1.அரச சிம்மாசனத்தை அடைய யார்க் குடும்பம் மற்றும் லான்காஸ்டிரியன் குடும்பம் என இரண்டு அரச குடும்பங்களுக்கு இடையே மோதல் ஏற்பட்டது.
2.இதன் விளைவாக ரோஜாப்பூ போர் நடந்தது.(அவர்கள் முறையே வெள்ளை மற்றும் சிவப்பு ரோஜாக்கள் உடைய அடையாளக்குறிகளை அணிந்தனர், அதனால் இப்பெயர் பெற்றது.) இந்த உள்நாட்டுப்போரில் ஹென்றி டியூடர் வெற்றி வாகை சூடி, இங்கிலாந்தில் புதிய அரசாட்சி அமைய வழிவகுத்தார்.
3.ஏழாம் ஹென்றி என்று பட்டம் சூட்டிக்கொண்ட அவர் யார்க் குடும்பத்தைச் சேர்ந்த எலிசபெத் உடன் திருமண ஒப்பந்தத்தில் ஈடுபட்டார், இதனால் இங்கிலாந்து ஒரு தேசிய அரசாக உருவெடுத்தது.

1.இயேசு நாதரின் புனித இறுதி விருந்தை ஒத்த புனிதச் சமயச் சடங்கை கத்தோலிக்கர்கள் தங்கள் தேவாலயங்களில் பின்பற்றினார்கள்.
2.இயேசு கிறிஸ்து மேற்கொண்ட தியாகங்களை நினைவு கூறும் வகையில் இந்தச் சடங்கில் கத்தோலிக்க கிறித்துவர்கள் பங்கேற்றனர்.
3.எனவே ரொட்டியும் திராட்சை ரசமும் இயேசுவின் சதையும் இரத்தமும் என்று நம்பினர். 

1.இங்கிலாந்தில் பிரபுக்களின் சொத்துக்கள் தொடர்பான வழக்குகளை விசாரிக்க நட்சத்திர சேம்பர் என்ற பெயரில் நீதிமன்றத்தை ஏழாம் ஹென்றி உருவாக்கினார்.
2.நீதிமன்ற நடைமுறைகள் நடந்த வெஸ்ட்மின்ஸ்டர் அரண்மனையின் மேல் சுவரில் நட்சத்திரங்கள் ஓவியமாக தீட்டப்பட்டிருந்ததால் இப்பெயர் பெற்றது.

1.1588ல் இரண்டாம் பிலிப் ஸ்பெயின் நாட்டு கப்பற்படையை 130 கப்பல்கள் மற்றும் 31,000 படை வீரர்களோடு இங்கிலாந்து மீது போர் தொடுக்க அனுப்பினார்.
2.ஸ்பானிய கப்பற்படையை ஆங்கிலேய படை முறியடித்தது.
3.நவீன உலகில் ஒரு வலுவான சக்தியாக பிரிட்டிஷார் உருவெடுக்க இது காரணமாக அமைந்தது.

1.பிளாரன்ஸ் நகரில் சக்திவாய்ந்த வர்த்தகக் குடும்பம் மெடிசி குடும்பம்.
2.கோசிமோ டி மெடிசி என்பவர் இத்தாலி முழுவதும் வங்கிக் கிளைகளை நடத்தி வங்கித்துறையில் கொடிகட்டிப் பறந்தார்.
3.1434-1464ஆம் ஆண்டுகளில் அரசு நிர்வாகத்தை மறைமுகமாக தனது கட்டுப்பாட்டில் வைத்திருந்தார்.