கணினி அமைப்பு

11ஆம் வகுப்பு Computer Technology / கணினி தொழில்நுட்பம் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Computer Technology / கணினி தொழில்நுட்பம் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 3

10 x 3 = 30

வேறுபடுத்துக: DVD மற்றும் ஃபுளுரே வட்டு (BIu-Ray).

இரண்டாம் நிலை சேமிப்பு சாதனங்களின் பயன் யாது?

நேரடி அணுகல் நினைவகம் (RAM) என்றால் என்ன?

ஃபிளாஷ் நினைவகம் மற்றம் EEPROM எவ்வாறு வேறுபடுத்துவாய்?

CD மற்றும் DVD வேறுபடுத்துக.

கணிப்பொறியில் பயன்படுத்தப்படும் இடைமுகம் மற்றம் தொடர்பு முகங்களை எழுதுக.

PROM மற்றும் EPROM வேறுபடுத்துக

கட்டளையின் தொகுதியின் அடிப்படையில் நுண்செயலியின் வகைகளை எழுதுக

தரவின் அளவைப் பொருத்து நுண்செயலியை வகைப்படுத்துக

10.

கணிப்பொறி அமைப்பு, கணிப்பொறி கட்டமைப்பு வேறுபடுத்துக.

Visit QB365-SLMS - https://www.qb365.in/slms/

Answers Key:

Generic 3

10 x 3 = 30

DVD	ஃபுளுரே வட்டு
1. இதன் கொள்ளளவு ஃபுளுரே வட்டுகளை விடக் குறைவு.	இதன் கொள்ளளவு DVD க்களை விட 5 மடங்கு அதிகமாகும்
2. தரவை சேமிப்பதற்கு மற்றும் படிப்பதற்கு சிவப்பு லேசர் பயன்படுத்தப்படுகிறது	தரவை எழுதுவதற்க்கு ப்ளூ- வைலட் (blue-violet)லேசர் பயன்படுத்தப்படுகிறது
3. திரைப்படங்களைச் சிறந்த தரத்தில் சேமிக்கப் பயன்படுகிறது	விளையாட்டு மென் பொருட்கள் உயர் வரையறைத் திரைப்படங்களைச் சேமிக்கப் பயன்படுகிறது

1. இரண்டாம் நிலை சேமிப்பு சாதனங்களில் தரவு மற்றும் நிரல்கள் நிரந்தரமாக சேமித்து வைக்கப்படும்.
2. இரண்டாம் நிலை சேமிப்பு சாதனங்கள் இயல்பாக அழியா நிலையில் இருப்பதால் அவை முதன்மை நினைவகத்திற்கு ஒரு இணை சேமிப்பு சாதனமாகப் பணியாற்றுகிறது.
3. இதனால் இரண்டாம் நிலை சேமிப்பு "காப்பு சேமிப்பு" (Backup Storage) என்றழைக்கப்படுகிறது.

1. கணிப்பொறியின் முதன்மை நினைவகம் நேரடி அணுகல் நினைவகம் (Random Access Memory) என்று அழைக்கப் படுகிறது.
2. இது கணிப்பொறியில் ஒரு ஒருங்கிணைந்த சுற்றுகளாகப் பொருத்தப்பட்டுள்ளது.
3. கணிப்பொறியில் இந்நினைவகத்தில் தான், இயக்க அமைப்பு, பயன்பாட்டு நிரல்கள் மற்றும் தரவுகள் தற்காலிகமாகச் சேமிக்கப்பட்டு கணினியின் செயலியால் அணுகமுடியும்.

ஃபிளாஷ் நினைவகம்	EEPROM
1. ஒரு மின்னணு (திட நிலை) அழிவுறாத சேமிக்கும் சாதனமாகும். மேலும் மின்சாரத்தின் மூலம் நிரல்களை அழித்து மறுபடியும் நிரலாக்க முடியும்.	ஒரு சிறப்பு PROM வகையைச் சார்ந்த நினைவகம்.
2. வேகமான அணுகல் நேரத்தை (Access time) வழங்குகிறது.	மெதுவாக இயங்கும் நினைவகம்.

CD	DVD
1. ஒரு சாதாரண CDன் கொள்ளளவு 700MB ஆகும்.	DVD-4.7GB வரை தரவுகள் சேமிக்கும். இந்த அளவு 6-CDக்களின் கொள்ளளவுக்குச் சமமாகும்.
2. தரவு எழுதும்/ படிக்கும் வேகம் குறைவு.	தரவு எழுதும்/ படிக்கும் வேகம் அதிகம்.
3. CD-Drive மற்றும் DVD Drive களில் இயக்க முடியும்.	DVD - Drive களில் மட்டுமே இயக்க முடியும்.
4. இது பாலிகார்பனேட் பிளாஸ்டிக் பொருளால் ஆனது	இது கண்ணாடியிழை வட்டு ஆகும்

பலவகையான தொடர்பு முகங்கள் கீழே கொடுக்கப்பட்டுள்ளன.
1. தொடர் தொடர்பு முகம் (Serial Port) - பழைய கணினிகளில் வெளிக்கருவிகளை இணைப்பதற்கு பயன்படுத்தப்பட்டது.
2. இணையான தொடர்பு முகம் (Parallel Port)- பழைய கணினிகளில் அச்சுப்பொறியை இணைப்பதற்கு பயன்படுத்தப்பட்டது.
3. USB தொடர்பு முகம்- கேமராக்கள், ஸ்கேனர்கள் , மொபைல்கள், வெளிப்புற வன்தட்டு மற்றும் அச்சுப்பொறி போன்ற வெளிப்புற கருவிகளை இணைப்பதற்கு பயன்படுத்தப்படுகிறது.
4. USB 3.0 - பல்வேறு மின்னணுச் சாதனங்களை கணினியுடன் இணைப்பதற்கு பயன்படுகிறது.
5. VGA இணைப்பான்- புரொஜெக்டர் அல்லது காட்சித் திரையைக் கணினியுடன் இணைக்கப் பயன்படுகிறது.
6. ஆடியோ பிளக்ஸ் (Audio plugs): கணினியுடன் ஒலிபெருக்கி, மைக்ரோ ஃபோன் மற்றும் தலை தொலை பேசி இணைப்பதற்கு பயன்படுகிறது.
7. PS/2 Port: சுட்டி மற்றும் விசைப்பலகையை கணினியுடன் இணைப்பதற்கு பயன்படுகிறது.
8. SCSI Port : வன்வட்டு, பிணைய இணைப்பிகள் கணினியுடன் இணைப்பதற்கு பயன்படுகிறது.
9. HDMI: என்பது ஒளிக்காட்சி கட்டுப்படுத்தியிலிருந்து வரும் சுருக்கப்படாத ஒலி மற்றும் ஒளிக்காட்சித் தரவுகளை கணிப்பொறித் திரையுகம். LCD புரொஜெக்டர் மற்றும் டிஜிட்டல் தொலைக்காட்சிக்கு மாற்றப் பயன்படும் ஒரு ஒலி/ஒளி இடைமுகம் ஆகும்.

PROM	EPROM
இதில் தரவுகளை ஒரு முறை மட்டும் எழுத முடியும். ஒரு முறை நிரல்களை எழுதி விட்டால் எப்பொழுதும் அழியாமலிருக்கும்.	இதில் புற ஊதா ஒளிமூலம் தகவல்களை அழித்து மீண்டும் வேறு நிரல்களை மறுபடியும் எழுதலாம்.

கட்டளைகளின் தொகுதி அடிப்படையில் நுண்செயலியை இருவகைப்படுத்தலாம்.
I. குறைக்கப்பட கட்டளை தொகுதி கணினிகள் (RISC):
1. RISC என்பது Reduced Instruction Set Computers
2. அவை மிகவும் உகந்த மற்றும் சிறிய கட்டளை வழிமுறைகள் கொண்டது.
3. சிக்கலான வழிமுறைகளை எளிமையான முறையில் செயல்படுத்தப்பட்டதால் இவ்வகைக் கணினியின் கட்டளை தொகுதியின் அளவு குறைக்கப்பட்டது. எ.கா: Pentium IV, Intel P6, AMD K6, K7.
II. சிக்கலான கட்டளை அமைக்கப்பட்ட கணினிகள் (CISC):
1. CISC என்பது Complex Instruction Set Computers.இந்த வகைக் கணிப்பொறிகள் நூற்றுக்கணக்கான கட்டளைகளை ஆதரிக்கும்.
2. CISC -ஐ அறிமுகப்படுத்தும் கணினிகள் பரந்த மாறுபாடுகளுடைய வேலைகளை நிறைவேற்றுவதோடு, அவை கணினிகளுக்கு ஏற்றதாக இருக்கும்.
எ.கா:Intel 386 & 486, Pentium, Pentium II, III ·மற்றும் Motorola 68000 கணினிகள்.

தரவின் அகலத்தைப் பொறுத்து நுண்செயலியைப் பின்வருமாறு வகைப்படுத்தலாம்:

8-பிட் நுண்செயலி

16-பிட் நுண்செயலி

32-பிட் நுண்செயலி

64-பிட் நுண்செயலி

10.

கணிப்பொறி அமைப்பு	கணிப்பொறி கட்டமைப்பு
கணிப்பொறி அமைப்பு என்பது கணினியின் வன்பொருள் கூறுகளை உள்ளடக்கியது. இது நிரலருக்கு வன்பொருள் கூறுகளை வெளிப்படையாக விளக்குகிறது.	கணிப்பொறி கட்டமைப்பு என்பது கணிப்பொறி வடிவமைப்பதில் ஈடுபட்டிருக்கும் பொறியியல் கருதுகோளை உள்ளடக்கியது.