(i) இவை முதன்முதலில் தோன்றிய உண்மையான நிலத்தாவரங்கள். கடத்தும் திசுக்களான சைலம் மற்றும் ஃபுளோயம் இவற்றில் உள்ளன. எனவே இவை கடத்துத்திசு பூவாத்தாவரம் என அழைக்கப்படுகின்றன.
(ii) இவற்றில் சந்ததி மாற்றம் நடைபெறுகிறது. இருமய ஸ்போரோஃபைட் நிலையானது ஒருமய கேமீட்டோஃபைட் நிலையுடன் சந்ததி மாற்றம் நடைபெறுகிறது.
(iii) தாவர உடலமானது ஸ்போரோஃபைட் எனப்படும். இது தாவரத்தின் ஓங்குநிலை ஆகும். இது வேர், தண்டு, இலை எனப் பிரிக்கப்பட்டுள்ளது.
(iv) ஸ்போரோஃபைட்டானது ஸ்போர்கள் மூலம் இனப்பெருக்கம் செய்கிறது. ஸ்போர்கள், வித்தகத்தினுள் உருவாகின்றன.

பிரையோபைட்டுகளில் மூன்று வகுப்புகள் உள்ளன. அவை
(i) வகுப்பு 1 ஹிப்பாட்டிக்கே (ஈரல் வடிவம்) எ.கா. ரிக்சியா.
(ii) வகுப்பு 2 ஆந்தோசெரட்டே (கொம்பு வடிவம்) எ.கா. ஆந்தோசெரஸ்
(iii) வகுப்பு 3 மஸ்கி (மாஸ்கள்) எ.கா. ஃபியூனேரியா

(1) அகார் அகார்: அகார் அகார் என்பது சிவப்பு பாசிகளிலிருந்து எடுக்கப்படுகிறது. இது ஆய்வகங்களில் வளர்ச்சி ஊக்கியாக விளங்குகிறது. எ.கா. ஜெலீடியம், கிரேசிலேரியா.
(2) விண்வெளிப் பயணத்தில் பாசிகள்: விண்வெளிப் பயணத்தின் போது குளோரெல்லா ஃபைரினாய்டோசா என்னும் பாசி, கார்பன் டை ஆக்ஸைடை அகற்றுவதற்கும் மனிதக் கழிவுகளை மட்கச் செய்வதற்கும் பயன்படுகிறது.
(3) தனிசெல் புரதம் (SCP): சில ஒரு செல் பாசிகள் மற்றும் நிலப் பச்சைப் பாசிகள் புரதத்தை உற்பத்தி செய்கின்றன. எ.கா. குளோரெல்லா, ஸ்பைருலினா.

(i) தாவரங்களின் புறத்தோற்றப் பண்பு இனப்பெருக்கப் பண்பின் அடிப்படையில் இயற்கை வகைப்பாட்டு முறை உருவாக்கப்பட்டுள்ளது.
(ii) உலர் தாவரத் தொகுப்பு மற்றும் தாவரவியல் பூங்காக்களில் தாவரங்களை வகைப்படுத்த இம்முறை பயன்படுத்தப்படுகிறது.
(iii) எ.கா. பெந்தம் மற்றும் ஹூக்கர் வகைப்பாட்டியல் முறை

(i) ஊசியிலைத் தாவரங்களின் மரக்கட்டையானது தாள் தொழிற்சாலைகளில் தாள் உற்பத்திக்குப் பயன்படுகிறது. எ.கா. பைனஸ், அகாத்திஸ்
(ii) ஊசியிலைத் தாவரங்களின் மென்கட்டைகள் கட்டுமானத் தொழிலுக்கும், பொருள்களைப் பொதிவதற்கும் மற்றும் ஒட்டுப்பலகைத் தயாரிப்பிற்கும் பயன்படுகிறது. எ.கா. செட்ரஸ், அகாதிஸ்
(iii) பைனஸ் தாவரத்தின் பசையிலிருந்து பெறப்படும் டர்பன்டைன், வண்ணப்பூச்சு தயாரிப்பிற்குப் பயன்படுகிறது. மேலும் இது மூட்டுவலி மற்றும் வலி நிவாரணியாகவும் பயன்படுகிறது.
(iv) பைனஸ் ஜெரார்டியானா என்னும் தாவரத்தின் விதைகள் உண்பதற்குப் பயன்படும்.
(v) எஃபிடிரின் என்னும் அல்கலாய்டு எஃபிட்ரா என்னும் தாவரத்திலிருந்து பெறப்படுகிறது. இது ஆஸ்துமா மற்றும் சுவாசக் கோளாறுகளுக்கு மருந்தாகப் பயன்படுகிறது.
(vi) அராவ்கேரியா பிட்வில்லீ என்னும் தாவரம் அழகுத் தாவரமாகப் பயன்படுத்தப்படுகிறது.

i) அகாலிஃபா இன்டிகா (குப்பைமேனி)
(i) இது யூஃபோர்பியேசி குடும்பத்தைச் சார்ந்தது.
(ii) இலையை அரைத்துப் பெறப்படும் பசை, தோலில் உள்ள கொப்புளங்களை ஆற்றுகிறது.
(iii) இலைச் சாற்றை எலுமிச்சை சாற்றுடன் கலந்து அருந்தினால் வயிற்றிலுள்ள உருளைப்புழுக்கள் அழியும்.
ii) ஏகில் மார்மிலோஸ் (வில்வம்)
(i) இது ரூட்டேசி குடும்பத்தைச் சார்ந்தது
(ii) இதன் காயானது செரிமானத்தைச் சரி செய்கிறது.
(iii) இது தீராத வயிற்றுப்போக்கு, சீதபேதி ஆகியவற்றைக் குணப்படுத்துகிறது.
iii) சொலானம் டிரைலொபேட்டம் (தூதுவளை)
(i) இது சொலனேசி குடும்பத்தைச் சேர்ந்தது.
(ii) இதன் இலைகளும் கனிகளும் இருமல் மற்றும் சளிக்கு மருந்தாகப் பயன்படுகின்றன.
(iii) இது காசநோய் மற்றும் ஆஸ்துமா நோய்க்கு மருந்தாகப் பயன்படுகிறது.
iv) ஃபில்லாந்தஸ் அமாரஸ் (கீழாநெல்லி)
(i) இது யூஃபோர்பியேசி குடும்பத்தைச் சேர்ந்தது.
(ii) முழுத்தாவரமும் மஞ்சள் காமாலை நோய்க்கு மருந்தாகப் பயன்படுகிறது.
(iii) இது கல்லீரலுக்கு வலிமையைக் கொடுத்து, கல்லீரல் நோய்களுக்கு மருந்தாக பயன்படுகிறது.
V) அலோ வெரா (சோற்றுக் கற்றாழை)
(i) இது லில்லியேசி குடும்பத்தைச் சேர்ந்தது.
(ii) இதன் இலைகள் மூலநோய் மற்றும் தோலில் தோன்றும் அழற்சியைக் குணப்படுத்துகிறது.
(iii) இது வயிற்றுப் புண்ணுக்குரிய மருந்தாகவும் பயன்படுகிறது.