(i) இருப்பாய்வு உடன்படவில்லையென்றால் கணக்கு ஏடுகளில் பிழைகள் ஏற்பட்டுவிட்டன என்பன புலப்படும்.
(ii) இருப்பாய்வைச் சமன்படுத்தாமல் இறுதிக் கணக்குகளைத் தயாரிக்க முடியாது.
(iii) இறுதிக் கணக்குக்குள் தயாரிப்பதற்கு முன் பிழைகளைக் கண்டுபிடித்து சரிசெய்ய முடியாத பொழுது, வேற்றுமைத் தொகையை புதியதாய் தோற்றுவிக்கப்பட்ட, கற்பனையான, தற்காலிக கணக்குக்கு மாற்றிப் பதிய வேண்டும். அக்கணக்கு அனாமத்துக் கணக்கு என்றழைக்கப்படுகிறது.
(iv) அனாமத்துக் கணக்கு தயாரிப்பதன் மூலம் இறுதிக் கணக்குகள் தயாரிப்பதற்கான தாமதத்தை தவிர்க்க முடிகிறது.

இருப்பாய்வின் இயல்புகள் பின்வருமாறு:
(i) இருப்பாய்வு அனைத்து பேரேட்டுக் கணக்குகளிலும் உள்ள இருப்புகளை உள்ளடக்கி இருக்கும்.
(ii) இது குறிப்பிட்ட ஒரு நாளில் தயாரிக்கப்படும். அதனால் தான் அதன் தலைப்பை மேலே எழுதும்போது 'நாளன்றைய' என்ற வார்த்தையைப் பயன்படுத்துகிறோம்.
(iii) இரட்டைப்பதிவு முறையைப் பின்பற்றும் பொழுது, இருப்பாய்வின் பற்றுப்பத்தியின் மொத்தமும் மற்றும் வரவுபத்தியின் மொத்தமும் சமமாக இருக்க வேண்டும்.
(iv) இருப்பாய்வின் பற்றுப் பத்தியின் மொத்தமும் வரவுப் பத்தியின் மொத்தமும் வேறுபட்டிருந்தால், எங்கேயோ பிழைகள் இருக்கிறது என்பதை உணர்த்துகிறது.
(v) இருப்பாய்வின் பற்று பத்தியின் மொத்தமும் வரவுப்பத்தியின் மொத்தமும் ஒரே தொகையாக அல்லது சமமாக இருந்தால், கணக்கேடுகளில் தவறுகள் இல்லை என்று அர்த்தம் அல்ல. ஏனென்றால், சில பிழைகளை இருப்பாய்வு வெளிக்காட்டாது.

(i) ஒரு நிறுவனம் இருப்பாய்வினை தாயரிக்க வேண்டுமானால் அந்நிறுவனத்தின் கணக்குகள் இரட்டைப்பதிவு முறையை அடிப்படையாகக்கொண்டு தயாரிக்கப்பட்டிருக்க வேண்டும்.
(ii) ஏதாவது நடவடிக்கைகள் கணக்கீடுகளில் விடுபட்டிருப்பினும் இருபாய்வு சமன்பட்டு விடும்.
(iii) கணக்கீடுகளில் ஏதேனும் பிழைகள் ஏற்பட்டிருந்தாலும் இருபாய்வு சமன்பட்டுவிடும்
(iv) இருப்பாய்வினை முறையாக தயாரிக்கவில்லை என்றால் அதனை அடிப்படையாக கொண்டு தயாரிக்கப்படும் இறுதிக்கணக்குகள், ஒரு நிறுவனத்தின் உண்மையான நிதிநிலையை உணர்த்தாது.
(v) இருபாய்வு சமன்பட்டு விட்டால், அதுவே கணக்கீடுகளில் உள்ள பதிவுகளின் கணக்கீட்டு சரித்தன்மைக்கு இறுதிச் சான்றாக அமையாது. ஏனெனில் கணக்கீடுகளில் ஏற்படும் விடுப்பிழைகள் , ஈடுசெய்யும் பிழைகள் மற்றும் விதிப்பிழைகள் போன்றவற்றை இருபாய்வு வெளிக்காட்டுவதில்லை.

(i) கணக்கீட்டின் சரித்தன்மையை பரிசோதனை செய்ய உதவுகிறது.
இருபாய்வு என்பது கணக்கீடுகள் பராமரிப்பு பணியில் கணக்கீட்டின் சரித்தன்மையை சரிபார்க்க உதவும் ஒரு வழிமுறையாகும்.
(ii) இறுதி கணக்குகளை தயாரிக்க அடிப்படையாக உள்ளது
இருபாய்விலிருந்து எடுக்கப்பட்ட பேரேட்டுக் கணக்குகளின் உறுப்புகளை அடிப்படையாக கொண்டு நிதிநிலை அறிக்கைகளான வியாபார மற்றும் இலாப நட்டக்கணக்குகளையும் மற்றும் இருப்புநிலைக்குறியையும் தயாரிக்க முடியும்.
(iii) பிழைகளை கண்டுபிடிக்க உதவுகிறது
இருபாய்வு சமன்படாவிட்டால் அது கணக்கீடுகளில் பிழைகள் நேர்ந்திருக்கும் என்பதனை உணர்த்தும்  ஒன்று அல்லது ஒன்றுக்கு மேற்பட்ட கணையால் செயல்முறை நிலைகளில் பிழைகள் ஏற்பைருக்கலாம். எனவே, அப்பிழைகளை கண்டறிந்து அவை இறுதிக்கு கணக்குகளை தயாரிக்கும் முன்பு சரி செய்யப்பட வேண்டும்.
(iv) பேரேட்டுக் கணக்குகள் குறித்த தகவல்களை சுருக்கமாக தருகிறது.
பேரேட்டுக் கணக்குகளின் தொகுப்பை இருபாய்வு காட்டுகிறது ஒரு குறிப்பிட்ட கணக்கின் முழுவிவரங்களையும் அறிய வேண்டுமானால் பேரேட்டுக் கணக்குகளை தன பார்க்க வேண்டும்.

1. குறிப்பிட்ட காலத்தில் பதியப்பட்ட கணக்குகளின் சரித்தன்மையை உறுதி செய்ய உதவுகிறது.
2. பேரேட்டுக் கணக்குகளின் இருப்புகள்யாவும் ஓரிடத்தில் காணமுடிகிறது.
3. பிழைகள் கண்டுபிடிக்கப்பட்டபின், இறுதிக் கணக்குகள் தயாரிப்பதற்கு முன் திருத்தம் செய்ய முடிகிறது.
4. இறுதிக் கணக்குகள் தயாரிக்க அடிப்படையாக விளங்குகிறது. 

"பேரேட்டுக் கணக்குகளில் உள்ள பற்று இருப்புகளையும் மற்றும் வரவு இருப்புகளையும் கொண்டு கணக்கேடுகளின் கணக்கீட்டு சரித்தன்மையை பரிசோதிக்க தயாரிக்கப்படும் ஒரு அறிக்கையே இருப்பாய்வு" என ஜே.ஆர்.பேட்லிபாய் வரைவிலக்கணம் தந்துள்ளார்.