மரத்தின் பட்டை சேதப்படுத்தப்படும்பொழுது, மரம் முதலில் அதன்மீது நுண்ணுயிர் தொற்று ஏற்படாமல் பாதுகாத்து கொள்கின்றது. பின் வேதியியல் மாற்றத்தினால் அதன் சேதம் சரி செய்யப்படுகின்றது. காயமடைந்த பகுதியில் பிரித்தெடுக்க ஒரு தடையற்ற மண்டலம் "தடித்த தோல்" வளர்கிறது. தடித்த தோல் வளர்ந்து, காயத்தை மூடிவிடும். இது புதிய கட்டுப்பாடற்ற மரத்தை வளர அனுமதிக்கிறது.

1. கட்டையின் அடர்நிறமான மையப்பகுதி வைரக்கட்டை அல்லது டியூரமென் எனப்படும்.
2. சாற்றுக்கட்டை நீரைக்கடத்தும் வேளையில், வைரக்கட்டைகள் நீர் கடத்துவதை நிறுத்துகிறது.
3. ஏனென்றால் வைரக்கட்டையில் சைலக்குழாய்கள் டைலோஸ்களால் அடைக்கப்படுவதால், நீர் அதன் வழியாகக் கடத்தப்படுவதில்லை.
4. டைலோஸ்களாலும் அதன் உட்பொருட்களாலும் வைரக்கட்டையை வண்ணமுடையதாகவும், இறந்ததாகவும் மற்றும் கடினமான பகுதியாகவும் மாற்றுகிறது.

(i) வசந்தக் காலத்தில் கேம்பியத்தின் அதிகமான செயல்பாடே அகன்ற உள்வெளி கொண்ட திக எண்ணிக்கை சைலக்கூறுகளையும் வெசல்கள்/டிராக்கீடுகள் கொண்ட அதிக அளவிலான சைலக்கூறுகளையும் தோற்றுவிக்கின்றன.
(ii) இவற்றில் சைலக்கூறுகள் மிகவும் மெல்லிய சுரவ் கொண்டவை. இந்தக் காலத்தில் உருவாகும் கட்டை வசந்தகாலக் கட்டை அல்லது முன்பருவக் கட்டை (spring wood or early wood) எனப்படும்.
(iii) குளிர் காலத்தில் கேம்பியத்தின் செயல்பாடு வெகுவாகக் குறைந்து, குறுகலான செல் உள்வெளி கொண்ட வெசல்கள்/டிராக்கீடுகளை பெற்ற, குறைந்த அளவிலான சைலக்கூறுகளைத் தோற்றுவிக்கின்றன.
(iv) இவற்றில் சைலக்கூறுகள் மிகவும் தடித்த சுவர் கொண்டவை. இந்தக் காலத்தின் உருவாகும் கட்டை குளிர்காலக் கட்டை அல்லது பின்பருவாக் கட்டை (autumn wood or late wood) எனப்படும். 

தண்டில் வாஸ்குலக் கேம்பியத்திற்கு வெளியே காணப்படும் அனைத்து திசுக்களும் "பட்டை"என குறிக்கப்படுகிறது. பட்டையில் காணப்படும் திசுக்கள்
1.பெரிடர்ம் 
2.புறணி 
3.முதல் நிலை ஃபுளோயம் 
4. இரண்டாம்நிலை ஃபு;ளோயம் 
1.பெரிடர்ம்:
இரண்டாம் நிலை வளர்ச்சியினால் தண்டும், வேரும் தடிமனில் அதிகரிக்கும் பொழுது, இரண்டாம் நிலை தோற்றத்தின் போது உருவாக்கப்படும் பாதுகாப்பு அடுக்கான பெரிடர்ம் புறத்தோல் மட்டுமின்றி முதல்நிலை புறணிக்குப் பதிலீடாக அமைகிறது.
இது கீழ்க்கண்ட பகுதிகளை உள்ளடக்கியது.
(a) பெல்லம்
(b) ஃபெல்லஜென் 
(c) ஃபெல்லோடெர்ம் 
(a) பெல்லம்;
(i) இது ஃபெல்லோஜன் (கார்க் கேம்பியம்)வெளிப்புறமாகத் தோற்றுவிக்கும் உயிரற்ற சூபரின் படிந்த  பாதுகாப்பு திசுவாகும்.
(ii) இது பெரும்பாலான விதைத் தாவரங்களின் முதிர்ந்த தண்டு மட்டுமின்றி, வேர்களின் புறத்தோலின் பதிலீடாக அமைகிறது.
(iii) செல்கள் ஒழுங்கு முறையான அடுக்கு மற்றும் வரிசையாக அமைந்திருப்பதே இதன் பண்பாகும்.
(iv) பட்டைத் துளைகளின் அமைவால், இது (ஃபெல்லம்)ஆங்காங்கே உடைபட்டுக் காணப்படும்.
(b) ஃபெல்லோஜென் :
(i) இது ஒரு இரண்டாம் நிலை பக்கவாட்டு ஆக்குத்திசுவாகும். வாஸ்குலக் கேம்பியம் போலனறி இது ஒருபடித்தான  ஆக்குத்திசு செல்களைக் கொண்டது.
(ii) இது, புறத்தோல், புறணி, ஃ புளோயம் அல்லது பெரிசைக்கின் (ஸ்டீலிற்கு வெளியே)ஆகியவைகளிலிருந்து தோன்றுகிறது.
(iii) இவற்றின் செல்கள் பக்கவாட்டில் பகுபட்டு ஆரவாக்கில் செல்களைத் தோற்றுவிக்கிறது.
(iv) வெளிபுறச் செல்கள் வேறுபாடு அடைந்து ஃபெல்லத்தையும் (கார்கி)உட்புறச் செல்கள் ஃபெல்லோடெர்ம்மையும் (இரண்டாம் நிலை புறணி) தோற்றுவிக்கிறது.
(C) ஃபெல்லோடெர்ம்:
இது விதைத்தாவரங்களின் தண்டு மற்றும் வேர்களிலுள்ள பெர்டெர்மின் ஒரு பகுதியான, ஃபெல்லோஜெனால் உட்புறமாக தோற்றுவிக்கப்படும்.
2. புறணி: புறணியானது பாரன்கைமா மற்றும் கோலன்கைமா செல்களால் ஆனது.
3. முதல் நிலை ஃபுளோயம்: நுனி ஆக்குத்திசுவின் புரோகேம்பியத்தில் இருந்து முதல் நிலை புளோயம் தோன்றுகிறது.
4. இரண்டாம்நிலை ஃபுளோயம்:
(i) பக்க ஆக்குத் திசுவான வாஸ்குலக் கேம்பியத்தில் இருந்து இரண்டாம் நிலை புளோயம் தோன்றுகிறது. இரண்டாம் நிலை புளோயம் இரண்டு திசு தொகுப்புகளை கொண்டுள்ளது. அவை செங்குத்தான நீண்ட கதிர்கோல் வடிவ தோற்றுவிகளும் கிடைமட்டமான நீண்ட நேர தோற்றுவிகளும் ஆகும்.
(ii) அச்சுமுறை தொகுப்பில் சல்லடைக் குழாய் கூறுகள் ஃபுளோயம் நார், ஃபுளோயம் பாரன்கைமாவையும், ஆரத் தொகுப்பில் ஃபுளோயம் கதிர்களும் அமைந்திருக்கும்.
(iii) இரண்டாம்நிலை ஃபுளோயம் ஒரு உயிருள்ள திசு ஆகும்.இது ஒளிச் சேர்க்கையால் உருவாகும் கரையும் கரிமக் கூட்டுப் பொருட்களை தாவரங்களின் பல்வேறு பாகங்களுக்கு கடத்துகிறது.
பட்டை :
1. பட்டை, தாவரத்தை, ஒட்டுண்ணி, பூஞ்சைகள், பூச்சிகள்,நீர் ஆவியாதலைத் தடை செய்தல், மட்டுமின்றி வெளிபுறச் சூழல் மறுபாட்டிலிருந்தும் பாதுகாக்கிறது.
2. இது ஒரு பூச்சி விரட்டி, அழுகல் பாதுகாப்பு, நெருப்பு பாதுகாப்பு, மட்டுமின்றி மருந்துகளும், நறுமணப் பொருட்களும் பெறப் பயன்படுத்தப்படுகிறது.
3. பட்டையில் காணப்படுகின்ற ஃபுளோயம் செல்கள் உணவு பொருட்களைக் கடத்துவதிலும், இரண்டாம் நிலை புறணி செல்கள் சேமிப்பு பணியிலும் ஈடுபடுகிறது.
பட்டைத்துளை (லென்டிசெல்):
1. தண்டு மற்றும் வேர்களின் பட்டையின் புறப்பரப்பிலிருந்த்து சற்று உயர்ந்து காணப்படுகின்ற வாயில் அல்லது துளை பட்டைத் துளை எனப்படும்.
2..இது தண்டின் இரண்டாம் நிலை வளர்ச்சியின் போது தோன்றுகிறது.
3.ஃ பெல்லோஜென் அதிகச் செயல்பாட்டுடன் இருக்கும் பொழுது பட்டைத்துளை பகுதியில், ஒரு திரளான நெருக்கமற்று அமைந்த மெல்லிய சுவர் கொண்ட பாரங்கைமா செல்கள் உருவாகின்றன.
4. இதற்கு நிரம்பிச் செல்கள் நிரப்புத்திசு என்று பெயர்.
5. பட்டைத்துளைகள் வளிமப் பரிமாற்றமும் பட்டைத்தூளை நீராவிப்போக்கு செய்கின்றன.        

மரத்தின் வயது 60 வருடம்.
காரணம்:
1. ஆண்டு வளையம் என்பது முன்பருவக் கட்டையும் பின்பருவக் கட்டையும் கொண்ட தொகுப்பைக் குறிக்கும்.
2. மேலும் பின் பருவக்கட்டையின் அடர்த்தி மிகுதியால் வளையங்கள் நம் கண்ணிற்குத் தெளிவாகப் புலப்படுகிறது.
3. சில நேரங்களில், ஆண்டு வளையங்கள் வளர்ச்சி வளையங்கள் என்றும் அழைக்கப்படுகின்றன.
4. ஒவ்வொரு ஆண்டு வளையமும் ஒரு வருடத்தின் வளர்ச்சியுடன் தொடர்புடையது.
5. இந்த வளையங்களின் அடிப்படையில் ஒரு குறிப்பிட்ட தாவரத்தின் வயது எளிமையாகக் கணக்கிடப்படுகிறது.
6. ஒரு மரத்தின் வயதை ஆண்டு வளையங்களின் எண்ணிக்கைகளாக கொண்டு உறுதி செய்யப்படுவது "மர வயதில்"என அழைக்கப்படுகிறது.