ஒரு வலிமை மிகு அமிலம் HCI மற்றும் ஒரு வலிமை குறைந்த காரம் NH₄OH ஆகியவை வினைபுரிந்து NH₄Cl உப்பு மற்றும் நீர் ஆகியவை உருவாகும் வினையை கருதுவோம்.
\(\begin{array}{r} \mathrm{HCl}(\mathrm{aq})+\mathrm{NH}_4 \mathrm{OH}(\mathrm{aq}) \rightleftharpoons \mathrm{NH}_4 \mathrm{Cl}(\mathrm{aq})+\mathrm{H}_2 \mathrm{O}(1) \mathrm{NH}_4 \mathrm{Cl}(\mathrm{aq}) \rightarrow \mathrm{NH}_4^{+}+\mathrm{Cl}^{-}(\mathrm{aq}) \end{array}\)
NH₄⁺ அயனியானது, NH₄OH எனும் வலிமை குறைந்த காரத்தின் இணைஅமிலமாகும். மேலும், இது நீரிலிருந்து உருவாக்கப்பட்ட OH- அயனியுடன் வினைபுரிந்து அயனியுறா NH₄OH காரத்தை உருவாக்கும் திறனைப் பெற்றுள்ளது.
\(\mathrm{NH}_{4(\mathrm{aq})}^{+}+\mathrm{H}_2 \mathrm{O}_{(\mathrm{l})} \rightleftharpoons \mathrm{NH}_4 \mathrm{OH}_{(\mathrm{aq})}+\mathrm{H}_{(\mathrm{aq})}^{+}\)
இத்தகைய திறனை CI அயனி பெறவில்லை, எனவே [H⁺] > [OH^-]; கரைசலானது அமிலத்தன்மையை பெற்றுள்ளது, மேலும் அதன் pH மதிப்பு 7 ஐவிட குறைவாக உள்ளது.
வலிமைமிகு காரம் மற்றும் வலிமை குறைந்த அமிலத்தின் உப்பு நீராற்பகுத்தலில் விவாதிக்கப்பட்டதைப் போன்றே, இந்த நேர்விலும், k_h மற்றும் K_b க்கு இடையேயுள்ள தொடர்பை நம்மால் நிறுவ முடியும்.
K_h.K_b = Kw
(அல்லது)
\(\begin{aligned} \mathrm{k}_{\mathrm{h}}=\frac{\mathrm{K}_{\mathrm{w}}}{\mathrm{k}_{\mathrm{b}}} \end{aligned}\)
\(\begin{aligned} \mathrm{NH}_4^{+}(\mathrm{aq})+\mathrm{H}_2 \mathrm{O} \rightleftharpoons \mathrm{NH}_4 \mathrm{OH}(\mathrm{aq})+\mathrm{H}^{+}(\mathrm{aq}) \end{aligned}\)
(1-h)                                    (h)                        (h)
\(\begin{aligned} \mathrm{K}_{\mathrm{h}} & =\frac{\left[\mathrm{NH}_4 \mathrm{OH}\right]\left[\mathrm{H}^{+}\right]}{\left[\mathrm{NH}_4^{+}\right]} \\ \end{aligned}\)
\(\begin{aligned} =\frac{\mathrm{hc} \times \mathrm{hc}}{(1-\mathrm{h}) \mathrm{c}} \end{aligned}\)
\(\begin{aligned} K_h=\frac{h^2 \mathrm{c}}{1-\mathrm{h}} \end{aligned}\)
h<< 1 எனில் Kh \( \simeq\) h²c
\(h^2=\frac{K_h}{C}\)  (அல்லது) \(h=\sqrt{\frac{K_h}{C}}\) (அல்லது) \(\mathrm{h}=\sqrt{\frac{\mathrm{K}_{\mathrm{w}}}{\mathrm{K}_{\mathrm{b}} \cdot c}}\)
மேலும்
\(\left[\mathrm{H}^{+}\right]=\sqrt{\mathrm{Kh} . c}\)  (அல்லது)\( \left[\mathrm{H}^{+}\right]=\sqrt{\frac{\mathrm{K}_{\mathrm{w}} \cdot \mathrm{c}}{\mathrm{K}_{\mathrm{b}}}}\)

(i ) வலிமை குறைந்த மின்பகுளியுடன், ஒரு பொது அயனியை கொண்டுள்ள உப்பை (CH₃COONa) சேர்க்கும்போது அந்த வலிமை குறைந்த மின்பகுளியின் (CH₃COOH) பிரிகையடைதல் குறைகிறது. இது பொது அயனி விளைவு என்றழைக்கப்படுகிறது.
விளக்கம்:
ஒரு வலிமை குறைந்த அமிலத்தின் உப்பை, அதே அமிலத்துடன் சேர்க்கும்போது, அந்த அமிலத்தின் பிரிகைவீதம் மேலும் குறைகிறது. எடுத்துக்காட்டாக, அசிட்டிக் அமில கரைசலுடன் சோடியம் அசிட்டேட்டை சேர்க்கும்போது, ஏற்கனவே குறைந்தளவு பிரிகையடைந்துள்ள அசிட்டிக் அமிலத்தின் பிரிகை வீதமானது மேலும் குறைக்கப்படுகிறது. இந்நேர்வில், CH₃COOH மற்றும் CH₃COONa ஆகிய இரண்டும் CH₃COO - எனும் பொது அயனியை பெற்றுள்ளன.
காரணம்: அசிட்டிக் அமிலம் ஒரு வலிமை குறைந்த அமிலமாகும். இது நீர்க்கரைசலில் முழுமையாக பிரிகையடைவதில்லை. எனவே, பின்வரும் சமநிலை உருவாகிறது.
\(\mathrm{CH}_3 \mathrm{COOH}(\mathrm{aq}) \rightleftharpoons \mathrm{H}^{+}(\mathrm{aq}) \mathrm{CH}_3 \mathrm{COO}^{-}(\mathrm{aq})\)
எனினும், சேர்க்கப்பட்ட சோடியம் அசிட்டேட் உப்பானது முழுமையாக பிரிகையடைந்து Na⁺ மற்றும் CH₃COO - அயனிகளை உருவாக்குகின்றன.
\(\mathrm{CH}_3 \mathrm{COONa}(\mathrm{aq}) \rightarrow \mathrm{Na}^{+}(\mathrm{aq})+\mathrm{CH}_3 \mathrm{COO}^{-}(\mathrm{aq})\)
எனவே, ஒட்டுமொத்த CH₃COO- அயனிச் செறிவு அதிகரிக்கிறது, மேலும், அமில பிரிகையடைதல் சமநிலை பாதிக்கப்படுகிறது. லீ-சாட்லியர் கொள்கைப்படி, சமநிலையில் உள்ள ஒரு அமைப்பின்மீது ஏதேனும் ஒரு பாதிப்பினை ஏற்படுத்தும்போது, அந்த சமநிலை அமைப்பானது தன்னைத்தானே சரிசெய்து கொண்டு பாதிப்பின் விளைவை பூஜ்ஜியமாக்கிக் கொள்ளும் என்பது நாமறிந்ததே. எனவே, சமநிலையை பராமரிக்கும் பொருட்டு, அதிகப்படியாக உள்ள CH₃COO - அயனிகள் H⁺ அயனிகளுடன் இணைந்து அதிக அயனியுறா தன்மைகொண்ட CH₃COOH ஆக மாறுகிறது. சமநிலையானது இடதுபுறமாக நகருகிறது. CH₃COOH அமிலத்தின் பிரிகையாதல் குறைக்கப்படுகிறது.

அமிலம் என்பது மற்றொரு பொருளுக்கு ஒரு புரோட்டானை வழங்கக்கூடிய ஒரு பொருளாகும். காரம் என்பது மற்றொரு பொருளிலிருந்து ஒரு புரோட்டானை ஏற்கக்கூடிய ஒரு பொருளாகும். அதாவது, அமிலம் என்பது ஒரு புரோட்டான் வழங்கி மற்றும் காரம் என்பது ஒரு புரோட்டான் ஏற்பி.
ஹைட்ரஜன் குளோரைடை நீரில் கரைக்கும்போது, அது, நீர் மூலக்கூறுக்கு ஒருபுரோட்டானை வழங்குகிறது. அதாவது, HCl ஒரு அமிலமாகவும், H₂O ஒரு காரமாகவும் நடந்துகொள்கின்றன. அமிலத்திலிருந்து காரத்திற்கு புரோட்டான் மாற்றப்படும் நிகழ்வை பின்வருமாறு குறிப்பிடலாம்.
HCl + H₂O \(⇌\) H₃O⁺ +Cl^-
அம்மோனியாவை நீரில் கரைக்கும்போது, அது நீரிலிருந்து ஒரு புரோட்டானை ஏற்றுக்கொள்கிறது. இந்த நேர்வில், அம்மோனியா (NH₃) மூலக்கூறு ஒரு காரமாகவும், H₂O மூலக்கூறு அமிலமாகவும் செயல்படுகின்றன. வினையானது பின்வருமாறு குறிப்பிடப்படுகிறது.
H₂O + NH₃ \(⇌\) NH₄⁺ + OH^-
இதன் மறுதலை வினையை பின்வரும் சமநிலையில் கருதுவோம்.

H₃O⁺ஆனது CI - க்கு ஒரு புரோட்டானை வழங்கி HClஐ உருவாக்குகிறது.
அதாவது, விளைபொருட்களும் அமிலம் மற்றும் காரங்களாக செயல்படுகின்றன. பொதுவாக,லௌரி - ப்ரான்ஸ்டட் (அமிலம் - கார) வினையை பின்வருமாறு எழுதப்படுகிறது.
அமிலம்₁ + காரம்₂ \(⇌\) அமிலம்₂ + காரம்₁
ஒரு புரோட்டானை வழங்கிய பிறகு எஞ்சியுள்ள பகுதி ஒரு காரமாகும் (காரம்₁). மேலும் இது ப்ரான்ஸ்டட் அமிலத்தின் (அமிலம்₁) இணைகாரம் என்றழைக்கப்படுகிறது. அதாவது ஒரு புரோட்டானால் மட்டும் வேறுபடும் வேதிக்கூறுகள் இணை அமில - கார இரட்டைகள் என்றழைக்கப்படுகின்றன.

HCI மற்றும் Cl -,H₂O மற்றும் H₃O⁺ஆகியன இரண்டும், வெவ்வேறு இணைஅமில - கார இரட்டைகளாகும். அதாவது, Cl - என்பது HCL அமிலத்தின் இணைகாரம் (அல்லது) HCI என்பது Cl - அயனியின் இணை அமிலம் ஆகும். இதேபோல H₃O⁺ என்பது H₂Oவின் இணை அமிலமாகும்.
லௌரி ப்ரான்ஸ்டட் கொள்கையின் வரம்புகள்:
BF₃, AlCl₃ போன்ற புரோட்டான்களை வழங்க இயலாத சேர்மங்களும் அமிலங்கள் போல செயல்படுவதை இக்கொள்கை விளக்கவில்லை.

\(\begin{aligned} \mathrm{CaF}_2(\mathrm{~s}) \rightleftharpoons \mathrm{Ca}^{2+}(\mathrm{aq})+2 \mathrm{~F}^{-}(\mathrm{aq}) \end{aligned}\)
\(\begin{aligned} {\left[\mathrm{Ca}^{2+}\right] } & =3.3 \times 10^{-4} \mathrm{M} \end{aligned}\)
\(\begin{aligned} {\left[\mathrm{F}^{-}\right] } & =2 \times 3.3 \times 10^{-4} \mathrm{M} \end{aligned}\)
\(\begin{aligned} =6.6 \times 10^{-4} \mathrm{M} \end{aligned}\)
\(\begin{aligned} \mathrm{K}_{\text {sp }} & =\left[\mathrm{Ca}^{2+}\right]\left[\mathrm{F}^{-}\right]^2 \\ \end{aligned}\)
\(\begin{aligned} =\left(3.3 \times 10^{-4}\right)\left(2 \times 3.3 \times 10^{-4}\right)^2 \end{aligned}\)
\(\begin{aligned} =1.44 \times 10^{-10} \end{aligned}\)

(i) ஆஸ்வால்ட் நீர்த்தல் விதியானது, ஒரு வலிமை குறைந்த அமிலத்தின் பிரிகை மாறிலியை (K_a ) அதன் பிரிகை வீதம் (\(\alpha \)) மற்றும் செறியுடன் (c ) தொடர்புபடுத்துகிறது. ஒரு சேர்மத்தின் மொத்த மோல் எண்ணிக்கையில், சமநிலையில் பிரிகையடைந்த மோல்களின் பின்னம், பிரிகை விதம் (\(\alpha \)) என்றழைக்கப்படுகிறது.

ஒரு வலிமை குறைந்த அமிலம் , அதாவது அசிட்டிக் அமிலத்தை (CH₃COOH), எடுத்துக்காட்டாக கொண்டு ஆஸ்வால்ட் நீர்த்தல் விதிக்கான சமன்பாட்டை நாம் வருவிப்போம். அசிட்டிக் அமிலத்தின் பிரிகையடைதலை பின்வருமாறு குறிப்பிடலாம்.
\(\mathrm{CH}_3 \mathrm{COOH} \rightleftharpoons \mathrm{H}^{+}+\mathrm{CH}_3 \mathrm{COO}^{-}\)
அசிட்டிக் அமிலத்தின் பிரிகை மாறிலி,
\(\mathrm{K}_{\mathrm{a}}=\frac{\left[\mathrm{H}^{+}\right]\left[\mathrm{CH}_3 \mathrm{COO}^{-}\right]}{\left[\mathrm{CH}_3 \mathrm{COOH}\right]}\)       ......(1)

சமன்பாடு (1) இல் சமநிலைச் செறிவை பிரதியிட 
\(\begin{aligned} \mathrm{K}_{\mathrm{a}}=\frac{(\alpha \mathrm{C})(\alpha \mathrm{C})}{(1-\alpha) \mathrm{C}} \end{aligned}\)
\(\begin{aligned} \mathrm{K}_{\mathrm{a}}=\frac{\alpha^2 \mathrm{C}}{1-\alpha} \end{aligned}\)         .....(2)
வலிமை குறைந்த அமிலமானது மிகக் குறைந்தளவே பிரிகையடைகிறது என்பதை நாம் அறிவோம். எண் ஒன்றுடன் ஒப்பிடும்போது \(\alpha\) மதிப்பு மிகச்சிறியது. எனவே, சமன்பாட்டின் விகுதியிலுள்ள (1 - \(\alpha\)) \(\simeq\) 1. இப்போது சமன்பாடு (2) பின்வருமாறு எழுதலாம்.
\(\mathrm{K}_{\mathrm{a}}=\left(\alpha^2 \mathrm{C}\right)\)
\(\alpha^2=\mathrm{Ka} / \mathrm{C} ; \alpha=\sqrt{\frac{\mathrm{Ka}}{\mathrm{C}}}\)
"நீர்த்தல் அதிகரிக்கும் போது ஒரு வலிமை குறைந்த மின்பகுளியின் பிரிகை விதமும் அதிகரிக்கிறது”
இது ஆஸ்வால்ட் நீர்த்தல் விதி எனப்படும்.
மேலும்: [H⁺) = \(\alpha\)C மற்றும்
\(\begin{aligned} {\left[\mathrm{H}^{+}\right]=\left[\frac{\sqrt{\mathrm{Ka}}}{\mathrm{C}}\right] \mathrm{C}=\sqrt{\frac{\mathrm{KaC}^2}{\mathrm{C}}}=\sqrt{\mathrm{Ka} \cdot \mathrm{C}}} \end{aligned}\)
\(\begin{aligned} \mathrm{Kb}=\alpha^2 \mathrm{C}, \quad \because \alpha=\sqrt{\frac{\mathrm{Kb}}{\mathrm{C}}} \text {, } \end{aligned}\)
\(\begin{aligned} {\left[\mathrm{OH}^{-}\right] \alpha \mathrm{C}=\sqrt{\frac{\mathrm{Kb}}{\mathrm{C}} \times \mathrm{C}}=\sqrt{\frac{\mathrm{KbC}^2}{\mathrm{C}}}} \end{aligned}\)
\(\begin{aligned} =\sqrt{\mathrm{KbC}} \end{aligned}\)