கடன் விற்பனைக்குப் பின்,வாடிக்கையாளர் அல்லது கடனாளிகளிடமிருந்து பெறப்பட வேண்டிய தொகை,நிச்சயமாக கிடைக்கப் பெறாது என தெரிய வந்தால் அதனை வாராக்கடன் என கருதலாம்.வேறு வகையில் சொல்ல வேண்டுமானால்,கடனாளிகளிடமிருந்து திரும்பப் பெற இயலாத கடன், வாராக்கடன் எனப்படும்.   

தொழிலுக்கு வெளியே முதலீடு செய்யப்படும் பங்குகள்,வைப்புகள் போன்றவைகளுக்கு கிடைக்கப் பெற வேண்டிய வட்டியை முதலீடுகள் மீது பெற வேண்டிய வட்டி என்கிறோம்.   

நடப்பு ஆண்டில் பெறப்பட்ட ஒரு வருமானம் அல்லது அதில் ஒரு பகுதி அடுத்த கணக்காண்டிற்கு உரியதாக இருப்பின் அது முன்கூட்டிப் பெற்ற வருமானம் அல்லது பயன்தீரா வருமானம் எனப்படும்.  

சரிக்கட்டுதல்களுடன் சேர்த்து இறுதிக் கணக்குகளைத் தயாரிக்கும் போது கடைபிடிக்க வேண்டிய முக்கியமான கோட்பாடுகள் பின்வருமாறு:
(i) வருவாய்த் தீர்வுக் கோட்பாடு 
இக்கோட்பாட்டின்படி,ஒரு குறிப்பிட்ட ஆண்டின் வருவாய் என்பது எந்த ஆண்டில் அது ஈட்டப்பட்டதோ அந்த ஆண்டில் தான் அது தீர்வு செய்யப்பட வேண்டும்.
(ii) பொருந்துகைக் கோட்பாடு 
ஒரு ஆண்டில் பெறப்பட்ட வருமானத்தை அந்த ஆண்டின் செலவுகளோடு ஒப்பிட்டுப் பார்த்து இக்கோட்பாட்டின் முக்கியத்துவம் ஆகும்.   

(i) தவணை நாள் அன்றோ அல்லது அதற்கு முன்னரோ வாடிக்கையாளர் உரிய நேரத்தில் பணம் செலுத்துவதை ஊக்குவிப்பதற்காக சரக்கு அளித்தவரால் வழங்கப்படுவது ரொக்கத் தள்ளுபடியாகும்.
(ii) இத்தள்ளுபடியை வழங்குவதற்காக பற்பல கடனாளிகள் மீது உருவாக்கப்படும் ஒதுக்கு கடனாளிகள் மீதான தள்ளுபடி ஒதுக்கு எனப்படுகிறது.

நடப்பு ஆண்டில் ஈட்டப்பட்ட ஒரு வருமானம் அல்லது அதில் ஒரு பகுதி, அக்கணக்காண்டின் இறுதி வரை பெறப்படாமலே இருந்தால், அது கூடியுள்ள வருமானம் அல்லது பெற வேண்டிய வருமானம் அல்லது ஈட்டியும் பெறாமல் உள்ள வருமானம் பெற வேண்டிய வருமானங்களுக்குப் பொருந்தும் .  

நடப்பு ஆண்டில் செலுத்தப்பட்ட ஏதேனும் ஒரு செலவு அல்லது அதில் ஒரு பகுதி அடுத்த கணக்காண்டிற்கும் அதன் பலன் அல்லது சேவையைத் தருமானால், அதனை முன்கூட்டிச் செலுத்திய செலவுகள் என்கிறோம். அவற்றைப் பயன்தீராச் செலவுகள் என்றும் அழைக்கலாம்.  

(i) இறுதிக் கணக்குகள் தயாரிக்கப்படும் கணக்காண்டிற்கான  செலவுகள் செய்யப்பட்டு, அவை அக்கணக்காண்டின் இறுதிக்குள் செலுத்தப்படாமலிருந்தால், அது கொடுபட வேண்டிய செலவுகள் எனப்படும்.
(ii) இதனை வேறுவிதமாக கூற வேண்டுமானால், ஏதேனும் பலன்களையோ அல்லது சேவைகளையோ இந்த ஆண்டில் பெற்றுக் கொண்டு அதற்கான தொகையை செலுத்தவில்லை என்றால், அது கொடுபட வேண்டிய  செலவுகள் எனப்படும்.  

கொடுபடவேண்டிய செலவினங்கள், முன்கூட்டிச் செலுத்திய செலவினங்கள், பெறவேண்டிய வருமானங்கள் மற்றும் முன்கூட்டிப் பெற்ற வருமானங்கள் போன்ற இருபாய்வில் அக்கணக்காண்டின் இறுதியில் எடுத்துக் கொள்ளப்படாத நடவடிக்கைகளுக்காக செய்யப்படும் குறிப்பேட்டுப் பதிவே சரிகட்டுப் பதிவு எனப்படும்.