1. தொடக்கத்தில் சில்லறை ரொக்கத்தை முன்பணமாக பெறும் பொழுது, பேரேட்டில் சில்லறை ரொக்க க/கு தனியாக துவங்கப்பட வேண்டும். சில்லறைக் காசாளர் முன்பணம் பெறும் பொழுது, சில்லறை ரொக்க கணக்கில் பற்றும், ரொக்க கணக்கில் பற்றும், ரொக்க கணக்கில் வரவும் செய்தல் வேண்டும்.
2. குறிப்பிடப்பட்ட காலத்தில் செலவுகளுக்கென தனிப்பத்திகளின் கூடுதலைக் கணக்கிடும் பொழுது குறிப்பிட்ட சில்லறைச் செலவுகள் கணக்கில் அதன் மொத்த தொகை பற்றும், சில்லறை ரொக்கக் கணக்கில் அதன் மொத்தம் செலவழித்தத் தொகை வரவும் செய்யப்பட வேண்டும்..
3. சில்லறை ரொக்கக் கணக்கு ரொக்க இருப்பைக் காட்டும். இந்த சில்லறை ரொக்க இருப்பு, இருப்பு நிலைக்குறிப்பில் ரொக்க இருப்பின் ஒரு பகுதியாகக் காட்டப்படும்.

1. குறிப்பிட்ட காலத்தின் இறுதியில் (வாரம் (அ) மாதம் ) மொத்தம் செலவழித்த தொகை பத்தியும், செலவினங்களுக்கான பத்திகள் கூட்டப்படுகின்றன.
2. மொத்தம் செலவழித்த தொகை பத்தியின் கூடுதலும் சமமாக இருக்கும்.
3. பெற்ற தொகை பத்தியின் கூடுதல் தொகையும், மொத்தம் செலவழித்தத் தொகை பத்தியின் கூடுதல் தொகையும் ஒப்பிடப்பட்டு, இருப்பு காணுதல் வேண்டும்.
4. இறுதி இருப்புக்கு நேரமாக இருப்பு கீ/கு என எழுதப்பட வேண்டும். இதனை அடுத்த வாரம்/மாதத்திற்கு கொண்டு செல்லும்போது இருப்பு கீ/கொ என இருப்புக்கு நேராக எழுதப்பட வேண்டும்.

1. ரொக்க நடவடிக்கைகள் முதற்குறிப்பேட்டில் பதிவதற்கு பதிலாக பேரேட்டுக் கணக்கின் அமைப்பை ஒத்துள்ள ரொக்க ஏட்டில் நேரடியாக பதிவுதால் நேரமும், உழைப்பும் சேமிக்கப்படுகின்றன.
2. எந்த நேரத்தில் நிறுவன உரிமையாளர் ரொக்கம் மற்றும் வங்கி இருப்பை அறிய முடியும்.
3. ரொக்க ஏட்டைத் தொடர்ந்து இருப்புக் கட்டுவதால் கையிருப்பு ரொக்கத்தை அறிய முடியும். ரொக்க இருப்பில் முரண்பாடு ஏதேனும் இருப்பின், அதை கண்டுபிடித்துச் சரி செய்ய வேண்டும்.
4.திறமையான ரொக்க மேலாண்மைக் கொள்கையை உருவாக்க ரொக்க ஏடு பெரிதும் உதவுகிறது.

குறிப்பேட்டின் நன்மைகள் பின்வருமாறு:
(i) நடவடிக்கைகள் நிகழ்ந்த காலவரிசையில் நாள் வாரியாகப் பதிவு செய்வதால் வணிக நடவடிக்கைகள் பற்றிய முழுமையானத் தகவல்களை பெறமுடிகிறது.
(ii) விளக்க குறிப்பின் மூலமாக பதிவின் துல்லியத்தன்மை சரி பார்க்கப்படுகிறது.
(iii) பேரேட்டில் எடுத்தெழுத, குறிப்பேட்டுப் பதிவுகள் அடிப்படைடையாக உள்ளன.  

நடவடிக்கை என்பது பணம் அல்லது பணமதிப்பை (சரக்கு அல்லது சேவை அல்லது ஆலோசனை) ஒருவரிடமிருந்து மற்றொருவருக்கு பரிமாற்றம் செய்யும் நிகழ்வாகும். நடவடிக்கைகளை ரொக்க நடவடிக்கை, வங்கி நடவடிக்கை மற்றும் கடன் நடவடிக்கை என்று வகைப்படுத்தலாம்.
(i) ரொக்க நடவடிக்கை:
ஒரு நடவடிக்கை நிகழும் போது உடனடியாக பணம் செலுத்துதல் அல்லது பெறுதல் நிகழ்ந்தால் அது ரொக்க நடவடிக்கை ஆகும்.
(ii) வங்கி நடவடிக்கை:
ஒரு நடவடிக்கையில் வங்கி சம்பந்தப்பட்டிருந்தால், அது வங்கி நடவடிக்கை ஆகும்.
(iii) கடன் நடவடிக்கை:
ஒரு வணிக நடவடிக்கையில் உடனடியாக பணப்பரிமாற்றம் நடைபெறவில்லையெனில், அதனைக் கடன் நடவடிக்கை என்கிறோம்.         

(i) பற்றுக் குறிப்பு:
(1) சரக்கினை வாங்குபவர் திருப்பி அனுப்பும்போது ஒரு பற்றுச் சீட்டினைத் தயாரித்து விற்பவருக்கு அனுப்புகிறார்.
(2) இதில், திருப்பி அனுப்பும் சரக்கின் விவரங்கள், அளவு மற்றும் மதிப்பு போன்றவை இடம்பெற்றிருக்கும்.
(3) இது விற்பனையாளர் தரவேண்டிய தொகையினைக் குறித்து வாங்குபவர் அளிக்கும் ஆவணமாகும்.
(4) பற்றுக் குறிப்பினை, பற்றுக் குறிப்பாணை என்றும் கூறுவர்.
(ii) வரவுக் குறிப்பு:
(1) இது தமது வாடிக்கையாளரால் திருப்பி அனுப்பப்படும் சரக்கு குறித்து விற்பனையாளரால் தயாரிக்கப்படும் ஒரு அறிக்கை ஆகும்.
(2) இதில், சரக்கின் விவரம், திருப்பிப் பெறப்பட்ட சரக்கின் அளவு மற்றும் மதிப்பு போன்றவை இடம்பெற்றிருக்கும்.
(3) விற்பவரால் வாங்குபவருக்கு அனுப்பப்படும் இந்த ஆவணத்தில் வாங்குபவருக்கு கொடுக்கவேண்டிய தொகையின் விவரங்கள் விற்பனையாளரால் அளிக்கப்படும்
(4) இதனை வரவு குறிப்பாணை என்றும் கூறுவர்.    

1.குறிப்பேடாகவும் மற்றும் பேரேடாகவும் செயல்புரிகிறது:
ரொக்க ஏடு பராமரிக்கப்படும்போது தனியாக ரொக்கக் கணக்கைப் பேரேட்டில் தயாரிக்க வேண்டியதில்லை. ஏனெனில், ரொக்க ஏடே குறிப்பேடாகவும் மற்றும் பேரேடாகவும் செயலாற்றுகிறது.
2.ரொக்க இருப்பு மற்றும் வங்கி இருப்பை அறிய முடிகிறது :
எந்த நேரத்திலும் மொத்த ரொக்கப் பெறுதல்கள் மற்றும் ரொக்கச் செலுத்தல்கள் ஆகியவற்றை ஒப்பிட்டுப் பார்த்து ரொக்கம் மற்றும் வங்கி இருப்புகளை அறிய ரொக்க ஏடு உதவுகிறது 
3.வேலைப்பகுப்பின் பயன் :
ரொக்க ஏடு ஒரு தனி துணை எடாக செயலாற்றுவதால், அதனை தனிநபர் பராமரிக்கலாம். இதனால் வேலைப்பகுப்பு முறையின் நன்மையை வணிகம் பெறலாம்.
4.செயலூக்கமுடைய ரொக்க மேலாண்மை:
ஒரு வணிக நிறுவனத்தின் ஒரு குறிப்பிட்ட காலத்திற்கான மொத்த ரொக்கப் பெறுதல்கள் மற்றும் செலுத்தல்கள் பற்றிய விவரங்களை ரொக்க ஏடு காட்டுகிறது.செயலூக்கமுடைய ரொக்க மேலாண்மைக் கொள்கையை உருவாக்க ரொக்க ஏடு உதவுகிறது.

அ) பெருதற்குரிய மாற்றுச்சீட்டு ஏடு : 
பெருதற்குரிய மாற்றுச்சீட்டு என்பது எழுதப்பட்ட மாற்றுச்சீட்டின் பணம் பெரும் தன்மையை குறிக்கும் கடன் விற்பனை நடைபெறும் போது சரக்கினை அளிப்பவர்.சர்க்கினை பெறுவர்(கடனாளிகள்)மீது ஒரு குறிப்பிட்ட காலத்தவணையில் மாற்றுச்சீட்டினை எழுதுவார்.இது வணிக நிர்வாணத்திற்கு பெறுதற்குரிய மாற்றுச்சீட் டு என்றும் கடனாளிகளுக்கு அதாவது யார் தொகையை செலுத்த ஏற்றுக்கொண்டாரோ அவருக்கு செலுத்தற்குரிய மாற்றுச்சிட்டாக அமையும்

 
 செலுத்தற்குரிய மாற்றுச்சீட்டு ஏடு:
மாற்றுச்சீட்டு யாரால் ஏற்றுக் கொள்ளப்பட்டதோ அவர்களது பெயர், தொகை , செலுத்த வேண்டிய தேதி போன்ற விவரங்கள்செலுத்தற்குரிய மாற்றுச்சீட்டில் பதியப்படும்.ஒவ்வொரு நபரின் மாற்றுச்சீட்டு  ஏற்கும்பொது அதற்குரிய தொகை செலுத்தற்கூறிய மாற்றுச்சீட்டு ஏட்டில் பற்று வைக்கப்படுகிறது.மாற்றுச்சீட்டின் படிவம் பின்வருமாறு.
 

(i) வணிகம், ரொக்க ஏட்டில் நடவடிக்கைகளை தவறாகப் பதிவு செய்தல்:
சில சமயங்களில் ரொக்க ஏடுகளில்பதிவு செய்யும் போது தவறுகள் நேர்வதுண்டு.உதாரணமாக,காசோலை வைப்பு செய்தது அல்லது விடுத்தது தொடர்பான நடவடிக்கைகளைப் பதிவு செய்யாமல் விடுவது அல்லது தவறாகப் பதிவு செய்வது, தவறாக இருப்புக்கட்டுவது, போன்றவையாகும்.இது போன்ற நிகழ்வுகளில்,வங்கி அறிக்கையின் படியான இருப்புக்கும் ரொக்க ஏடுகளின் படியான இருப்புக்கும் வேறுபாடுகள் இருக்கும் என்பது தெளிவாகத் தெரிகிறது.
(ii) வங்கியர் நடவடிக்கைகளை தவறாகப் பதிவு செய்தல் 
சில சமயங்களில் வங்கியரின் ஏடுகளில் தவறுகள் நிகழ்வதுண்டு.எடுத்துக்காட்டாக, காசோலை வைப்பு செய்வதது தொடர்பான நடவடிக்கைளை பதிவு செய்யாமல் விடுவது அல்லது தவறாக பதிவு செய்வது மற்றும் தவறாக இருப்புக் கட்டுவது.இது போன்ற நிகழ்வுகளால், வங்கி அறிக்கையின் படியான இருப்புக்கும் ரொக்க ஏடுகளின் படியான இருப்புக்கும் வேறுபாடுகள் இருக்கும் என்பது தெளிவாகத் தெரிகிறது.                

(i) ரொக்க ஏட்டின் வங்கிப் பத்தியின் இருப்பானது வாடிக்கையாளரின் வங்கி இருப்பினை எடுத்துரைப்பதாகும்.
 (ii) வங்கிக் செல்லேடு என்பது வங்கியிடம் பெறப்படும் வாடிக்கையாளருடைய கணக்கின் பிரதியாகும்.
(iii)இரு ஏடுகளும் வெவ்வேறு நபர்களால் பராமரிக்கப்படுகின்றன.
(iv) சாதாரணமாக ரொக்க ஏடு செல்லேட்டுடன் ஒத்துப்போவதோடு இரு ஏடுகளின் இருப்புகளும் சமமாக இருக்க வேண்டும்.
(v) ஆனால் நடைமுறையில் இவ்விருப்புகள் பொதுவாக வேறுபடும்.இத்தகைய வேறுபாட்டின் போது வங்கிக் சரிக்கட்டும் பட்டியல் தயாரிக்கப்படுகிறது.         

(i) இது ஒரு எழுத்து வடிவிலான ஆவணம்.
(ii) இது ஒரு நிபந்தனை யற்ற ஆணை 
(iii) இது ஒரு குறிப்பிட்டத் தொகையினைச் செலுத்துவதற்கான ஆணை 
(iv) இது எழுதுநரால் கையொப்பமிடப் பட்டிருக்கும்
(v) இது ,முத்திரைவில்லை ஓட்டப்பட்டதாவோ அல்லது முத்திரை தாளில் எழுதப்பட்டதாகவோ இருக்கும்.
(vi) இது ஏற்குநரால் ஏற்கப்படுகிறது
(vii) இதில் குறிப்பிடப்பட்டுள்ள டதொகை எழுதுநருக்கோ அல்லது மாற்றப்பெற்றுவருக்கோ செலுத்தப்படும்.                            

கணக்கியல் தரநிலைகளின் தேவைகள்:
(i) நிதிநிலை அறிக்கைகளை நன்கு புரிந்து கொள்வதற்கு.
(ii) கணக்காளர் ஒரே மாதிரியான செயல்முறைகள் மற்றும் நடைமுறைகளைப் பின்பற்றுவதற்கு.
(iii) இரண்டு மற்றும் அதற்கு மேற்பட்ட வணிக அமைப்புகளின் நிதிநிலை அறிக்கைகளை பயன்தருமுறையில் ஒப்பீடு செய்வதை எளிதாக்குவதற்கு.
(iv) நிதிநிலை அறிக்கையின் நம்பகத்தன்மையை அதிகரிப்பதற்கு.
(v) சட்டத் தேவைகளை சிறப்பாக நிறைவேற்றுவதற்கு.  

(i) அடக்கவிலைக் கருத்து:
(1) வணிகத்தில் ஒரு சொத்தானது புராதன அடக்கவிலையில் அதாவது வாங்கிய விலையில் பதிவு செய்யப்படுகிறது.
(2) அடக்கவிலையே அனைத்து தொடரும் கணக்கியலுக்கும் அடிப்படையாக அமையும்.
(3) இது, சொத்துகள் எப்போதுமே அடக்க விலையில் காண்பிக்கப்படும் என்று பொருளாகாது.
(4) சொத்து வாங்கும் பொழுது அடக்கவிலையில் பதிவு செய்யப்பட்டு முறையாகத் தேய்மானம் புத்தக மதிப்பிலிருந்து கழிக்கப்பட்டு காண்பிக்கப்படுகிறது.
(ii) வருவாய் தீர்வு கருத்து:
(1) வருவாய் தீர்வு கருத்தின்படி, ஒரு சொத்தின் மதிப்பில் ஏற்படும் மாற்றம், அச்சொத்துக்கள் வணிகத்தால் தீர்வு செய்யப்படும் போது மட்டுமே பதிவு செய்யப்படும்.
(2) புராதன அடக்க விலையில் சொத்துக்கள் பதிவு செய்தால், சொத்தின் மதிப்பில் ஏற்படும் மாற்றம் அச்சொத்து தீர்வு செய்யும் போது மட்டுமே கணக்கில் கொண்டுவரப்பட வேண்டும்.       

அடக்கவிலைக் கருத்துகளின் குறைபாடுகள்:
அ) பணவீக்க காலத்தில், பொருட்களின் விலை அதிகரிக்கும், போது சொத்துக்களைப் புராதன அடக்க விலையில் மதிப்பிடுவது வணிகத்தின் உண்மையான நிலையைப் பிரதிபலிப்பதில்லை.
(ஆ) புராதன அடக்க விலையில் சொத்துகள் பதிவு செய்யப்பட்டால், வெவ்வேறு நாட்களில் நிறுவப்பட்ட வணிக அமைப்புகளின் முடிவுகளை ஒப்பீடு செய்ய முடியாது.
(இ) மனித வளங்கள் போன்ற அடக்க விலையில் மதிப்பிட முடியாத சொத்துக்களை இக்கருத்தின் கீழ் அங்கீகரிக்க முடிவதில்லை.    

பொறுப்புகள் அல்லது உரிமையாளர் பங்குகள் வணிக நிறுவனத்தின் மீது கோரப்பட்ட உரிமைகள் ஆகும்.இவை வணிக நிறுவனம் வெளியாட்கள் (புற நிதி)மற்றும் உரிமையாளர்களுக்கு (உடமையாளர் நிதி/அக நிதி)கொடுக்க வேண்டிய தொகையை குறிக்கிறது.
பொறுப்புகள் அதன் தன்மையைப் பொறுத்து கீழ்க்கண்டவாறு வகைப்படுத்தப்படுகிறது.
(அ)நிலை அல்லது நீண்ட காலப் பொறுப்புகள்.
ஒரு வருடம் அல்லது அதற்கு மேலான காலத்திற்குள் செலுத்தப்பட வேண்டிய பொறுப்புகள் நீண்டகாலப் பொறுப்புகள் எனப்படும்.
(ஆ) நடப்பு அல்லது குறுகிய கலாப் பொறுப்புகள்
ஒரு இயக்க சுழற்சிக்குள் அல்லது ஒரு வருட காலத்திற்குள் செலுத்த எதிர்பார்க்கும் செலவுகள் நடப்பு அல்லது குறுகிய காலப் பொறுப்புகள் ஆகும்.இவற்றில் வங்கி மேல்வரைப்பற்று , கடனீந்தோர், செலுத்தற்குரிய மாற்றுச்சீட்டு,கொடுப்பட வேண்டிய செலவுகள் முதலியன உள்ளடங்கும்.
(இ) நிகழ்வடையாப் பொறுப்புகள்
இவ்வகைப் பொறுப்புகள் இருப்புநிலைக் குறிப்பு தயாரிப்பின் போது பொறுப்புகளாக உறுதிப்படுத்தப்படாதவை ஆகும்.இவ்வகை பொறுப்புகள் நிகழாம் அல்லது நிகழாமல் இருக்கலாம்

நிலைச் சொத்துக்களை (i)புலனாகும் நிலை சொத்துக்கள் (ii)புலனாகா நிலை சொத்துக்கள் என்று வகைப்படுத்தப்படுத்தலாம்.
(i)புலனாகும் நிலை சொத்துக்கள்
1.புலனாகும் நிலை சொத்துகளுக்கு உருவ வடிவம் உண்டு.இவற்றை பார்க்கவும் , தொட்டு உணர்வும் முடியும்.
2.எடுத்துக்காட்டு : இயந்திரத் தளவாடங்கள், கட்டடம் மற்றும் அரைகலன்.
(ii)புலனாகா நிலை சொத்துக்கள்
1.புலனாகா நிலை சொத்துகளுக்கு உருவ வடிவம் கிடையாது. .இவற்றை பார்க்கவும் , தொட்டு உணர்வும் முடியாது.
2. எடுத்துக்காட்டு : நற்பெயர் வணிகக்குறி பதிப்புரிமை மற்றும் காப்புரிமை.
3.புலனாகாச் சொத்துகளும் புலனாகும் சொத்துக்களைப் போன்று அதிக மதிப்புடையது.

(அ)இருப்பு நிலைக் குறிப்பு இறுதி கணக்குகளின் ஒரு பகுதியாகும் மேலும்  இருப்பு நிலைக் குறிப்பு ஒரு அறிக்கையை, அன்றி கணக்கல்ல ,இதில் பற்று அல்லது வரவுப் பக்கங்கள் கிடையாது.
(ஆ)  இருப்பு நிலைக் குறிப்பு இருப்புகளை கொண்ட ஆள்சார் மற்றும் சொத்து கணக்குகளின் தொகுப்பாகும்.
(இ)  இருப்பு நிலைக் குறிப்பின் இரு பக்கங்களின் கூட்டுத்தொகை சமமாக இருக்க வேண்டும். கூட்டுத்தொகை சமமாக இல்லையெனில் பிழை இருப்பதைக் காட்டுகின்றது

1.மொத்த இலாபம் அல்லது மொத்த நட்டம் பற்றிய தகவல்களை தருகிறது.
(i) வியாபார கணக்கு வணிகத்தின் கணக்காண்டிற்குரிய மொத்த இலாபம் அல்லது மொத்த நட்டத்தை 
காட்டுகிறது
(ii)இது வணிகர்களுக்கு மொத்த இலாப விகிதத்தை கண்டறிய உதவுகிறது.வியாபார கணக்கு, விற்பனையில் உள்ள குறிப்பிட்ட சதவீதமாக இலாப விகிதத் தை வெளிப்படுத்துகிறது.
2.வரக்கூடிய நாட்டிங்களிலிருந்து பாதுகாப்பு அளிக்கிறது.
முந்தைய ஆண்டுகளோடு ஒப்பிடுகையில் மொத்த இலாப விகிதம் குறைவாக இருந்தால், வரக்கூடிய நட்டங்களைத் தவிர்த்து வணிகத்தை பாதுகாக்கத் தேவையான நடவடிக்கையான எடுக்க முடிகிறது.
3.நேரடிச் செலவுகள் மற்றும் நேரடி வருமானங்கள் பற்றிய தகவல்களைத் தருகிறது.
(i) சரக்குகளை கொள்முதல் செய்வதற்கு செய்யப்படும் அணைத்துச் செலவுகளும் நேரடிச் செலவுகள் எனப்படும்.அவை வியாபாரக் கணக்கில் பதியப்படுகின்றன.
(ii)மேலும், வியாபார கணக்கு ,நேரடி வருமானமான விற்பனை வருவாயையும் காட்டுகிறது.
(iii) இவ்வாறு வியாபார கணக்கு நேரடிசெலவுகளை கட்டுப்படுத்த, நிர்வாகத்திற்கு உதவுகிறது.

1.சொத்தின் ஆரம்ப அடக்கவிலை 
1. சொத்தின் ஆரம்ப அடக்கவிலையானது சொத்தினை வாங்குவதற்கும் அல்லது சொத்தினை உருவாக்குவதற்கு செலவழித்த தொகை ஆகும்.
2.சொத்து பழைய சொத்தாக இருக்கும் நிலையில். அச்சொத்தினைப் பயன்பாட்டிற்கு கொண்டுவருவதற்காக, ஆரம்ப நிலையில் மேற்கொள்ளப்படும் பழுது பார்புச் செலவுகளும் சொத்தின் ஆரம்ப அடக்கவிலையில் சேரும்.
2.சொத்தின் எதிர்நோக்கும் பயனளிப்பு காலம் 
நிறுவனத்தில்,சொத்துகள் எவ்வளவு காலத்திற்கு பயன்படுத்த முடியுமோ அக்காலம் சொத்தின் எதிர்நோக்கும் பயனளிப்புக் காலம் எனப்படுகிறது.
3.சொத்தின் இறுதி மதிப்பு 
சொத்தின் எதிர்நோக்கும் பயனளிப்பு காலம் முடிந்த பிறகு அச் சொத்தினை விற்பதால் கிடைக்கும் தொகையை இது குறிக்கிறது. இது இறுதி மதிப்பு எனவும் எஞ்சிய மதிப்பு எனவும், அழைக்கப்படுகிறது.
4.பிற காரணிகள் 
மேற்கூறிய காரணிகள் மட்டுமல்லாமல் சட்டரீதியான வழிமுறைகள், தொழில்நுட்ப காரணிகள் போன்றவை தேய்மானத் தொகையை நிர்ணயிக்கின்றன.

தேய்மானத்தின் இயல்புகள் பின்வருமாறு:
1.தேய்மானம் நீக்கப்பட வேண்டிய சொத்துகளின் அடக்கவிலையை வருவாய் ஈட்ட ஆகும் செலவிற்கு அல்லது இலாப நட்டக் கணக்கிற்கு, சொத்தின் வாழ்நாள் முழுவதும் ஒதுக்குகின்ற ஒரு செயல்முறை தேய்மானம் ஆகும்.
2.தேய்மானம் என்பது சொத்தின் அடக்க விலையை ஒதுக்கீடு செய்வது.மாறாக,சொத்தினை மதிப்பிடும் செயல்முறை அல்ல.
3. இது சொத்தின் எட்டு மதிப்பின் இறக்கம்,மாறாக, சொத்தின் சந்தை மதிப்பு மீதான குறைவு அல்ல.
4.இது சொத்தின் வாழ்நாள் முழுவதும் அதன் எட்டு மதிப்பில் ஏற்படக்கூடிய படிப்படியான மற்றும் தொடர்ச்சியான மதிப்பு இறக்கம் ஆகும்.
5.இது,தேய்மானம் ஏற்படக்கூடிய புலனாகும் நிலைச் சொத்துக்களுக்கு மட்டும் கணக்கிடப்படுகிறது. புலனாகாத மற்றும் தீர்ந்து போகும் சொத்துகளுக்கு தேய்மானம் கணக்கிடப்படுவதில்லை.

அகப் பயனீட்டாளர்கள்:
அகப்பயனீட்டாளர்கள் என்பவர்கள் வணிக நிறுவனத்தின் உரிமையாளர்கள், நிர்வாகம் மற்றும் பணியாளர்கள் ஆவார்கள்.
(i) உரிமையாளர்கள்:
வணிக நிறுவனத்தில் பயன்படுத்தப்படும் மூலதனத்தொகையை அளிப்பவர்களே உரிமையாளர்கள் எனப்படுகின்றனர்.
(ii) நிர்வாகம்:
(1) பெரும்பாலான முடிவுகளை நிர்வாகம் எடுப்பதற்கு கணக்கியலின் விவரங்கள் அடிப்படையாக இருக்கின்றன.
(2) வணிகச் செயல்பாடுகளின் திட்டமிடுதல் மற்றும் கட்டுப்பாட்டிற்கு நிர்வாகத்திற்கு பல முக்கியமான நிதிசார்ந்தத் தகவல்கள் தேவைப்படுகின்றன.
(3) நிதி நிலை கணக்கியலில் தயாரிக்கப்படும் நிதியியல் அறிக்கைகள் மற்றும் பிற அறிக்கைகள் நிர்வாகத்திற்க்கான தகவல்களை அளிக்கின்றன.
(iii) பணியாளர்கள்:
பணியாளர்கள் தங்களது ஊதியம், பணியாற்றும் சூழ்நிலைகள், ஓய்வு பலன்கள் போன்றவற்றை நிர்ணயிக்கும் வணிகத்தின் இலாபம் ஈட்டும் திறன், வணிகத்தின் நிலைத்தன்மை மற்றும் வளர்ச்சி பற்றி அறிய ஆர்வமாக இருப்பார்கள்.   

கணக்கியலின் பணிகள் கீழ்கண்டவாறு விவரிக்கப்படுகின்றன:
(i) அளவிடுதல்:
வணிக நடவடிக்கைகள் குறித்து முறையான ஆவணங்களை வைத்திருத்தல், பதிவு செய்தல் எடுத்தெழுதுதல், கடைசியாக இறுதிக் கணக்குகளைத் தயாரித்தல் ஆகியவையே கணக்கியலின் முதன்மையான பணியாகும்.
(ii) முன்னறிதல்:
வணிக நிறுவனங்களின் எதிர்கால செயல் திறன் மற்றும் நிதிநிலை பற்றி கணக்கியலின் பல்வேறு கருவிகளின் மூலம் முன்கூட்டியே அறிந்துகொள்ள முடிகிறது.
(iii) ஒப்பிடுதல்:
கணக்கியல், நிகழ்ந்த செயல்திறனுடன், திட்டமிட்ட செயல்திறனை ஒப்பிட உதவுகிறது. மேலும், இது கணக்கியல் கொள்கைகளுடனும் ஒப்பிட உதவுகிறது.
(iv) முடிவெடுத்தல்:
திட்டமிடுதல், செயல்திறன் மதிப்பீடு, கட்டுப்பாடு ஆகிய மேலாண்மை பணிகளுக்கான தகவல்களை நிர்வாகத்திற்கு கணக்கியல் வழங்குகிறது.
(v) கட்டுப்பாடு:
கணக்கியல் ஒரு கட்டுப்பாட்டுக்கு கருவியாக இருப்பதால், கையாண்ட பல்வேறு வழிமுறைகள் குறித்த பலம் மற்றும் பலவீனங்களைக் கண்டறிந்து, கருத்து தெரிவிக்க முடிகிறது. மேலும், வணிக கொள்கைகள் மற்றும் திட்டங்கள் கடைபிடிக்கப்பட்டனவா என்பதை மதிப்பீடு செய்யும் கருவியாக இது பயன்படுகிறது.       

கணக்கியலின் நோக்கங்கள் பின்வருமாறு:
(i) நிதி நடவடிக்கைகள் மற்றும் நிகழ்வுகள் குறித்த முறையான பதிவேடுகளை வைத்திருத்தல்.
(ii) வணிக நிறுவனத்தின் இலாபம் அல்லது நட்டத்தை கண்டறிதல்.
(iii) வணிக நிறுவனத்தின் நிதிநிலை மற்றும் நிலைமை அறிதல்
(iv) பல்வேறு பயனீட்டாளர்களின் தேவைக்கேற்ப தகவல்களை வழங்குதல்.
(v) நிறுவனத்தின் சொத்துக்களைப் பாதுகாத்தல் மற்றும்,
(vi) நிறுவனத்தின் கடன் தீர்க்கும் திறன் மற்றும் நீர்மைத்தன்மையை அறிதல்.    

கணக்கியல் சுழலின் படிநிலைகள் பின்வருமாறு:
(i) நடவடிக்கைகளை இனம் கண்டு குறிப்பேட்டில் பதிவு செய்தல்:
(1) கணக்கியலின் முதல் படிநிலையானது வணிகத்தின் நிதி நடவடிக்கைகளை அடையாளம் காண்பதாகும்.
(2) அனைத்து பணமதிப்பிலான நடவடிக்கைகள் தோற்றப்பதிவேடுகளில் (குறிப்பேடு) பதிவு செய்யப்படுகிறது.
(ii) எடுத்தெழுதுதல் மற்றும் இருப்புக் கட்டுதல்:
(1) பதிவுகளைக் குறிப்பேட்டிலிருந்து பேரேட்டிற்கு மாற்றுவது எடுத்தெழுதுதல் எனப்படும்.
(2) பதிவுகள் பொதுவான தலைப்பின்கீழ் வகைப்படுத்தப்பட்டு, பேரேட்டில் ஒவ்வொரு கணக்கிலும் எடுத்தெழுதப்படுகின்றன.
(iii) இருப்பாய்வு தயாரித்தல்:
(1) பேரேட்டு இருப்புகளின் பட்டியல் அதாவது இருப்பாய்வு தயாரித்தல், அடுத்த படிநிலையாகும்.
(2) இருப்பாய்வின் அடிப்படையில் நிதிநிலை அறிக்கைகள் தயாரிக்கப்படுகின்றன.
(iv) வியாபாரக் கணக்கு தயாரித்தல்:
(1) குறிப்பிட்ட கணக்காண்டிற்குறிய வியாபாரக் கணக்கு தயாரிப்பதே கணக்கியல் சுழலின் அடுத்த படிநிலையாகும்.
(2) அனைத்து நேரடிச் செலவுகள் மற்றும் நேரடி வருவாய்கள் வியாபாரக் கணக்கிற்கு மாற்றப்படுகின்றன.
(v) இலாப நட்டக் கணக்கு தயாரித்தல்:
(1) குறிப்பிட்ட கணக்காண்டிற்குரிய இலாப நட்டக் கணக்கு தயார் செய்வது கணக்கியல் சுழலின் அடுத்த படிநிலையாகும்.
(2) மொத்த இலாபத்துடன் அல்லது மொத்த நட்டத்துடன் அனைத்து மறைமுக வருவாய்கள் மற்றும் மறைமுகச் செலவுகள் இலாபநட்டக் கணக்கிற்கு மாற்றப்படுகின்றன.
(vi) இருப்பு நிலைக்குறிப்பு தயாரித்தல்:
(1) கணக்கியல் சுழலில் இருப்புநிலைக்குறிப்பு தயார் செய்வது இறுதி படிநிலையாகும்.
(2) இருப்புநிலைக்குறிப்பு, சொத்துகள் மற்றும் பொறுப்புகளின் இருப்புகளைக் காட்டும் ஒரு அறிக்கை.        

(i) இருப்பாய்வு உடன்படவில்லையென்றால் கணக்கு ஏடுகளில் பிழைகள் ஏற்பட்டுவிட்டன என்பன புலப்படும்.
(ii) இருப்பாய்வைச் சமன்படுத்தாமல் இறுதிக் கணக்குகளைத் தயாரிக்க முடியாது.
(iii) இறுதிக் கணக்குக்குள் தயாரிப்பதற்கு முன் பிழைகளைக் கண்டுபிடித்து சரிசெய்ய முடியாத பொழுது, வேற்றுமைத் தொகையை புதியதாய் தோற்றுவிக்கப்பட்ட, கற்பனையான, தற்காலிக கணக்குக்கு மாற்றிப் பதிய வேண்டும். அக்கணக்கு அனாமத்துக் கணக்கு என்றழைக்கப்படுகிறது.
(iv) அனாமத்துக் கணக்கு தயாரிப்பதன் மூலம் இறுதிக் கணக்குகள் தயாரிப்பதற்கான தாமதத்தை தவிர்க்க முடிகிறது.

ஒரு இருப்பாய்வு கீழ்க்கண்ட முறைகளில் தயாரிக்கப்படுகிறது.
(i) இருப்பு முறை:
இம்முறையில் ஒவ்வொரு பேரே ட்டுக் கணக்குகளிலிருந்து கிடைக்கப்பேற்றை, பற்று அல்லது வரவு இருப்பிற்கு ஏற்ப உரிய கணக்கிற்கு எதிரே இருப்பாய்வில் பதியப்படுகிறது.
(ii) மொத்தத் தொகை முறை:
இம் முறையில்,பற்றுப் பக்கத்திலுள்ள பேரேட்டுக் கணக்குகளின் மொத்த தொகையும் மற்றும் வரவுபக்கத்திலுள்ள பேரேடுக்கணக்குகளின் மொத்த தொகையும் கணக்கிடப்பட்டு, இருப்பாய்வில் பதியப்படுகின்றன.
(iii) மொத்தத் தொகை மற்றும் இருப்பு முறை:
இம்முறை மொத்தத் தொகை முறை மற்றும் இருப்பு முறை ஆகியவற்றை ஒன்று சேர்த்து தயாரிக்கப்படும் ஒரு கலப்பின் முறையாகும். இம்முறையில் மொத்தம் நான்கு பத்திகள் உள்ளன. அவை,
(அ) பேரேட்டுக் கணக்குகளின் பற்றுப் பக்கங்களின் மொத்தம்.
(ஆ) பேரேட்டுக் கணக்குகளின் வரவுப் பக்கங்களின் மொத்தம்
(இ) பேரேட்டுக்கணக்குகளின் பற்று இருப்பு
(ஈ) பேரேட்டுக் கணக்குகளின் வரவு இருப்பு என்பதாகும். இம்முறையும் வழக்கத்தில் இல்லை.

இருப்பாய்வின் இயல்புகள் பின்வருமாறு:
(i) இருப்பாய்வு அனைத்து பேரேட்டுக் கணக்குகளிலும் உள்ள இருப்புகளை உள்ளடக்கி இருக்கும்.
(ii) இது குறிப்பிட்ட ஒரு நாளில் தயாரிக்கப்படும். அதனால் தான் அதன் தலைப்பை மேலே எழுதும்போது 'நாளன்றைய' என்ற வார்த்தையைப் பயன்படுத்துகிறோம்.
(iii) இரட்டைப்பதிவு முறையைப் பின்பற்றும் பொழுது, இருப்பாய்வின் பற்றுப்பத்தியின் மொத்தமும் மற்றும் வரவுபத்தியின் மொத்தமும் சமமாக இருக்க வேண்டும்.
(iv) இருப்பாய்வின் பற்றுப் பத்தியின் மொத்தமும் வரவுப் பத்தியின் மொத்தமும் வேறுபட்டிருந்தால், எங்கேயோ பிழைகள் இருக்கிறது என்பதை உணர்த்துகிறது.
(v) இருப்பாய்வின் பற்று பத்தியின் மொத்தமும் வரவுப்பத்தியின் மொத்தமும் ஒரே தொகையாக அல்லது சமமாக இருந்தால், கணக்கேடுகளில் தவறுகள் இல்லை என்று அர்த்தம் அல்ல. ஏனென்றால், சில பிழைகளை இருப்பாய்வு வெளிக்காட்டாது.

நீள்பயன் வருவாயினச் செலவின் இயல்புகள்:
(i) இது ஒரு வருவாயினச் செலவு. இச்செலவின் பயன் எதிர்வரும் காலத்தில் கிடைக்கக் கூடியது.
(ii) இச்செலவு, செலவழித்த ஆண்டிலேயே முழுவதும் போக்கெழுதப்படுவதில்லை. குறிப்பிட்ட சில ஆண்டுகளில் போக்கெழுதப்பட வேண்டும்.
(iii) போக்கெழுதியது போக மீதமுள்ள தொகை (உள்ளபடியான செலவு - போக்கெழுதிய தொகை) இருப்புநிலைக் குறிப்பில் சொத்துகள் பக்கத்தில் காண்பிக்கப்படும்.   

வருவாயினச் செலவின் இயல்புகள்:
(i) இது திரும்பத் திரும்ப நிகழும் தன்மையுடையது.
(ii) வணிகத்தின் இலாபம் ஈட்டும் திறனைத் தக்கவைத்துக் கொள்ள, இச்செலவு மேற்கொள்ளப்படுகிறது.
(iii) இதன் பயன் அந்த கணக்காண்டிலேயே முடிவடைகிறது.
(iv) இது வியாபார மற்றும் இலாப நட்டக் கணக்கின் பற்றுப்பக்கத்தில் இடம் பெறும்.  

முதலின மற்றும் வருவாயினச் செலவுகளைத் தீர்மானிக்கும் கருதுகோள்கள் பின்வருமாறு:
(i) வணிகத்தின் தன்மை:
1. சரக்கு கொள்முதலுக்கென செய்த செலவு வருவாயினச் செலவு ஆகும்.
2. சொத்துக்கள் வாங்குவதற்கான செலவு முதலினச் செலவு ஆகும்.
3. ஒரு செலவானது சரக்கு அல்லது சொத்து தொடர்புடையதா என்பது அவ்வணிகத்தின் தன்மையைப் பொறுத்தது ஆகும்.
4. சரக்கு என்பது ஒரு வணிகம் கையாளும் பண்டம் அல்லது பொருட்களை உள்ளடக்கியதாகும்.
(ii) வணிகத்தின் வருவாய் ஈட்டும் திறன் ஏற்படுத்தும் விளைவு
1. குறிப்பிட்ட செலவானது நடப்பு கணக்காண்டிற்கு மட்டும் வருமானம் அல்லது ஆதாயத்தினை ஈட்டுமேயானால் அது வருவாயினச் செலவாகும்.
2. மாறாக குறிப்பிட்ட செலவு, ஒன்றிற்கு மேற்பட்ட கணக்காண்டிற்கு வருவாயினச் செலவாகும்.
2. மாறாக குறிப்பிட்ட செலவு, ஒன்றிற்கு மேற்பட்ட கணக்காண்டிற்கு வருவாயினைப் பெற்றுத்தந்தால் அது முதலினச்செலவு என்றழைக்கப்படும்.
(iii) செலவின் ரொக்கம்
ஒரு சொத்தினைப் பராமரிப்பதற்கு மேற்கொள்ளப்படும் வழக்கமான நடைமுறைச் செலவுகள், வருவாயினச் செலவுகள் ஆகும்.
(iv) பயன்படுத்தப்பட்ட தொகையின் முக்கியத்துவம்
1. ஒரு செலவு முதலினச் செலவா அல்லது வருவாயினச் செலவா என்பதை வகைப்படுத்துவதில், தொகையுடன் தொடர்புடைய விகிதாச்சாரத்தையும் கவனத்தில் கொள்ள வேண்டும்.
2. மேற்கொள்ளப்பட்ட செலவானது ஒரு சொத்தின் உற்பத்தித் திறனை அதிகரிக்காத நிலையிலும், அச்செலவு முக்கியத்துவம் பெற்றதாக இருந்தால், அது முதலினச் செலவாகக் கருதப்படும்.
3.உதாரணமாக, குப்பைக்கூடை வாங்கியதற்கானச் செலவு ஒரு வருவாயினச் செலவாகும்.            

இருப்பாய்வு தயாரிக்கும் முன்பு பிழைகளைத் தற்செயலாகவோ அல்லது கணக்கு ஏடுகளை குறிப்பிட்ட நோக்கத்திற்காக கூர்ந்தாய்வு செய்தோ கண்டறியலாம். இருப்பாய்வு தயாரிக்கும் முன் பிழைகளைக் கண்டறியப் பின்பற்ற வேண்டிய படிநிலைகள் பின்வருமாறு:

மேற்கண்டவாறு கண்டுபிடித்த பிழைகளை தொடர்புடைய கணக்குகளில் பற்று அல்லது வரவு வைப்பதன் மூலம் திருத்தம் செய்ய வேண்டும்.    

கணக்கியல் செயல்முறையில் பின்வரும் எந்த நிலையிலும் பிழைகள் நிகழலாம்:
I குறிப்பெட்டுப்பதிவு நிலையில்
இந்த நிலையில், கீழ்க்காணும் பிழைகள் நிகழலாம்:
(i) விடு பிழை
(ii) செய் பிழை
(iii) விதிப் பிழை
II பேரேட்டில் எடுத்தெழுதும் நிலையில்
இந்த நிலையில், கீழ்காணும் பிழைகள் நிகழலாம்:
(i) விடு பிழைகள்
(அ) முழு விடு பிழைகள்
(ஆ) பகுதி விடு பிழைகள்
(ii) செய் பிழைகள்
(அ) தவறான கணக்கில் எடுத்து எழுதுதல்
(ஆ) தவறான தொகையை எடுத்து எழுதுதல்
(இ) தவறான பக்கத்தில் எடுத்து எழுதுதல்
III இருப்புக்கட்டல் நிலையில்
இந்த நிலையில், கீழ்க்காணும் பிழைகள் நிகழலாம்:
(i) கணக்கில் தவறாவறாகக் கூட்டுதல்
(ii) கணக்கில் தவறாவறாக இருப்புக்கட்டுதல்
IV இருப்பாய்வு தயாரிக்கும் நிலையில்
இந்த நிலையில், கீழ்க்காணும் பிழைகள் நிகழலாம்:
(i) விடு பிழை
(ii) செய் பிழை
(அ) தவறான கணக்கில் பதிவு செய்தல்
(ஆ) செய் பிழை
(அ) தவறான கணக்கில் பதிவு செய்தல்
(ஆ) தவறான தொகையைப் பதிவு செய்தல்
(இ) இருப்பாய்யில் தவறான பத்தியில் பதிவு செய்தல்       

சரிகட்டுப் பதிவு 

1. இது எச்சரிக்கையாக அல்லது பாதுகாப்பாக செயல்படும் கொள்கையாகும்.
2. இக்கொள்கையின்படி வணிக நடவடிக்கைகள் பதியும் போது இலாபத்தை எதிர்நோக்காமால் ஆனால் அனைத்து எதிர்பார்க்கும் நட்டங்களுக்கும் ஒதுக்கீடு செய்யப்பட வேண்டும் என்பதை கருத்தில் கொள்ள வேண்டும்.
3. எடுத்துக்காட்டாக, இறுதி சரக்கிருப்பு அடக்கவிலை அல்லது சந்தைவிலை இதில் எது குறைவாக உள்ளதோ அதை கருத்தில் கொள்ள வேண்டும்.
4. இக்கருத்தின்படி எந்தவொரு மதிப்பின் அதிகரிப்பும், பெறப்படாத நிலையில் கணக்கில் கொண்டு வரக்கூடாது.
5. உருவாகாத ஆதாயத்தை எதிர்நோக்கக்கூடாது.அனால் நாட்டம் ஏற்பட வாய்ப்பிருந்தால் அதற்கு ஒருக்கீடு செய்ய வேண்டும்.

1. கணக்கியல் கொளகையும், நடைமுறைகளும் தொடர்ச்சியாக ஒரு கணக்காண்டிலிருந்து மற்றொரு கனகாந்திற்கும் பின்பற்றப்படும் என்பதை இம்மரபு தெரிவிக்கிறது.
2. ஒரே விதமான கணக்கியல் கொளகைகள் பின்பற்றப்பட்டால் தான் வெவ்வேறு ஆண்டுகளின் முடிவுகளை ஒப்பீடு செய்ய முடியும்.
3. உதாரணமாக, ஒரு நிறுவனம், நிலைச்சொத்து வாகியதிலிருந்தே நேர்கோட்டு தேய்மான முறையைப் பின்பற்றினால், தொடர்ச்சியாக அதையே பின்பற்ற வேண்டும்.இருப்பினும், இதனை மாற்றம் செய்யவே முடியாது எனப் பொருள் கொள்ள இயலாது.
பின்வரும் சூழ்நிலைகளில் கணக்கியல் கொள்கைகளில் மாற்றங்களை உருவாக்கலாம்.
1. சட்டத் தேவையைப் பூர்த்தி செய்ய.
2. கணக்கியல் தர நிர்ணயங்களுக்கு இணங்க
3. வணிகத்தின் உண்மையான மற்றும் நேர்மையான நிலையைப் பிரதிபலிக்க.

1. இந்த கருத்தின்படி வணிக நிறுவனம், முதல் இருக்கின்ற உரிமையாளர் அல்லது உரிமையாளர்களிடமிருந்து தனித்து மற்றும் வேறுபட்டுள்ளதாக கருதப்படுகிறது.
2. இக்கருத்தின் அடிப்படையில் கணக்குகள், உரிமையாளரின் கண்ணோட்டத்தில் இல்லாமல் வபாணிக நிறுவனத்தின் கண்ணோட்டத்தில் தயாரிக்கப்படுகின்றன.ஆதலால் உரிமையாளரின் முதல், நிறுவனம் செலுத்த வேண்டிய ஒரு பொறுப்பாகும்.
3. இந்த கருத்தின்படி கணக்கு ஏடுகளில், வணிக நடவடிக்கைகள் மட்டுமே பதிவு செய்யப்படுகின்றன.உரிமையாளரின் தனிப்பட்ட நடவடிக்கைகள் பதிவு செய்யப்படுவதில்லை. ஆனால் வணிகத்தில் அவர் பங்களித்த முதல், மற்றும் சொந்த உபயோகத்திற்கு வணிகத்திலிருந்து எடுத்த ரொக்கம் போன்ற நடவடிக்கைகள் கணக்கேடுகளில் பதிவு செய்யப்பட வேண்டும்.

கணக்கியலின் நோக்கங்கள் பின்வருமாறு:
நிதி நடவடிக்கைகள் மற்றும் நிகழ்வுகள் குறித்த முறையான பதிவேடுகளை வைத்திருத்தல்.
வணிக நிறுவனத்தின் இலாபம் அல்லது நட்டத்தை கண்டறிதல்.
வணிக நிறுவனத்தின் நிதி நிலையை அறிதல்.
பல்வேறு பயனீட்டாளர்களின் தேவைக்கேற்ப தகவல்களை வழங்குதல்.
நிறுவனத்தின் கடன் தீர்க்கும் திறன் மற்றும் நீர்மைத் தன்மையை அறிதல்.