ஒரு வணிக நிறுவனம் நீண்ட காலம் தொடர்ந்து நடைபெற்று இலாபமூட்டும் என்ற எதிர்பார்ப்பிலே நடத்தப்பட்டு வருகிறது.இக்கண்ணோடத்திலேயே நடவடிக்கைகள் பதிவு செய்யப்படுகின்றன.எதிர்காலத்தில் நிறுவனம் கலைக்கப்படும் தேவை எழும் என்ற எதிர்பார்ப்பு இருப்பதில்லை.

கணக்கு அறிக்கைகள் அனைவர்க்கும் முக்கிய தகவல்களை முழுமையாக வெளியிட வேண்டும்.இதன் அடிப்படையில் ஆர்வமுள்ளவர்கள் தக்க முடிவினை எடுப்பதற்கு உகந்த வகையில் நிதிநிலை அறிக்கையில் பல்வேறு வகையான விளக்கத்துடன் நேர்மையானதாகவும், முழுமையானதாகவும் கூடிய கணக்கியல் தகவல்களை தர வேண்டும்.

வருவாய் தீர்வு கருத்தின்படி, ஒரு சொத்து மதிப்பில் ஏற்படும் மாற்றம், அச்சொத்துக்கள் வணிகத்தால் தீர்வு செய்யப்படும் போதும் மட்டுமே பதிவு செய்யப்படும்.புராதன அடக்கவிலையில் சொத்துக்கள் பதிவு செய்தால், சொத்தின் மதிப்பில் ஏற்படும் மாற்றம் அச்சொத்து தீர்வு செய்யும் போது மட்டுமே கணக்கில் கொண்டுவரப்பட வேண்டும்.

i. கணக்கியல் கருத்துக்கள் என்பது கணக்கியல் அடிப்படை அனுமானங்களாகும் கணக்கியலானது, அடிப்படை அனுமானங்கள் அல்லது நிபந்தனைகளான கணக்கியல் கருத்துக்களை அடித்தளமாக கொண்டுள்ளது.
ii. கணக்கியல் கருத்துக்கள் என்பது பரந்த ஒருமித்த கருத்துக்களின் விளைவாகும். பொதுவாக ஏற்றுக்கொள்ளப்பட்ட எண்ணம் அல்லது சாராசம் கருது எனபபொருள்படும்.இவை, கணக்கியல் செயல்முறை மற்றும் கணக்கியல் அறிக்கைகள் ஆகியவற்றிற்கு ஒரே மாதிரியான கட்டமைப்பைத் தருகின்றன.

ஜே.ஆர்.பேட்லிபாய் அவர்களின் கூற்றுப்பா, "கணக்கு ஏடுகள் பராமரிப்பு என்பது வணிக நடவடிக்கைகளை ஏடுகளில் பதிவு செய்யும் ஒரு கலையாகும்."
ஆர்.என்.கார்டர் அவர்களின் கூற்றுப்பா "கணக்கேடுகள் பராமரிப்பு என்பது, பணம் அல்லது பணத்தின் மதிப்பிலுள்ள அணைத்து வணிகிய நடவடிக்கைகளையும் கணக்கேடுகளில் சரியாக பதிவு செய்யும் காலை மற்றும் அறிவியல் ஆகும்."

கணக்கியலில் பின்பற்ற வேண்டிய கட்டமைப்பையும் விதிகளையும், கணக்கியல் தரநிலைகள், தருவதால் வெவ்வேறு நிறுவனங்களின் நிதிநிலை அறிக்கைகளை ஒப்பீடு செய்ய முடிகிறது நிதிநிலை அறிக்கை தயார் செய்வதில் நிலைத்தன்மை, ஒப்பீட்டு தன்மை, நிறைவுத் தன்மை மற்றும் நம்பகத் தன்மையை உறுதிப்படுத்துவதற்கு கணக்கியல் கோட்பாடுகளை தர நிர்ணயம் செய்வது அவசியமாகிறது.
கோங்லர் என்பவற்றின் கூற்றுப்படி, "பொதுக் கணக்காளர் மற்றும் கணக்காளர்களின் நலனுக்காக வழங்கும் சட்டம் மற்றும் தொழில்சார் அமைப்புகளால் பொதுவாக உருவாக்கப்பட்ட வழிகாட்டு நெறிமுறைகளே கணக்கியல் தரநிலையாகும்."
கணக்கியல் தரநிலைகள் என்பது கணக்கியல் நடவடிக்கைகள் மற்றும் நிகழ்வுகளை அடையாளம் கண்டு, அளவிட்டு, பதிவு செய்து, தகவல்களை நிதி அறிக்கை வாயிலாக வெளிப்படுத்துவதற்காக கணக்கியல் வல்லுநர் குழு அல்லது அரசு அல்லது பிற ஒழுங்காற்று அமைப்புகளால் வெளியிடப்படும் கொள்கை ஆவணங்களாகும். 

எந்த நடவடிக்கைகளை பணத்தால் அளவிட முடியுமோ, அந்த நடவடிக்கைகள் மட்டுமே கணக்குகளில் பதியப்பட வேண்டும் என்பது பணமதிப்பீட்டு கருத்து ஆகும்.
பணமானது பரிமாற்றத்தின் ஊடகமாக விளங்குவதால் பணத்தால் அளவிடக்கூடிய நடவடிக்கைகள் பதிவு செய்யப்படுகின்றன.கணக்கியலின், அளவிட்டு சுலபமாக ஒரு நாட்டினுடைய நாணயம் அமைகிறது.
பணத்தால் அளவிட முடியாத நடவடிக்கைகளை ஏடுகளில் பதியப்படுவது இல்லை. உதாரணமாக உற்பத்தி மேலாளர்க்கும், விற்பனை மேலாளர்க்கும் இடையேயான மனக்கசப்பினால் தொழில் பாதிக்கப்படுகிறது.
இந்நடவடிக்கைகள் ஏடுகளில் பதிவு செய்யப்படுவது இல்லை.ஏனென்றால் இதனை பணத்தால் அளவிட முடியாது.
பணம் ஒரு பொதுவான அளவீடாக இருப்பதால், பலதரப்பட்ட வணிக விவரங்களை அதன் மூலம் பதிவு செய்ய முடிகிறது.உதாரணமாக, ஒரு நிறுவனத்தில் 5 கணிப்பொறிகள், 2, மேசைகள், 3 நாற்காலிகள் அஆகிய சொத்துக்கள் உள்ளன. அவை கணிப்பொறிகள் ரூ.1,00,000/-, மேசை ரூ.10,000/-. நாற்காலிகள் ரூ.1,500/- என்ற பணமதிப்பில் குறிப்பிடவில்லையெனில், அச்சொத்துக்களை கூட்டுவது பயனுள்ள தகவலாக இருக்காது.