(i) இருப்புநிலைக் குறிப்பு தயாரிக்கப்படுவதன் முக்கிய நோக்கம், ஒரு குறிப்பிட்ட நாளில் நிறுவனத்தின் உண்மையான நிதிநிலையை அறிந்து கொள்ளுதல்.
(ii) இது நிறுவனத்தின் பல்வேறு சொத்துகளின் அடக்க விலையை ஒப்பிடுவதற்கு உதவுகிறது. அதாவது இறுதி சரக்கிருப்புத் தொகை, கடனாளிகளிடமிருந்து பெற வேண்டிய தொகை, கற்பனைச் சொத்துகள் தொகை போன்றவை. இது நிறுவனத்தின் பல்வேறு பொறுப்புகளையும் ஒப்பீடு செய்யவும் உதவுகிறது.
(iii) இது நிருமத்தின் கடன் தீர்க்கும் சக்தியை கண்டறிய உதவுகிறது. சொத்துகள் பொறுப்புகளைக் காட்டிலும் அதிகமாக இருக்கும் போது நிறுமத்தின் கடன் தீர்க்கும் சக்தி சாதகமாக இருக்கிறது.

(i) இருப்பு நிலைக் குறிப்பு என்பது ஒரு குறிப்பிட்ட நாளில் வணிகத்தில் உள்ள சொத்துக்கள் மற்றும் பொறுப்புகள் நிலை பற்றிய அறிக்கையாகும்.
(ii) சொத்துகள் வணிகத்திற்கு சொந்தமான வளங்களைக் குறிக்கிறது.
(iii) பொறுப்புகள் என்பது வணிகம் மீது எழுதப்படும் கோரிக்கை உரிமைகள் ஆகும்.
(iv) வணிக நிறுவனத்தின் நிகர இலாபம் மற்றும் நிகர நட்டம் கண்டறிந்த பிறகு, வணிகத்தின் உரிமையாளர் வணிகத்தின் நிதி நிலையை அறிய விரும்புகிறார். இதற்காக இருப்புநிலைக் குறிப்பு தயாரிக்கப்படுகிறது.
(v) இது வணிக நிறுவனத்தில் ஒரு குறிப்பிட்ட நாளுக்குரிய அனைத்து சொத்துகள் மற்றும் பொறுப்புகளின் தொகை உள்ளடக்கிய அறிக்கை ஆகும். இவ்வாறு தயாரிக்கப்படும் அறிக்கை இருப்புநிலைக் குறிப்பு என்று அழைக்கப்படுகிறது.

மொத்த இலாபம்:
வணிக நிறுவனத்தின் வியாபாரக் கணக்கிலிருந்து மொத்த இலாபம் கணக்கிடப்படுகிறது. பிரிதொரு வகையில் கூறுவோமானால் விற்பனையிலிருந்து விற்ற பொருளின் அடக்க விலையைக் கழிப்பதன் மூலம் மொத்த இலாபத்தைக் கணக்கிடலாம்.
நிகர இலாபம்:
நிகர இலாபம் என்பது வணிக நிறுவனத்தின் இலாப நட்டக் கணக்கிலிருந்து எடுப்பதாகும் அல்லது மொத்த இலாபத்திலிருந்து நிர்வாகச் செலவுகள் விற்பனை பகிர்வுச் செலவுகள் மற்றும் நிதிசார் செலவுகளை கழித்த பின் இதர வருவாயை கூட்டுவதன் மூலம் கணக்கிடப்பட்டதாகும்.

(i) வணிக நிறுவனங்கள் மேற்கொள்ளும் வணிக நடவடிக்கைகளின் முடிவுகளையும், நிதி சார்ந்த நிலைப்பு தன்மையும் அவ்வப்போது தெரிந்து கொள்ள விரும்புகின்றன. அதாவது வணிகத்தின் இலாபத் தன்மையையும் நிதிநிலையையும் அறிந்து கொள்ள விரும்புகின்றன. அதாவது, வணிகத்தின் இலாபத் தன்மையையும் நிதிநிலையையும் அறிந்து கொள்ள விரும்புகின்றன. இவற்றை இறுதிக் கணக்குகள் அல்லது நிதிநிலை அறிக்கைகள் தயாரிப்பதன் மூலம் அறிந்து கொள்ள முடியும்.
(ii) இருப்பாய்வு காட்டும் பேரேட்டுக் கணக்குகளின் இருப்புகள் அடிப்படையில் இறுதிக் கணக்குகள் ஒவ்வொரு ஆண்டிறுதியில் வழக்கமாக தயாரிக்கப்படுகிறது.
(iii) இறுதிக் கணக்குகள் அல்லது நிதிநிலை அறிக்கைகள் பின்வருவனவற்றை உள்ளடக்கியது.
(அ) வருமான அறிக்கை அல்லது வியாபார மற்றும் இலாப நட்டக் கணக்கு.
(ஆ) நிதி நிலை அறிக்கை அல்லது இருப்புநிலைக் குறிப்பு.

(i) பிற நிறுவனங்களின் பங்குகள் , கடனீட்டுப் பத்திரங்கள் , பிணையங்கள் மற்றும் பிற பத்திரங்களில் முதலீடு செய்வது முதலீடுகள் என்று அழைக்கப்படுகின்றது
(ii) இந்த முதலீடு இரு வருடத்திற்கு அதிகமான காலத்திற்கு செய்யப்பட்டால்  அது நீண்ட கால முதலீடுகள் என அழைக்கப்படுகின்றது
(iii) இந்த முதலீடு இரு வருடத்திற்கு குறைவான காலத்திற்கு செய்யப்பட்டால் அது குறுகிய கால முதலீடுகள் என அழைக்கப்பட்டு நடப்புச் சொத்தாக காண்பிக்கபடுகிறது.                

ஒரு வணிக நிறுவனத்தின் இருப்புநிலைக் குறிப்பை கீழ்க்கண்ட இரண்டு வழிமுறைகளில் தயாரிக்கலாம்.
(அ) கிடைமட்ட முறையில் 
(ஆ) செங்குத்து முறையில்    

(i) நிகர இலாபம் அல்லது நிகர நட்டம் கண்டறிய
(ii) இலாபம் ஒப்பீடு செய்ய
(iii) செலவுகளை கட்டுப்படுத்த
(iv) இருப்புநிலைக் குறிப்பு தயாரிப்பதற்கு உதவுகிறது.

(i) நேரடிச் செலவுகள்:
அ) கூலி
ஆ) துறைமுகக் கட்டணம்
(ii) மறைமுகச் செலவுகள்:
அ. அலுவலக மற்றும் நிர்வாகச் செலவுகள்
ஆ. விற்பனை மற்றும் வழங்கல் செலவுகள்

கொள்முதல் செய்யப்பட்ட சரக்கு, சரக்களித்தோருக்கு திருப்பப்பட்டால் கொள்முதல் திருப்பம் அல்லது வெளித்திருப்பம் எனப்படும்.

வணிகத்தில் தொடர்ந்து பயன்படுத்துவதற்காக வாங்கப்பட்ட அல்லது உருவாக்கப்பட்ட சொத்துகள் நிலைச் சொத்துகள் ஆகும். இவை பல வருடங்களுக்கு பயன் தரக்கூடிய சொத்துகள். உதாரணமாக, நிலம் மற்றும் கட்டடம், பொறி மற்றும் இயந்திரம், மோட்டார் வாகனங்கள், அறைகலன் முதலியன.

வியாபாரம் என்பது இலாபம் ஈட்டும் நோக்கத்துடன் சரக்குகள் வாங்குதல் மற்றும் விற்றலைக் குறிக்கின்றது. வியாபாரக் கணக்கு கணக்காண்டிற்குரிய சரக்குகள் வாங்குதல் மற்றும் விற்றலின் முடிவினைக் காட்டும் ஒரு பெயரளவுக் கணக்கு ஆகும்.