானது பெருமமாக அமையும் வகையில் நேர் அயனியைச் சுற்றிலும் அதிகபட்சமாக எத்தனை எதிர் அயனிகள் இருக்க வாய்ப்புள்ளதோ அந்த அளவிற்கு அயனிகள் காணப்படுகின்றன. இதன் மறுதலையும் உண்மை.
எனவே அயனிப்படிகங்கள் கடினமாகவும், உடையும் தன்மை உடையதாகவும் உள்ளன.

சூடான மின்னிழைகளில் ஆக்சிஜனேற்றம் ஏற்படுவதை ஆர்கான் தடுக்கிறது. இதனால் பல்புகளில் காணப்படும் மின்னிழைகளில் ஆயுள் நீடிக்கப்படுகிறது.

உலோகப் பண்பு, ஒரு தொகுதியில் மேலிருந்து கீழாக செல்லும்போது அயனியாக்கும் ஆற்றல் மதிப்பு குறைகிறது. இதனால் உலோகப்பண்பு அதிகரிக்கிறது.

1. மோதல் கொள்கையானது வாயுக்களின் இயக்கவியற்கொள்கையை அடிப்படையாகக் கொண்டது.
2. இக்கொள்கையின்படி, வினைபடு பொருட்களின் மூலக்கூறுகளுக்கிடையே மோதல் நிகழ்வதால் வேதி வினைகள் நிகழ்கின்றன.
\(\mathrm{A}_2(\mathrm{~g})+\mathrm{B}_2(\mathrm{~g}) \rightarrow 2 \mathrm{AB}(\mathrm{g})\)
3. A₂ மற்றும் B₂ ஆகிய மூலக்கூறுகளுக்கிடையே நிகழும் மோதலின் காரணமாக அவைகளுக்கிடையே வேதி வினை நிகழ்வதாக நாம் கருதினால், அவ்வினையின் வேகமானது ஒரு வினாடியில் அம்மூலக்கூறுகளுக்கிடையே நடைபெறும் மோதல்களின் எண்ணிக்கைக்கு நேர் விகிதத்திலிருக்கும்.
4. வினைவேகம் \(\infty\) ஒரு லிட்டர் கன அளவில் ஒரு வினாடியில் மோதலுறும் மூலக்கூறுகளின் எண்ணிக்கை (மோதல் வீதம்)
5. மோதல்களின் எண்ணிக்கையானது A₂ மற்றும் B₂ ஆகியனவற்றின் செறிவுகளுக்கு நேர்விகிதத்திலிருக்கும்.
மோதல் வீதம் \(\infty\) [A₂][B₂]
மோதல் வீதம் = Z[A₂][B₂]
இங்கு Z என்பது மாறிலி
5. வாயுக்களில் மோதல் வீதத்தினை வாயுக்களின் இயக்கவியற் கொள்கையின் அடிப்படையில் கணக்கிட இயலும். அறை வெப்பநிலை (298 K) ல் 1 atm மற்றும் அழுத்தத்தில் ஒவ்வொரு மூலக்கூறும் ஒரு வினாடியில் 10⁹ மோதல்களுக்கு உட்படுவதாகக் கருதினால் அதாவது 10^-9 வினாடியில் 1 மோதல் நடப்பதாகக் கருதுவோம்.
6. ஒவ்வொரு மோதலும் வினை நிகழ காரணமாக அமையுமேயானால் வினையானது 10⁹ வினாடியில் நிறைவடைந்திருக்க வேண்டும். ஆனால் நடைமுறையில் இவ்வாறு நிகழ்வதில்லை. இதிலிருந்து அனைத்து மோதல்களும் வினை நிகழ காரணமாக அமைவதில்லை என அறிய முடிகிறது.
7. வினை நிகழ வேண்டுமெனில், மோதலுறும் மூலக்கூறுகள் ஒரு குறிப்பிட்ட அளவு குறைந்தபட்ச ஆற்றலைப் பெற்றிருக்க வேண்டும் அவ்வாற்றல் கிளர்வு ஆற்றல் என அழைக்கப்படுகிறது.
கிளர்வு ஆற்றலை விட குறைவான ஆற்றலைக் கொண்டுள்ள மூலக்கூறுகளுக்கிடையே மோதல் நிகழும் போது அவைகள் எவ்வித மாற்றங்களுக்கும் உட்படுவதில்லை ஆதலால் அம்மோதலின் காரணமான வினையேதும் நிகழ்வதில்லை.
8. வினைநிகழ காரணமாக அமையும் மோதல்களின் விகிதம் (f).
\(f=e^{\frac{-E a}{R T}}\)
இங்கு (f) என்பது மோதல் காரணி எனப்படுகிறது.
9. இதன் எண் மதிப்பின் அளவினை புரிந்து கொள்ளும் பொருட்டு 300 K வெப்பநிலையில் 100 KJ mol^-1 கிளர்வு ஆற்றலுடைய ஒரு வினைக்கு f ன் மதிப்பை கணக்கிடுவோம்
\(f=e^{\left(\frac{100 \times 10^3 / \mathrm{mol}^{-1}}{8.314 \mathrm{JK}^{-1} \times 300 \mathrm{Kol}^{-1}}\right)}=\mathrm{e}^{-40} \approx 4 \times 10^{-18}\)
10. எனவே, 10¹⁸ மோதல்கள் நிகழும் போது நான்கு மோதல்கள் மட்டுமே வினைபடுபொருட்களை வினைவிளைபொருளாக மாற்றுவதற்குத் தேவையான ஆற்றலைப் பெற்றுள்ளன. இந்த விகிதமானது வினைபடுபொருட்களின் திசைப்போக்கினைப் (Orientation) பொருத்து மேலும் குறையும் அதாவது வினைபடு பொருட்கள் வினை நிகழத் தேவையான ஆற்றலைப் பெற்றிருந்தாலும் வினை இடைநிலை உருவாக சாதகமான திசைப் போக்கில் வினைபடு பொருட்களின் மோதல் நிகழ்ந்தால் மட்டுமே அவை வினைபுரியும்.

11. தகுந்த திசைப்போக்குடன் அமைந்துள்ள வினை நிகழ காரணமாக உள்ள மோதல்களின் எண்ணிக்கையை இட அமைவக் காரணி p தருகிறது.
வினைவேகம் = \(\mathrm{px}^{\frac{-E_2}{R T}} \times \mathrm{Z}\left[\mathrm{A}_2\right]\left[\mathrm{B}_2\right]\)
வினைவேகம் \(=\mathrm{k}\left[\mathrm{A}_2\right]\left[\mathrm{B}_2\right]\)
இங்கு k என்பது வினைவேக மாறிலி சமன்பாடு (1) மற்றும் (2) ஐ ஒப்பிட, வினைவேக மாறிலி k ஆனது
\(\mathrm{k}=\mathrm{pZe}^{\frac{-E_{\mathrm{A}}}{\mathrm{RT}}}\)

1. பெரும்பாலான தனிமங்கள் முதன்மை இணைதிறன் மற்றும் இரண்டாம் நிலை இணைதிறன் ஆகிய இரு இணைதிறன் ஆகிய இரு இணைதிற மதிப்புகளைப் பெற்றுள்ளன. ஒவ்வொரு தனிமமும் இவ்விரு இணை திறன்களை நிறைவு செய்ய முற்படுகின்றன. தற்போது முதன்மை இணை திறனானது உலோக அயனியின் ஆக்சிஜனேற்ற எண் எனவும், இரண்டாம் நிலை இணைதிறன், அணைவு எண் எனவும் அழைக்கப்படுகின்றன. எடுத்துக்காட்டாக, வெர்னரின் கூற்றுப்படி கோபால்டின் முதன்மை மற்றும் இரண்டாம் நிலை இணைதிற மதிப்புகள் முறையே 3 மற்றும் 6 ஆகும்.
2. பெரும்பாலான நேர்வுகளில், முதன்மை இணைதிற மதிப்பானது நேர்குறியுடையது மேலும் சில நேர்வுகளில் பூஜ்யமதிப்புடையது. இவைகள் எப்போதும் எதிர் மின்சுமையுடைய அயனிகளால் நிறைவு செய்யப்படுகின்றன. எடுத்துக்காட்டாக, CoCI₃.6NH₃ ல் Co ன் முதன்மை இணைதிறன் +3 மேலும் இது 3CI^- அயனிகளால் நிறைவு செய்யப்படுகிறது.
3. இரண்டாம் நிலை இணை திறனானது எதிர் அயனிகள், நடுநிலை மூலக்கூறுகள், நேர் அயனிகள் போன்றவற்றால் நிறைவு செய்யப்படுகிறது. எடுத்துக்காட்டாக, CoCl₂.6NH₃ல் கோபால்டின் இரண்டாம் நிலை இணைதிறன் 6 இது ஆறு நடுநிலை அம்மோனியா மூலக்கூறுகளால் நிறைவு செய்யப்படுகிறது. மாறாக, CoCl₃.5NH₃ ல் கோபால்டின் இரண்டாம் நிலை இணை திறனானது ஐந்து நடுநிலை அம்மோனியா மூலக்கூறுகள் மற்றும் ஒரு Cl^- அயனியால் நிறைவு செய்யப்படுகிறது.
4. வெர்னரின் கூற்றுப்படி, ஒரு அணைவுச் சேர்மத்தில் மைய உலோக அயனியைச் சுற்றி இரு விதமான ஈர்ப்பு தன்மை உடைய கோளங்கள் காணப்படுகின்றன. உட்புறமுள்ள கோளமானது அணைவுக்கோளம் என அழைக்கப்படுகிறது. மேலும் இக்கோளத்தில் இடம் பெற்றுள்ள தொகுதிகள் உலோகத்துடன் வலிமையாகப் பிணைக்கப்பட்டுள்ளன. வெளியே அமைந்துள்ள கோளம், அயனியாகும் கோளம் எனப்படுகிறது. இக்கோளத்தில் இடம் பெற்றுள்ள தொகுதிகள், மைய உலோக அயனியுடன் வலுவற்ற நிலையில் பிணைக்கப்பட்டுள்ளன. எனவே, அணைவுச் சேர்மத்தினைச் தகுந்த கரைப்பானில் கரைக்கும் போது இத்தொகுதிகள் அயனிகளாகப் பிரிகையுறுகின்றன.
5. முதன்மை இணைதிறனுக்கு திசைப் பண்பு இல்லை. ஆனால் இரண்டாம் நிலை இணை திறன் திசைப் பண்பினைப் பெற்றுள்ளது.
இரண்டாம்நிலை இணைதிறன் வடிவம் 4 நான்முகி வடிவம்/ தளசதுர வடிவம் 6 எண்முகி வடிவம் 

வ.எண்:	லாந்தனைடுகள்	ஆக்டினாய்டுகள்
1.	வேறுபடுத்தும் எலக்ட்ரான் 4f ஆர்பிட்டாலில் சேர்க்கிறது	வேறுபடுத்தும் எலக்ட்ரான் 5f ஆர்பிட்டாலில் சேர்க்கிறது.
2.	4f ஆர்பிட்டாலில் பிணைப்பு ஆற்றல் அதிகம்	5f ஆர்பிட்டாலில் பிணைப்பு ஆற்றல் குறைவு
3.	இவைகளில் அணைவுச் சேர்மங்களை உருவாக்கும் தன்மை குறைவு.	இவற்றின் அணைவுச் சேர்மங்களை உருவாக்கும் தன்மை அதிகம்.
4.	பெரும்பாலான லாந்தனாய்டுகள் நிறமற்றவை	பெரும்பாலான ஆக்டினாய்டுகள் நிறமுடையவை (U3+ சிவப்பு, U4+ பச்சை, UO22+ மஞ்சள்)
5.	இவைகள் ஆக்சோ நேரயனிகளை உருவாக்குவதில்லை.	இவைகளின் ஆக்சோ நேரயனிகளை உருவாக்குகின்றன. UO22+, NpO22+
6.	லாந்தனாய்டுகள் சில நேர்வுகளில் +3 ஆக்சிஜனேற்ற நிலையுடன், +2 ஆக்சிஜனேற்ற நிலைகளையும் பெற்றுள்ளன.	ஆக்டினாய்டுகள் +3 ஆக்சிஜனேற்ற நிலையுடன் +4, +5, +6 மற்றும் +7 போன்ற உயர் ஆக்சிஜனேற்ற நிலைகளை பெற்றுள்ளன.