1. விவசாயிகளின் பிரச்சினையை அறிந்து கொண்ட மகாத்மா காந்தி அவர்களுக்கு உதவ முன்வந்தார்.
2. அரசு ஒரு விசாரணைக் குழுவை அமைத்து மகாத்மா காந்தியை அக்குழுவின் ஓர் உறுப்பினராக சேர்த்துக் கொண்டது.
3. விவசாயிகளின் குறைகள் விசாரிக்கப்பட்டு இறுதியில் மே 1918-ல் சம்பரான் விவசாயச்சட்டம் நிறைவேற்றப்பட்டது.

மகல்வாரி முறையால் ஏற்பட்ட விளைவுகள்:
1. கிராமத் தலைவர் சலுகைகளை தமது சொந்த விருப்பங்களின் அடிப்படையில் தவறாகப் பயன்படுத்தினர்.
2. இம்முறையானது விவசாயிகளுக்கு இலாபகரமானதாக இல்லை.
3. இம்முறையானது ஜமீன்தாரி முறையின் திருத்தியமைக்கப்பட்ட வடிவமாக இருந்தது. மேலும் இது கிராமத்தின் உயர் வகுப்பினர்களுக்கு இலாபகரமானதாக அமைந்தது.

வரிகளைத் தவிர, ஆங்கிலேயர்கள் வணிகமயமாக்கல் கொள்கையை பின்பற்றினர். இது இந்திய விவசாயிகளுக்கு ஒரு பெரிய பின்னடைவாக இருந்தது. மண் வளத்தை சீர்குலைக்கும் பணப்பயிர்களான ஓபியம் போன்ற பயிர்களை பயிரிட கட்டாயப்படுத்தப்பட்டனர். சணல், இண்டிகோ போன்ற விளைப்பொருட்களின் விலை 31% வரை உயர்ந்தன. ஆதலால் ஆங்கிலேயர்கள் இந்த பயிர்களை வளர்க்காத விவசாயிகளை அச்சுறுத்தினர். மேலும் அவர்களின் நிலங்களை பறித்தனர்.

நிலையான நிலவரி திட்டத்தின் நிறைகள் :
1. தரிசு நிலங்கள் மற்றும் காடுகள் விவசாய நிலங்களாக மாற்றப்பட்டுள்ளன.
2. ஜமீன்தார்கள் நிலத்தின் உரிமையாளராயினர்.
3. ஜமீன்தார்கள் ஆங்கில அரசுக்கு நம்பிக்கைகுரியவர்களாக மாறினர்.
4. ஆங்கில அரசுக்கு நிலையான வருவாயை கிடைப்பதை உறுதி செய்தது.
குறைகள் :
1. ஆங்கிலேய அரசு விவசாயிகளுடன் நேரடியாக தொடர்பு கொள்ளவில்லை.
2. விவசாயிகளின் உரிமைகள் மறுக்கப்பட்டதோடு ஜமீன்தார்களின் பொறுப்பில் விடப்பட்டனர்.
3. விவசாயிகள் பெரும்பாலும் அடிமைகளாகவே நடத்தப்பட்டனர்.
4. இந்த திட்டத்தினால் ஜமீன்தார்கள் சோம்பேறிகளாகவும், ஆடம்பரப் பிரியர்களாகவும் மாறினர்.
5. வங்காளத்தில் பல கிராமங்களில் ஜமீன்தார்களுக்கும் விவசாயிகளுக்குமிடையே பல மோதல்கள் ஏற்பட்டன.