தற்சுழற்சி செயற்கூறு தன்னைத்தானே அழைக்கும். ஒரு நிபந்தனையில் நிறுத்தப்படாவிட்டால், ஒரு செயல்முறை காலவரையின்றி செயல்படும். இந்த செயற்பாடு முடிவில்லா சுழற்சி எனப்படும். தற்சுழற்சி செயற்கூறில் கொடுக்கப்படும் நிபந்தனை அடிப்படை நிபந்தனை எனப்படும். ஒவ்வொரு தற்சுழற்சி செயற்கூற்றிற்கும் அடிப்படை நிபந்தனை கொடுக்கப்பட வேண்டும் இல்லையென்றால் மடக்கு முடிவில்லாமல் இயங்கும்.
தற்சுழற்சி செயற்கூறு செயல்படும் முறை :
(i) தற்சுழற்சி செயற்கூறு வெளிப்புற குறிமுறையிலிருந்து அழைக்கப்படும்.
(ii) அடிப்படை நிபந்தனை நிறைவேற்றப்பட்டால் நிரலானது சரியான வெளியீடு கொடுத்து வெளியேறும்.
(iii) இல்லையெனில், செயற்கூறு தேவையான செயற்பாட்டை இயக்கும் மேலும் தற்சுழற்சி முறையில் தன்னைத் தானே அழைத்துக் கொள்ளும்.
தற்சுழற்சி பயன்படுத்தி காரணிபடுத்துதலுக்கு எடுத்துக்காட்டு :
def fact(n):
if n == 0:
          return 1
      else:
          return n * fact (n-1)
      print (fact (0))
      print (fact (5))
வெளியீடு:
      1
      120

def lcm(x, y):
if x>y:
    greater = x
else:
    greater = y
while (True):
     if ((greater % x == 0) and (greater % y == 0)):
     lcm = greater
     break
     greater += 1
     return lcm
a = int (input ("Enter first number :"))
b = int (input ("Enter second number :"))
print ("The LCM of", a, "and", b, "is", lcm(a,b)).
வெளியீடு :
Enter the first number: 15
Enter the second number: 20
LCM is : 60

	செயற்கூறு	விளக்கம்	பொது வடிவம்	எடுத்துக்காட்டு
a)	id( )	கொடுக்கப்பட்ட பொருளின் நினைவக முகவரியைத் திருப்பி அனுப்பும். குறிப்பு:x,y நினைவக முகவரி ஒவ்வொரு கணிப்பொறிக்கும் வேறுபடும்.	id( object)	x=15 y='a' print ('address of x is :',id (x)) print ('address of y is :',id (y)) வெளியீடு  address of x is : 1357486752 address of y is: 13480736
b)	chr ( )	கொடுக்கப்பட்ட ASCII மதிப்பிற்கு யுனிக்கோடு எழுத்தை திருப்பி அனுப்பும், இது ord( ) செயற்கூறின் தலைகீழாகும்.	chr (i)	c=65 d=43 print (chr (c)) print(chr(d)) வெளியீடு  A +
c)	round ( )	கொடுக்கப்பட்ட எண்ணின் முழு எண்ணாக மாற்றி திருப்பி அனுப்பும். 1. முதல் செயலுருபு கொடுக்கப்பட்ட எண்ணைக் குறிக்கும்  2. இரண்டாவது செயலுருபு முழு எண்ணிற்கு பிறகு தசம புள்ளிகளின் எண்ணிக்கையைக் குறிக்கும்.	round (number [,ndigits])	x= 17.9 y= 22.2 z= -18.3 print ('x value is rounded to', round (x)) print ('y value is rounded to', round (y)) print ('z value is rounded to', round (z)) வெளியீடு : 1  x value is rounded to 18 y value is rounded to 22 z value is rounded to -18 n1=17.89 print (round (n1,0)) print (round (n1,1)) print (round (n1,2)) வெளியீடு:2 18.0 17.9 17.89
d)	type ( )	கொடுக்கப்பட்ட பொருளின் தரவின் வகையைத் திருப்பி அனுப்பும். குறிப்பு: ஒரு அளபுரு பொருளுடன் இது பயன்படுத்தப்படுகிறது.	type (object)	x= 15.2 y='a' s= True print (type (x)) print (type (y)) print (type (s)) வெளியீடு
e)	pow ( )	கொடுக்கப்பட்ட எண்ணின் a - ன் அடுக்கு b - ன் மதிப்பை அதாவது (a**b) திருப்பி அனுப்பும்.	pow (a,b)	a=5 b=2 c=3.0 print (pow (a,b)) print (pow (a,c)) print (pow (a+b,3)) வெளியீடு: 25 125.0 343

மாறியின் வரையெல்லை என்பது நிரலின் அணுகக்கூடிய பகுதியைக் குறிப்பதாகும். அதாவது, எந்த பகுதியில் மாறியைப் பயன்படுத்துகிறோமோ அதைக் குறிக்கிறது. வரையெல்லை நடப்பு மாறித் தொகுதிகள் மற்றும் அதன் மதிப்புகளைக் கொண்டிருக்கும். மாறியின் வரையெல்லைகளை உள்ளமை வரையெல்லை மற்றும் முழுதளாவிய வரையெல்லை என இரண்டு வகையாகப் பிரிக்கலாம்.
உள்ளமை வரையெல்லை (Local Scope)
ஒரு செயற்கூறுவின் உடற்பகுதியின் உள்ளே அறிவிக்கப்படும் மாறி உள்ளமை மாறி எனப்படும்.
உள்ளமை மாறியின் விதிமுறைகள்
(i) உள்ளமை மாறியின் வரையெல்லை அது வரையறுக்கப்பட்டுள்ள தொகுதிக்குள் மட்டுமே பயன்படுத்த முடியும்.
(ii) செயற்கூறினுள் மாறி உருவாக்கப்படும் போது அது உள்ளமைவாக அமையும்.
(iii) செயற்கூறு இயக்கப்படும் போது மட்டுமே உள்ளமை மாறிகள் உயிர் பெறும்.
(iv) முறையான அளபுருக்கள் அதன் செயற்கூறுக்கு உள்ளமையானது ஆகும்.
எடுத்துக்காட்டு: உள்ளமை மாறியை உருவாக்குதல்
def loc():
y=0 # local scope
print(y)
loc()
வெளியீடு :
0
முழுதளாவிய வரையெல்லை (Global Scope)
அனைத்து செயற்கூறுகளுக்கும் மேலாக அறிவிக்கப்படும் மாறி முழுதளாவிய மாறி எனப்படும். முழுதளாவிய வரையெல்லை உடைய மாறியை நிரலின் எந்த பகுதியிலும் அணுகமுடியும் முழுதளாவிய வரையெல்லை கொண்ட மாறியை ஒரு செயற்கூறினுள் அணுகுவதற்கு 'global' சிறப்புச் சொல்லானது பயன்படுகிறது.
பைத்தானின் 'Global' சிறப்புச் சொல்லின் அடிப்படை விதிகள்:
(i) செயற்கூறுக்கு வெளியே மாறியை அறிவிக்கும் போது அது தானமைவாக முழுதளாவிய வரையெல்லை ஆகும். 'global' என்ற சிறப்புச் சொல்லை பயன்படுத்த வேண்டியதில்லை.
(ii) செயற்கூறினுள் முழுதளாவிய மாறியின் மதிப்பை மாற்றியமைக்க 'global' என்ற சிறப்புச்சொல் பயன்படுத்த வேண்டும்.
(iii) செயற்கூறுவிற்கு வெளியே 'global' என்ற சிறப்புச் சொல் எந்த விளைவையும் ஏற்படுத்தாது.
'Global' சிறப்புச் சொல்லின் பயன்பாடு:
எடுத்துக்காட்டு : செயற்கூறுவின் உள்ளிருந்து முழுதளாவிய மாறியை அணுகுதல்
c = 1                   # global variable
def add():
       print(c)
       add()
வெளியீடு:
1

செயற்கூறுகள்	விளக்கம்
பயனர் வரையறுக்கும் செயற்கூறுகள்	பயனர்கள் தாங்களாகவே வரையறுக்கும் செயற்கூறுகள்
உள்ளிணைந்த செயற்கூறுகள்	பைத்தானில் உள்ளடக்கப்பட்ட செயற்கூறுகள்
லாம்டா செயற்கூறுகள்	பெயரில்லாத செயற்கூறுகள்
தற்சுழற்சி செயற்கூறுகள்	தற்சுழற்சியாக தன்னைத் தானே அழைத்துக் கொள்ளும் செயற்கூறுகள்

பயனர் வரையறுக்கும் செயற்கூறின் தொடரியல் 
def <function_name ([parameter 1, parameter2 ... ]) >:
      <Block of Statements>
      return <expression / None>
செயற்கூற்றை வரையறுக்கும் எடுத்துக்காட்டு 
def hello( ):
      print ("hello - Python ")
      return
பைத்தானில், பெயரில்லாமல் வரையறுக்கப்படும் செயற்கூறுவுக்கு பெயரில்லாத செயற்கூறு என்று பெயர். மற்ற சாதாரண செயற்கூறுகள் def என்ற சிறப்பு சொல்லுடன் வரையறுக்கப்படுகிறது. பைத்தானில் பெயரில்லாத செயற்கூறுகள் லாம்டா சிறப்புச் சொல்லுடன் வரையறுக்கப்படுகிறது. எனவே, பெயரில்லா செயற்கூறுகளை லாம்டா செயற்கூறுகள் என்றும் அழைக்கலாம்.
லாம்டா அல்லது பெயரில்லா செயற்கூறின் பயன்கள் : 
லாம்டா செயற்கூறு பெரும்பாலும் சிறிய மற்றும் ஒரு முறை பெயரில்லாத செயற்கூறை உருவாக்க பயன்படுகிறது.
filter(), map() மற்றும் reduce () போன்ற செயற்கூறுகளுடன் சேர்த்து லாம்டா செயற்கூறுகளை பயன்படுத்தலாம்.
பெயரில்லா செயற்கூறின் பொது வடிவம் 
lambda [argument(s)] :expression
எடுத்துக்காட்டு :
sum = lambda arg 1, arg2: arg 1 + arg2
print ('The Sum is :', sum(30,40))
print ('The Sum is :', sum(-30,40))
வெளியீடு 
The Sum is : 70
The Sum is : 10