1.	தரவுகளை கையாளும் திறன்	உறவுநிலை தரவுதள மேலாண்மை அமைப்பானது தரவு தளத்தில் தரவுகளை கையாளும் வசதியை வழங்குகிறது (சேமித்தல், மாற்றம் செய்தல் மற்றும் நீக்குதல்)
2.	மிகைமை (தேவைக்கு அதிகமானவற்றை) குறைத்தல்	நவீன உலகில் வன்வட்டுகளின் விலை மிகவும் குறைவு. ஆனால் முந்தைய காலங்களில் வன்வட்டுகள் மிகவும் விலை உயர்ந்தவை, ஆகையால் தரவுதளத்தில் உள்ள தேவையற்ற தரவுகள் பெரிய சிக்கலாக இருந்தது. ஆனால் RDBMS தரவுகளை பிரித்தாளும் இயல்பு நிலையைப் பின்பற்றி தேவையற்ற தரவுகள் மீண்டும் இடம்பெறுவதைக் குறைக்கிறது.
3.	தரவுகளின் நிலைத்தன்மை	தொடர்ச்சியாக புதுப்பிக்கப்படும் மற்றும் பராமரிக்கப்படும் நேரடி தரவின் (Live data) நிலைத்தன்மையை பராமரிப்பது ஒரு சவாலாக மாறும். ஆனால் RDBMS தானாகவே அதை கையாளுகிறது.
4.	பல பயனர்கள் மற்றும் ஒத்த அணுகுதலை ஆதரித்தல்	RDBMS பல பயனர்களை ஒரே நேரத்தில் ஒரு தரவின் மீது வேலை (தரவுகளைப் புதுப்பித்தல், செருகுதல், நீக்குதல்) செய்ய அனுமதிக்கிறது. இருப்பினும் தரவின் நிலைத்தன்மைப் பராமரிப்பை கையாளுகிறது.
5.	வினவல் மொழி	RDBMS ஒரு எளிய வினவல் மொழியை பயனருக்கு வழங்குகிறது. இதைப்பயன்படுத்தி தரவுத்தளத்திலிருந்து தரவுகளை எளிமையாக பெறவும், சேர்க்கவும், நீக்கவும், புதுப்பிக்கவும் முடியும்.
6.	பாதுகாப்பு	RDBMS. தரவின் பாதுகாப்பை கவனித்துக்கொள்கிறது. அங்கீகாரமற்ற அணுகுதலில் இருந்து தரவுகளுக்கு பாதுகாப்பை வழங்குகிறது. வழக்கமான RDBMS -ல், பல்வேறு அணுகலுக்கான அனுமதியுடன் பயனர் கணக்குகளை நாம் உருவாக்கமுடியும். இதனைப் பயன்படுத்தி பயனர் அணுகுதலை கட்டுப்படுத்தி நம்முடைய தரவுகளை எளிமையாக பாதுகாத்துக் கொள்ள முடியும்.
7.	RDBMS பரிவர்த்தனைகளை ஆதரித்தல்	இது நிகழ் உலக பயன்பாடுகளில் தரவு ஒருமைப்பாட்டை கையாள மற்றும் நிர்வகிக்க நம்மை அனுமதிக்கிறது. இங்கு பல்புரியாக்கம் (multithreading) விரிவாக பயன்படுகிறது.

உறவுநிலை இயற்கணிதம் பல்வேறு தொகுதிகளாகப் பிரிக்கப்பட்டுள்ளது.
ஒரும உறவுநிலைச் செயற்பாடுகள் 
SELECT ( symbol: \(\sigma \))
PROJECT (symbol:\(\Pi \) )
Set தேற்றத்தில் இருந்து உறவுநிலை இயற்கணித செயற்பாடுகள் 
1) ஓட்டுதல் (∪)
2) வெட்டுதல் (\(\cap\))
3) வேறுபாடு (-)
4) கார்டீசியன் பெருக்கல் (X)
SELECT (symbol:\(\sigma \))
1) பொதுவடிவம் \(\sigma \)c (R): என்பது உறவுநிலை மற்றும் அதனுடைய பண்புக்கூறுகளின் நிபந்தனை C. 
2) இந்த select செயற்பாடு ஒரு நிபந்தனையின் அடிப்படையில் துணைத் தொகுதியை tuples களுடன் தேர்ந்தெடுக்க உதவுகிறது.
3) நிபந்தனைகளை நிறைவேற்ற tuples களை Select வடிகட்டுகிறது.
STUDENT:

Stud no	Name	Course	Year
cs 1	Kannan	Big Data	II
cs 2	Gowri Shankar	R language	I
cs 3	Lenin	Big Data	I
cs 4	Padmaja	Python Programming	I

அட்டவணை A 
\(\sigma \)_course= "Big Data" (STUDENT) :

Stud no	Name	Course	Year
cs 1	Kannan	Big Data	II
cs 3	Lenin	Big Data	I

PROJECT (Symbol: II)
1) இந்த PROJECT செயற்பாடு குறிப்பிடப்பட்டுள்ள உள்ளீட்டு தொடர்புகளின் பண்புக்கூறுகளை நீக்குகிறது. இந்த செயற்பாடு கிடைமட்ட துணைத் தொகுதியின் ஒப்பீடுகளை வரையறுக்கிறது
2) எடுத்துக்காட்டு 1 அட்டவணை A ஐ பயன்படுத்தி 
\(\Pi \)_course(STUDENT)
Result

Course

Big Data

R language

Python Programming

எடுத்துக்காட்டு 2 (அட்டவணை A)
\(\Pi \)_{studno.course}(STUDENT)

Stud no	Course
cs 1	Big Data
cs 2	R language
cs 3	Big Data
cs 4	Python Programming

ஓட்டுதல் (Symbol: ∪)
1) இது A அல்லது B அட்டவணையில் உள்ள அனைத்து tuples -களையும் உள்ளடக்கியது. இது நகல்களையும் நீக்குகிறது. தொகுதி A ஒட்டுதல் தொகுதி B என்பது A ∪ B 
2) எடுத்துக்காட்டு 3( அட்டவணை A ஐ பயன்படுத்தி) பின்வரும் அட்டவணையை நோக்குக.

Table A
Stud no	Name
cs 1	Kannan
cs 3	Lenin
cs 4	Padmaja

Table B
Stud no	Name
cs 1	Kannan
cs 2	Gowri Shankar
cs 3	Lenin

விடை:  அட்டவணை B 

Table A ∪ B
Stud no	Name
cs 1	Kannan
cs 2	Gowri Shankar
cs 3	Lenin
cs 4	Padmaja

வேறுபாடு (Symbol:-)
1) இது A மற்றும் B அட்டவணைகளை ஒப்பிட்டு A அட்டவணையில் உள்ள வேறுபட்ட tuples களை மட்டும் தருகிறது. B அட்டவணையைத் தவிர்க்கிறது. A பண்புக்கூறின் பெயர் B பண்புக்கூறின் பெயரோடு பொருந்த வேண்டும்.
2) எடுத்துக்காட்டு 4 (அட்டவணை B ஐ பயன்படுத்தி)
விடை:

Table A - B
cs 4	Padmaja

வெட்டு (Symbol: \(\cap\))A\(\cap\)B 
1) இது A மற்றும் B அட்டவணைகளில் பொதுவாக உள்ள அனைத்து tuples களையும் உள்ளடக்கியது.
2) எடுத்துக்காட்டு 5 (அட்டவணை B ஐ பயன்படுத்தி) 

Table A \(\cap\) B
cs 1	Kannan
cs 3	Lenin

கார்டீசியன் பெருக்கல் (Symbol: X)
1) இரண்டு தொடர்புகளை சேர்க்க குறுக்குப் பெருக்கல் வழிவகுக்கிறது. இதன் விடை இரண்டு தொடர்புகளின் இணைப்பைக் கொண்டுள்ளது.
2) AxB என்பது A times B, இங்கு A தொடர்புகள் மற்றும் B தொடர்புகள் என்பன வேறுபட்ட பண்புக்கூறுகளாகும். இந்த வகை செயற்பாடுகள் இரண்டு தொடர்புகளிலிருந்து நெடுக்கைகளை ஒன்று சேர்க்க பயன்படுகிறது.

ஒப்பீட்டு அடிப்படை	DBMS	RDBMS
விரிவாக்கம்	Database Management System தரவுதள மேலாண்மை அமைப்பு	Relational Database Management System உறவுநிலை தரவுதள மேலாண்மை அமைப்பு.
தரவு சேமிப்பு	வழிசெலுத்தல் மாதிரி அதாவது ஒன்றோடொன்று இணைக்கப்பட்ட பதிவுகளின் தரவு	உறவுநிலை மாதிரி (அட்டவணையில்) அட்டவணையில் வரிசை மற்றும் நெடுவரிசை உள்ள தரவுகள்
மிகைமைத் தரவு	இடம் பெற்றுள்ளது	இடம் பெறவில்லை
இயல்பாக்கம்	செய்ய இயலாது	இயல்பாக்கத்தை பயன்படுத்துகிறது.
தரவு அணுகல்	அதிக நேரத்தை எடுத்துக் கொள்கிறது.	DBMS உடன் ஒப்பிடும் போது வேகமானது.
திறவு கோல்கள் மற்றும்  குறியீடுகள்	பயன்படுத்தப்பட வில்லை	உறவுநிலையை உருவாக்குவதற்குப் பயன்படுகிறது.
பரிவர்த்தனை மேலாண்மை	திறமையற்றது, பிழைகளைக் கொண்டது பாதுகாப்பற்றது.	திறமையானது மற்றும் பாதுகாப்பானது.
பரவல் தகவல் தளம்	ஒத்துழைக்காது	ஒத்துழைக்கும்
எடுத்துக்காட்டு	Dbase, FoxPro	SQL server, Oracle, mysql, MariaDB, SQLite, MS - Access

தரவுத்தளத்தில் பயன்படும் உறவுநிலைகளின் வகைகள்.
1. ஒன்றுடன் ஒன்று உறவுநிலை (One-to-One Relationship)
2. ஒன்றுடன் பல உறவுநிலை (One-to-Many Relationship)
3. பலவற்றுடன் ஒன்று உறவுநிலை (Many-to- One Relationship)
4. பலவற்றுடன் பல உறவுநிலை (Many-to- Many Relationship)
1. ஒன்றுடன் ஒன்று உறவுநிலை:
(i) இந்த உறவுநிலையில் ஒரு பொருள் வேறு ஒரு பொருளுடன் மட்டுமே தொடர்பு கொண்டிருக்கும். ஒரு அட்டவணையின் ஒரு பதிவு மற்றொரு அட்டவணையின் ஒரு பதிவுடன் மட்டுமே இணைக்கப்பட்டிருக்கும்.
(ii) எடுத்துக்காட்டு: ஒரு மாணவனுக்கு ஒரு தேர்வெண் மட்டுமே இருக்க முடியும்.

2. ஒன்றுடன் பல உறவுநிலை :
(1) இந்த உறவுநிலையில் ஒரு பொருள் வேறு பல பொருள்களுடன் தொடர்பு கொண்டிருக்கும். அட்டவணை A-வின் ஒரு பதிவு அட்டவணை B யின் பல பதிவுகளுடன் தொடர்பு கொண்டிருக்கலாம்.
(ii) ஆனால் அட்டவணை B யின் ஒரு பதிவு அட்டவணை A-வின் ஒரு பதிவுடன் மட்டுமே தொடர்பு கொண்டிருக்க முடியும்.
(iii) எடுத்துக்காட்டு: ஊழியர்களைக் கொண்டுள்ளது.

3. பலவற்றுடன் ஒன்று உறவுநிலை:
(i) இந்த உறவுநிலையில் பல பொருள்கள் வேறு ஒரேயொரு பொருள்களுடன் மட்டுமே தொடர்பு கொண்டிருக்கும்.
(ii) எடுத்துக்காட்டு: ஒரு துறையில் வேலை செய்யும் ஊழியர்களின் எண்ணிக்கையில், ஊழியர்கள் அட்டவணையின் பல பதிவுகள் துறை அட்டவணையின் ஒரு பதிவுடன் மட்டுமே தொடர்பு படுத்தப்பட்டிருக்கும்.

4. பலவற்றுடன் பல உறவுநிலை :
(i) இந்த உறவுநிலையில் ஒரு அட்டவணையில் உள்ள பல பதிவுகள் மற்றொரு அட்டவணையில் உள்ள பல பதிவுகளுடன் தொடர்பு கொண்டிருக்கும்.
(ii) எடுத்துக்காட்டு 1: நுகர்வோர் மற்றும் விலை பொருள்: நுகர்வோர் பல விலைப்பொருள்களை வாங்குகிறார் மற்றும் விலைப்பொருள்கள் பல நுகர்வோரால் வாங்கப்படலாம்.
(iii) எடுத்துக்காட்டு 2: மாணவர்கள் மற்றும் பாடப்பிரிவுகள்: ஒரு மாணவன் பல பிரிவுகளில் பதியலாம் மற்றும் ஒரு பாடப்பிரிவு பல மாணவர்களைக் கொண்டிருக்கலாம்.
(iv) எடுத்துக்காட்டு 3: புத்தகங்கள் மற்றும் மாணவன்: நூலகத்தில் உள்ள பல புத்தகங்கள் பல மாணவர்களுக்கு வழங்கப்படும்.

தரவு மாதிரியின் வகைகள்:
1. படிநிலை மாதிரி:
i) இது IBM ஆல் தகவல் மேலாண்மை அமைப்பு (Information Management System) போல உருவாக்கப்பட்டது. இந்த மாதிரியில் தரவு எளிமையான மரக்கிளை அமைப்பில் குறிப்பிடப்படுகிறது.
(ii) இது ஒன்றிலிருந்து பல (one to many) உறவு நிலையை குறிக்கிறது. அதாவது பெற்றோர் - குழந்தை (Parent - child) உறவுநிலை. ஒரு குழந்தைக்கு ஒரு பெற்றோர் இருப்பர். ஆனால், ஒரு பெற்றோருக்கு பல குழந்தைகள் இருக்கலாம். இது முதன்மையாக IBM தலைமைக் கணிப்பொறியில் பயன்படுகிறது.

2. உறவுநிலை மாதிரி :
(i) உறவுநிலை தரவுதள மாதிரி முதன்முதலில் E.F.Codd என்பவரால் 1970-ல் உருவாக்கப்பட்டது.
(ii) உறவுநிலை தரவுதள மாதிரியில் தரவுகளின் அடிப்படை கட்டமைப்பு அட்டவணைகள் (உறவுகள்) ஆகும்.
(iii) ஒரு குறிப்பிட்ட வகையை சார்ந்த அனைத்து தகவல்களும் அவ்வட்டவணையின் வரிசைகளில் சேமிக்கப்படுகின்றன.
(iv) எனவே, அட்டவணைகளை உறவுநிலை தரவுதள மாதிரியில் உறவுகள் (Relation) என்கிறோம். ஒரு உறவுநிலை திறவுகோல் குறிப்பிட்ட வரிசையிலான தரவுகளை தனித்தன்மையுடன் குறிக்கும் ஒரு பண்புக்கூறு ஆகும்.

3. வலையமைப்பு மாதிரி:
(i) வலையமைப்பு தரவுத்தள மாதிரி, படிநிலை தரவுத்தள மாதிரியின் விரிவாக்கப்பட்ட அமைப்பாகும்.
(ii) வலையமைப்பு மாதிரியில் ஒரு குழந்தைக்கு பல பெற்றோர் முனையங்கள் இருக்கலாம். இது தரவை பலவற்றிலிருந்து பலவற்றிற்கு (many to many) உறவு நிலையை குறிப்பிடுகிறது.
(iii) School என்பது பெற்றோர் முனையத்தை குறிக்கும்.
(iv) Library, Office மற்றும் Staff room என்பன school- ன் குழந்தைகளாகும்.
(v) Student என்பது library, office மற்றும் staff room என்பதன் குழந்தை (ஒன்றிலிருந்து பலவற்றிற்கான உறவுநிலை).

4. ER தரவுதள மாதிரி:
(i) இந்த தரவு மாதிரியில், பொருளை உருப்படியாகவும் அதன் பண்புகளை, பண்புக் கூறுகளாகவும் பிரித்து உறவு நிலை உருவாக்கப்படுகிறது. 1976ல் Chen சென் என்பவரால் உருவாக்கப்பட்டது.
(ii) இந்த மாதிரி தரவுத்தளத்திற்கான கருத்து வடிவமைப்பை எளிமையாக உருவாக்க பயன்படுகிறது. தரவின் விளக்கப்படத்தை வடிவமைக்க மிகவும் எளிமையாக உள்ளது.
(iii) ER மாதிரியைக் கொண்டு நிரலர் அமைப்பை எளிமையாக புரிந்து கொள்ள முடியும். செவ்வகம் உருப்படிகளைக் குறிக்கிறது.
(iv) எடுத்துக்காட்டு Doctor, Patient நீள்வட்டம் பண்புக் கூறுகளைக் குறிக்கிறது.
(v) எடுத்துக்காட்டாக D-id, D-Name, P-id, P-Name பண்புக்கூறுகள் பண்பியல்புகளை விளக்குகிறது.

5. பொருள்நோக்கு தரவுதள மாதிரி
(i) இந்த மாதிரி தரவை பொருள்கள், பண்புக்கூறுகள், வழிமுறைகள், இனக்குழு மற்றும் மரபுரிமம் போன்ற வழிகளில் சேமிக்கிறது.
(ii) இது மிகவும் சிக்கலான பயன்பாடுகளான புவியியல்தகவல் அமைப்பு(GIS-Geographic Information System), அறிவியல் சோதனைகள் (Scientific experiments), பொறியியல் வடிவமைப்பு (Engineering design), உற்பத்தி (Manufacturing) போன்றவற்றைக் கையாள்கிறது. இது கோப்பு மேலாண்மை அமைப்பில் பயன்படுகிறது.
(iii) நிகழ்உலக பொருள்கள், பண்புக்கூறுகள், பண்பியல்புகளை குறிப்பிடுகிறது மற்றும் தெளிவான கூறுநிலை (modular structure) அமைப்பை வழங்குகிறது.

பொருள்நோக்கு தரவுதள மாதிரியின் எடுத்துக்காட்டு Shape, Circle, Rectangle மற்றும் Triangle ஆகியவை இந்த மாதிரியில் உள்ள பொருள்களாகும்.