ஒரு நெறிப்பட்ட மனதோடு உன்னுடைய மலர்போன்ற திருவடிகளை நினைக்கின்ற உத்தமர்களின் உறவு வேண்டும் என்றும் உள்ளத்தில் ஒன்றும் புறத்தில் ஒன்றுமாகப் பேசும் வஞ்சகர்களின் உறவு தன்னைப் பற்றாதவாறு காக்க வேண்டும் என்றும் இராமலிங்க அடிகள் கந்தவேளிடம் வேண்டுகிறார் ஒருமையுடன் நினது திரு மலரடி நினைக்கின்ற உத்தமர்தம் உறவுவேண்டும் உள்ளொன்று வைத்துப் புறம்பொன்று பேசுவார் உறவு கலவாமைவேண்டும்

நோயாளன் போல் - உவமை. உவம உருபு போல்  
 செய்தி:  மருத்துவர் உடலில் ஏற்பட்ட புண்ணைக் கத்தியால் அறுத்துச் சுட்டாலும் அது நன்மைக்கே என்பதனை உணர்ந்த நோயாளி அவரை நேசிப்பார் வித்துவக்கோட்டில் எழுந்தருளியிருக்கும் அன்னையே! அதுபோன்று நீ உனது விளையாட்டால் தீராத துன்பங்களை எனக்குத் தந்தாலும் உன் அடியாவனாகிய நான் உன் அருளையே எப்பொழுதும் எதிர்பார்த்து வாழ்கின்றேன் என்கிறார் குலசேகராழ்வார்.

இடம் : 'இரட்சணிய யாத்திரிகம்' என்னும் நூலில், கொடியவர்கள் இறைமகன்மீது பகை கொண்டு அவருக்கு இழிவான செயல்களைச் செய்தனர். அப்போது இறைமகனின் நிலையை நூலாசிரியர் 'ஈசன் மகன் நின்றனர் ஓர் ஏழையென ஓர்மின்' எனக் கூறுகிறார்.
பொருள் : எந்த உதவியும் பெற இயலாத ஏழை ஒருவனைப் போல இறைமகன் அமைதியுடன் நின்றார். இதனை எண்ணிப்பாருங்கள்.
விளக்கம் : பகைவர்கள் இறைமகனைக் கயிற்றால் கட்டும்போது அதற்கு அவர் உடன்பட்டு நின்றார். தமக்கு இழிவான செயல்களைச் செய்த அம்மனிதர்கள், காலம் முழுவதும் துன்பத்தில் இருப்பார்களே என்று எண்ணி, அவர்களுக்காக இரக்கப்பட்டு, அன்பு என்னும் உறுதியான கட்டிலிருந்து விடுபட முடியாமல், எந்த உதவியும் பெற இயலாத ஓர் ஏழையைப் போல அமைதியுடன் நின்றார். இதை எண்ணிப் பாருங்கள் என்கிறார், ஆசிரியர்.

குறிப்புச் சட்டகம் :
1. முன்னுரை 
2. நிர்வாக மேலாண்மை 
3. நிதி மேலாண்மை 
4. நல்வழி கூறும் மேலாண்மை 
5. முடிவுரை 


1. முன்னுரை :
மனித இனம் தோன்றியபோதே மேலாண்மையும் செயல்படத் தொடங்கி விட்டது தடைக்கற்களைப் படிக்கற்களாக மாற்ற மேலாண்மையே ஒருவருக்கு அவசியமாகும் ஒருவர் எத்தொழிலைத் தொடங்கினாலும் திட்டமிடல் செயல்படுதல் ஆகிய நிர்வாக முறைகள் சிறப்பாக அமைய வேண்டும் 
2. நிர்வாக மேலாண்மை:
உயர்பதவியில் இருப்பவர்கள் எல்லாவற்றிலும் நிபுணத்துவம் பெற்றவர்களாக இருப்பது சாத்தியமில்லை திறமைசாலிகள் யார் என்பதை அறிந்து அவர்களை அருகில் வைத்துக்கொள்ளல் வேண்டும் தெரிந்திருப்பது ஒருவகை அறிவு என்றால் யாருக்குத் தெரியும் எனத் தெரிந்திருப்பது மற்றொரு அறிவு இதனையே நாலடியார் கல்லாரே யாயினும் கற்றாரைச் சேர்ந்தொழுகின் நல்லறிவு நாளுந் தலைப்படுவர் என்று குறிப்பிடுகிறார் 
3. உரிய நேரத்தில் விதைத்தல் :
நிர்வாகத்தில் வரவையே செலவைத் தீர்மானிக்க வேண்டும் வரவைத்தாண்டி செலவு செய்பவன் அடுத்தவர்களிடம் கையேந்த வேண்டிய அவல நிலைக்குத் தள்ளப்படுவான் 
4. நல்வழி கூறும் மேலாண்மை :
வரவுக்கு மேல் செலவு செய்பவர்களின் பெருமை அழிந்து அவர்களின் அறிவு கெட்டுவிடும் அவர்கள் போகும் திசைகளில் எல்லாம் திருடன் என்ற இழிபெயரை ஏற்க வேண்டிய நிலை வரும் எழுவகைப் பிறப்புகளிலும் இப்பாவம் தொடரும் நல்லவர்களுக்கும் பொல்லாதவனாக வாழ்வான் இதனை ஆராய்ந்து அறிவாயாக என ஒளவையார் தன் நல்வழி நூலில் அறிவுறுத்துகிறார் எனவே வருவாய்க்கு அதிகமாக செலவு செய்யக்கூடாது 
5. முடிவுரை :
அடுத்தவர் நலனுக்காக வாழ்பவரே தலைமைப் பண்புமிக்கவர் அமுதமே கிடைத்தாலும் தனித்து உண்ணாதவர் இத்தகைய பண்பால்தான் அதியன் ஒளவைக்கு நெல்லிக்கனியைத் தந்தான் இவ்வாறு நிர்வாக நெறிகளை இலக்கியங்கள் பகிர்ந்துள்ளன என்று வெ. இறையன்பு கூறுகிறார் 


           "மேலாண்மை மேன்மை தரும்"

முன்னுரை :
பெண் படைப்பாளர் சாந்தாதத் எழுதிய 'கோடைமழை' என்னும் சிறுகதையில் வெளிப்படும் அடிப்படைப் பண்பாய் மனிதநேயம் விளங்குகிறது. இக்கதையில் வரும் கதைமாந்தர் வாயிலாக மனிதநேயப் பண்புகளை பின்னிப் பிணைத்துக் காட்டியுள்ளார் படைப்பாளர் சாந்தாதத்.
ஆறுமுகத்தின் துயரம் :
கைக்குழந்தையை விட்டுவிட்டு, நான்கு நாள் காய்ச்சலில் கட்டியவள் கண் மூடியபின், வாழப் பிடிக்கவில்லையென்று ஆறுமுகத்தின் மகனும் விஷத்தை விழுங்கிப் போய்ச் சேர்ந்துவிட்டான்.
'உனக்கு நான், எனக்கு நீ' என்றாகிவிட்ட நாதியற்ற அவஸ்தையுடன் ஆறுமுகம் அந்தப் பச்சை மண்ணுடன் அவஸ்தைப்பட்டார் ஆறுமுகம்.
பாசப்பிணைப்பு :
நாற்பது ஆண்டுகளுக்கு மேலாய் நிழலாக இருந்த ஆறுமுகத்தின் மனைவி, பூமியில் தன் கணக்கை முடித்துக்கொண்டபின் மனைவியின் சிதையில் அவர் விழவில்லை; மகனுக்காக வாழ்ந்தார். ஒற்றை ஆளாய் வளர்த்து ஆளாக்கி, வேலையில் அமர்த்தி, அவனுக்கு ஒரு குடும்பத்தையும் உருவாக்கிக் கொடுத்தார். ஆனால், அவனும் அவன் மனைவியும் கைக்குழந்தையோடு ஆறுமுகத்தைத் தவிக்கவிட்டுப் போய்விட்டனர்.
பாபுவின் கருணை :
குழந்தையின் காய்ச்சலுக்கு மருத்துவமனை சென்று மருந்துச் சீட்டோடு வந்த ஆறுமுகம் நீண்ட நாள்களாய் அந்த மருந்துக்கடை பாபு சொன்னதை யோசித்து ஒரு முடிவுக்கு வந்திருந்தார்.
தள்ளாத வயதில் இருக்கும் தன் காலத்திற்குப் பிறகு குழந்தையின் நிலைமை என்னவாகும் என யோசித்துத்தான் குழந்தையைத் தத்துக் கொடுக்க முடிவு செய்தார், ஆறுமுகம்.
மனம்மாறிய ஆறுமுகம் :
“அம்மா என்கிற பாசமே தெரியாமல் இருக்க இதுமட்டும் என்ன பாவம் செய்தது ? தாயின் பரிவும் பாசமும் ஒரு குழந்தைக்கு எவ்வளவு முக்கியம்னு இப்பதான் நல்லாப் புரிஞ்சது, பாபு. இதைப் பிரிஞ்சிருக்க முடியாதே என்கிற என்னோட சுயநலத்துக்காக இதை அநாதையா விட்டுவிட்டுப் போறது எவ்வளவு பெரிய பாதகம்!" என்று மனிதநேயத்துடன் மனம் திறந்தார், ஆறுமுகம்.
தத்து எடுத்த தம்பதி :
மறுநாள் பாபுவுடன் வந்த தம்பதி, முறைப்படி குழந்தையைத் தத்து எடுத்தனர். குழந்தையைப் பெற்றுக்கொண்ட கணவனின் முகத்தில் ஏக்கம், தவிப்பு, எதிர்பார்ப்பு ஆகிய அத்தனையும் தெரிந்ததைப் பார்த்த ஆறுமுகம், விழிநீரைப் பிடிவாதமாய், வந்த வழி அனுப்பி வைத்தார்.
அப்போது, குழந்தையைத் தத்து எடுத்த கணவன், "ஐயா! ரொம்பப் பெரிய மனசோட எங்க வாழ்க்கைக்கு ஒரு நம்பிக்கை கொடுத்திருக்கீங்க. நீங்களும் எங்களோட வந்துடுங்கய்யா !" என்றான்.
முடிவுரை :
குழந்தையைப் பிரிந்த அந்த முதியவர் அநாதையாகிவிடக்கூடாது என்பதற்காகக் குழந்தையோடு சேர்த்து அவரையும் தத்தெடுக்கும் மனிதநேயப் பண்பினை தத்தெடுத்த தம்பதி பாத்திரப் படைப்பில் வெளிப்படுத்துகிறார், ஆசிரியர்.

முன்னுரை :
எச். ஏ. கிருட்டிணனாரின் இரட்சணிய யாத்திரிகம் ஜான் பன்யன் என்பவர் ஆங்கிலத்தில் எழுதிய 'பில்கிரிம்ஸ் புரோகிரஸ்' என்னும் ஆங்கில நூலின் தழுவல் ஆகும். எச்.ஏ. கிருட்டிணனார் கம்பரின் கவிநடையைப் பின்பற்றி இரட்சணிய யாத்திரிகத்தை இயற்றியுள்ளார்.
மாசில்லாத அருள்நிறைந்த இறைமகன் :
அன்பு என்னும் உறுதியான கட்டிலிருந்து விடுபட முடியாமல், எந்த உதவியும் பெற இயலாத ஏழை ஒருவனைப் போல அமைதியுடன் நின்றார் இறைமகன் என்பதை,
"நேசம் எனும் வல்லியதை நீக்க வசம் இன்றி
ஈசன்மகன் நின்றனர் ஓர் ஏழையென ஓர்மின்"
என்கிறார்.
கொடியோர் ஒன்றுகூடிக் கூறிய இகழ்ச்சி மொழி எனும் கொடிய தீக்கொள்ளியானது மாசில்லாத அருள் நிறைந்த இறைமகன் இதயத்தில் அழுந்தியது என்பதை, "பாதகர் குழுமிச் சொற்ற பழிப்புரை என்னும் கொள்ளி” என்கிறார்.
இவை போன்ற உவமை, உருவகத்தொடர்களை உள்ளத்திற்குக் களிப்பூட்டும் வகையில் காப்பியம் முழுவதும் எச். ஏ. கிருட்டிணனார் தருகிறார்.
வற்றிய கிணறு கடலை அடக்க முடியுமா ? :
இறைமகனுக்குத் தண்டனை பெற்றுத்தர கொடியவர்கள் உறுதியாய் இருந்ததை, 'வற்றிய கிணறு தனக்குள் கடலை அடக்கிக்கொள்ள முடியுமா ?' என்னும் அழகான கற்பனை நயத்தோடு வெளிப்படுத்துகிறார், கிருட்டிணனார்.
இறைமகனுக்கு நேர்ந்த இன்னல் :
இறைமகன் கையிலிருந்த கோலினைப் பிடுங்கிய முரடர்கள், முள்முடியை அவரது தலையின்மீது சூட்டி வன்மையாய் அடித்து வேதனையுறச் செய்தனர். மேலும், அவர் திருமுகத்தில் எச்சிலை உமிழ்ந்து, திட்டிப் பழித்துக் கேலி செய்தனர்.
மக்களின் புலம்பல் :
இறைமகனாருக்கு நேர்ந்த இன்னலைப் பார்த்த மக்கள்,
"இத்தனை கொடுமைகளுக்குப் பிறகும்
இவ்வுலகம் பிளந்து வெடிக்கவில்லையே...... !
வானம் இடிந்து விழவில்லையே.......!
கடல்நீர் வற்றிப் போகவில்லையே.......! இஃது என்னே !
இந்த உலகம் இன்னும் அழியாமல்
தாமதிப்பதும் ஏனோ ?”
என்று கூறுவதாய்க் கிருட்டிணனார் குறிப்பிடும் கற்பனை கம்பரையே நமக்கு நினைவூட்டுகிறது.
முடிவுரை :
எச்.ஏ. கிருட்டிணனாரின் கவிநடை. கம்பரின் கவிநடையைப் போன்றே அமைந்துள்ளதை அறிந்த தமிழ் இலக்கிய ஆர்வலர்கள், மனம் திறந்து இவரைக் ‘கிறித்தவக் கம்பர்' என்று பாராட்டி மகிழ்ந்தனர்.

1. சரியான பயிரைத் தேர்ந்தெடுத்து உரிய காலத்தில் விதைத்தால் வேளாண்மை செழிக்கும் 
2. அதுபோல எந்தச் செயலையும் அதற்குரிய காலம் இடம் அறிந்து செய்தால் உலகத்தையே அடைய நினைத்தாலும் கைகூடும் 

திரைப்படத்தின் உணர்வுகளை வெளிக்கொணர உதவுகிறது:
சான்று:
1.   கதாநாயகி  சாளரம் வழியாகத் தலையை நீட்டி வெறித்துப் பார்க்கிறாள்.
2.   அக்காட்சியில் ஒரு மகிழுந்து புறப்பட்டுச் செல்லும் ஒலி (பின்னணி இசை) இணைக்கப்படுகிறது.
3.   இதில் அவளைப் பார்க்க வந்தவர்; அவள் விருப்பத்திற்கு மாறாக அங்கிருந்து புறப்பட்டுச் செல்கிறார் என்ற நிகழ்வு,அந்தப் பெண்ணின் முகபாவனை மூலமே சொல்லப்படுகிறது.
4.   இந்த காட்சியமைப்புக்கு அந்த பின்னணி இசை உயிரூட்டுகிறது

கலிவிழா - எழுச்சி தரும் விழாவாகும் 
ஒலிவிழா - ஆரவார விழாவாகும் 

 1. தருமமிகு சென்னையில் - அறம் செய்வார் நிறைந்திருக்கும் சென்னையில் 
 2. கந்த கோட்டத்துள் வளர் - கந்த கோட்டத்துத் திருக்கோவிலில் 
 3. தலமோங்கு கந்தவேளே - எழுந்தருளியிருக்கும் கந்தவேளே

 மருத்துவத்தில் மருத்துவர் பேசும் இனிய வார்த்தைகளும் அன்பும் நோயாளிக்கு முதலில் நம்பிக்கையை அளிக்கும்
 நம்பிக்கையின் காரணமாக மருத்துவர் அளிக்கும் மருந்தும் உட்சென்று விரைவில் நோய் தீரும் 

 1. வேளாண்மையிலும் மேலாண்மைக் கூறுகள் உண்டு 
 2. சரியான பயிரைத் தேர்ந்தெடுத்தல் 
 3. உரிய நேரத்தில் விதைத்தல் 
 4. நீர் மேலாண்மையை நெறிப்படுத்துதல் 
 5. அறுவடைக்குப்பின் பாதுகாத்தல் 
 6. உரிய விலை வரும்வரை இருப்பு வைத்தல் 
 இவ்வாறு ஒவ்வொரு கட்டத்திலும் விழிப்புணர்வும் பொறுப்புணர்வும் நிர்வாக நெறியும் இணைந்திருந்தால்தான் வேளாண்மைத் தொழில் செழிக்கும் 

காட்சி என்பது கதை நகர்வுக்கு உதவுவது. திரைப்படத்தின் காட்சிகள் சிறப்பாக அமைந்தால் வசனத்திற்கு இரண்டாம் இடம்தான். 
திரைப்படத்தில் வசனம் இன்றிக் காட்சிகளை அடுத்தடுத்து வைப்பதன் மூலம் கதை சொல்லும்
சான்று: 
முதல் காட்சியில் தோழி ஒருத்தி கதாநாயகியிடம் தொடர்வண்டிப் பயணச்சீட்டைக் கொடுப்பாள். அடுத்தக் காட்சியில் கதாநாயகி தொடர்வண்டியில் இருப்பாள். முதல் காட்சியில் எண் 7, வீரையா தெரு... என்று ஒருவர் முகவரியைச் சொல்லிக் கொண்டிருக்கும்போதே, அந்த முகவரியில் சென்று காட்சி நிற்கும். 
அடுத்த காட்சி விளையாட்டு அரங்கம் எனில் ,அங்கு எழும் ஒலிகள் முதல் காட்சி  முடிவதற்கு முன் தொடங்கி விடும்.
ஒரு நடிகர் அதிக கோபத்தில் உள்ளார் என்பதைக் காட்ட அவர் கையில் பிடித்திருக்கும் கண்ணாடி குவளையை இறுகப் பிடித்து உடைப்பதைக் காட்டினால் போதும்
பார்வையாளர்களால் புரிந்து கொள்ள முடியும் .இதுவே காட்சியின் ஆற்றல் ஆகும்.