(i) sys.argv என்பது பைத்தான் நிரலுக்கு அனுப்பி வைக்கப்படும் கட்டளை வரி செயலுருபுகளின் பட்டியலாகும். argv கட்டளை வரி உள்ளீட்டு வழியாக வரும் உருப்படிகள் அனைத்தையும் கொண்டிருக்கும். இது அடிப்படையில் நிரலின் கட்டளை வரி செயலுருபுகளைக் கொண்ட ஓர் அணியாகும்.
(ii) sys.argv ஐ பயன்படுத்த முதலில் நீங்கள் sys கூறுநிலையைத் தருவித்துக் கொள்ள வேண்டும். முதல் செயலுருபு sys.argv [0] எப்பொழுதும் செயல்படுத்த வேண்டிய நிரலின் பெயராக இருக்கும். மேலும் sys.argv [1] என்பது நிரலுக்கு (இங்கு இது C++ கோப்பு) அனுப்பப்படும் முதல் செயலுருபு ஆகும். 

(i) MinGW இயக்க நேர தலைப்புக் கோப்புகளின் தொகுப்பைக் குறிக்கிறது. விண்டோஸ் இயக்க முறைமையில் இயங்கும் வகையில், C,C++ மற்றும் FORTRAN நிரல் குறிமுறைகளைத் தொகுக்கவும், இணைக்கவும் இது பயன்படுகிறது.
(ii) MinGW - W64 (MinGW இன் பதிப்பு) Windows இன் C++க்கு சிறந்த தொகுப்பான் / நிரல் பெயர்ப்பி ஆகும். C++ நிரல்களை தொகுத்து, இயக்க, விண்டோஸ் இயக்க அமைப்புக்கு 'g++' தொகுப்பான் தேவை. MinGW, g++ஐ பயன்படுத்தி பைத்தான் நிரல் மூலம் C++ நிரல்களை தொகுத்து, இயக்க அனுமதிக்கிறது.
(iii) C++ நிரல் குறிமுறையைக் கொண்ட பைத்தான் நிரல்களை கட்டளை வரி அல்லது Run Terminal மூலம் இயக்க முடியும்.
(iv) g++ என்பது GCC-யை (GNU C தொகுப்பான்) அழைக்கும் நிரல். இது தானாகவே தேவையான C++ நூலக கோப்புகளை இலக்க நிரலுடன் இணைக்கிறது.

(i) ஒரு நிரலில் சில செயல்பாடுகளை தானியங்குபடுத்துதல்.
(ii) தரவு தொகுப்பிலிருந்து தகவலைப் பிரித்தெடுத்தல்.
(iii) பழைமையான நிரலாக்க மொழிகளுடன் ஒப்பிடும் போது, குறைந்த நிரல் குறிமுறையைக் கொண்டது.
(iv) பயன்பாடுகளுக்கு புதிய செயல்பாடுகளை கொண்டு வர முடியும் மேலும், சிக்கலான அமைப்புகளை ஒருங்கமைக்க முடியும்.