தரவுகளையும்  செயற்கூறுகளையும் ஒரு பொருள் என்னும் வரையறைக்குள் ஒன்றாகப் பிணைப்பது தரவு பிணைப்பு ஆகும்.

பொருள் என்பது தொடர்புடைய செயற்கூறுகள், அச்செயற்கூறுகளுக்கான  தரவுகள் ஆகியவற்றைக் கொண்ட ஒரு குழுவாகும்.

C++- ன் இனக்குழு ஆனது தரவுகளையும் அதற்கு தொடர்பான செயல்கூறுகளையும் ஒரு தொகுதிக்குள் இணைக்கப்பட்டு உருவாக்கப்படுவது. 

  (i) அளவு (Size): பொருள் நோக்கு நிரலானது மற்ற நிரல்களை விட அளவில் பெரியது.
(ii) உழைப்பு (Effort) : பொருள் நோக்கு நிரலை உருவாக்குவதற்கு அதிக உழைப்பு தேவைப்படுகிறது.
(iii) வேகம் (Speed) : பொருள் நோக்கு நிரல்கள் அதிக அளவில் காரணமாக செயல்படுகிறது.

  வேறுபட்ட செய்திகளுக்கு  மாறுபட்டுச் செயல்படும் ஒரு பொருளின் திறனே பல்லுருவாக்கம் என்றழைக்கப்படுகிறது. 

இனக்குழு : C++ - ன் இனக்குழு ஆனது தரவுகளையும் அதற்கு தொடர்பான செயல்கூறுகளையும் உறைபோதியாக்கம் என்னும் கருத்துருவை பயன்படுத்தி ஒரு தொகுதிக்குள் இணைக்கப்பட்டு உருவாக்கப்படுகிறது.இனக்குழு  பயனர் வரையறுக்கும் தரவினமாகும். இனக்குழுவானது ஒரே மாதிரியான பொருள்களின் குழுவைக் குறிக்கிறது.
பொருள்: பொருள் என்பது தொடர்புடைய செய்யற்கூறுகள், அச்செயற்கூறுகளுக்கான தரவுகள் ஆகியவற்றைக் கொண்ட ஒரு குழுவாகும். பொருளானது பொருள் நோக்கு நிரலாக்கத்தின் அடிப்படை அலகாகும்.  பொதுவான பொருளானது இனக்குழுவிலிருந்து உருவாக்கப்படுகிறது. இனக்குழுவின் சான்றுரு ஆனது இவை இனக்குழு மாறிகள்  என்றும் அழைக்கப்படுகிறது.  

வெளி  உலகத்தினால் அணுக முடியாத தரவுகளை இனக்குழுவிலுள்ள சில செயற்கூறுகளின் மூலம் அணுக முடியும். அவ்வாறு மறைத்து வைக்கப்படும் தரவுகள் தரவு மறைப்பு எனப்படும்.

(i) தரவைக் காட்டிலும் நெறிமுறைக்கு முக்கியத்துவம் கொடுக்கிறது.
(ii) நிரலானது தனித்தனி கூறுகளாகப் பிரிக்கப்பட்டுள்ளது.
(iii) ஒவ்வொரு கூறும் ஒன்றுக்கொன்று சார்பற்றது மற்றும்  தனித்த உள்ளமை தரவைக் கொண்டிருக்கும்.
(iv) கூறுகள் தனது சொந்த தரவுகளின் மீது மட்டுமல்லாமல் அனுப்பப்படும் பிறத் தரவுகளையும் கொண்டு செயல்படுகிறது.
எடுத்துக்காட்டு: Pascal மற்றும் C

கருத்தியல் என்பது நிரலின் கோட்பாடுகளை ஒழுங்குபடுத்தி அமைத்தலாகும். இது ஒரு நிரலாக்க அணுகுமுறையாகும். கணினியைப் பயன்படுத்தி சிக்கல்களைத் தீர்க்க பல்வேறு அணுகுமுறை உள்ளன. அவை நடைமுறை நிரலாக்கம், கட்டக  நிரலாக்கம் மற்றும் பொருள்நோக்கு நிரலாக்கம் ஆகும்.

(i) மறுபபயனக்கம் (Re - usability): ஒரு முறை எழுதுதல் பலமுறை பயன்படுத்துதல் இனக்குழு பயன்படுத்தி இதை நிறைவேற்றலாம்.
(ii)  மிகைமை (Redundancy): மரபுரிமம் தரவு மிகைமைக்கும் சிறந்த சான்றாகும். பல இனக்குழுக்களுக்கு தேவையான ஒரே செயல்பாட்டை ஒரு பொது இனக்குழுவின் மூலம் வரையறுத்து அவற்றை மரபுரிமம் தருவிக்கப்பட்ட இனக்குழுவில் மூலம் தருவித்துக் கொள்ளலாம்.
(iii) எளிய பராமரிப்பு (Easy Maintenance) :
ஏற்கனவே இருக்கும் குறிமுறையில் சிறிய மாற்றங்களைச் செய்து புதிய பொருளை உருவாக்க முடியும். மேலும் இதை பராமரிப்பது மாற்றங்கள் செய்வதும் எளிது.
(iv) பாதுகாப்பு (Security) : தரவு மறைப்பு மற்றும் அருவமாக்கம் தேவையான தரவுகளை மட்டும் கொடுப்பதால் தரவு பாதுகாப்பு பராமரிக்கப்படுகிறது.