மளிகை கடை தனியாள் வணிகத்திற்கு பொருந்தும் ஏனென்றால் மளிகை கடை குறைந்த முதல் போதுமானது. தொடர்ந்த சட்டசிக்கல் ஏதுமில்லை. சிற்றளவு வியாபாரம் ஆகும்.

கூட்டுருவாக்கம் பெற்ற நிறுவனங்கள் கூட்டுப்பங்கு நிறுமம், கூட்டுறவுச் சங்கம்.

தனியாள் வணிகம் என்பது வியாபார அலகின் ஒரு வகையாகும். அதில் ஒரு நபர் தனது சொந்த பொறுப்பில் மூலதனத்தை ஏற்படுத்தி நிறுவனத்தின் இடர்பாடுகளையும் ஏற்றுக்கொண்டு வியாபாரத்தை மேலாண்மை செய்வதாகும்.

(i) தனிநபர் உரிமை : இது தனி நபரால் நடத்தக்  கூடிய அமைப்பாகும். தனியாள் வணிகர் ஒருவரே தேவையான மூலதனத்தை செலுத்துகிறார். தனியாள் வணிகத்தில் அவர் ஒருவரே உரிமையாளராக செயல்படுகிறார்.
(ii) தலையீடற்ற செயல்பாடு மற்றும் விரைவான முடிவு: தனியாள் வணிகர் தனது வியாபாரத்தில் தலையீடின்றிச் செயல்படுகிறார். அதனால் அவர் வணிகம் சார்ந்த முடிவுகளை விரைவாக எடுக்கிறார்.
(iii) குறைந்த மூலதனம்: தனியாள் வணிகத்தில் அவர் குறைந்த முதலீடு செய்தால் போதுமானது. தொழிலை தொடங்கலாம்.

தனியாள் வணிகத்தில் அவர் ஒருவரே உரிமையாளராதலால் தனது தொழில் பற்றி ரகசியங்களை எளிதாக காப்பாற்றலாம்.

(i) அளவான முதல் : தனியாள் வணிகரின் மூலதனம் வரையறுக்கப்பட்டது. ஆகவே அவரின் வியாபார நடவடிக்கைகளின் ஓர் எல்லையைத் தாண்டி செல்ல வாய்ப்புக் குறைவு. அவரின் கடன் பெரும் திறனும் குறைவாகவே இருப்பதாலும் மற்றும் அதிகமாக மூலதனம் தேவைப்படும் தொழிலைத் துவக்க முடியாமையும் குறைபாடுகளாக இருக்கின்றன.
(ii) வரையறுக்கப்பட்ட மேலாண்மை திறன்: வியாபார நடவடிக்கைகள் அனைத்தும் தனி ஒரு மனிதரால் கட்டுப்படுத்தப்படுகிறது. அவரின் அறிவும் திறமையும் ஒரு குறிப்பிட்ட அளவிற்கு மேல் வியாபார நடவடிக்கையில் செலுத்த வேண்டி இருப்பதால் அதிகப்படியான மன அழுத்தம் ஏற்படுவதுடன் தவறான முடிவெடுக்க ஏதுவாகிறது. வரையறுக்கப்பட்ட மேலாண்மைத் திறமையே அவரின் வியாபாரத்தை விரிவாக்கம் செய்வதை தடை செய்கிறது.
(iii) வரையறாப் பொறுப்பு : வியாபாரத்தின் உரிமையாளரின் பொறுப்பு என்பது வரையறுக்கப்படாதது. கடனீந்தோர்கள் தமது கடன்களைத்  தனியாள் வணிகரின் சொந்தத் சொத்துக்களிலிருந்து சரிக்கட்டிக் கொள்ள வாய்ப்பு இருப்பதால், தனிநபரின் பொறுப்பு வரையறாப் பொறுப்பாக உள்ளது .
(iv) சிறப்பு தேர்ச்சியின்மை: தனியாள் வணிக அமைப்பு சிறிய அளவில் இருப்பதால் அதன் நிதி ஆதாரம் வரையறுக்கப்பட்டது. பல்வேறு துறைகளில் தேர்ச்சி பெற்றவர்களையும் பணியமர்த்த போதிய பொருளாதார வளம் இல்லாத காரணத்தினால் அதிக நன்மைகளை பெய இயலாது. அவர் ஒருவரே உற்பத்தி, சந்தையிடுதல், கணக்குப்பதிவியல், கடிதத் தொடர்பு போன்ற பணிகளை ஒருவரே கையாள முடியாது.
(v) அவசர முடிவு: அவசர முடிவுகள் நிறுவனத்திற்கு நன்மை பயப்பதாக இருந்தாலும் சில நேரங்களில் வியாபாரத்தை அழிவுப் பாதைக்குச் செல்ல வழி வகுத்துவிடும். அவசரக்காரனுக்குப் புத்தி மட்டு என்ற பழமொழிக்கு இணங்க இச்செயலும் இருக்கும்.   

(i) தனி நபர் உரிமை: இது தனி நபரால் நடத்தக் கூடிய அமைப்பாகும். தனியாள் வணிகர் ஒருவரே தேவையான மூலதனத்தைச் செலுத்துகிறார். தனியாள் வணிகத்தில் அவர் ஒருவரே உரிமையாளராக இல்லாவிட்டாலும் அதன் அமைப்பு முழுவதையும் அவரே கட்டுப்படுத்துகிறார்.
(ii) தலையீடற்ற செயல்பாடு மற்றும் விரைவான முடிவு: தனியாள் வணிகர் தனது வியாபாரத்தில் தலையீடின்றிச் செயல்படுகிறார். தனி உரிமையாளர் உடனடியாகவும் முடிவு எடுக்கிறார்.
(iii) வரையறாப் பொறுப்பு: தனியார் வணிகரின் பொறுப்பு வரையறுக்கப்படாதது. அதன் விளைவாக அவரது வியாபாரக் கடன்களை செலுத்த தொழிலின் சொத்துக்கள் போதுமானதாக இல்லையென்றால் தான் சொந்த சொத்துக்களை பறிமுதல் செய்ய கடனீந்தோருக்கு உரிமை உண்டு.
(iv) முழு இலாபத்தையும் அனுபவித்தல்: அந்நிறுவனத்தின் முழு இலாபத்தையும் அனுபவிக்கும் உரிமை தனியாள் வணிகருக்கு உண்டு. தனது கடின உழைப்பின் மூலம் ஈட்டிய இலாபத்தின் உந்துதலால் அவர் தனது வணிகத்தை மேலும் விரிவாக்கம் செய்கிறார்.
(v) அரசின் விதிமுறைகள் பின்பற்றாமை: தனியாள் வணிகர் அரசின் விதிமுறைகளின்படி குறுக்கீடு இன்றிச் செயல்படுகிறார். இவ்வமைப்பை உருவாக்குவதிலோ, மேலாண்மை செய்வதிலோ அல்லது கலைப்பதிலோ, அரசின் விதிமுறைகள் பின்பற்ற வேண்டிய கட்டாயம் இல்லை.
(vi) குறைந்த மூலதனம் மற்றும் வரையறுக்கப்பட்ட மேலாண்மை திறன்: தனியாள் வணிகர் தனி ஒருவரே மூலதனம் வழங்குவதால் அது சிறிய அளவிலேயே இருக்கும். அதனால் நிதித்தடை ஏற்பட்ட வாய்ப்புகள் அதிகம். தனி உரிமையாளரின் மேலாண்மை திறன் குட குறைவாக இருக்கும் சூழ்நிலையில் நிறுவன விரிவாக்கம் பாதிக்கப்படலாம்.
(vii) தனி நிறுவனங்களின் நீடித்த வாழ்வு: தனியாள் வணிகத்திற்கு நீடித்த வாழ்வு கிடையாது. அவரின் இறப்பு, வியாபாரம் செய்யும் திறனை இழத்தல், வாரிசுயின்மை இவையே வணிகத்தை முடிவுக்கு கொண்டு வரும்.
(viii) வியாபாரம் இரகசியம் காத்தல் : தனியாள் வணிகத்தில் அவர் ஒருவரே உரிமையாளராதலால் தனது தொழில் பற்றிய இரகசியத்தை எளிதாக காப்பாற்றலாம்.