ஆட்டோகேட் 2016 இன் இடைமுகமானது ரிப்பன்களையும், பயன்பாட்டுப் பட்டிகளையும் அடிப்படையாகக் கொண்டது.
இந்த இடைமுகத்தின் முக்கியமான அம்சம் வரைகலைப் பகுதியின் அளவு பெரியதாக இருக்கும்.
1. பயன்பாட்டுப் பட்டி :
(i) சிவப்பு நிறத்தில் உள்ள பயன்பாட்டுப் பொத்தானைக் (A) கிளிக் செய்தால், பயன்பாட்டுப் பட்டி தோன்றும்.
(ii) இந்த பட்டியில் உள்ள கோப்புத் தொடர்புடையக் கட்டளைகள் :
* புதிய கோப்பை உருவாக்குதல்,
* ஏற்கனவே உள்ள கோப்பை திறத்தல்,
* நடப்பு கோப்பை சேமித்தல்,
* நடப்புக் கோப்பை வேறொரு பெயரில்,
* வேறு கோப்புறையில் சேமித்தல்,
* வேறு கோப்பு வடிவத்தில் சேமித்தல்,
* நடப்புக் கோப்பை அச்சிடுதல்.
(iii) பயன்பாட்டுப் பட்டியின் மேல் பகுதியில் தேடல் பட்டை இடம்பெற்றிருக்கும்.
(iv) இந்தப் பட்டை கட்டளைகளைத் தேடுவதற்குப் பயன்படுகிறது. இதில் ஏதேனும் ஒரு முக்கியச் சொல்லை தட்டச்சு செய்தால், தொடர்புடைய கட்டளைகளின் பட்டியலைக் காட்டும்.
(v) பயன்பாட்டுப் பட்டியில் சமீபத்தில் நாம் பயன்படுத்திய கோப்புகள் இருக்கும்.
2. ரிப்பன் :
ஆட்டோகேட் 2016 சன்னல் திரையின் மேல் பகுதியிலுள்ள தலைப்புப் பட்டைக்கு கீழே உள்ள பகுதி ரிப்பன் ஆகும். இந்த ரிப்பன் இரண்டு பகுதிகளை உடையது.
1. ரிப்பன் தொகுதி
2. ரிப்பன் பேனல்
(i) ரிப்பனின் Home தொகுதியில் Draw. Modify, Annotation, Layers போன்ற  பேனல்கள் இருக்கும்.
(ii) Draw, Modify போன்ற சில பேனல்கள் திரையில் காண்பிப்பதை விட அதிக பொத்தான்களைக் கொண்டிருக்கும்.
(iii) மேலும் பல கருவிகளைக் காண்பிக்கும் வகையில் இந்தப் பேனல்களை விரிவாக்க முடியும்.
(iv) பேனல் தலைப்பின் வலது புறத்தில் உள்ள அம்புக்குறியை க்ளிக் செய்து பேனலை விரிவாக்க முடியும்.
(v) இது கூடுதல் கருவிகளையும் கட்டுப்பாடுகளையும் கொண்டிருக்கும்.
(vi) ஒரு செயல் செயல்பாட்டில் இருக்கும் பொழுது ESC விசையை அழுத்தினால், அது அக்கட்டளையை முடிவுக்குக் கொண்டு வரும்.
(vii) ஆட்டோகேடில் முன்னதாகப் பயன்படுத்திய கட்டளையைத் திரும்பவும் பயன்படுத்த வேண்டுமெனில், Command: Prompt இல் நுழைவு விசை (அ) இடைவெளி விசையை அழுத்த வேண்டும்

ஃப்ளாஷ் சன்னல் திரை நான்கு பகுதிகளாகப் (அ) கூறுகளாகப் பிரிக்கப்பட்டுள்ளது. அவை
1. பணித்தளம் மற்றும் ஒட்டுப்பலகை (Stage and Pasteboard) )
2.காலக்கோடு (Timeline)
3. கருவிகள் பலகம் (Tools Panel)
4. Property Inspector
 1. பணித்தளம் மற்றும் ஒட்டுப்பலகை (பணிப்பகுதி) .
(i)  பணித்தளத்தின் நடுவில் உள்ள செவ்வக வெள்ளைப் பகுதி மேடை (Stage) என  அழைக்கப்படுகிறது.
(ii) அசைவுப்படத்திற்கான அசைவூட்டங்கள். பொருட்கள் மற்றும் காட்சிகள் ஆகியவற்றை உருவாக்க, பதிப்பிக்க இருத்திவைக்க மற்றும் இயக்க இந்த மேடை உதவுகிறது.
(iii) ஃப்ளாஷ் மேடையானது சலனப் படத்தை (Movie) காட்டுகிறது.
(iv) ஃப்ளாஷ்-ல் பணித்தளத்தை சுற்றியுள்ள சாம்பல் நிற பகுதி ஒட்டுப்பலகை (Pasteboard) எனப்படும். இந்த ஒட்டு பலகையில் பொருள்களை உருவாக்கவும், பதிப்பிக்கவும் முடியும்.
2. காலக்கோடு (Time Line):
(i) ஃப்ளாஷ்-ன் மிக முக்கியமான கூறுகளில் ஒன்றாகும்.
(ii) இது பணித்தளப் பகுதியின் அமைந்துள்ளது. காலக்கோடு ஒவ்வொரு உறுப்பின் தோற்றத்தையும் அசைவூட்டத்தையும் தெளிவாகக் காட்டப் பயன்படுகிறது.
(iii) காலக்கோடு என்பது சலனப்படத்தை உருவாக்கும் ஒவ்வொரு சட்டகம், அடுக்கு மற்றும் காட்சியின் பதிவு ஆகும். அடுக்குகள் மற்றும் சட்டகங்களைப் பயன்படுத்தி சலனப்படத்தின் உள்ளடக்கத்தை கட்டுப்படுத்தி ஒருங்கிணைக்கிறது.
3. ஃப்ளாஷ் கருவிகள் பலகம் (The Flash Tools Panel) :
(i) இது மேடையில் வரைகலையை உருவாக்க, தேர்ந்தெடுக்க (அ) பதிப்பிக்கத் தேவையான கருவிகளைக் கொண்டுள்ளது.
(ii ) கருவிகள் பலகத்தின் மேல் இருக்கும் இரட்டை அம்புக்குறியானது பலகத்தைப் பிரித்து பணிக்குறிகளை மட்டும் பார்வையிட (அ) பலகத்தை விரிவாக்கம் செய்து எல்லா கருவிகளையும் பார்வையிடப் பயன்படுகிறது.
(iii ) கொடாநிலையாக கருவிப்பட்டையானது திரையின் வலது புறத்தில் இருக்கும்.
(iv ) அடைப்புக்குறிகளுக்குள் இருக்கும் ஒற்றை பெரிய எழுத்து இந்த கருவிகளை தேர்ந்தெடுப்பதற்கான விசைப்பலகை குறுக்கு வழி ஆகும்.
4. பண்பு சோதிப்பான் (Property inspector) :
(i ) இது கொடாநிலையாக Flash பணியிடத்தின் வலது பக்கத்தில் தோன்றும்.
(ii ) இது நூலகப்பலகத்துடன் இணைக்கப் பட்டிருக்கும்.
(iii) இது தேர்ந்தெடுக்கப்பட்ட பொருளின் பண்புகள் மற்றும் விருப்பங்களைக் காட்டுவதோடு அவற்றை மாற்றவும் அனுமதிக்கிறது.
(iv) பொருள் (object) என்பது உரையாகவோ, படமாகவோ, கோடாகவோ (அ) வேறு வடிவமாகவோ இருக்கலாம்.

அசைவூட்டல் : அசையா படங்களை மிக விரைவாக காண்பிப்பதன் மூலம் அவற்றைத் தொடர்ச்சியான அசைவு போன்ற உணர்வை கொடுக்கும் செயல். அசைவூட்டலில், திரை பொருள் என்பது ஒரு வெக்டர் படமாகும்.
சிறப்பம்சங்கள் :
அசைவூட்டலில், திரை பொருள் என்பது ஒரு வெக்டர் படமாகும்.
1. எண் மாற்றத்தைப் பயன்படுத்தி ஒருங்கிணைப்புகளை வரையறுக்க படத்துடன் அதன் பாதையின் இயக்கம் கணக்கிடப்படும்.
2. குறைந்தபட்ச சட்டக விகிதம் விநாடிக்கு 16 சட்டங்கள் என இருந்தால் மென்மையான தோற்றத்தைக் கொடுக்கும்.
3. இயற்கை தோற்றத்திற்கு குறைந்தபட்சம் விநாடிக்கு 25 சட்டகங்களாக இருத்தல் வேண்டும். 
தொழில்நுட்பம் :
1.அசைவூட்டல் இரு (அ) முப்பரிமாணங்களைக் கொண்டது.
2. திரையில் X மற்றும் Y அச்சுகளுக்கு இடையேயான பரப்பில் இரு பரிமாண அசைவூட்டல் நிழற்படத்தை உயிரோட்டமாகக் கொண்டு வருகிறது.
3. முப்பரிமாண அசைவூட்டத்தில் X, Y மற்றும் Z ஆகிய மூன்று அச்சுகளுக்கிடையே உயிரோட்டம் நடைபெறுகிறது.
4. அசைவூட்டல் கருவிகள் மிகவும் சக்தி வாய்ந்தவை மற்றும் திறமை வாய்ந்தவை ஆகும், இரண்டு வகையான அசைவூட்டல்களாவன :
  1. பாதை அசைவூட்டல்
  2. சட்டக அசைவூட்டல்
1.பாதை அசைவூட்டல் : மாறாத பின்னணியைக் கொண்ட திரையில் ஒரு பொருளை நகர்த்துவதை உள்ளடக்கியது.
2. சட்டக் அசைவூட்டல் : பல பொருட்கள் ஒரே சமயத்தில் நகர்வதற்கு அனுமதிக்கிறது மற்றும் பின்னணி (அ) பொருள்களும் மாறுகிறது.

பல்லூடகத்தை உருவாக்குவதற்கு போதுமான நேரம் மற்றும் திறமையான திட்டமிடல் ஆகியவை தேவைப்படுகின்றன. இது திட்டப்பணி சுமூகமாக தொடரவும் மற்றும் தகவல் இலக்கு பார்வையாளர்களைச் சென்றடையவும் உறுதி செய்கிறது. சிக்கலான பல்லூடகத் திட்டங்களை உருவாக்குவதற்கான படிநிலைகள் 1. கருத்துரு பகுப்பாய்வு மற்றும் திட்டமிடல் :
கருத்துரு பகுப்பாய்வு பொருத்தமான கருப்பொருள், வரவு-செலவு திட்டம் மற்றும் தேர்வு செய்த கருப்பொருளின் பொருளடக்கத்தின் இருப்பு ஆகியவற்றை அடையாளம் காண்கின்றது. கூடுதலாக. பதிப்புரிமை பிரச்சனைகளையும் இந்த படிநிலையில் கருத்தில் கொள்ளப்படுகிறது.
2. திட்ட வடிவமைப்பு : ஒருமுறை கருப்பொருளை இறுதி செய்த பிறகு, பல்லூடகத்தின் திட்டத்திற்கான நோக்கங்கள், குறிக்கோள்கள் மற்றும் செயல்பாடுகள் ஆகியவை வடிவமைக்கப்படுகின்றன. நோக்கத்தை செயல்படுத்துவதற்குத் தொடர்ச்சியான செயல்களை நிகழ்த்துவதைச் செயல்பாடுகள் என்கிறோம். இந்த செயல்பாடுகள், திட்ட வடிவமைப்பு படிநிலைக்கு பங்களிப்பை வழங்குகிறது.
3. முன் - உருவாக்குதல் : திட்டமிடல் மற்றும் வடிவமைத்தலின் அடிப்படையில் திட்டத்தை உருவாக்குவது தேவையானது ஆகும்.
முன்உருவாக்குதலின் படிநிலைகள் பின்வருமாறு :
1. வரவு - செலவு திட்டமிடல் : ஆலோசகர்கள், வன்பொருள், மென்பொருள், பயணம், தகவல் தொடர்பு மற்றும் பிரசுரித்தல் போன்ற ஒவ்வொரு நிலையிலும் அனைத்து பல்லூடக திட்டங்களுக்கும் வரவு செலவு திட்டம் தோராயமாகக் கணக்கிடப்படுகிறது.
2. பல்லூடகத்தை உருவாக்கும் குழு : உயர்ந்த பல்லூடகத் திட்டத்தை உருவாக்கும் குழுவிற்கு அந்த குழுவின் ஒட்டு மொத்த முயற்சி தேவை. குழுவானது ஸ்கிரிப்ட் எழுத்தாளர். தயாரிப்பு மேலாளர், பதிப்பாசிரியர், வரைகலை வடிவமைப்பாளர். பல்லூடக வடிவமைப்பாளர் மற்றும் வரை வல்லுநர் போன்ற பல்வேறு பதவிகளையும் மற்றும் பொறுப்புகளையும் செய்யும் உறுப்பினர்களைக் கொண்டது.
3. வன்பொருள் / மென்பொருள் தேர்ந்தெடுத்தல் :
பயன்பாட்டினை உருவாக்குவதற்கும், அதனை மீண்டும் செயல்படுத்துவதற்கும் பொருத்தமான கருவிகள் அனைத்து பல்லூடக பயன்பாடுகளுக்கும் தேவை. வன்பொருளானது தேர்ந்தெடுத்த வேகமான மையச் செயலகம், மற்றும் பெரிய திரையகம், பதிவுகளைச் சேமிக்கத் தேவையான வட்டுகள் ஆகியவற்றை உள்ளடக்கியது. பொருத்தமான மென்பொருள் மற்றும் கோப்பு வடிவங்களைத் தேர்ந்தெடுத்தல் என்பது உருவாக்கப்படும் திட்டப் பணிக்கு கிடைக்கும் நிதியைப் பொறுத்தாகும்.
4. பொருளடக்கத்தை வரையறுத்தல் : 
பொருளடக்கம் என்பது பொருளடக்க வல்லுநரால் பல்லூடக வடிவமைப்பாளருக்கு வழங்கப்படும் தகவல்கள் ஆகும். இந்த தகவல்களைக் கொண்டு உருவாக்கிய பயன்பாட்டில் பல்லூடக வடிவமைப்பாளர் விவரித்தல், புல்லட்கள், வரைபடங்கள் மற்றும் அட்டவணைகள் போன்றவற்றைத் தயார் செய்கிறார்.
5. கட்டமைப்பை தயார் செய்தல் : விரிவான கட்டமைப்பில் அனைத்து படிநிலைகளும் அடுத்தடுத்து வரும் செயல்பாட்டிற்கான நேர அளவு பற்றிய தகவல்களைக் கண்டிப்பாக கொண்டிருக்க வேண்டும், இந்த கட்டமைப்புச் செயல்பாடுகள், ஒவ்வொரு செயல்பாட்டிற்குமான பொறுப்பாளர் மற்றும் ஒவ்வொரு செயல்பாட்டிற்குமானத் தொடக்க / முடிவு நேரம் ஆகியவற்றை வரையறுக்கிறது. பல்லூடகப் பயன்பாட்டில் முன் உருவாக்குதல் செயல்பாட்டிற்குப் பிறகு, இந்தபடி நிலை தொடங்குகிறது.
6. உருவாக்குதல் : இது பின்னணி இசையைத் தேர்ந்தெடுத்தல், ஒலிப்பதிவு போன்ற செயல்பாடுகளை உள்ளடக்கியது. OCR மென்பொருளைக் கொண்டு உரையானது இணைக்கப்படுகிறது. படங்கள் இலக்கக் கேமராவைக் கொண்டு படம் பிடிக்கப்படுகிறது. ஒளிக்காட்சியினை பதிவு செய்து. தொகுத்து மற்றும் குறுக்கப்படுகிறது. இப்பொழுது, மாதிரி திட்டம் தயார் நிலையில் உள்ளது.
7.சோதித்தல் : திட்டத்தை பிரமாண்டமாக உருவாக்குவதற்கு முன், மாதிரி திட்டத்தை முழுவதுமாக சோதித்தல் வேண்டும். இவை அனைத்தும் சரியான இடத்தில் உள்ளதா என்பதை உறுதி செய்வதன் மூலம் வெளியீட்டிற்கு பிறகு நேரக்கூடிய தோல்வியைத் தவிர்க்க முடியும். Internet Explorer சோதனை செயல்பாடுகள் முடிந்த திட்டமான சரியாக பரிந்துரைக்கப்பட்டுள்ள மாற்றங்களோடு இணைக்கப்படுகிறது.

1. பலகோண உருவம் வரைய polygon கருவியைக் கருவிப்பட்டையிலிருந்து தேர்ந்தெடுக்கவும். சுட்டியின் வடிவம் Crosshair குறியுடன் கீழ்ப்பகுதியில் பலகோணம் கொண்ட குறியாக இருக்கும்.
2. இப்போது வரையும் பகுதியில் எங்கு ஐங்கோணம் வரைய வேண்டுமோ அங்கு சுட்டியின் இடது பொத்தனை அழுத்தி பிடித்தவாறு நகர்த்த வேண்டும்.
3. விரும்பும் வடிவமுடைய பலகோணம் உருவானவுடன் சுட்டியின் பொத்தானை அழுத்துவதை விட்டு விடவும்.
4. வரைந்த பலகோணத்தின் பக்கங்களை அதிகரிக்க வரைந்த பலகோணத்தை Pick கருவி மூலம் தேர்ந்தெடுக்கவும்.
5. சுட்டியை பண்பு பட்டையில் உள்ள Number of Points on Polygon உரைப்பெட்டியில் கிளிக் செய்து தேவையான பக்கங்களின் எண்ணிக்கையைக் கொடுக்கவும்.

1. பலகோண (Polygon) கருவியின் மீது அழுத்திப் பிடித்தவாறே இருந்தால் flyout பட்டி தோன்றி மேலும் பல கருவிகளைக் காட்டும்.
2. flyout பட்டியில் உள்ள சுருள் (Spiral) கருவியைக் கிளிக் செய்யவும்.
3. நீங்கள் பண்பு பட்டையில் உள்ள சுருள் சுழற்சி, பெட்டியில் எண்ணிக்கையைக் கொடுப்பதன் மூலம் தேவையான வட்டம் உடைய புதிய சுருள் அமைப்பை உருவாக்க முடியும்.
4. பின் பண்பு பட்டையில் கீழ்கண்ட ஏதேனும் ஒரு பொத்தானை கிளிக் செய்யவும்.
i) சமசீர் சுருள் (Symmetrical spiral)
ii). மடக்கை சுருள் (Logarithmic spiral)
5. சுழற்சியை வெளிப் புறமாக நகர்த்தும் போது சுருள் விரிவாக்க அளவுகளை விரும்பினால் spiral expansion slider ஐ நகர்த்தவும்.
6. வரையும் சன்னல் திரையில் நமக்கு வேண்டிய அளவு உள்ள சுருள் வரும் வரை சுட்டியை கிடைமட்டமாக இழுக்கவும்.

i) பயன்பாடு பட்டை :
1. இது பணித்தளத்திற்கு மேல் உள்ளது .இதில் பல படிகள் உள்ளன .
2. பட்டியை திறக்க , பயன்பாட்டு  பட்டையில் உள்ள பட்டியின் பெயரை கிளிக் செய்யவும் .
3. ஒவ்வொரு பட்டியும் பட்டி வகையோடு தொடர்புடைய கட்டளையை பட்டியலிடும்.
ii) ஆவண தத்தல் :
1. கிடைமட்ட ரூலர்க்கு மேல்பகுதியில் உள்ளது .
2. ஆவணத்தின் பெயர் , உருப்பெருக்கத்தின் நிலை மற்றும் மூடு பொத்தான் ஆகியவற்றைக் கொண்டுள்ளது
3. ஒன்றிற்கு மேற்பட்ட ஆவணங்கள் திறந்திருந்தால் , ஒவ்வொரு ஆவணத்திற்கும் ஒரு தத்தல் தோன்றும் மற்றும் ஆவண தத்தல்கள் கிடைமட்ட வரிசையில் தோன்றும்
4.ஆவண தத்தலை கிளிக் செய்து , அந்த ஆவணத்தைச் சன்னல் திரையில்  காணலாம் 
iii) கருவிகள் பலகம் : 
1.InDesign - ல் இருக்கும் அனைத்து கருவிகளும் கருவிகள் பலகத்தில் இருக்கின்றன .
2.பொருளை உருவாக்கும் கருவிகள் , பொருளை உருமாற்றும் கருவிகள் , பக்கக் காட்சியை மாற்றுதல் மற்றும் பணித்தளத்திற்கு செல்லுதல் கருவிகள் ஆகிய கருவிகள் உள்ளன .

1.Start - > All programs - > Adobe InDesign CC 2019 என்பதை  தேர்வு செய்யவும் . ( அ ) InDesign திரைமுகப்பில் உள்ள குறுக்கு வழியைத் தேர்வு செய்யவும் .
2."Welcome to InDesign " என்ற சன்னல் திரை திறக்கப்படும் .இப்பொழுது Create New பொத்தானைக் கிளிக் செய்யவும் .
3.இப்பொழுது  New Document window புதிய ஆவண சன்னல் திறக்கப்படும் .
4.புதிய ஆவணத்தில் அடிப்படை தேர்வுகளை பொருத்துவதற்கு New Document உரையாடல் பெட்டியில்
Category தத்தலில் உள்ள Print , Web (அ) Mobile - ஐ தேர்வு  செய்யவும் .
5.Width and Height , orientation , Pages , Start , Columns போன்ற தேர்வுகளை ஏற்கனவே தேர்வுசெய்யப்பட்ட தொகுதியில்  குறிப்பிடவும்.
6.முன்பே இருத்தப்பட்ட அமைப்புகளோடு ஆவணத்தை திறக்க Create பொத்தானைக் கிளிக் செய்யவும்.

1. கருவிப்பெட்டியில் உள்ள செவ்வகம் (அ) நீள்வட்டம் (அ) பலகோணம் ஃபிரேம் டூல்களில் ஏதேனும் ஒன்றின் மீது கிளிக் செய்ய வேண்டும்.
2. அதைப் பயன்படுத்தி ஒரு சட்டம் வரைய வேண்டும். அச்சட்டம் தேர்வு செய்யப்பட்டுள்ளதை உறுதி செய்து கொள்ள வேண்டும்.
3. பட்டிப்பட்டையில் File --> Place என்பதைக் கிளிக் செய்ய வேண்டும். Place உரையாடல் பெட்டி தோன்றும்.
4. செருக வேண்டிய உரை உள்ள ஆவணத்தை தேர்வு செய்ய வேண்டும்.
5. Open பொத்தானைக் கிளிக் செய்ய வேண்டும்.
6. உரையைச் செருக வேண்டிய சட்டத்தில் கிளிக் செய்ய வேண்டும். உரையானது சட்டத்தில் செருகப்பட்டிருக்கும்.

கருவியின்  பெயர்	கருவிப் பெட்டியிலுள்ள  பணிக்குறி	சுட்டுக்குறி	பயன்
பாயின்டர் டூல்			உரை மற்றும் வரைகலைப் படங்களைத் தேர்ந்தெடுக்க நகர்த்த, அளவை மாற்ற.
டெக்ஸ்ட் டூல்			உரையை உள்ளிட, தேர்ந்தெடுக்க பதிப்பிக்க.
ரொடேடிங் டூல்			பொருள்களை தேர்ந்தெடுக்க மற்றும் சுழற்ற.
கிராப்பிங் டூல்			வரைகலைகளை ஒழுங்கமைக்க.
லைன் டூல்			நேர்கோடு வரைய.
கன்ஸ் ரெய்ன்டு டூல்			கிடைமட்டமாகவும் செங்குத்தாகவும் கோடுகள் வரைய
ரெக்டாங் கல் டூல்			சதுரம் மற்றும் செவ்வகம் வரைய
ரெக்டாங் கல் ஃபிரேம் டூல்			உரை மற்றும வரைகலைகளை வைப்பதற்கான செவ்வகங்களை வரைய
எலிப்ஸ் டூல்			வட்டம் மற்றும் நீள்வட்டம் வரைய
எலிப்ஸ் ஃபிரேம் டூல்			உரை மற்றும் வரைகலைகளை  வைப்பதற்கான நீள்வட்டங்களை வரைய
பாலிகான் டூல்			பல கோணங்கள் வரைய
பாலிகான் ஃபிரேம் டூல்			உரை மற்றும் வரைகலைகளை  வைப்பதற்கான பல கோணங்களை வரைய
ஹேண்ட் டூல்			பக்கத்தை திரை உருளல் செய்ய
ஜூம்  டூல்			பக்கத்தின் அளவை பெரிதாக்கியும் சிறிதாக்கியும் பார்க்க