மழைப்பொழிவின் வகைகள் :
மழைப்பொழிவின் வடிவம் ஓரிடத்தில் நிலவும் வானிலை அல்லது காலநிலையைச் சார்ந்தே அமைகிறது. உலகில் உள்ள வெப்பமண்டலப் பகுதிகளில், மழைப்பொழிவு மழையாகவோ அல்லது தூறலாகவேர் இருக்கும். குளிர் பிரதேசங்களில் மழைப்பொழிவு பனியாகவும் அல்லது பனிக்கட்டியாகவும் இருக்கும். பொழிவின் வடிவங்களான மழை, கல்மழை, உறைபனி மழை, ஆலங்கட்டி மழை மற்றும் பனி என வகைப்படுத்தலாம்.
மழை:
மழையின் பொதுவான வடிவம் மழைப்பொழிவு. இம்மழைப்பொழிவு நீர்த்துளிகளின் வடிவத்தில் உள்ளதால் மழை எனப்படுகிறது.
கல்மழை:
நீர்த்துளிகளும் 5 மி.மீ விட்டத்திற்கு மேல் உள்ள பனித்துளிகளும் கலந்து காணப்படும் பொழிவிற்கு கல்மழை என்று பெயர்.
உறைபனி மழை:
மழைத் துளிகள் சில நேரங்களில் புவிப்பரப்பிற்கு அருகாமையில் குளிர்ந்த காற்று வழியாக விழும்போது உறைவதில்லை. மாறாக குளிர்ந்த புவிப்பரப்பைத் தொடும்பொழுது அம்மழைத்துளிகள் உறைந்து விடுகின்றன. இவையே உறைபனி எனப்படும்.
ஆலங்கட்டி மழை :
மழைப் பொழிவானது 5 மி.மீ விட்டத்தை விட பெரிய உருண்டையான பனிக்கட்டிகளை கொண்டிருந்தால் ஆலங்கட்டி மழை என்று பெயர்.
பனிப்பொழிவு:
மேகத்திலுள்ள வெப்பம் குறைவதின் காரணமாக நீராவி நேரடியாக பனிக்கட்டிகளாக மாற்றப்படுகிறது. இது துகள் போன்று பனியின் நுண்துகள்களைத் திரளாகக் கொண்டு காணப்படுகிறது. இது துருவப் பகுதியிலும், உயரமான மலைப்பகுதிகளிலும் காணப்படுகிறது.

குடியுரிமையை துறத்தல் (தானாக முன் வந்து குடியுரிமையைத் துறத்தல்):
1. ஒருவர் வெளிநாட்டின் குடியுரிமையை பெறும் பட்சத்தில் அவரின் இந்தியக்குடியுரிமை அவரால் கைவிடப்படுகிறது.
2. குடியுரிமை முடிவுக்கு வருதல் (சட்டப்படி நடைபெறுதல்) : ஓர் இந்திய குடிமகன் தாமாக முன் வந்து வெளிநாட்டின் குடியுரிமையை பெறும்பட்சத்தில் அவரது இந்தியக் குடியுரிமை தானாகவே முடக்கப்படுகிறது.
3. குடியுரிமை மறுத்தல் (கட்டாயமாக முடிவுக்கு வருதல்) : மோசடி, தவறான பிரதிநிதித்துவம் அல்லது அரசியலமைப்பு சட்டத்திற்கு புறம்பாக செயல்படுதல் ஆகியவற்றின் மூலம் இந்தியக் குடியுரிமையை இந்திய அரசு ஓர் ஆணை மூலம் இழக்கச் செய்கிறது.

கிடைமட்டமாக நகரும் வாயுவிற்கு காற்று என்று பெயர். காற்று எப்பொழுதும் உயர் அழுத்தப்பகுதிகளிலிருந்து குறைந்த அழுத்த பகுதியை நோக்கி வீசும். காற்று எத்திசையில் இருந்து வீசுகிறதோ அதே பெயரில் அழைக்கப்படுகிறது. (எ.கா: தென்மேற்கு பருவக்காற்று).
காற்றின் அமைப்புகள் மூன்று பெரும் வகைகளாகப் பிரிக்கப்பட்டுள்ளன. அவை
1. கோள்காற்று அல்லது நிரந்தரக்காற்றுகள்
2. பருவக்காலக் காற்றுகள்
3. தலக்காற்றுகள் அல்லது பிரதேசக் காற்றுகள்
கோள் காற்று :
ஆண்டு முழுவதும் ஒரே திசையை நோக்கி வீசும் காற்றுகள் கோள் காற்றுகள் அல்லது நிலையான காற்று என்று அழைப்பர். எ.கா : வியாபாரக் காற்று, மேலைக் காற்று.
பருவக்காலக் காற்று :
பருவக்கால காற்று என்பது பருவத்திற்கு ஏற்றவாறு அதன் திசையை மாற்றி வீசும் இக்காற்றுகள் கோடைக் காலத்தில் கடலிலிருந்து கடலை நோக்கி வீசும்.
தலக்காற்று அல்லது பிரதேசக்காற்று :
தலக்காற்றுகள் அல்லது பிரதேச காற்று என்பது ஒரு நாள் அல்லது ஆண்டின் குறுகிய காலத்தில் குறிப்பிட்ட நேரத்தில் ஒரு சிறிய பகுதியில் வீசும். எ.கா: நிலக்காற்று, கடல் காற்று.

ஆங்கிலேயர்கள் வெற்றி பெற்றதற்கான காரணங்கள்:
1. மிகப்பெரிய கடல்வலிமை
2. நெசவுத் தொழில் வளர்ச்சி
3. அறிவியல் ரீதியாக பிரிக்கப்பட்ட தொழிலாளர்கள்
4. பொருளாதார வளர்ச்சி மற்றும் ஆங்கிலேயரின் திறமைமிக்க இராஜதந்திரம்.
5. இந்திய வணிகர்களிடையே நிலவிய பாதுகாப்பின்மை உணர்வுகள்.
6. இந்திய அரசர்களின் சமத்துவமின்மை மற்றும் அறியாமை.

கி.பி. (பொ.ஆ) 1453ல் துருக்கியர்களால் கான்ஸ்டாண்டி நோபிள் கைப்பற்றப்பட்ட பிறகு இந்தியாவிற்கும், ஐரோப்பாவிற்குமிடையிலான நிலவழி மூடப்பட்டது. துருக்கி வட ஆப்பிரிக்காவிலும், பால்கன் தீபகற்பத்திலும் நுழைந்தது. இது ஐரோப்பிய நாடுகளை கிழக்கு நாடுகளுக்குப் புதிய கடல் வழியைக் கண்டுபிடிக்கத் தூண்டியது.

மண் ஆறு பெரும் பிரிவுகளாக வகைப்படுத்தப்படுகின்றன அவைகள் பின்வருமாறு
அ) வண்டல்மண்
ஆ) கரிசல்மண்
இ) செம்மண்
ஈ) சரளை மண்
உ) மலை மண்
ஊ) பாலைமண்
அ) வண்டல் மண் :
1. வண்டல் மண் ஆற்றுச் சமவெளிகள் வெள்ளச்சமவெளிகளில் கடற்கரைச் சமவெளிகளில் காணப்படுகிறது. இவை ஓடும் நீரின் மூலம் கடத்தப்படும் நுண்ணிய துகள்களால் படிய வைக்கப்பட்டு உருவாகிறது.
2. இது மற்ற மண் வகைகளைக் காட்டிலும் வளம்மிக்கது. இது நெல், கரும்பு, கோதுமை, சணல் மற்றும் மற்ற உணவுப் பயிர்கள் பயிரிட ஏற்றது.
ஆ) கரிசல் மண் :
கரிசல் மண் தீப்பாறைகள் சிதைவடைவதால் உருவாகின்றன. கரிசல்மண் இயற்கையிலேயே களிமண் தன்மையையும் ஈரப்பதத்தையும் தக்க வைத்துக்கொள்ளும் திறன் கொண்டது. கரிசல் மண்ணில் பருத்திப் பயிர் நன்கு வளரும்.
இ) செம்மண் :
செம்மண் உருமாறியப் பாறைகள் மற்றும் படிகப்பாறைகள் ஆகியவை சிதைவடைவதால் உருவாகிறது. இம்மண்ணில் உள்ள இரும்பு ஆக்சைடு அளவைப் பொருத்து மண்ணின் நிறமானது பழுப்பு முதல் சிகப்பு நிறம் வரை வேறுபடுகிறது. இது வளம் குறைந்த மண்ணாக இருப்பதால் திணைப் பயிர்கள் பயிரிட ஏற்றது.
ஈ) சரளை மண் :
சரளை மண் அயனமண்டல பிரதேச காலநிலையில் உருவாகிறது. இம்மண் அதிக வெப்பநிலை மற்றும் அதிக மழைப்பொழிவு கொண்ட பகுதிகளில் ஊடுருதலின் செயலாக்கத்தினால் உருவாவதால் இம்மண் வளம் குறைந்து காணப்படுகிறது. இது தேயிலை, காப்பி போன்ற தோட்டப் பயிர்கள் பயிரிட ஏற்றது.
உ) மலை மண் :
மலை மண் மலைச்சரிவுகளில் காணப்படுகிறது. இப்பகுதியில் கார தன்மையுடன் குறைந்த பருமன் கொண்ட அடுக்காக உள்ளது. உயரத்திற்கு ஏற்றவாறு இம்மண்ணின் பண்புகள் இடத்திற்கு இடம் மாறுபடுகின்றன.
ஊ) பாலை மண் :
பாலைமண் அயனமண்டல பாலைவனம் பிரதேசங்களில் காணப்படுகிறது. இது உவர்தன்மை மற்றும் நுண் துகள்களைக் கொண்டது. வளம் குறைந்த இடம் மண்ணில் வேளாண்மையை மேற்கொள்ள இயலாது.

மண் மற்றும் உருவாக்கம்:
1. மண் என்பது பல்வகை கரிமப்பொருள்கள் கனிமங்கள், வாயுக்கள், திரவப்பொருள்கள் மற்றும் பல உயிரினங்கள் கலந்த கலவை ஆகும். இது உயிரினங்கள் வாழ துணைபுரிகிறது.
2. மண்ணில் உள்ள கனிமங்கள் மண்ணை உருவாக்கம் ஒரு அடிப்படை காரணியாகும்.
3. புவிபரப்பின் மேல் மண் உருவாவதால் இது புவியின் தோல் என்று அழைக்கப்படுகிறது.
4. பாறைகள், வானிலை சிதைவு மற்றும் அரித்தல் செயல்முறைகளுக்கு உட்படுத்தப்படும்பொழுது மண்ணாக உருவாகிறது.
5. நீர், காற்று வெப்பநிலைமாறுபாடு, புவிஈர்ப்பு விசை, வேதிபரிமாற்றம், உயிரினங்கள் மற்றும் அழுத்த வேறுபாடுகளால் தாய்ப்பாறைகள் சிதைவுறுகின்றன.
6. மேலும் தாய்ப்பாறையை தளர்ந்த பாறைகளாக மண் மாற்றுகின்றன.
7. இக்காரணிகள் காலப்போக்கில் இப்பாறைகள் உடைபட்டு மிருதுவான துகள்களாக மாறுகிறது.
8. இந்தச் செயல்முறைகள் பாறைத்துகள்களிலிருந்து தாதுக்கள் வெளிப்படக் காரணமாகின்றன.
9. பின்னாளில் தாவரங்கள் வளர்ந்து இலைமக்குசத்தின்மூலம் மண்ணை வளமடையச் செய்கின்றன.

1. வெல்லெஸ்ஸி பிரபுவின் துணை படைத்திட்டம் மற்றும் டல்ஹௌசி பிரபுவின் வாரிசு இழப்புக் கொள்கை இந்தியர்களிடையே ஒரு பயத்தையும் அமைதியின்மையும் ஏற்படுத்தியது.
2. இக்கொள்கையின் மூலம் சதாரா, நாக்பூர், ஜான்சி போன்ற அரசுகள் ஆங்கிலேயர்களால் இணைத்துக் கொள்ளப்பட்டன. இதனால் இந்தியர்கள் மன அமைதியை இழந்தனர்.
3. அயோத்தியை ஆங்கில அரசு இணைத்துக் கொண்டதைக் கண்டு இஸ்லாமியர்கள் மட்டுமன்றி மற்ற இந்திய அரசர்களும் ஆங்கில அரசின் மீது சினங்கொண்டனர்.
4. முகலாயர்கள் இரண்டாம் பகதூர் ஷாவிற்குப் பிறகு அவரது வாரிசுகள் தங்களது பரம்பரை அரண்மனை மற்றும் செங்கோட்டையை ஆங்கில அரசிடம் ஒப்படைக்க வற்புறுத்தப்பட்டனர்.
5. இரண்டாம் பாஜிராவின் வளர்ப்பு மகன் நானாசாகிப்பிற்கு வழங்கப்பட்டு வந்த ஓய்வூதியம் நிறுத்தப்பட்டது. இதனால் மராத்தியர்கள் ஆங்கில அரசுக்கு எதிரிகளாக மாறினர்.
6. மேலும் முஸ்லீம்கள், ஆங்கில அரசின் போக்கில் அதிருப்தி கொண்டிருந்தனர். ஆங்கில ஆட்சியில் அவர்கள் தங்கள் அரசியல் அதிகாரத்தை இழந்து விட்டதாகக் கருதினர்.
மேற்கூறிய காரணங்களால் தலைவர்களிடையே ஒருமித்தக் குறிக்கோள் இல்லாததால் புரட்சி தோல்வியில் முடிந்தது.

வரிகளைத் தவிர, ஆங்கிலேயர்கள் வணிகமயமாக்கல் கொள்கையை பின்பற்றினர். இது இந்திய விவசாயிகளுக்கு ஒரு பெரிய பின்னடைவாக இருந்தது. மண் வளத்தை சீர்குலைக்கும் பணப்பயிர்களான ஓபியம் போன்ற பயிர்களை பயிரிட கட்டாயப்படுத்தப்பட்டனர். சணல், இண்டிகோ போன்ற விளைப்பொருட்களின் விலை 31% வரை உயர்ந்தன. ஆதலால் ஆங்கிலேயர்கள் இந்த பயிர்களை வளர்க்காத விவசாயிகளை அச்சுறுத்தினர். மேலும் அவர்களின் நிலங்களை பறித்தனர்.