Question Set A

Tamilnadu 8th Standard Social Science புவியியல் - இடம் பெயர்தல் மற்றும் நகரமயமாதல் Important Questions And Answers Study Material - QB365

8ஆம் வகுப்பு Social Science / சமூக அறிவியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Social Science / சமூக அறிவியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

சரியான விடையைத் தேர்ந்தெடுத்து எழுதுக

3 x 1 = 3

வரலாற்றுக்கு முந்தைய காலத்தில் நகரமயமாக்கலுக்கு முக்கிய காரணம் ______

(a)

மிகையான உணவு தானிய உற்பத்தி

(b)

கால்நடை வளர்ப்பு

(c)

மீன் பிடித்தல்

(d)

வேட்டையாடுதல்

போரின் காரணமாக நடைபெறும் குடிபெயர்வு _______ ஐ சார்ந்தது.

(a)

மக்களியல்

(b)

சமூக மற்றும் கலாச்சாரம்

(c)

அரசியல்

(d)

பொருளாதாரம்

மக்கள் ________ லிருந்து ________ க்கு நல்ல வேலைவாய்ப்பினைத்தேடி குடிபெயர்கின்றனர்.

(a)

கிராமப்புறத்திலிருந்து நகர்புறத்திற்கு

(b)

நகர்புறத்திலிருந்து கிராமப்புறத்திற்கு

(c)

மலையிலிருந்து சமவெளிக்கு

(d)

சமவெளியிலிருந்து மலைப்பகுதிக்கு

Generic 2

6 x 2 = 12

உலகில் அதிக மக்கள் தொகைக் கொண்ட நான்கு பெருநகரங்களைப் பட்டியலிடுக.

நகரமயமாக்கம் என்றால் என்ன?

இடம்பெயர்வுக்கான இழுகாரணிகளில் ஏதேனும் இரண்டினைக் குறிப்பிடுக.

சுற்றுச்சூழல் அல்லது இயற்கையால் இடம் பெயர்வதற்கான காரணங்களைக் கூறுக.

கிராமப்புறத்திலிருந்து நகர்ப்புறத்திற்கு இடம் பெயர்வதற்கான முக்கிய காரணங்கள் யாவை ?

‘இடம் பெயர்தல்’ – வரையறு.

Generic 5

2 x 5 = 10

10.

நகரமயமாக்கலினால் ஏற்படும் சவால்களை ஆராய்க.

11.

இடம் பெயர்தலுக்கான பல்வேறு காரணிகளை விரிவாக விளக்குக.

வரைபட திறன்

1 x 1 = 1

12.

உலக வரைபடத்தில் கீழக்கண்ட இடங்களைக் குறிக்கவும்.
1. டோக்கியோ
2. புது தில்லி
3. மெக்சிகோ நகரம்
4. ஷாங்காய்
5. சா - பாலோ
6. ஓசியானியா
7. இலத்தீன்அமெரிக்கா
8. பாரிஸ்
9. இலண்டன்
10. கெய்ரோ

Visit QB365-SLMS - https://www.qb365.in/slms/

Answers Key:

சரியான விடையைத் தேர்ந்தெடுத்து எழுதுக

3 x 1 = 3

(a)
மிகையான உணவு தானிய உற்பத்தி

(a)
கிராமப்புறத்திலிருந்து நகர்புறத்திற்கு

Generic 2

6 x 2 = 12

அதிக மக்கள் தொகை கொண்ட நான்கு மாநகரங்கள்

வ.எண்	மாநகரத்தின் பெயர்	மக்கள் தொகை (மில்லியனில்)
1.	டோக்கியோ (ஜப்பான்)	37
2.	புது தில்லி (இந்தியா)	29
3.	சாங்காய் (சீனா)	26
4.	மெக்சிகோ நகரம் (மெக்சிகோ)	22

1. நகரங்கள் மற்றும் மாநகரங்களில் வாழும் மக்கள் தொகையின் விகிதாச்சாரம் அதிகரிப்பதை நகரமயமாதல் எனப்படுகிறது.
2. தற்போதைய நகரமயமாக்கல் மக்கள் தொகையில் மாற்றங்கள், நிலப்பரப்பு, பொருளாதாரச் செயல்முறைகள் மற்றும் புவியியல் பகுதிகளின் பண்புகள் ஆகியவைகளும் நகரமயமாக்கலுக்கு காரணமாக உள்ளது.

இடம்பெயர்வுக்கான இழுகாரணிகள்,
1. தனித்துவம் மற்றும் சுதந்திரமாக செயல்படும் வாய்ப்பு.
2. குறைந்த செலவு, எளிதில் கிடைக்கும் நகர்ப்புற சேவைகள் (சுகாதாரம், கல்வி, பயன்பாடுகள், போக்குவரத்து மற்றும் நீர்).

சுற்றுச்சூழல் அல்லது இயற்கையால் இடம் பெயர்தலுக்கான காரணங்கள்,
1. சூழியல் இடம் பெயர்வு இயற்கையான ஒன்றாகும். எரிமலை வெடிப்பு, நில அதிர்வு, வெள்ளம் வறட்சி போன்றவை இவ்வகை இடம் பெயர்வுக்கான முக்கிய காரணிகளாகும்.
2. இக்காரணிகள் மக்களை தங்கள் சொந்த இடங்களை விட்டு வெளியேறி புதிய பகுதிகளில் குடியேற உந்துகின்றன. நீர்வளம், பிரச்சனைகளற்ற நிலப்பகுதிகள் மாசற்ற நிலைகள் போன்றவை இடம் பெயர்பவர்களை ஈர்க்கும் சக்திகளாக உள்ளன.

மக்கள் ஊரகப்பகுதியிலிருந்து வளர்ந்து வரும் நகரம் மற்றும் மாநகரங்களுக்கு முக்கியமாக வேலை வாய்ப்பு, கல்வி மற்றும் பொழுதுபோக்கு வசதிக்காக இடம்பெயர்கிறார்கள்.

ஒரு நபரோ அல்லது ஒரு குழுவோ நிரந்தரமாக அல்லது தற்காலிகமாக தம் இருப்பிடத்தை விட்டு குறிப்பிடத்தக்க தூரத்திற்கு வசிக்கும் இடத்தை மாற்றுவதே இடம் பெயர்தல் எனப்படும்.

Generic 5

2 x 5 = 10

10.

1. குடியிருப்பு மற்றும் குடிசைப்பகுதிகள்: நகர்ப்புற பகுதிகளில் மக்கள்தொகை அதிகரிப்பதால் குடியிருப்பு இடம் பற்றாக்குறை மற்றும் குறிப்பிடத்தக்க அளவு தரமற்ற குடியிருப்புகள் உருவாக காரணமாகின்றன. இப்பிரச்சனைகள் வரும் ஆண்டுகளில் மேலும் அதிகரிப்பதற்கான வாய்ப்புகள் உள்ளன. விரைவான நகரமயமாக்கலால் குடிசைப் பகுதிகள் அதிக அளவில் உருவாகின்றன.
2. மக்கள் நெரிசல்: நகர்ப்புற பகுதிகளில் அதிக மக்கள் நெரிசல் சுகாதாரமற்ற சுற்றுப்புற சூழலுக்கு வழிவகுக்கிறது. இது பல நோய்கள் மற்றும் கலவரங்களுக்கு காரணமாகிறது.
3. தண்ணீர் விநியோகம், வடிகால் மற்றும் சுகாதாரம்: உலகின் எந்த ஒரு நகரத்திலும் நாள் முழுவதுக்கும் தேவையான அளவிற்கு முறையாக நீர் விநியோகம் செய்யப்படுவதில்லை. வடிகாலமைப்பு மோசமான நிலையில் உள்ளது. நகர்ப்புற மற்றும் உள்ளாட்சி அமைப்புகளுக்கு குப்பைகளை அகற்றுதல் கடினமான பணியாக உள்ளது.
4 . போக்குவரத்து மற்றும் நெரிசல்: பல நகரங்களில் கூட்ட நெரிசலைக் கட்டுப்படுத்த போதுமான திட்டங்கள் இல்லாமை மற்றும் போதுமான போக்குவரத்து கட்டமைப்புகள் இல்லாமை, நகர்ப்புற பகுதிகளில் காணப்படும் பெரும் பிரச்சனையாகும். இரு சக்கர வாகனங்கள் மற்றும் மகிழுந்துகளின் எண்ணிக்கை அதிகரிப்பினால் போக்குவரத்து நெரிசல் மிகுந்து காணப்படுகிறது. வாகனப் பெருக்கம், காற்று மாசு அடைய காரணமாகின்றன.
5. மாசடைதல்: சுற்றுச்சூழல் மாசடைவதற்கு நகரங்கள் மற்றும் மாநகரங்கள் முக்கியமான காரணிகளாகும். பல நகரங்களில் இருந்து வெளியேறும் கழிவுநீர் மற்றும் தொழிலகங்களிலிருந்து வெளியேற்றப்படும் சுத்திகரிக்கப்படாத கழிவுநீர் ஆகியன அருகில் உள்ள நீர் நிலைகளில் கலக்கின்றன. நகர்ப்புற மையங்களைச் சுற்றியுள்ள தொழிலகங்கள் புகை மற்றும் நச்சு வாயுக்களை வெளியிட்டு வளிமண்டலத்தை மாசுபடுத்துகின்றன.

11.

அ. இடம் பெயர்தலுக்கான காரணங்கள் :
i. சாதகமான காரணிகள்: ஓர் இடத்தை நோக்கி மக்களை ஈர்க்கும் காரணிகள் சாதக காரணிகள் அல்லது இழுகாரணிகள் (Pull factors) என அழைக்கப்படுகின்றன.
ii. பாதகமான காரணிகள்: மக்களை தங்கள் வசிப்பிடங்களிலிருந்து வெளியேறச் செய்யும் காரணிகள் உந்து காரணிகள் (Push factors) அல்லது பாதகக் காரணிகள் என அழைக்கப்படுகின்றன.
மனித குலம் இடம் பெயர்வுக்கான பல்வேறு காரணிகள் 5 பிரிவுகளாக வகைப்படுத்தப்பட்டுள்ளன. அவை,
1. சூழியல் அல்லது இயற்கை காரணங்கள்: சூழியல் இடம் பெயர்வு இயற்கையான ஒன்றாகும். எரிமலை வெடிப்பு, நில அதிர்வு, வெள்ளம், வறட்சி போன்றவை இவ்வகை இடம் பெயர்வுக்கான முக்கிய காரணிகளாகும். இக்காரணிகள் மக்களை தங்கள் சொந்த இடங்களை விட்டு வெளியேறி புதிய பகுதிகளில் குடியேற உந்துகின்றன. நீர்வளம், பிரச்சனைகளற்ற நிலப்பகுதிகள் மாசற்ற நிலைகள் போன்றவை இடம் பெயர்பவர்களை ஈர்க்கும் சக்திகளாக உள்ளன.
2. பொருளாதார காரணங்கள்: வளமான வேளாண் நிலம், வேலை வாய்ப்பு, தொழில் நுட்ப வளர்ச்சி போன்ற பொருளாதார காரணிகள் புலம் பெயர்வோரை ஈர்க்கின்றன. மக்களின் ஏழ்மைநிலை மற்றும் வேலைவாய்ப்பின்மை அவர்களை பூர்வீக இடத்திலிருந்து சிறந்த வேலைவாய்ப்புகள் உள்ள இடங்களுக்கு வெளியேற வைக்கின்றன.
3. சமூக மற்றும் பண்பாட்டுக் காரணங்கள் : பெண்களின் திருமணத்திற்கு பின் இடம்பெயர்வு, புனித யாத்திரைகளுடன் தொடர்புடைய இடம்பெயர்தல் போன்றவை சமூக கலாச்சாரப் பழக்கத்தினை அடிப்படையாக கொண்டவையாகும்.
4. மக்கள்தொகை சார்ந்த காரணங்கள் : மக்கள் தொகையின் உட்கூறு பண்புகளான வயது, பாலினம், அதிக மற்றும் குறைந்த மக்கள் தொகை போன்றவை இடம் பெயர்வுக்கான முக்கிய காரணங்கள் ஆகும்.
5. அரசியல் காரணங்கள் : பல்வேறு அரசியல் காரணங்களான காலனி ஆதிக்கம், போர்கள், அரசாங்கக் கொள்கைகள் போன்றவை காலங்காலமாக இடம்பெயர்தலில் முக்கியப் பங்கை வகித்து வருகின்றன.