செலவுகளைப் பின்வருமாறு மூன்று வகைகளாப் பிரிக்கலாம். அவை
1. முதலினச் செலவு
2. வருவாயினச் செலவு
3. நீள்பயன் வருவாயினச் செலவு  

நடப்பாண்டில் மேற்கொள்ளப்பட்ட வருவாயினத் தன்மையுள்ள ஒரு செலவின் பயன், எதிர் வரும் ஆண்டு அல்லது ஆண்டுகளுக்கும் கிடைக்குமானால் அச்செலவு நீள்பயன் வருவாயினச் செலவு ஆகும்.

(i) வருவாயினத்தைச் சாராத வரவுகள் அனைத்தும் முதலின வரவு எனப்படும்.
(ii) இது திரும்பத் திரும்ப நிகழாதத் தன்மையுடையது. பெறப்பட்ட தொகை பொதுவாக கணிசமானதாக இருக்கும்.
(iii) இவ்வகை வரவுகள் இருப்புநிலைக் குறிப்பின் பொறுப்புகள் பக்கத்தில் காண்பிக்கப்படும்.

(i) ஒரு கணக்காண்டில் மேற்கொள்ளப்பட்ட செலவின் பயனானது எதிர்வரும் ஆண்டுகளுக்கும் தொடர்ந்து கிடைக்குமானால் அச்செலவு முதலினச் செலவு ஆகும்.
(ii) இச்செலவு ஏதேனும் ஒரு நிலைச்சொத்து வாங்குவதற்கோ, வியாபார நிறுவனத்தின் இலாபம் ஈட்டும் திறனை அதிகரிப்பதற்கோ மேற்கொள்ளப்படலாம். இது திரும்பத் திரும்ப நிகழாத தன்மையுடையது.

(i) வணிக நிறுவனத்தின் அன்றாட செயல்பாட்டிற்கான செலவும், வருவாய் ஈட்டும் திறனைத் தக்கவைத்துக்கொள்ள மேற்கொள்ளப்படும் செலவும் வருவாயினச் செலவு எனப்படும். இச்செலவு திரும்பத் திரும்ப நிகழும் தன்மையுடையது.
(ii) வருவாயினச் செலவு வருவாயுடன் தொடர்புடையது அல்லது குறிப்பிட்ட கணக்காண்டோடு தொடர்புடையது.
(iii) உதாரணமாக, கொள்முதல் மீதானச் செலவு ஒரு வருவாயினச் செலவு.

(i) (அ) கூடுதல் இயந்திரத்தைச் சேர்க்க செலவழித்த தொகை ரூ 2,000 முதலினச் செலவாகும்.
(ஆ) பழுதுபார்ப்புச் செலவு ரூ 1,200 வருவாயினச் செலவாகும்.
(ii) வாகனத்தின் எரிபொருள் திறனை அதிகரிக்க இயந்திரத்தைப் புதுப்பித்தது முதலினச் செலவாகும்.

(i) தொழிலை நடத்துவதற்கான உரிமம் பெறுவதற்காகச் செய்த செலவு என்பதால், இச்செலவு முதலினச் செலவாகும்.
(ii) தற்காலிக குடிசைகள் உட்பட , தொழிற்கூடம் கட்டுவதற்கானச் செலவு முதலினச் செலவாகும்.
(iii) வாங்கிய பழைய இயந்திரத்தின் மீதான துவக்கப் பராமரிப்புச் செலவு என்பது நீண்டகால பலனைத் தருவதால் இது ஒரு முதலினச் செலவாகும்.

நீள்பயன் வருவாயினச் செலவின் இயல்புகள்:
(i) இது ஒரு வருவாயினச் செலவு. இச்செலவின் பயன் எதிர்வரும் காலத்தில் கிடைக்கக் கூடியது.
(ii) இச்செலவு, செலவழித்த ஆண்டிலேயே முழுவதும் போக்கெழுதப்படுவதில்லை. குறிப்பிட்ட சில ஆண்டுகளில் போக்கெழுதப்பட வேண்டும்.
(iii) போக்கெழுதியது போக மீதமுள்ள தொகை (உள்ளபடியான செலவு - போக்கெழுதிய தொகை) இருப்புநிலைக் குறிப்பில் சொத்துகள் பக்கத்தில் காண்பிக்கப்படும்.   

முதலினச் செலவின் இயல்புகள்:
(i) முதலினச் செலவு, ஒன்றிற்கும் மேற்பட்ட கணக்காண்டுகளுக்கு பலன் தரக்கூடியது.
(ii) நிலைச்சொத்து வாங்குவதற்கும், வாங்கிய நிலைச்சொத்தினை  பயன்படுத்த தயாராகும் வரை மேற்கொள்ளப்பட்ட செலவுகளையும் உள்ளடக்கியது.
(iii) வணிக நிறுவனத்தின் வருவாய் ஈட்டும் திறனை அதிகரிப்பதில் பங்களிக்கிறது.
(iv) திரும்பத் திரும்ப நிகழாத தன்மையுடையது.
(v) இருப்புநிலைக் குறிப்பின் சொத்துகள் பக்கத்தில் காண்பிக்கப்படும்.