தாமிரம் +1 ஆக்ஸிஜனேற்ற நிலையைக் கொண்டுள்ளது. Cu(29) ன் எலக்ட்ரான் அமைப்பு 3d¹⁰4s⁰ தாமிரம் வெளிக்கூட்டிலுள்ள ஒரு எலக்ட்ரானை இழந்து நிலைப்புத்தன்மையைப் பெறுகிறது. இதனால் தாமிரத்தின் ஆக்ஸிஜனேற்ற எண் +1 ஆகும்.

La(OH)₃ ஆனது Lu(OH)₃ ஐ விட அதிக காரத்தன்மையை கொண்டுள்ளது. லாந்தனைடு குறுக்கத்தின் காரணமாக அணு எண் அதிகரிக்க Ln³⁺ அயனியின் உருவளவு சீராக குறைகிறது. பேஜானின் விதிப்படி Ln³⁺ அயனியின் உருவளவு குறையும் போது காரத்தன்மையும் Ln(OH)₃ சேர்மத்தில் Lu³⁺ மற்றும் OH அயனிக்கு இடையில் குறைகிறது. ஆகையால் La(OH)₃ ஆனது Lu(OH)₃ ஐ விட அதிக காரத்தன்மையை பெற்றுள்ளது.

ஆக்டினைடு வரிசையில், திரை மறைத்தல் விளைவு லாந்தனைடு வரிசையை விட குறைவு ஆக்டினைடு வரிசையில் அணு எண் அதிகரிக்க அதிகரிக்க செயலுறு அணுக்கரு மின்சுமை அதிகரிக்கிறது. ஆகவே லாந்தனாய்டு குறுக்கத்தை விட ஆக்டினாய்டு வரிசையில் ஆக்டினாய்டு குறுக்கம் அதிகமாக உள்ளது.

இடைநிலைத்தனிம வரிசையில் இடமிருந்து வலமாகச் செல்லும் போது எதிர்பார்த்தபடியே அயனியாக்கும் ஆற்றல் அதிகரிக்கின்றது. d ஆர்பிட்டாலில் எலக்ட்ரான்கள் நிரப்பப்படும் போது, அணுக்கருவின் மின்சுமையும் அதிகரிக்கிறது. இதன் காரணமாக அயனியாக்கும் ஆற்றலின் மதிப்பும் அதிகரிக்கின்றது. ஒரு குறிப்பிட்ட வரிசையில் அணு எண் அதிகரிக்கும் போது முதல் அயனியாக்கும் ஆற்றலில் ஏற்படும் அதிகரிப்பானது சீராக அமைவதில்லை. d- தொகுதி தனிமங்களில் கூடுதல் எலக்ட்ரான்கள் (n-1)d ஆர்பிட்டாலில் சேர்கின்றன. மேலும் இந்த உட்கூட்டு எலக்ட்ரான்கள் ஒரு திரை போல செயல்பட்டு இணைதிற ns எலக்ட்ரான்களின் மீது அணுக்கரு செலுத்தும் கவர்ச்சி விசையினைக் குறைக்கின்றன. எனவே இதன் விளையாக அயனியாக்கும் ஆற்றலில் மாறுபாடுகள் ஏற்படுகின்றன.

1. Fe³⁺ ன் எலக்ட்ரான் அமைப்பு - [Ar]3d⁵
2. சரிபாதி நிரம்பிய எலக்ட்ரான் அமைப்பை பெற்றுள்ளது
3. Fe²⁺ ன் எலக்ட்ரான் அமைப்பு - [Ar]3d⁶
4. இவற்றில் ஒரு பகுதியளவு நிரப்பப்பட்ட d- ஆர்பிட்டாலைப் பெற்றுள்ளது.
5. இதனால் Fe³⁺ ஆனது Fe²⁺ விட அதிக நிலைப்பு தன்மையை பெற்றுள்ளது.

Ce⁴⁺ ன் எலக்ட்ரான் அமைப்பு = [Xe] 4f⁰5d⁰6s⁰
Co²⁺ ன் எலக்ட்ரான் அமைப்பு = [Ar] 3d⁷

ஆக்டினியத்தினைத் தொடர்ந்து வரும் 14 தனிமங்கள். அதாவது தோரியம் (Th) முதல் லாரன்சீயம் (GoLr) வரையிலான தனிமங்கள் ஆக்டினாய்டுகள் என அழைக்கப்படுகின்றன.
உதாரணம்: ஆக்டினியம், யூரேனியம், லாரன்சியம்.

1. 4d உலோகங்களின் ஆக்ஸினேற்ற நிலையானது இட்ரியம் மற்றும் லாந்தனத்தின் +3 முதல் ருத்தினியம் மற்றும் ஆஸ்மியத்தின் +8 வரை மாறுபடுகிறது.
2. 4d மற்றும் 5d தனிமங்கள் O, F மற்றும் CI ஆகிய அதிக எலக்ட்ரான் கவர் தன்மையுடைய தனிமங்களுடன் உருவாக்கும் சோமங்களில் அவைகளின் அதிகபட்ச ஆக்ஜனேற்ற நிலை காணப்படுகிறது. ஒரு வரிசையில் மேலிருந்து கீழாக வரும் போது உயர் ஆக்ஸிஜனேற்ற நிலைகளில் நிலைப்புத் தன்மை பொதுவாக அதிகரிக்கிறது. அதே நேரத்தில் குறைந்த ஆக்ஸிஜனேற்ற நிலைகளின் நிலைப்புத் தன்மை குறைகிறது.
(எ. கா) RuO₄, மற்றும் OsO₄  
ருத்தினியம் மற்றும் ஆஸ்மியத்தின் ஆக்ஸிஜனேற்ற எண் +8.

IUPAC வரையறையின் படி ஒரு தனிமத்தின் அணுவானது முழுவதும் நிரப்படாத d உட்கூட்டினை பெற்றிருந்தாலோ அல்லது அத்தனிமம் உருவாக்கும் நேரயனியானது முழுவதும் நிரப்பப்படாத d உட்கூட்டினை பெற்றிருந்தாலோ அத்தனிமம் ஒரு இடைநிலை உலோகமாகும். இவைகள் தனிம வரிசை அட்டவணையில் மையப் பகுதியில் s மற்றும் p-தொகுதி தனிமங்களுக்கு இடையில் இடம் பெற்றுள்ளன.
எடுத்துக்காட்டு: Fc, Cu, Ag, Au

அணு மற்றும் அயனி ஆரம்:
4f தொடரில் சீரியம் (Ce) முதல் லுட்டீசியம் (G₁Lu) வரை செல்லும் போது அணு எண் அதிகரிக்க அதிகரிக்க லாந்தனாய்டுகளின் அணு மற்றும் அயனி ஆரங்கள் சீராகக் குறைந்து வருகின்றன. இவ்வாறு அயனி ஆரம் குறைவது லாந்தனாய்டு குறுக்கம் எனப்படும்.
லாந்தனாய்டு குறுக்கத்தின் விளைவுகள்:
(i) காரத் தன்மை குறைதல்:
Ce³⁺ யிலிருந்து Lu³⁺ நோக்கிச் செல்லும் போது Ln³⁺ அயனிகளில் காரத் தன்மை குறைகிறது. Ln³⁺ அயனிகளின் உருவளவு குறைவதாலும், Ln - OH பிணைப்பின் அயனித் தன்மை குறைவதாலும், (சகப்பிணைப்புத் தன்மை அதிகரிக்கப்பதன் காரணமாகவும்) காரத் தன்மையானது குறைகிறது.
(ii) லாந்தனாய்டுகளுக்கிடையேயான ஒற்றுமைகள்:
f-தொடர் முழுமைக்கும் அணு ஆரத்தில் 10 pm குறைவும் அயனி ஆரத்தில் 20 pm குறைவும் மட்டுமே காணப்படுகிறது. இவ்வாறு லாந்தனாய்டுகளில் அயனி ஆரங்களில் மிகச் சிறிதளவே வேறுபாடுகள் காணப்படுவதால் அவைகளின் வேதிப் பண்புகள் ஏறத்தாழ ஒத்துள்ளன.
(iii) முதல் மற்றும் இரண்டாம் வரிசை இடைநிலைத் தனிமங்களைக் காட்டிலும்:
இரண்டாம் மற்றும் மூன்றாம் இடைநிலைத் தனிம வரிசைத்தனிமங்கள் அதிகளவில் ஒன்றுக்கொன்று ஒத்துள்ளன.

இடைநிலை உலோகங்கள் அதிகளவு தனித்த எலக்ட்ரானை கொண்டுள்ளது. இது உலோகப்பிணைப்பில் ஈடுபடுவதால் அதிக உருகுநிலையைக் கொண்டுள்ளது.
இடைநிலை உலோக வரிசையில் இடமிருந்து வலமாகச் செல்லும் போது, ஆரம்பத்தில் உலோகப் பிணைப்பிற்கு தேவையான தனித்த d- எலக்ட்ரான்களின் எண்ணிக்கை அதிகரிப்பதால் உருகுநிலையும் அதிகரித்து, அதிகபட்ச மதிப்பினை அடைந்து பின், உலோக பிணைப்பிற்கு தேவையான எலக்ட்ரான்கள் இணையாவதால் உருகுநிலையின் மதிப்பு குறைகிறது.

1. தாமிரம் தனிமமானது Cu²⁺ விட அதிக நிலைப்புத் தன்மையுடையது. தாமிரத்தின் எலக்ட்ரான் அமைப்பு 3d¹⁰4s¹ முழுவதும் நிரம்பிய 3d ஆர்பிட்டால்களை பெற்று நிலைத்த அமைப்புடன் உள்ளது.
2. ஆனால் Cu²⁺ எலக்ட்ரானின் அமைப்பில் 3d⁹ ஆகும். Cu²⁺ ஆனது \(\mathrm{E}_{\mathrm{M}^{20} / \mathrm{M}}^{\mathrm{o}}\)ன் மதிப்பு நேர்குறியாகும்.

Mn³⁺ னின் திட்ட மின்முனை மின்னழுத்த மதிப்பானது(E°) -1.18V அதிக எதிர்குறி மதிப்பை பெற்றுள்ளது. Cr²⁺  விற்கு -0.91 V மதிப்பை மட்டும் கொண்டுள்ளது. ஒரு உலோகத்தின் திட்ட மின்முனை மின்னழுத்த மதிப்பானது அதிக எதிர்குறி மதிப்பைப் பெற்றிருப்பதால் அந்த உலோகமானது ஒரு வலிமையான ஒடுக்கும் காரணியாகும். ஏனெனில் இவைகள் எலக்ட்ரான்களை எளிதில் இழக்கின்றன. இதனால் Cr²⁺ ஆனது வலிமையான ஆக்ஸிஜன் ஒடுக்கியாகவும், ஆனால் Mn³⁺ ஆனது வலிமையான ஆக்ஸிஜனேற்றியாகவும் விளங்குகிறது.