(i) கொள்முதல் திருப்பம் அல்லது வெளித் திருப்பம்:
கொள்முதல் செய்த சரக்குகளை சரக்கு அளித்தோரிடம் திருப்பி அனுப்புவது கொள்முதல் திருப்பம் அல்லது வெளித்திருப்பம் என்று அழைக்கப்படுகிறது.
(ii) விற்பனைத் திருப்பம் அல்லது உள் திருப்பம்:
விற்பனை செய்த சரக்குகள் வாடிக்கையாளர்களிடமிருந்து திரும்பப் பெறப்பட்டால் அது விற்பனைத் திருப்பம் அல்லது உள் திருப்பம் என்று அழைக்கப்படுகிறது.

(i) 1. கடனீந்தோர் மற்றும் நிதி நிறுவனங்கள்
2. முதலீட்டாளர்கள்
(ii) 1. உரிமையாளர்கள்
2. நிர்வாகம்
(iii) வணிக நிறுவனத்தின் இலாபம் மற்றும் நட்டத்தினை கண்டறிய கணக்கியல் தகவல்கள் தேவைப்படுகிறது.

அகப் பயனீட்டாளர்கள்:
அகப்பயனீட்டாளர்கள் என்பவர்கள் வணிக நிறுவனத்தின் உரிமையாளர்கள், நிர்வாகம் மற்றும் பணியாளர்கள் ஆவார்கள்.
(i) உரிமையாளர்கள்:
வணிக நிறுவனத்தில் பயன்படுத்தப்படும் மூலதனத்தொகையை அளிப்பவர்களே உரிமையாளர்கள் எனப்படுகின்றனர்.
(ii) நிர்வாகம்:
(1) பெரும்பாலான முடிவுகளை நிர்வாகம் எடுப்பதற்கு கணக்கியலின் விவரங்கள் அடிப்படையாக இருக்கின்றன.
(2) வணிகச் செயல்பாடுகளின் திட்டமிடுதல் மற்றும் கட்டுப்பாட்டிற்கு நிர்வாகத்திற்கு பல முக்கியமான நிதிசார்ந்தத் தகவல்கள் தேவைப்படுகின்றன.
(3) நிதி நிலை கணக்கியலில் தயாரிக்கப்படும் நிதியியல் அறிக்கைகள் மற்றும் பிற அறிக்கைகள் நிர்வாகத்திற்க்கான தகவல்களை அளிக்கின்றன.
(iii) பணியாளர்கள்:
பணியாளர்கள் தங்களது ஊதியம், பணியாற்றும் சூழ்நிலைகள், ஓய்வு பலன்கள் போன்றவற்றை நிர்ணயிக்கும் வணிகத்தின் இலாபம் ஈட்டும் திறன், வணிகத்தின் நிலைத்தன்மை மற்றும் வளர்ச்சி பற்றி அறிய ஆர்வமாக இருப்பார்கள்.   

கணக்கியலின் நோக்கங்கள் பின்வருமாறு:
(i) நிதி நடவடிக்கைகள் மற்றும் நிகழ்வுகள் குறித்த முறையான பதிவேடுகளை வைத்திருத்தல்.
(ii) வணிக நிறுவனத்தின் இலாபம் அல்லது நட்டத்தை கண்டறிதல்.
(iii) வணிக நிறுவனத்தின் நிதிநிலை மற்றும் நிலைமை அறிதல்
(iv) பல்வேறு பயனீட்டாளர்களின் தேவைக்கேற்ப தகவல்களை வழங்குதல்.
(v) நிறுவனத்தின் சொத்துக்களைப் பாதுகாத்தல் மற்றும்,
(vi) நிறுவனத்தின் கடன் தீர்க்கும் திறன் மற்றும் நீர்மைத்தன்மையை அறிதல்.    

கணக்கியலின் நோக்கங்கள் பின்வருமாறு:
நிதி நடவடிக்கைகள் மற்றும் நிகழ்வுகள் குறித்த முறையான பதிவேடுகளை வைத்திருத்தல்.
வணிக நிறுவனத்தின் இலாபம் அல்லது நட்டத்தை கண்டறிதல்.
வணிக நிறுவனத்தின் நிதி நிலையை அறிதல்.
பல்வேறு பயனீட்டாளர்களின் தேவைக்கேற்ப தகவல்களை வழங்குதல்.
நிறுவனத்தின் கடன் தீர்க்கும் திறன் மற்றும் நீர்மைத் தன்மையை அறிதல்.  

கணக்காளர் நிறுவனத்தில் கீழ்க்கண்ட பல்வேறு பணிகளில் பங்களிக்கிறார்.
ஏடுகளை பராமரிப்பவர்:
கணக்காளர் நிதிசார்ந்த நடவடிக்கைகளை முறையாக பதிவு செய்து, நிதிநிலை அறிக்கைகளை தயாரிக்கிறார்.
நிர்வாகத்திற்குத் தகவல்களைத் தருபவர்:
முடிவுகளை எடுக்கவும் மற்றும் கட்டுப்பாடுகளை விதிக்கவும் தேவையான நிதிச் சார்ந்த தகவல்களை நிர்வாகத்திற்கு அளித்து உதவுகிறார்.
வணிகச் சொத்துக்களின் காப்பாளர்:
கணக்காளர் சொத்துக்களுக்கான பதிவேடுகளைப் பராமரிப்பதன் மூலம், நிர்வாகம் அந்தச் சொத்துக்களைப் பாதுகாத்து கட்டுப்படுத்த முடிகிறது.
நிதி ஆலோசகர்:
கணக்காளர் நிதிச் சார்ந்த தகவல்களை பகுப்பாய்வு செய்து முதலீட்டுக்கான வாய்ப்புகள், மூலதன திட்டப்பட்டியல், செலவினைக் குறைப்பதற்கான உக்திகள், விரிவு படுத்துவதற்கான வாய்ப்புகள் போன்றவை குறித்து வணிக மேலாளர்களுக்கு ஆலோசனை வழங்குகிறார்.
வரி மேலாளர்:
கணக்காளர், குறித்த காலத்தில் வருமான வரி விவரம் தயாரிப்பு செய்தல், தாக்கல் செய்தல் முதலியவற்றை உறுதி செய்கிறார். மேலும் வரி மேலாண்மை, வரிச்சுமையை குறைத்தல் வரி விலக்கு பெறுதல் போன்றவற்றில் ஆலோசனை வழங்குகிறார்.
பொது தொடர்பு அலுவலர்:
கணக்காளர், தேவைப்படும் பயனீட்டாளர்களுக்கு கணக்கியல் பகுப்பாய்வு செய்யத் தேவைப்படும் விவரங்களை வழங்குகிறார்.   

அ. முதலீட்டாளர்கள்:
ஒரு நிறுவனத்தில் தங்களது நிதியை முதலீடு செய்யும் ஆர்வமுள்ள முதலீட்டாளர்கள், நிறுவனத்தின் நிதி நிலையை அறிந்து கொண்டு தங்களது முதலீட்டு முடிவுகளை எடுக்கின்றனர். அழர்கள் நிறுவனத்தின் எதிர்கால இலாபம் மற்றும் இடர் ஏற்கும் திறன் போன்ற, தங்களது இலாபத்தை பாதிப்பவைகளில் அதிக ஆர்வம் கொண்டிருப்பார்.
ஆ. அரசு:
அரசாங்கம் வணிக நிறுவனங்களின் செயல் திறனை அறிந்து கொண்டு வணிகம் மற்றும் தொழில்துறைச் சார்ந்த கொள்கை முடிவுகளை உருவாக்குதல், மானியம் மற்றும் சலுகைகள் வழங்குதல் போன்றவற்றிற்க்கான முடிவுகளை எடுக்க உதவுகிறது. சில பொருட்களுக்கான விலைகளை அரசு நிர்ணயம் செய்யும் வழிகாட்டி நெறிமுறைகளைப் பின்பற்றுவதை உறுதி செய்யவும் உதவுகிறது.

கணக்கியல் அனைத்து நிறுவனங்களின் அடிப்படை தேவையாக விளங்குகிறது. கணக்கியலின் முக்கியத்துவம் பின்வருமாறு.
முறையான பதிவேடுகள்:
ஒரு நிறுவனத்தின் அனைத்து நிதிசார்ந்த நடவடிக்கைகளும் கணக்கேடுகளில் முறையாகப் பதிப்படுகின்றன.
நிதிநிலை அறிக்கைகள் தயாரித்தல்:
வியாபார இலாபநட்டக்கணக்கு மற்றும் இருப்பு நிலைக் குறிப்பு போன்ற நிதிநிலை அறிக்கைகளை கால முறை தோறும் தயாரிப்பதன் மூலம் வணிகத்தின் இயக்க முடிவுகளையும், நிதிநிலையையும் அறிய முடியும்.
வளர்ச்சியை மதியிடல்:
நிதிசார் விவரங்களை பகுப்பாய்வு மற்றும் உய்த்துணர்வு செய்வதன் மூலமாக பல்வேறு செயல்களின் வளர்ச்சியை மதிப்பிடவும் பலவீனங்களைக் கண்டறியவும் இயலும்.
முடிவெடுக்க உதவுதல்:
ஒரு நிறுவனத்தின் நிர்வாகம் அதன் பணிகளை நிறைவேற்றுவதற்கு தக்க முடிவுகளை எடுக்கத் தேவையான உரிய தகவல்களை கணக்கியல் அளிக்கிறது.
சட்டத் தேவைகளைப் பூர்த்தி செய்தல்:
சட்டப் பூர்வத் தேவைகளான பணியாளர் வருங்கால வைப்பு நிதி, பராமரிப்பு, வருமான வரிப்பிடித்தம் மற்றும் வரி அறிக்கைகள் தாக்கல் செய்தல் போன்றவை கணக்கியல் மூலம் முழுமையாகப் பூர்த்தி செய்யப்படுகின்றன.
பயணீட்டாளர்களுக்கு தகவல் தருதல்:
உரிமையாளர்கள், நிர்வாகம், கடனீந்தோர், நிதி நிறுவனங்கள் போன்ற பல்வேறு பயனீட்டளர்களுக்கு கணக்கியல் தகவல்களைத் தருகிறது.
சட்டச் சான்றாக இருத்தல்:
பொதுவாக நிதிமன்ற வழக்குகளிலும் இதர ஆணையங்களிலும் பிரச்சனைகளுக்கு தீர்வு காணகணக்கேட்டுப் பதிவுகள் சான்றாக ஏற்க்கப்படுகின்றன.
வரி கணக்கிடுதல்:
வருமான வரி மற்றும் இதர வரிகள் கணக்கிடுதல் மற்றும் செலுத்துதலில் கணக்கேடுகள் அடிப்படை ஆதாரமாக இருக்கின்றன.
இணைப்பின் போது தீர்வு செய்தல்:
இரண்டு அல்லது அதற்கு மேற்பட்ட வணிக நிறுவனங்களை இணைக்கும் போது, செலுத்த ஈடுசெய்ய தொகையை முடிவு செய்வதற்கும் தேவையான தகவல்களைக் கணக்கேடுகள் அளிக்கின்றன.              

நிதிநிலைக் கணக்கியல்:
கணக்கேடுகளில் வணிக நடவடிக்கைகளைப் பதிந்து குறிப்பிட்ட காலத்தில் இயக்க முடிவைக் குறிப்பிட்ட தேதியில் நிதிநிலைமை அறியும் வகையில் விவரங்களைத் தரும் வழிமுறையை இது குறிக்கின்றது.
அடக்கவிலைக் கணக்கியல்:
உற்பத்தி செய்த பொருள் அல்லது நிறுவனம் ஏற்ற பணியின் அடக்க விலையைக் கணிக்கத் தேவையான விவரங்களைச் சேகரித்தல், வகைப்படுத்துதல் மற்றும் உற்பத்தி அடக்க விலையைக் கணக்கிடல் போன்ற செயல்களைக் கொண்ட கணக்கியல் அடக்கவிலைக் கணக்கியல் ஆகும்.
மேலாண்மைக் கணக்கியல் மற்றும் அடக்கவிலைக் கணக்கியல் மூலம் கிட்டிய விவரங்களின் உதவியோடு கொள்கை வடிவமைத்தல், திட்டமிடுதல், கட்டுப்படுத்துதல் மற்றும் முடிவெடுத்தல் போன்ற மேலாண்மைப் பணிகளை நிறைவேற்ற உதவும் கணக்கியல் மேலாண்மைக் கணக்கியல் எனப்படும்.
சமூகப் பொறுப்பு கணக்கியல்:
இது வணிக நிறுவனங்கள் மற்றும் பிற நிறுவனங்கள் கணக்கியல் தகவல்களை சமூகத்தின் பார்வையில் வழங்குவதாகும். இதில் வணிகத்தில் ஏற்பட்ட சமூக அடக்கவிலை (சுற்றுப்புறமாசு) மற்றும் சமூக நலன் சார்ந்த நன்மைகள் (வேலை வாய்ப்பு உருவாக்குதல்) போன்றவை தெரிவிக்கப்படும்.
மனித வளக் கணக்கியல்:
இது ஒரு நிறுவனம், அதன் மனித வளத்தில் செய்த முதலீடுகளை இனம் காணுதல், அளவிடுதல் மற்றும் அறிவித்தல் ஆகியவற்றைச் சார்ந்ததாகும்.

கணக்கியல் என்பது நிதியியல் தகவல்களை, இனம் காணுதல், அளவிடுதல், பதிவு செய்தல், வகைப் படுத்துதல், சுருக்கமுணர்தல், உய்த்துணர்தல் மற்றும் தகவல்களைத் தெரிவித்தல் போன்ற முறையான செயல்பாடுகளை உள்ளடக்கியது.
கணக்கியல் கீழ்க்கண்ட தகவல்களைத் தருகிறது.
பெற்றிருக்கக் கூடிய வளங்கள்.
பெற்றுருக்கக் கூடிய வளங்கள் எவ்வாறு பயன்படுத்துகின்றன மற்றும்
அவற்றின் பயன்பாட்டினால் ஏற்படும் விளைவுகள்.
குறிப்பிட்ட கணக்காண்டில் ஈட்டிய இலாபம் அல்லது அடைந்த நட்டம், சொத்துக்கள், பொறுப்புகள், மற்றும் முதல் இவைகளின் மதிப்பு மற்றும் தன்மை குறித்து, கணக்குகளில் பதிவு செய்யப்பட்ட விவரங்களிலிருந்து அறிந்து கொள்ளலாம்.