கொடுக்கப்பட்ட பொருளொன்றின் மூன்று நிலைகளும் (திட, திரவ மற்றும் வாயு) வெப்ப இயக்கச் சமநிலையில் உள்ளேபோது, அப்பொருளின் வெப்பநிலை மற்றும் அழுத்தமே பொருளின் முப்புள்ளி என அழைக்கப்படுகிறது. நீரின் முப்புள்ளி 273.1 K மற்றும் பகுதி ஆவி அழுத்தம் (Partial Vapour Pressure) 611.657 பாஸ்கலாகும். 

(i) உருகுதலின் உள்ளுறை வெப்பம் - திட- திரவ நிலை மாற்றத்திற்கான உள்ளுறை வெப்பம்.
(ii) ஆவியாதலின்  உள்ளுறை வெப்பம் -  திரவ -வாயு  மாற்றத்திற்கான உள்ளுறை வெப்பம்.
(iii) பதங்கமாதலின் உள்ளுறை வெப்பம் - திட- வாயு  நிலை மாற்றத்திற்கான உள்ளுறை வெப்பம்.

வேகவைக்கப்பட்ட சூடான  முட்டையை குளிர்ந்த தண்ணீரில் போட்டு அதன் ஓட்டினை உரித்தால் அது முட்டையிலிருந்து  எளிதாக பிரிந்து வரும். ஏனெனில் முட்டை மற்றும் ஒடு ஒவ்வொன்றும் வெவ்வேறு வெப்பவிரிவைப் பெற்றிருப்பதாகும். 

இறுக்கமாக மூடப்பட்டுள்ள கண்ணாடிக்குவளையின் மூடியை எளிதாகத்திறக்க, அதனை சூடான தண்ணீரில் அருகே சிறிது நேரம் வைத்திருக்க வேண்டும், பின்னர் அதனை எளிதாகத் திறக்கலாம். ஏனெனில் கண்ணாடிக் குவளையின்  மூடியின் வெப்ப விரிவு கண்ணாடியைவிட அதிகமாக இருப்பதாகும். 

நீரின் தன் வெப்ப ஏற்புத்திறன் பெரும மதிப்பைப் பெற்றுள்ளது. அதாவது 4186 JKg^-1K^-1 .எனவே  குளிரூட்டிகளில் பயன்படுகின்றன.

ஒரு பொருளைத் தொடுவதன் மூலம் வெப்பநிலையை அளவிட முடியாது. ஏனெனில் வெறும் காலில் தரையில் நிற்கும்போது குளிர்ச்சியாக இருக்கும். அதே நேரத்தில் விரிப்பின் மீது நிற்கும் போது வெப்பத்தை உணரமுடியும். அதாவது இரண்டும் ஒரே அறை வெப்ப நிலையில் இருந்தாலும் தொடுதல் மூலம் வெவ்வேறு அளவீடுகளைப் பெறுகிறோம். ஆனால், இதே அமைப்பில் ஒரு வெப்பமானியை பயன்படுத்தும் போது வெப்பநிலை சமமாக இருக்கும்.   

அமைப்பின் அக ஆற்றல் மாறுபாடானது \(\left( \triangle U \right) \) அமைப்பிற்க்கு  கொடுக்கப்பட்ட வெப்பத்திற்கும் (Q) சுழலின்மீது அவ்வமைப்பு செய்த வேலைக்கும் (W) உள்ள வேறுபாட்டிற்குச் சமமாகும். கணிதமொழியில் இதனைப் பின்வறுமாறு குறிப்பிடலாம். \(\triangle U=Q-W\)    

(i) பதினெட்டாம் நூற்றாண்டில் ஜேம்ஸ் ஜூல் என்ற அறிவியல் அறிஞர் இயந்திர ஆற்றலை அக ஆற்றலாகவும், மாற்ற முடியும் என்று நிரூபித்தார்.
(ii) இரண்டு நிறைகள் கயிறு ஒன்றின் வழியே துடுப்பு சக்கரத்துடன் இணைக்கப்பட்டுள்ளன. புவியீருப்பு விசையால் இரண்டு நிறைகளும் h தூரத்திற்கு கீழே வரும்போது 2mhg அளவு நிலை ஆற்றலை இரண்டு   நிறைகளும் இழக்கின்றன, நிறைகள் கீழே வரும்போது நீரினுள் உள்ள துடுப்பு சக்கரம் சுறறும். எனவே துடுப்பு சக்கத்திற்கும் நீருக்கும் இடையே ஓர் உராய்வு விசைத்தோன்றும்.
(iii) இது நீரின் வெப்பநிலையை உயர்த்தும் இங்கு ஈர்ப்பு நிலை ஆற்றல் (Gravitational otential energy) நீரின் அக ஆற்றலாக மாற்றமடைவதை இது உணர்த்துகிறது. புவியீர்ப்பு விசையால் செய்யப்பட்ட வேலையினால் நீரின் வெப்ப நிலை உயர்ந்துள்ளது.
(iv) உண்மையில் வெப்பத்தை கொடுப்பதால் ஏற்படும் அதே விளைவை  இயந்திரத்தைக் கொண்டு செய்யப்படும் வேலையினால ஏற்படுத்த முடியும் என்று ஜூல் நிரூபித்துள்ளார்.
(v) 1 கிராம் நிறையுடைய  நீரின் வெப்பநிலையை 1^oC  உயர்த்த 4.186 J ஆற்றல் தேவைப்படும் என்று ஜூல் கண்டறிந்தார்.

ஒரு கலோரி ஒரு வளிமண்டலம் அழுத்தத்தில் 1 கிராம் நிறையுடைய நீரின் வெப்பநிலையை 1^oC உயர்த்தத் தேவைப்படும் வெப்பத்தின் அளவு ஆகும். வெப்பமான கலோரி என்ற எண்ணால் அழைக்கப்பட்டது.
1 கலோரி = 4.186 J. 

(i) அக ஆற்றலும், வெப்ப ஆற்றலும் ஒன்றல்ல. வெப்பம் எப்போதும் உயர் வெப்பநிலையிலுள்ள பொருளிலிருந்து தாழ் வெப்பநிலையிலுள்ள பொருளுக்கு பாயும்.
(ii) மேலும் இது அமைப்பின் ஆற்றலைச் சார்ந்ததல்ல. பொருளுக்கு வெப்பம் மாற்றப்பட்ட உடன் அவ்வெப்பம் பொருளின் அக ஆற்றலாக மாறிவிடும்.
(iii) அமைப்பு ஒன்றின் அக அதிகரிப்பதற்கு வெப்பப்படுத்துவது சிறந்த முறை.
(iv) ஆனால் அக ஆற்றல் என்பது அமைப்பின் நிறைமையத்தைப் பொருத்து அமைப்பிலுள்ள அனைத்து மூலக்கூறுகளின் இயக்க ஆற்றல் மற்றும் நிலை ஆற்றல்களின் கூடுதலுக்கு சமம்.  

வெப்பம் மற்றும் வேலை இவை வெப்ப இயக்கவியல் நிலை மாறிகள் அல்லது செயல்மாறிகள் ஆகும். 

இரு அமைப்புகள் ஒன்றுக்கொன்று ஒரே வெப்ப நிலையில் நேரத்தைப் பொருத்து மாறாமல் இருப்பது வெப்பச் சமநிலை எனப்படும். 

வெப்ப இயக்க அமைப்பின் வகைகள்: (i) திறந்த அமைப்பு, (ii) மூடப்பட்ட அமைப்பு, (iii) தனித்த அமைப்பு 

வெப்ப இயக்க அமைப்பு (Thermodynamic system) என்பது (P), பருமன் (V) போன்ற முக்கிய அளவுகளால் வரையறுக்கப்பட்ட பெரும எண்ணிக்கையிலடங்கிய துகள்களின் (அணுக்கள் மற்றும் மூலக்கூறுகள்) தொகுப்பு ஆகும்.
எடுத்துக்காட்டுகள்:
1. வாளியில் உள்ள தண்ணீர் 
2. அறை ஓன்றினுள்  உள்ள காற்று மூலக்கூறுகள் 
3. மனித உடல் 
4. கடலின் உள்ள மீன். 

(i) கரும்பொருள் என்பது அதன்மீது விழுகின்ற அனைத்து அலை நீளங்களும் உடைய வெப்பக் கதிர்வீச்சை  உட்கவர்கிறது.
(ii) கரும்பொருள்  எந்த வெப்பக்கதிர்வீச்சினையும் எதிரொளிப்பது அல்லது கடத்துவது, சூரியனை கிட்டத்தட்ட ஒரு கரும் பொருளாகக் கருதலாம்.