நீராவி இயந்திரம் கார்னோ இயந்திரம் அல்ல. ஏனெனில் நீராவி இயந்திரத்தில் செய்யப்படும் சுழற்சி நிகழ்வுகள் அனைத்தும் முழுமையான மீள் நிகழ்வுகள் அல்ல. இருப்பினும் இதனை ஒரு கார்னோ இயந்திரம் எனக்கருதி அதன் பெரும பயனுறுதிறனைக் கணக்கிடலாம்.
\(\eta =1-\frac { { T }_{ L } }{ { T }_{ H } } =1-\frac { 300K }{ 523K } =0.43\)
நீராவி இயந்திரத்தின் பெரும  பயனுறுதிறன் 43% ஆகும். கொடுக்கப்பட்ட வெப்பத்தில் 43% மட்டுமே பயன்தரும் வேலையாக மாற்றப்படுகிறது. என்பதை இது காட்டுகிறது. மீதமுள்ள 57% வெப்பம் வெளியேற்றப்படுகிறது. ஆனால் நடைமுறையில் நீராவி இயந்திரத்தின் பயனுறுதிறன் 43% வீடாக குறைவாகும்.

வெப்ப இயந்திரத்தின் பயனுறுதிறன் 
\(\eta =1-\frac { { Q }_{ L } }{ { Q }_{ H } } \)
\(\eta =1-\frac { 300 }{ 500 } =1-\frac { 3 }{ 5 } \)
\(\eta \) = 1 – 0.6 = 0.4
வெப்ப இயந்திரத்தின் பயனுறுதிறன் 40% இதிலிருந்து வெப்ப இயந்திரம் கொடுக்கப்பட்ட வெப்பதில் 40% மட்டுமே வேலையாக மாற்றியுள்ளது என்பதை அறியலாம்.

நீரின் வெப்பநிலையை  30°Cஇல் இருந்து 60°C உயர்த்தும்போது ஏற்படும் நீரின் விரிவை புறக்கணிக்கிறோம். எனவே இந்நிகழ்வினை ஓர் பருமன் மாறா நிகழ்வாகக் கருதலாம். பருமன் மாறா நிகழ்வில் செய்யப்படும் வேலை சுழியாகும். மேலும் அளிக்கப்படும் வெப்பமானது அக ஆற்றலை அதிகரிப்பதற்கு மட்டுமே பயன்படுத்தலாம்.
\(\Delta \)U = Q = ms_v \(\Delta \)T
நீரின் நிறை=500g =0.5kg 
வெப்ப நிலை மாற்றம் = 30K 
வெப்பம் Q = 0.5 × 4184 × 30 = 62.76 kJ

நல்லியல்பு வாயுச் சமன்பாட்டிலிருந்து, 
\(V=\left( \frac { \mu R }{ P } \right) T\)
V -T வரைபடம் அதிப்புள்ளி வழியேச் செல்லும் ஓர் நேர்கோடாகும். 
அதன் சாய்வு =\(\frac { \mu R }{ P } \)
V -T வரைபடத்தின் சாய்வு, அழுத்தத்திற்கு எதிர்விகிதத் தொடர்புடையது ஆகும். சாய்வு பெருமமாக இருபின், அழுத்தம் குறைவானதாகும். இங்கு P₁ இன் சாய்வு P₂ வை விட அதிகம். எனவே P₂ > P₁.

காற்றடிக்கும் நிகழ்வு வெப்பபரிமாற்றமில்லா அமுக்கமாக கருதப்படுகிறது. பருமன் கொடுக்கப்பட்டுள்ளது. எனவே வெப்பநிலையைக் கணக்கிட வேண்டும். இங்கு சமன்பாடு (8.38)ஐப் பயன்படுத்த வேண்டும். 
\({ T }_{ i }{ V }_{ i }^{ \gamma -1 }={ T }_{ f }{ T }_{ f }^{ \gamma -1 }\)
T_i = 300 K (273+27°C = 300 K)
\({ V }_{ i }=V\& { V }_{ f }=\frac { V }{ 4 } \)
\({ T }_{ f }={ T }_{ i }\left( \frac { { V }_{ i } }{ { V }_{ f } } \right) ^{ \gamma -1 }\)= 300 K × 4^1.4-1 = 300K×1.741
T₂ \(\approx \) 522 K அல்லது 249⁰C
இந்த இறுதி வெப்பநிலை நீரின் கொதிநிலையை விட அதிகம். எனவே மிதிவண்டியில் சக்கரத்திற்கு கைப்பம்பினைப் பயன்படுத்தி காற்றடிக்கும் போது காற்று நிரப்பும் முனையைத் தொடுவது ஆபத்தானதாகும்.

உயர் வெப்பநிலை வாலைகோட்டைக் காண்பதற்கு படத்தில் காட்டியுள்ளவாறு X அச்சுக்கு இணையாக கிடைத்தளக் கோட்டினை வரைய வேண்டும். இது மாறா அழுத்தத்திற்கான கோடு ஆகும். 

மாறா, அழுத்தக் கோட்டினை வெட்டும் செங்குத்துக் கோடுகளுக்கான பருமன்கள் V₁ மற்றும் V₂ ஆகியவை, ஒரே அழுத்தத்தில் உள்ள பருமன்களைக் குறிக்கின்றன. மாறா அழுத்தத்தில் அதிக பருமனுள்ள வாயுவில் வெப்பநிலையும் அதிகமாக இருக்கும். படத்திலிருந்து V₁  > V₂ எனவே, T₁ > T₂ என அறியலாம். பொதுவாக வெப்பநிலை குறைவாக உள்ள வாளைகோடுகள் அதிப்புள்ளிக்கு அருகே அமையும்.

a. நாம் அறிந்தபடி வாயுவால் செய்யப்பட்ட வேலை ஓர் வெப்பநிலை ஓர் மாறா விரிவாகும்.
இங்கு \(\mu \)=0.5
\(W=0.5mol\times \frac { 8.31J }{ mol.K } \times 300K\times ln\left( \frac { 6L }{ 2L } \right) \)
W = 1.369 kJ
இங்கு வேலை நேர்குறியில் உள்ளதைக் கவனிக்க வேண்டும். ஏனெனில் வாயுவால் வேலை செய்யப்பட்டுள்ளது.
b. வெப்ப இயக்கவியலின் முதல் விதிப்படி, வெப்பநிலை மாறா நிகழ்வில் அமைப்பிற்குக் கொடுக்கப்படும் வெப்பம் வேலை செய்வதற்கு பயன்படுத்தப்படுகிறது.
எனவே, Q = W = 1.369 kJ
இங்கு Q வும் நேர்குறியாகும். ஏனெனில் வெப்பம் அமைப்பிற்குள் செல்கிறது.
c. வெப்பநிலை மாறா நிகழ்விற்கு 
P_iV_i = P_fV_f = μRT
\({ P }_{ f }\frac { \mu RT }{ { V }_{ f } } =0.5mol\times \frac { 8.31J }{ mol.K } \times \frac { 300K }{ 6\times { 10 }^{ -3 }{ m }^{ 3 } } \)
=207.75 k Pa

பருமன் V, அழுத்தம் P மற்றும் வெப்பநிலை T உடைய வாயு ஒன்று கொள்கலனில் அடைத்து வைக்கப்பட்டுள்ளது என்க. படத்தில் காட்டியுள்ளவாறு பிஸ்டன் மீது ஒவ்வொரு மின்துகளாகப் போடும்போது பிஸ்டன் உள்நோக்கி மிக மெதுவாக நகரும். இந்நிகழ்வினை கிட்டத்தட்ட மீமெது நிகழ்வாகக் கருதலாம்.

(ஒவ்வொரு மண்துகளாக பிஸ்டனின் மீது போடும்போது ஏற்படும் மீமெது நிகழ்வு)

அமைப்பினால் செய்யப்பட்ட வேலை (நமது உடலை அமைப்பு என்று கருதுக)
W = +500 kJ
அமைப்பிலிருந்து ( நமது உடல் ) வெளியேற்றப்பட்ட வெப்பம் Q = –230 kJ
உடலில் ஏற்படும் அக ஆற்றல் மாறுபாடு 
= \(\Delta \)U= – 230 kJ – 500 kJ = – 730 kJ
எதிர்குறியானது நமது உடலின் அக ஆற்றல் குறைந்தது என்பதைக் காட்டுகிறது.

அமைப்பின் மீது செய்யப்பட்ட வேலை(நீரினைக் கலக்குவதன் மூலம் மனிதரால் செய்யப்பட்ட வேலை) W=-30KJ =-30,000J
அமைப்பிலிருந்து வெப்பம் வெளிப்படுகிறது, Q = 5Kcal = 5 x 4184J = -20920J 
வெப்ப இயக்கவியலின் முதல் விதியைப் பயன்படுத்தும்போது 
\(\Delta \)U = Q-W
\(\Delta \)U = -20,920 J-(-30,000) J
\(\Delta \)U = -20,920 J+30,000 J = 9080 J
இங்கு, அமைப்பின் மீது செய்யப்பட்ட வேலையைவிட வெப்ப இழப்பு குறைவாக உள்ளது. எனவே அக ஆற்றல் மாறுபாடு நேர்குறியாகும். இது அமைப்பின் அக ஆற்றல் அதிகரித்தைக் காட்டுகிறது.