செயற்குறி என்பது ஒரு மதிப்பு அல்லது பல மதிப்புகள் மீது, கொடுக்கப்பட்ட செயலை செய்யும் ஒரு குறியீடு ஆகும்.
PHP-இல் உள்ள செயற்குறிகளின் வகைகள்:
(i) கணக்கீட்டு செயற்குறிகள்
(ii) மதிப்பிருந்து செயற்குறிகள்
(iii) ஒப்பீட்டு செயற்குறிகள்
(iv) தருக்க செயற்குறிகள்
(v) மிகுப்பு / குறைப்பு செயற்குறிகள்
(vi) சர செயற்குறிகள்
(i) கணக்கீட்டு செயற்குறிகள் (Arithmetic Operators):
கணக்கீட்டு செயற்குறிகள் கூட்டல், கழித்தல், பெருக்கல் மற்றும் வகுத்தல் போன்ற கணித செயல்பாடுகளைச் செய்யப் பயன்படுகின்றன.

குறியீடு	செயற்குறி பெயர்	எடுத்துக்காட்டு	வெளியீடு
+	கூட்டல்	5+2	7
-	கழித்தல்	5-2	3
*	பெருக்கல்	5*2	10
/	வகுத்தல்	5/2	2.5
%	வகுமீதி	5%2	1

(ii) மதிப்பிருத்து செயற்குறிகள் (Assignment Operators):
ஒரு மாறிக்கு மதிப்பிருத்த செயற்குறிகள் (=) பயன்படுகிறது. மதிப்பிருத்து செயற்குறிக்கு வலது பக்கத்தில் உள்ள மதிப்பானது, இடது பக்கம் உள்ள மாறியில் இருத்தப்படுகிறது.

குறியீடு	செயற்குறி பெயர்	எடுத்துக்காட்டு	வெளியீடு
=	மதிப்பிருத்து செயற்குறி	$a = 5;	5

(iii) ஒப்பீட்டு செயற்குறிகள் (Comparison Operators): 
ஒப்பீட்டு செயற்குறிகள் இரண்டு மதிப்புகளை ஒப்பிட்டு, True அல்லது False என்ற விடையைக் கொடுக்கிறது.

குறியீடு	செயற்குறி பெயர்	எடுத்துக்காட்டு		வெளியீடு
>	விடப்பெரியது	5>2		True
<	விடச்சிறியது	5<2		False
>=	விடப்பெரியது அல்லது சமமானது	5>=2		True
<=	விடச்சிறியது அல்லது சமமானது	5<=2		False
==	சமமானது	5==5		True
===	ஒத்தது	5===5	5===5.0	True
!=	சமமில்லை	5! = 5		False
		5!=6		True
!==	ஒத்தது இல்லை	5!==5		False
		5!==5.0		True

(iv) தருக்க செயற்குறிகள் :
தருக்க செயற்குறிகள் மாறிகள் மற்றும் மதிப்புகளில் தருக்க செயல்பாடுகளைச் செய்யப் பயன்படுத்தப்படுகின்றன.

குறியீடு	செயற்குறி பெயர்	எடுத்துக்காட்டு	வெளியீடு
&&	Legal AND	(5>3) && (5>7)	False
||	Legal OR	(5>3) || (5>7)	True
xor	XOR	(5>3) xor (5>7)	True
!	Logical NOT	! (5>3)	False

(v) மிகுப்பு / குறைப்பு செயற்குறிகள்:
PHPஇல் ஒரு மாறியின் மதிப்பை ஒன்று மிகுப்பதற்கு, மிகுப்பு செயற்குறி (++) பயன்படுகிறது. ஒரு மாறியின் மதிப்பை ஒன்று குறைப்பதற்கு, குறைப்பு செயற்குறி (--) பயன்படுகிறது. மிகுப்பு மற்றும் குறைப்பு செயற்குறிகளை முன்னொட்டு மற்றும் பின்னொட்டாகப் பயன்படுத்தலாம்.

குறியீடு	செயற்குறி பெயர்	எடுத்துக்காட்டு
++	++ $a (முன் - மிகுப்பு)	$x = ++$a
	$a ++ (பின் -மிகுப்பு)	$x = $a++
--	--$a (முன் - குறைப்பு)	$x=--$a
	$a--(பின்னொட்டு - குறைப்பு)	$x=$a--

(vi) சர செயற்குறிகள் :
சர செயற்குறிகளானது இணைப்பு செயற்குறி ( . ) மற்றும் மதிப்பிருத்து இணைப்பு செயற்குறி (.=) என இரண்டு செயற்குறிகளைப் பெற்றுள்ளது.

குறியீடு	செயற்குறி பெயர்	எடுத்துக்காட்டு	வெளியீடு
.(Dot)	இணைப்பு செயற்குறி	$a = 'Hello'; $b='World'; $c = $a. $b;	HelloWorld
.(Dot equal to)	மதிப்பிருந்து இணைப்பு செயற்குறி	$a = 'Hello'; $b='World'; $a. = $a;	HelloWorld

PHPஇல் மாறிகளுக்குக் கொடுக்கப்படும் மதிப்புகள் அதன் தரவு வகையைத் தீர்மானிக்கின்றன. PHP இல் கீழ்க்கண்ட 8 வகையான தரவு வகைகள் உள்ளன. அவை:
(i) Integer
(ii) Float
(iii) String
(iv) Boolean
(v) Array
(vi) Object
(vii) Resource
(viii) NULL
(i) Integer:
Integer எண்களைக் கொண்டதாகும். இது நேர்மறை எண்ணாகவோ, எதிர்மறை எண்ணாகவோ அல்லது பூஜ்ஜியமாக (zero) இருக்கலாம்.
எடுத்துக்காட்டு :
$age = 30;
$count = -10;
(ii) Float:
Float என்னும் தரவு வகை தசமப்புள்ளி எண்களைக் கொண்டதாகும்.
எடுத்துக்காட்டு :
$price = 19.99;
$weight = 65.5;
(iii) String:
String குறியுருக்களின் தொகுதியைக் கொண்டதாகும். இவை ஒற்றை (' ') அல்லது இரட்டை மேற்கோள் குறிகளுக்குள் (“ ") கொடுக்கப்பட்டிருக்கும்.
எடுத்துக்காட்டு :
$name = "Barath";
$message = 'Hello, World!';
(iv) Boolean: Boolean தரவு வகையானது True அல்லது False என்ற இரண்டு மதிப்புகளுள் ஒன்றைக் கொண்டிருக்கும்.
எடுத்துக்காட்டு :
$is_admin = true;
$is_logged_in = false;
(v) Array:
Array என்பது ஒற்றை மாறியில் பல மதிப்புகளைக் கொண்ட தரவு வகையாகும்.
எடுத்துக்காட்டு :
$prices = array(10, 20, 30);
$items = array("item1", "item2", "item3");
$prices = array(19.99, 24.99, 29.99);
(vi) Object:
Object என்னும் தரவு வகையானது இனக்குழுவின் சான்றுருவைக் குறிக்கிறது.
எடுத்துக்காட்டு :
$user = new User();
$product = new Product();
(vii) Resource:
Resource என்பது ஒரு கோப்பு அல்லது தரவுத்தளம் போன்ற வெளிப்புற வளத்திற்கான இணைப்பைக் குறிக்கும் ஒரு சிறப்புத் தரவு வகை ஆகும்.
எடுத்துக்காட்டு :
$fp = fopen("file.txt", "r");
// $fp is a resource
$conn = mysqli_connect("localhost", "username", "password", "database");
// $conn is a resource
(viii) NULL:
NULL என்பது ஒரு சிறப்புத் தரவு வகை ஆகும். இது NULL என்ற மதிப்பைப் பெற்றுள்ளது. NULL என்பது ஒரு மதிப்பிலி ஆகும். NULL என்ற சிறப்புச் சொல்லிற்கு எழுத்து வடிவுணர்வு கிடையாது.
எடுத்துக்காட்டு :
$x = null;
$y = " ";

படிநிலை 1 :
Apache foundation வலைத்தளத்திற்கு சென்று Httpd வலைசேவையக மென்பொருளைப் பதிவிறக்கம் செய்யவும்.
http;//http.apache.org\download.cgi 
படிநிலை 2 :
1. MSI கோப்பினை Apache foundation வலைத்தளத்திலிருந்து பதிவிறக்கம் செய்த பிறகு, பயனர் MSI கோப்பினைத் துவக்கி சேவையகக் கணிப்பொறியில் நிறுவுதலை முடிக்க தொடர்ந்து வரும் Next பொத்தான்களைக் கிளிக் செய்ய வேண்டும்.
2. மென்பொருள் தானமைவு, இடைமுக எண்ணாக 130 (அ) 130130 யை எடுத்து கொள்ளும்.
3. ஒருமுறை பயனர் இதனை முடித்து பிறகு வலை சேவையக மென்பொருளானது சேவையக கணிப்பொறியில் ஒரு சேவையாக நிறுவப்பட்டு கட்டமைக்கப்படும்.
படிநிலை 3 :
1. Apache Httpd வலை சேவையகத்தின் நிறுவுதலை சோதிக்க, பயனாளர் கணிப்பொறியில் நிறுவப்பட்டுள்ள வலை உலவியிலிருந்து கீழ்கண்ட URL யை உள்ளீடு செய்ய வேண்டும்.
http"localhost:130/ (or)
http  ://localhost :130130
"It Works" என்பதை வெளியீட்டு பக்கம் காட்டும்.
படிநிலை 4 :
விண்டோஸ் கட்டுபாட்டு பலகம் மூலமாக நிர்வாகியான பயனர் வலை சேவையக  எந்த நேரத்திலும் தொடங்கலாம். நிறுத்தலாம் மற்றும் மீண்டும் தொடங்கலாம் சேவைகள் நிறுத்தப்பட்ட பின் சேவையக கணிப்பொறியிலிருந்து பதில் செய்தியினை பயனாளர் கணிப்பொறி பெற இயலாது.
படிநிலை 5 :
"http.conf" என்ற வலைசேவையகக் கட்டமைப்பை நிறுவும் கோப்பு 'Apache Installation'அடைவின் (directory) கீழ் conf என்ற அடைவுக்குள் அமைந்துள்ளது. இந்த கோப்பினை மாற்றம் செய்து PHP ஸ்கிரிப்டிங் மொழியை இயக்க PHP தொகுதியை செயல்படுத்துகின்றது.

1. வலையமைப்பு மூலம் வலைத்தள உருவாக்கம் மற்றும் வழங்குதல் பற்றி வலை உருவாக்க கருத்துரு விரிவாக விவரிக்கிறது.
2. வலைப் பொருளடக்க உருவாக்கம், வலைபக்க வடிவமைத்தல், வலைதள பாதுகாப்பு போன்ற வலை உருவாக்கச் செயல்களைக் கொண்டுள்ளது.
3. PHP ஸ்கிரிப்ட் எவ்வாறு வேலை செய்கிறது.
(i) ஸ்கிரிப்ட்டைப் பயன்படுத்தி, வலைதளம் (அ) வலைப்பக்கம் நிரலால் உருவாக்கப்படுகிறது.
(ii) இறுதியாக, வலைதள குறிமுறைகள் அனைத்தும், தொலைதூர சேவையகப் பாதைக்கு நகர்த்தப்படும்.
(iii) பயனாளர் சார்ந்த கணிப்பொறியில் இருந்து இறுதிப்பயனர் உலவியைத் திறந்து, வலைதளம் (அ) வலைப்பக்கத்தில் URL லைத் தட்டச்சு செய்து, வலையமைப்பில் தொலைதூர சேவையகக் கணிப்பொறிக்கு கோரிக்கையைத் தொடங்கி வைக்கிறது.
(iv) பயனாளர் கணிப்பொறியிலிருந்து கோரிக்கையைப் பெற்ற பிறகு, தொலைதூர கணிப்பொறியில் உள்ள குறிமுறையை வலைசேவையகம் தொகுத்து, மொழி பெயர்க்க முயற்சி செய்யும்.
(v) பிறகு பதில் உருவாக்கப்பட்டு வலையமைப்பிலுள்ள வலைச் சேவையகத்திலிருந்து பயனாளர் கணிப்பொறிக்குத் திருப்பி அனுப்பப்படும்.
(vi) இறுதியாக பயனாளர் கணிப்பொறியில் நிறுவப்பட்ட உலவி பதிலைப் பெற்று வெளியீட்டைப் பயனருக்கு காண்பிக்கும்.

1. கிளைன்ட் பக்க ஸ்கிரிப்டிங் :
(i) இணைய மற்றும் உலகளாவிய வலை ஆகிய கருத்துகளுக்கு வலையமைப்பு தொடர்பில் பயன்படுத்தக்கூடிய புதிய நிரலாக்க மொழிகளின் தொகுப்பை வலை ஸ்கிரிப்டிங் மொழிகள் என்றழைக்கிறோம்.
(ii) வலை உலாவியானது பொதுவாக ஸ்கிரிப்ட்டை இயக்கப் பயன்படுகிறது.
(iii) இறுதிப் பயனரின் கணிப்பொறியில் செயலாக்கம் நடைபெறுகிறது.
(iv) மூலக்குறிமுறையானது வலைச் சேவையகத்திலிருந்து இணையம் வாயிலாக நேரடியாக உலவியில் இயங்குகிறது.
(v) ஸ்கிரிப்டிங் மொழியானது கிளைன்ட் கணிப்பொறியில் இயங்கு நிலையில் இருத்தல் அவசியம்.
(vi) குறிமுறைகளைப் பயனரால் பார்க்க முடியும்.
2. சேவையக பக்க ஸ்கிரிப்டிங் மொழி :
(i) சேவையக கணிப்பொறியில் இயங்கும் வலைச் சேவையக மென்பொருள், சேவையகம் சார்ந்த ஸ்கிரிப்டிங் தொகுத்தலை இடைநிலை பைட் குறி முறைகளாக மாற்றுவதை நிர்வகிக்கின்றது.
(ii) இந்தக் குறிமுறையானது இயக்க நேர இயந்திரம் மூலம் மொழி பெயர்க்கப்படுகின்றது.
(iii) நிகழ் நேர வலை உருவாக்கத் திட்டங்களில் இயங்கு மற்றும் ஊடாடு வலைப் பக்கங்களை உருவாகின்றது.
(iv) வலைச் சேவையகத்தில் ஸ்கிரிப்ட் இயக்கப்படுகிறது.
(v) பயனரால் குறிமுறையைப் பார்க்க முடியாது.