காலப்போக்கு மற்றும் பயன்பாடு காரணமாக நிலைச்சொத்துக்களின் மதிப்பில் உண்டாகும் படிப்படியான குறைவே தேய்மானம் எனப்படும். 

முதல் என்பது ஒரு நிறுவனத்தில் அதன் உரிமையாளர் செய்த முதலீட்டைக் குறிக்கும்.

உரிமையாளர் தன் சொந்த உபயோகத்திற்கு ரொக்கம் மற்றும் சரக்கினை எடுத்துக்கொள்வது எடுப்பாகும். இது முதல் தொகையில் கழிக்க வேண்டும். 

அ. வருவாய்:
வருவாய் என்பது சரக்கை விற்றதன் மூலம் பெற்ற தொகை, ஈட்டிய வட்டி, இலாப ஈவு, கழிவு, இதர வகையாப் பெற வேண்டிய மற்றும் பெற்ற தொகையினைக் குறிக்கும்.
ஆ. செலவுகள்:
பொருளை உற்பத்தி செய்வதற்கோ அல்லது பண்டங்கள் மற்றும் பணியினை விற்பனை செய்யும் நிலைக்கு கொண்டு வருவதற்காக செலவிட்ட தொகையினைச் செலவு என்கிறோம். 

மீண்டும் விற்கும் நோக்குடன் வணிகத்தில் கையாளப்படும் பொருட்கள், பண்டங்கள் சரக்குகள் எனப்படும்.
எ.கா.: அறைகலன் வியாபாரம் செய்பவருக்கு அறைகலன் ஒரு சரக்காகும்.

உரிமையாளரால் வணகித்தில் முதலீடு செய்த தொகை முதலீடு எனப்படும்.
இத்தொகை இலாபம் ஈட்டும் பொழுதும், கூடுதல் முதலீடு செய்யும் பொழுதும் அதிகரிக்கும் மாறாக நட்டம் ஏற்படும் பொழுதும் எடுப்பு செய்யும் பொழுதும் இத்தொகை குறையும்.

பொதுவான பயன்பாட்டிற்காக கணக்கியலில் கீழ்கண்ட மூன்று அடிப்படைகள் உள்ளன.
அ. ரொக்க அடிப்படை
ஆ. நிகழ்வு அடிப்படை அல்லது வணிக அடிப்படை
இ. கலப்பு அல்லது கலப்பின் அடிப்படை.

நடவடிக்கைகளை இனம் கண்டு குறிப்பேட்டில் பதிவு செய்தல்.
எடுத்தெழுதுதல் மற்றும் இருப்புக் கட்டுதல்.
இருப்பாய்வு தயாரித்தல்
வியாபாரக் கணக்கு தயாரித்தல்.
இலாபநட்டக் கணக்கு தயாரித்தல்
இருப்பு நிலைக்குறிப்பு தயாரித்தல்.

அமெரிக்க பொதுக் கணக்காளர் சான்று நிறுவனம் கணக்கியலுக்கு பின்வருமாறு வரைவிலக்கணம் தருகிறது.
"கணக்கியல் என்பது குறைந்தபட்சம் ஒரு பகுதியாவது நிதியில் தன்மை கொண்ட மற்றும் பணத்தால் மதிப்பிடக்கூடிய நடவடிக்கைகள் மற்றும் நிகழ்வுகளை, முறையாகபதியும், வகைப்படுத்தும், சுருக்கக்கூறும் மற்றும் அதன் விளைவுகளை தெரிவிக்கும் ஒரு கலையாகும்."
அமெரிக்க கணக்கியில் கழகத்தின் கூற்றின்படி, " கணக்கியல் என்பது பொருளாதார தகவல்களைக் கண்டறிந்து அளவிட்டு, தகவல் தெரிவிக்கக்கூடிய ஒரு செயல்பாடாகும். இதன் மூலம், தகவல்களைப் பயன்படுத்துவோர் தக்க தீர்வு காண்பதற்கும் மற்றும் முடிவெடுப்பதற்கும் வகை செய்கிறது."   

அகப் பயனீட்டாளர்கள்:
அகப்பயனீட்டாளர்கள் என்பவர்கள் வணிக நிறுவனத்தின் உரிமையாளர்கள், நிர்வாகம் மற்றும் பணியாளர்கள் ஆவார்கள்.
(i) உரிமையாளர்கள்:
வணிக நிறுவனத்தில் பயன்படுத்தப்படும் மூலதனத்தொகையை அளிப்பவர்களே உரிமையாளர்கள் எனப்படுகின்றனர்.
(ii) நிர்வாகம்:
(1) பெரும்பாலான முடிவுகளை நிர்வாகம் எடுப்பதற்கு கணக்கியலின் விவரங்கள் அடிப்படையாக இருக்கின்றன.
(2) வணிகச் செயல்பாடுகளின் திட்டமிடுதல் மற்றும் கட்டுப்பாட்டிற்கு நிர்வாகத்திற்கு பல முக்கியமான நிதிசார்ந்தத் தகவல்கள் தேவைப்படுகின்றன.
(3) நிதி நிலை கணக்கியலில் தயாரிக்கப்படும் நிதியியல் அறிக்கைகள் மற்றும் பிற அறிக்கைகள் நிர்வாகத்திற்க்கான தகவல்களை அளிக்கின்றன.
(iii) பணியாளர்கள்:
பணியாளர்கள் தங்களது ஊதியம், பணியாற்றும் சூழ்நிலைகள், ஓய்வு பலன்கள் போன்றவற்றை நிர்ணயிக்கும் வணிகத்தின் இலாபம் ஈட்டும் திறன், வணிகத்தின் நிலைத்தன்மை மற்றும் வளர்ச்சி பற்றி அறிய ஆர்வமாக இருப்பார்கள்.   

கணக்காளர் நிறுவனத்தில் கீழ்க்கண்ட பல்வேறு பணிகளில் பங்களிக்கிறார்.
ஏடுகளை பராமரிப்பவர்:
கணக்காளர் நிதிசார்ந்த நடவடிக்கைகளை முறையாக பதிவு செய்து, நிதிநிலை அறிக்கைகளை தயாரிக்கிறார்.
நிர்வாகத்திற்குத் தகவல்களைத் தருபவர்:
முடிவுகளை எடுக்கவும் மற்றும் கட்டுப்பாடுகளை விதிக்கவும் தேவையான நிதிச் சார்ந்த தகவல்களை நிர்வாகத்திற்கு அளித்து உதவுகிறார்.
வணிகச் சொத்துக்களின் காப்பாளர்:
கணக்காளர் சொத்துக்களுக்கான பதிவேடுகளைப் பராமரிப்பதன் மூலம், நிர்வாகம் அந்தச் சொத்துக்களைப் பாதுகாத்து கட்டுப்படுத்த முடிகிறது.
நிதி ஆலோசகர்:
கணக்காளர் நிதிச் சார்ந்த தகவல்களை பகுப்பாய்வு செய்து முதலீட்டுக்கான வாய்ப்புகள், மூலதன திட்டப்பட்டியல், செலவினைக் குறைப்பதற்கான உக்திகள், விரிவு படுத்துவதற்கான வாய்ப்புகள் போன்றவை குறித்து வணிக மேலாளர்களுக்கு ஆலோசனை வழங்குகிறார்.
வரி மேலாளர்:
கணக்காளர், குறித்த காலத்தில் வருமான வரி விவரம் தயாரிப்பு செய்தல், தாக்கல் செய்தல் முதலியவற்றை உறுதி செய்கிறார். மேலும் வரி மேலாண்மை, வரிச்சுமையை குறைத்தல் வரி விலக்கு பெறுதல் போன்றவற்றில் ஆலோசனை வழங்குகிறார்.
பொது தொடர்பு அலுவலர்:
கணக்காளர், தேவைப்படும் பயனீட்டாளர்களுக்கு கணக்கியல் பகுப்பாய்வு செய்யத் தேவைப்படும் விவரங்களை வழங்குகிறார்.   

கணக்கியல் அனைத்து நிறுவனங்களின் அடிப்படை தேவையாக விளங்குகிறது. கணக்கியலின் முக்கியத்துவம் பின்வருமாறு.
முறையான பதிவேடுகள்:
ஒரு நிறுவனத்தின் அனைத்து நிதிசார்ந்த நடவடிக்கைகளும் கணக்கேடுகளில் முறையாகப் பதிப்படுகின்றன.
நிதிநிலை அறிக்கைகள் தயாரித்தல்:
வியாபார இலாபநட்டக்கணக்கு மற்றும் இருப்பு நிலைக் குறிப்பு போன்ற நிதிநிலை அறிக்கைகளை கால முறை தோறும் தயாரிப்பதன் மூலம் வணிகத்தின் இயக்க முடிவுகளையும், நிதிநிலையையும் அறிய முடியும்.
வளர்ச்சியை மதியிடல்:
நிதிசார் விவரங்களை பகுப்பாய்வு மற்றும் உய்த்துணர்வு செய்வதன் மூலமாக பல்வேறு செயல்களின் வளர்ச்சியை மதிப்பிடவும் பலவீனங்களைக் கண்டறியவும் இயலும்.
முடிவெடுக்க உதவுதல்:
ஒரு நிறுவனத்தின் நிர்வாகம் அதன் பணிகளை நிறைவேற்றுவதற்கு தக்க முடிவுகளை எடுக்கத் தேவையான உரிய தகவல்களை கணக்கியல் அளிக்கிறது.
சட்டத் தேவைகளைப் பூர்த்தி செய்தல்:
சட்டப் பூர்வத் தேவைகளான பணியாளர் வருங்கால வைப்பு நிதி, பராமரிப்பு, வருமான வரிப்பிடித்தம் மற்றும் வரி அறிக்கைகள் தாக்கல் செய்தல் போன்றவை கணக்கியல் மூலம் முழுமையாகப் பூர்த்தி செய்யப்படுகின்றன.
பயணீட்டாளர்களுக்கு தகவல் தருதல்:
உரிமையாளர்கள், நிர்வாகம், கடனீந்தோர், நிதி நிறுவனங்கள் போன்ற பல்வேறு பயனீட்டளர்களுக்கு கணக்கியல் தகவல்களைத் தருகிறது.
சட்டச் சான்றாக இருத்தல்:
பொதுவாக நிதிமன்ற வழக்குகளிலும் இதர ஆணையங்களிலும் பிரச்சனைகளுக்கு தீர்வு காணகணக்கேட்டுப் பதிவுகள் சான்றாக ஏற்க்கப்படுகின்றன.
வரி கணக்கிடுதல்:
வருமான வரி மற்றும் இதர வரிகள் கணக்கிடுதல் மற்றும் செலுத்துதலில் கணக்கேடுகள் அடிப்படை ஆதாரமாக இருக்கின்றன.
இணைப்பின் போது தீர்வு செய்தல்:
இரண்டு அல்லது அதற்கு மேற்பட்ட வணிக நிறுவனங்களை இணைக்கும் போது, செலுத்த ஈடுசெய்ய தொகையை முடிவு செய்வதற்கும் தேவையான தகவல்களைக் கணக்கேடுகள் அளிக்கின்றன.              

கணக்கியல் என்பது நிதியியல் தகவல்களை, இனம் காணுதல், அளவிடுதல், பதிவு செய்தல், வகைப் படுத்துதல், சுருக்கமுணர்தல், உய்த்துணர்தல் மற்றும் தகவல்களைத் தெரிவித்தல் போன்ற முறையான செயல்பாடுகளை உள்ளடக்கியது.
கணக்கியல் கீழ்க்கண்ட தகவல்களைத் தருகிறது.
பெற்றிருக்கக் கூடிய வளங்கள்.
பெற்றுருக்கக் கூடிய வளங்கள் எவ்வாறு பயன்படுத்துகின்றன மற்றும்
அவற்றின் பயன்பாட்டினால் ஏற்படும் விளைவுகள்.
குறிப்பிட்ட கணக்காண்டில் ஈட்டிய இலாபம் அல்லது அடைந்த நட்டம், சொத்துக்கள், பொறுப்புகள், மற்றும் முதல் இவைகளின் மதிப்பு மற்றும் தன்மை குறித்து, கணக்குகளில் பதிவு செய்யப்பட்ட விவரங்களிலிருந்து அறிந்து கொள்ளலாம்.   

புறப் பயனீட்டாளர்கள்:
புறப்பயனீட்டாளர்கள் என்பவர்கள் நிறுவனத்திற்கு வெளியிலுள்ள நபர்கள். ஆனால், நிறுவனத்தின் கணக்கியல் விவரங்களை தங்களுடைய தேவைகளுக்கு ஏற்ப பயன்படுத்துபவர்கள் ஆவர். அவர்கள் பின்வருமாறு,
(i) கடனீந்தோர் மற்றும் நிதி நிறுவனங்கள்:
பொருட்கள் மற்றும் சேவைகளை வழங்குபவர்கள், வணிக வங்கிகள், பொது வைப்புநிதி வைத்திருப்பவர்கள் மற்றும் கடனீட்டு பத்திரத்தார்கள் இந்த பிரிவில் அடங்குவர்.
(ii) முதலீட்டாளர்கள்:
(1) ஒரு நிறுவனத்தில் தங்களது நிதியை முதலீடு செய்யும் ஆர்வமுள்ள முதலீட்டாளர்கள், நிறுவனத்தின் நிதி நிலையை அறிந்து கொண்டு தங்களது முதலீட்டு முடிவுகளை எடுக்கின்றனர்.
(2) அவர்கள் நிறுவனத்தின் எதிர்கால இலாபம் மற்றும் இடர்ஏற்கும் திறன் போன்ற, தங்களது இலாபத்தை பாதிப்பவைகளில் அதிக ஆர்வம் கொண்டிருப்பர்.
(iii) வாடிக்கையாளர்கள்:
(1) வணிக நிறுவனங்கள் தயாரிக்கும் பொருள் மற்றும் சேவைகளை, வாங்கிப் பயன்படுத்தும் வாடிக்கையாளர்கள் அவற்றின் விவரங்கள் மற்றும் விலைகள் பற்றி அறிய விருப்பம் கொண்டுள்ளனர்.
(2) அவர்களுக்கு தொடர்ந்து பொருட்களும், சேவைகளும் கிடைப்பதை உறுதி செய்து கொள்வதற்காக நிறுவனத்தின் நிலைத்தன்மை மற்றும் இலாபம் ஈட்டும் திறன் ஆகியவற்றை அறிய ஆர்வம் காட்டுவர்.           

பொதுவான பயன்பாட்டிற்காக கணக்கியலில் கீழ்கண்ட மூன்று அடிப்படைகள் உள்ளன.
ரொக்க அடிப்படை:
ரொக்க அடிப்படையில், உண்மையாக ரொக்கமாகப் பெறப்பட்ட மற்றும் செலுத்தப்பட்டவைமட்டும் பதியப்படுகின்றன. இந்த அடிப்படையில் வருவாயனது ரொக்கம் பெற்ற பிறகும், செலவானது ரொக்கம் செலுத்திய பிறகும் மட்டுமே அங்கீகரிக்கப்படுகிறது. கடன் நடவடிக்கைகள் இதில் இடம் பெறாது. இந்த அடிப்படையில் நடப்பாண்டில்,
வருமானம் ரொக்கமாகப் பெற்றது.
செலவினம் ரொக்கமாகச் செலுத்தியது.
ரொக்கம் செலுத்தி சொத்து வாங்கியது.
பொறுப்புகளுக்காக சொத்தும் செலுத்தியது ஆகியவை கடந்த, நிகழ் அல்லது எதிர்காலத்திற்கு உரியதாக இருந்தாலும் கணக்கில் எடுத்துக்கொள்ளப்படும்.
நிகழ்வு/வணிக அடிப்படை:
இந்த அடிப்படையில் வருமானம் ரொக்கத்தில் பெற்றாலும் பெற வேண்டியதாக இருந்தாலும், செலவுகள் ரொக்கத்தில் செலுத்தினாலும் செலுத்த வேண்டியதாக இருந்தாலும், நடப்பாண்டிற்கு உரிய அனைத்தும் பதியப்பட வேண்டும்.
வருமானம் ரொக்கத்தில் பெறப்பட்டிருந்தாலும் அல்லது பெற வேண்டியதாக இருந்தாலும்.
செலவுகள் ரொக்கத்தில் செலுத்தியிருந்தாலும் அல்லது செலுத்த வேண்டியதாக இருந்தாலும்.
சொத்து வாங்கியதற்கு ரொக்கம் செலுத்தியிருந்தாலும் அல்லது செலுத்தப்பட வேண்டியதாக இருந்தாலும்.
பொறுப்புகள் ரொக்கத்தில் செலுத்தியிருந்தாலும் அல்லது செலுத்த வேண்டியிருந்தாலும். கணக்கண்டிற்குரியவை அனைத்தும் கணக்கேடுகளில் பதியப்பட வேண்டும். இந்திய கூட்டுபங்கு நிறமச் சட்டம் 2013 - பிரிவு 128 (3) -ன் படி நிறுமங்கள் அனைத்தும் நிகழ்வின் அடிப்படையில் கணக்கேடுகளில் நடவடிக்கைகளைப் பதிவு செய்வது அவசியமாகிறது.
கலப்பு அல்லது கலப்பின் அடிப்படை: 
ரொக்க அடிப்படை மற்றும் நிகழ்வு அடிப்படை ஆகிய  இரண்டும் இணைந்த ஒரு முறையே கலப்பு முறையாகும். இந்த முறையில் ரொக்க அடிப்படை மற்றும் நிகழ்வு அடிப்படை இரண்டும் பின்பற்றப்படுகிறது.
ரொக்க அடிப்படையில் வருமானமும், சொத்துக்களும் பதிவு செய்யப்படுகின்றன. செலவுகளும், பொறுப்புகளும் நிகழ்வு அடிப்படையில் பதிப்படுகின்றன.