சுட்டெண் கொண்ட அணி:
சுட்டெண் கொண்ட அணி என்பது அணியின் உறுப்புகளை அணுக எண் வகை சுட்டெண்ணைப் பயன்படுத்துகிறது. அணியின் சுட்டெண் மதிப்பானது 0 (zero) வில் தொடங்கும்.
PHP இல் சுட்டெண் கொண்ட அணியை உருவாக்க,
(i) காற்புள்ளியால் பிரிக்கப்பட்ட மதிப்புகளை சதுர அடைப்புக் குறிகளுக்குள் கொடுக்க வேண்டும். (அல்லது)
(ii) array() செயற்கூறைப் பயன்படுத்த வேண்டும்.
கட்டளை அமைப்பு
$arrayVariable = [ element1, element2, element3, elementN];
(or)
$arrayVariable = array( element1, element2, element3,... elementN);
எடுத்துக்காட்டுகள்
(a) $fruits = ['apple, 'banana, 'orange'];
(b) $fruits = array('apple, 'banana, 'orange');
மேற்கண்ட எடுத்துக்காட்டில் உள்ள அணியின் உறுப்புகள் "apple", "banana", மற்றும் "orange" ஆகும். முதல் உறுப்பின் சுட்டெண் 0 (zero), இரண்டாவது உறுப்பின் சுட்டெண் 1. மூன்றாவது உறுப்பின் சுட்டெண் 2 ஆகும்.
(c) $numbers = array(1, 2, 3, 4, 5);
(d) $colours = array("red", "green", "blue");
(e) $num = array(10, 10.5, 20, 20.5);
தொடர்புருத்த அணி (Associative array):
தொடர்புருத்த அணி என்பது திறவுகோலும், மதிப்பும் இணைந்த ஒரு தரவு கட்டமைப்பாகும். திறவுகோல்கள் என்பது மதிப்புகளைக் குறிப்பதற்குப் பயன்படுகிறது. மதிப்புகளானது எந்தவொரு தரவினமாகவும் இருக்கலாம். தொடர்புருத்த அணியில் உள்ள திறவுகோல்கள், "லேபிள்கள்" என்று அழைக்கப்படுகின்றன. ஏனெனில் அவை தொடர்புடைய மதிப்புகளை லேபிளிடுகின்றன. அல்லது அடையாளப்படுத்துகின்றன.
PHP இல் தொடர்புருத்த அணியை உருவாக்க,
(i) காற்புள்ளியால் பிரிக்கப்பட்ட திறவுகோலும் மதிப்பும் இணைந்த உறுப்புகளை சதுர அடைப்புக் குறிகளுக்குள் கொடுக்கப்படவேண்டும். (அல்லது)
(ii) array() செயற்கூறைப் பயன்படுத்த வேண்டும்.
கட்டளை அமைப்பு

எடுத்துக்காட்டு :

$student = [ "Name" => "Ram", "Age" => 25, "Place" => "Trichy"];

(OR)

$student = array( "Name" => "Ram", "Age" => 25, "Place" => "Trichy" };

பயனர் வரையறுக்கும் செயற்கூறுகள் (User- defined Functions):
பயனர் வரையறுக்கும் செயற்கூறுகளானது 'function' என்னும் சிறப்புச் சொல்லுடன் தொடங்க வேண்டும். அதனைத் தொடர்ந்து செயற்கூறின் பெயர் மற்றும் பிறை அடைப்புக் குறிகள் (Parentheses) இடம் பெற வேண்டும்.
செயற்கூறு அறிவிப்பு : கட்டளை அமைப்பு
function functionName([parameter list])
{
// code to be executed
}
(i) இதில் "function" என்னும் சிறப்புச் சொல் செயற்கூறு வரையறையைக் குறிக்கிறது.
(ii) functionName என்பது செயற்கூறின் பெயர். இது PHP இல் உள்ள எந்தவொரு குறிப்பெயராகவும் இருக்கலாம். ஆனால் சிறப்புச் சொல்லாக இருக்கக் கூடாது.
(iii) parameter list என்பது காற்புள்ளியால் பிரிக்கப்பட்ட மாறிகளின் பெயரைக் கொண்டிருக்கும். இது ஒரு விருப்பத் தேர்வாகும். இதில் நமக்குத் தேவையான அளபுருக்களின் எண்ணிக்கையைப் பயன்படுத்தலாம்.
(iv) நெளிவு அடைப்புக் குறிகளுக்குள் செயற்கூறு செயல்படுத்த வேண்டிய குறிமுறைத் தொகுதியைக் கொடுக்க வேண்டும். இவற்றில் PHP கூற்றுகள், மடக்குகள், நிபந்தனைகள் மற்றும் பல இடம் பெறலாம்.

செயற்குறி என்பது ஒரு மதிப்பு அல்லது பல மதிப்புகள் மீது, கொடுக்கப்பட்ட செயலை செய்யும் ஒரு குறியீடு ஆகும்.
PHP-இல் உள்ள செயற்குறிகளின் வகைகள்:
(i) கணக்கீட்டு செயற்குறிகள்
(ii) மதிப்பிருந்து செயற்குறிகள்
(iii) ஒப்பீட்டு செயற்குறிகள்
(iv) தருக்க செயற்குறிகள்
(v) மிகுப்பு / குறைப்பு செயற்குறிகள்
(vi) சர செயற்குறிகள்
(i) கணக்கீட்டு செயற்குறிகள் (Arithmetic Operators):
கணக்கீட்டு செயற்குறிகள் கூட்டல், கழித்தல், பெருக்கல் மற்றும் வகுத்தல் போன்ற கணித செயல்பாடுகளைச் செய்யப் பயன்படுகின்றன.

குறியீடு	செயற்குறி பெயர்	எடுத்துக்காட்டு	வெளியீடு
+	கூட்டல்	5+2	7
-	கழித்தல்	5-2	3
*	பெருக்கல்	5*2	10
/	வகுத்தல்	5/2	2.5
%	வகுமீதி	5%2	1

(ii) மதிப்பிருத்து செயற்குறிகள் (Assignment Operators):
ஒரு மாறிக்கு மதிப்பிருத்த செயற்குறிகள் (=) பயன்படுகிறது. மதிப்பிருத்து செயற்குறிக்கு வலது பக்கத்தில் உள்ள மதிப்பானது, இடது பக்கம் உள்ள மாறியில் இருத்தப்படுகிறது.

குறியீடு	செயற்குறி பெயர்	எடுத்துக்காட்டு	வெளியீடு
=	மதிப்பிருத்து செயற்குறி	$a = 5;	5

(iii) ஒப்பீட்டு செயற்குறிகள் (Comparison Operators): 
ஒப்பீட்டு செயற்குறிகள் இரண்டு மதிப்புகளை ஒப்பிட்டு, True அல்லது False என்ற விடையைக் கொடுக்கிறது.

குறியீடு	செயற்குறி பெயர்	எடுத்துக்காட்டு		வெளியீடு
>	விடப்பெரியது	5>2		True
<	விடச்சிறியது	5<2		False
>=	விடப்பெரியது அல்லது சமமானது	5>=2		True
<=	விடச்சிறியது அல்லது சமமானது	5<=2		False
==	சமமானது	5==5		True
===	ஒத்தது	5===5	5===5.0	True
!=	சமமில்லை	5! = 5		False
		5!=6		True
!==	ஒத்தது இல்லை	5!==5		False
		5!==5.0		True

(iv) தருக்க செயற்குறிகள் :
தருக்க செயற்குறிகள் மாறிகள் மற்றும் மதிப்புகளில் தருக்க செயல்பாடுகளைச் செய்யப் பயன்படுத்தப்படுகின்றன.

குறியீடு	செயற்குறி பெயர்	எடுத்துக்காட்டு	வெளியீடு
&&	Legal AND	(5>3) && (5>7)	False
||	Legal OR	(5>3) || (5>7)	True
xor	XOR	(5>3) xor (5>7)	True
!	Logical NOT	! (5>3)	False

(v) மிகுப்பு / குறைப்பு செயற்குறிகள்:
PHPஇல் ஒரு மாறியின் மதிப்பை ஒன்று மிகுப்பதற்கு, மிகுப்பு செயற்குறி (++) பயன்படுகிறது. ஒரு மாறியின் மதிப்பை ஒன்று குறைப்பதற்கு, குறைப்பு செயற்குறி (--) பயன்படுகிறது. மிகுப்பு மற்றும் குறைப்பு செயற்குறிகளை முன்னொட்டு மற்றும் பின்னொட்டாகப் பயன்படுத்தலாம்.

குறியீடு	செயற்குறி பெயர்	எடுத்துக்காட்டு
++	++ $a (முன் - மிகுப்பு)	$x = ++$a
	$a ++ (பின் -மிகுப்பு)	$x = $a++
--	--$a (முன் - குறைப்பு)	$x=--$a
	$a--(பின்னொட்டு - குறைப்பு)	$x=$a--

(vi) சர செயற்குறிகள் :
சர செயற்குறிகளானது இணைப்பு செயற்குறி ( . ) மற்றும் மதிப்பிருத்து இணைப்பு செயற்குறி (.=) என இரண்டு செயற்குறிகளைப் பெற்றுள்ளது.

குறியீடு	செயற்குறி பெயர்	எடுத்துக்காட்டு	வெளியீடு
.(Dot)	இணைப்பு செயற்குறி	$a = 'Hello'; $b='World'; $c = $a. $b;	HelloWorld
.(Dot equal to)	மதிப்பிருந்து இணைப்பு செயற்குறி	$a = 'Hello'; $b='World'; $a. = $a;	HelloWorld

PHPஇல் மாறிகளுக்குக் கொடுக்கப்படும் மதிப்புகள் அதன் தரவு வகையைத் தீர்மானிக்கின்றன. PHP இல் கீழ்க்கண்ட 8 வகையான தரவு வகைகள் உள்ளன. அவை:
(i) Integer
(ii) Float
(iii) String
(iv) Boolean
(v) Array
(vi) Object
(vii) Resource
(viii) NULL
(i) Integer:
Integer எண்களைக் கொண்டதாகும். இது நேர்மறை எண்ணாகவோ, எதிர்மறை எண்ணாகவோ அல்லது பூஜ்ஜியமாக (zero) இருக்கலாம்.
எடுத்துக்காட்டு :
$age = 30;
$count = -10;
(ii) Float:
Float என்னும் தரவு வகை தசமப்புள்ளி எண்களைக் கொண்டதாகும்.
எடுத்துக்காட்டு :
$price = 19.99;
$weight = 65.5;
(iii) String:
String குறியுருக்களின் தொகுதியைக் கொண்டதாகும். இவை ஒற்றை (' ') அல்லது இரட்டை மேற்கோள் குறிகளுக்குள் (“ ") கொடுக்கப்பட்டிருக்கும்.
எடுத்துக்காட்டு :
$name = "Barath";
$message = 'Hello, World!';
(iv) Boolean: Boolean தரவு வகையானது True அல்லது False என்ற இரண்டு மதிப்புகளுள் ஒன்றைக் கொண்டிருக்கும்.
எடுத்துக்காட்டு :
$is_admin = true;
$is_logged_in = false;
(v) Array:
Array என்பது ஒற்றை மாறியில் பல மதிப்புகளைக் கொண்ட தரவு வகையாகும்.
எடுத்துக்காட்டு :
$prices = array(10, 20, 30);
$items = array("item1", "item2", "item3");
$prices = array(19.99, 24.99, 29.99);
(vi) Object:
Object என்னும் தரவு வகையானது இனக்குழுவின் சான்றுருவைக் குறிக்கிறது.
எடுத்துக்காட்டு :
$user = new User();
$product = new Product();
(vii) Resource:
Resource என்பது ஒரு கோப்பு அல்லது தரவுத்தளம் போன்ற வெளிப்புற வளத்திற்கான இணைப்பைக் குறிக்கும் ஒரு சிறப்புத் தரவு வகை ஆகும்.
எடுத்துக்காட்டு :
$fp = fopen("file.txt", "r");
// $fp is a resource
$conn = mysqli_connect("localhost", "username", "password", "database");
// $conn is a resource
(viii) NULL:
NULL என்பது ஒரு சிறப்புத் தரவு வகை ஆகும். இது NULL என்ற மதிப்பைப் பெற்றுள்ளது. NULL என்பது ஒரு மதிப்பிலி ஆகும். NULL என்ற சிறப்புச் சொல்லிற்கு எழுத்து வடிவுணர்வு கிடையாது.
எடுத்துக்காட்டு :
$x = null;
$y = " ";

அணி என்பது ஒரு தரவினம் ஆகும். இது ஒன்றுக்கு மேற்பட்ட மதிப்புகளை ஒற்றை மாறியில் தேக்கி வைக்கப் பயன்படுகிறது. இது வேறுபட்ட தரவினங்களைத் தேக்கி வைக்கப் பயன்படுகிறது.
PHP இல் மூன்று வகையான அணிகள் உள்ளன. அவை,
1. சுட்டெண் கொண்ட அணி (Indexed array)
2. தொடர்புருத்த அணி (Associative array)
3. பல பரிமாண அணி (Multi-dimensional array)

(i) உள்ளிணைந்த செயற்கூறுகள்
(ii) பயனர் வரையறுக்கும் செயற்கூறுகள்

செயற்கூறு என்பது PHPஇல் உள்ள ஒரு முக்கியமான அம்சமாகும். இது குறிமுறையை மறு பயனாக்கம் செய்யப் பயன்படுகிறது. ஒரு குறிப்பிட்ட பணியைச் செய்யும் குறிமுறைத் தொகுதியை செயற்கூறு என்று அழைக்கிறோம்.

PHP இல் சரம் அல்லது மற்ற தரவுகளை திரையில் காட்ட echo கூற்று பயன்படுத்தப்படுகிறது. இது பயனருக்குத் தகவலைக் காண்பிப்பதற்கான எளிய வழியாகும் /
(i) ஒற்றை சரத்தை வெளியிட (சர மதிப்புகள் ஒற்றை அல்லது இரட்டை மேற்கோள் குறிகளுக்கிடையே கொடுக்கப்பட வேண்டும்.)
எடுத்துக்காட்டு : echo 'Hello, world!';
(ii) பல சரங்களை வெளியிட, காற்புள்ளியால் பிரிக்கப்பட வேண்டும். எடுத்துக்காட்டு  : echo "Hello, world!";

PHP இல் இரண்டு வகையான குறிப்புரைகள் உள்ளன. அவை ஒற்றை வரி குறிப்புரை மற்றும் பல வரி குறிப்புரை.
எடுத்துக்காட்டு:
#This is a comment
// This is also a comment
பல வரிக் குறிப்புரையானது /*...*/ என்ற குறியீடுகளுக்கு இடையே இருக்க வேண்டும்.
எடுத்துக்காட்டு
/*This is an example of a
multi-line comment. */

மாறும் வலைப்பக்கம் என்பது ஒவ்வொரு முறை பார்க்கும் போதும் அதன் உள்ளடக்கம் மாறிக்கொண்டே இருக்கும். இது இயங்கும் வலைதளங்களை உருவாக்குவதற்கும், தரவுத்தளங்களை கையாளுவதற்கும் பயன்படுகிறது.

செயற்கூறை அழைத்தல் என்பது செயற்கூறை இயக்குவதற்கான மற்றொரு பெயராகும். செயற்கூறின் பெயரை செயலுருபுகளின் பட்டியலுடன் குறிப்பிட்டு அழைக்கப்படுகிறது.
கட்டளை அமைப்பு
function Name(); (or)
functionName(argument list);

கட்டளை அமைப்பு 
function functionName([parameter list])
{
// code to be executed
}

PHP இல் செயற்கூறுகளை பயன்படுத்துவதால் ஏற்படும் நன்மைகள் :
(i) குறிமுறை மறுபயனாக்கம் : செயற்கூறானது குறிமுறை மறுபயனாக்கத்திற்கு உதவுகிறது. இது குறிமுறை எழுதும் நேரத்தையும், பராமரிக்கும் நேரத்தையும் குறைக்கிறது.
(ii) சோதித்தல் மற்றும் பிழை திருத்துதல்: ஸ்கிரிப்டில் உள்ள ஒவ்வொரு செயற்கூறையும் தனித்தனியாக சோதிக்க முடிவதால், முழு குறிமுறையையும் எளிதாக சோதிக்கவும், பிழைதிருத்தவும் முடிகிறது.
(iii) தொகுதிகளாகப் பிரித்தல்: குறிமுறைகள் சிறிய தொகுதிகளாகப் பிரிக்கப்படுவதால் அவற்றைப் பராமரிப்பதும், மாற்றியமைப்பதும் எளிமையாக இருக்கிறது.

(i) ஒரு மாறியின் பெயர் டாலர் ($) குறியீட்டுடன் தொடங்க வேண்டும். எடுத்துக்காட்டு: $ name
(ii) மாறியின் பெயர் சரங்கள், எண்கள் மற்றும் அடிக்கோடின் கலவையைக் கொண்டிருக்கலாம். எடுத்துக்காட்டு : $ my_report1
(iii) டாலர் குறியீட்டிற்குப் பின்வரும் முதல் எழுத்தானது, எழுத்து அல்லது அடிக்கோடாக இருக்க வேண்டும் (அது எண்ணாக இருக்கக்கூடாது).
(iv) PHP இல் உள்ள மாறியின் பெயர்கள் எழுத்து வடிவுணர்வு கொண்டவையாகும். இதன் பொருள் $name மற்றும் $Name என்பது முற்றிலும் வேறுபட்ட மாறிகளாகக் கருதிக்கொள்ளும்.

PHP இல் மூன்று வகையான ஒட்டுகள் உள்ளன. அவை
(i) PHP இன் தானமைவு ஒட்டுகள்
(ii) குறுகிய திறந்த ஒட்டுகள்
(iii) HTML ஸ்கிரிப்டில் உட்பொதிந்த ஒட்டுகள்
(i) PHP இன் தானமைவு ஒட்டுகள்: இதில் PHP குறிமுறையானது  <?php மற்றும் ?>என்ற ஒட்டுகளுக்கிடையே கொடுக்கப்பட வேண்டும்.
// PHP code
?>
(ii) குறுகிய திறந்த ஒட்டுகள்: இதில் PHP குறிமுறையானது <? மற்றும் ?>  என்ற ஒட்டுகளுக்கிடையே கொடுக்கப்பட வேண்டும்.
// PHP code
?>
(iii) HTML ஸ்கிரிப்டில் உட்பொதிந்த ஒட்டுகள்: HTML ஸ்கிரிப்டில் இது போன்று PHP குறியீட்டை உட்பொதிக்கலாம்.
<script language="php">
// PHP code
</script>

PHP ஆனது இணைய மேம்பாட்டிற்கான பல சிறப்பம்சங்களைக் கொண்டுள்ளது. அவற்றுள் சில:
(i) சேவையகம் சார்ந்த ஸ்கிரிப்டிங் மொழி:
PHP என்பது சேவையகம் சார்ந்த ஸ்கிரிப்டிங் மொழியாகும். அதாவது PHP ஸ்கிரிப்ட் ஆனது சேவையகத்தில் இயக்கப்பட்டு, வெளியீடு கிளையன்டுக்கு (வலை உலவிக்கு) அனுப்பப்படுகிறது. தரவுத்தளங்களுடன் தொடர்பு கொள்ளும் மாறும் வலைப்பக்கங்களை உருவாக்கப் பயன்படுகிறது.
(ii) திறந்த மூல மென்பொருள்:
PHP என்பது ஒரு திறந்த மூல மென்பொருளாகும். இதன் மூலக் குறிமுறையை யார் வேண்டுமானாலும் பார்க்கவும். மாற்றியமைக்கவும் முடியும்.
(iii) இயக்க அமைப்பு சாராதது:
விண்டோஸ், லினக்ஸ் மற்றும் macOS போன்ற பல்வேறு இயக்க அமைப்புகளில் இது செயல்படுகிறது.
(iv) தரவுத்தளத்துடன் இணைந்து செயல்படுதல்:
இது தரவுத்தளத்தால் இயக்கப்படும் வலைத்தளங்களை உருவாக்குவதை எளிதாக்குகிறது.