EPROM-ல் தகவல்களை புற ஊதா ஒளி மூலம் அழிக்கப்படுகிறது.

நிரலில் அடுத்து செயற்படுத்த வேண்டிய கட்டளையின் முகவரியை மையச்செயலகத்தில் சேமித்து வைக்கப்பயன்படும். ஒரு சிறப்பு பதிவேடு நிரல் கவுண்ட்டர் (Program Counter) எனப்படும்.மையச்செயலகத்திலுள்ள கணித ஏரணச் செயலகம் செயற்படுத்த வேண்டிய நினைவக முகவரியை நினைவக முகவரி பதிவேட்டில் (Program Counter) சேமித்து வைக்கும்.

ஒரு நுண்செயலின் செயல்பாடு, கீழ்காணும் அதன் பண்பியல்புகளை அடிப்படையாக கொண்டது:
1. கடிகார வேகம் (Clock Speed)
2. கட்டளை தொகுப்பு (Instruction Set)
3. வேர்டு அளவு (Word Size)

(i) கணிப்பொறி அமைப்பு என்பது கணினியின் வன்பொருள் கூறுகளை உள்ளடக்கியது. இதில் உள்ளீட்டு / வெளியீட்டு சாதனங்கள், மையச் செயலகம் (CPU), சேமிப்பு சாதனங்கள் மற்றும் முதன்மை நினைவகம் ஆகியவை அடங்கும்.
(ii) இது கணினியின் பல்வேறு பாகங்களை எப்படி செயல்படுத்துகிறது என்பதைப் பொறுத்தது. இது ஒரு கணினியின் அனைத்து வன்சாதனங்களும் எவ்வாறு வேலை செய்கிறது என்பது பற்றியும், மேலும் பல்வேறு பாகங்களின் இணைப்பு பற்றியும் விளக்குகிறது.
(iii) கணினியின் கட்டமைப்பு என்பதும் கணிப்பொறியின் அமைப்பு என்பதும் ஒன்றே. ஆனால் கணிப்பொறியை வடிவமைப்பதில் ஈடுபட்டிருக்கும் பொறியியல் கருதுகோளுடன் கணினி கட்டமைப்பு உள்ளடக்கியது. அதே நேரத்தில் கணினி அமைப்பானது, நிரலருக்கு வன்பொருள் கூறுகளை வெளிப்படையாக விளக்குகிறது.

1. படிக்க மட்டும் நினைவகம் (ROM):
(i) படிக்க மட்டும் நினைவகம் (ROM) கணிப்பொறியின் ஒரு சிறப்பு நினைவகம். இது உருவாக்கபப்டும் போதே, தரவுகள் பதிவு செய்யபப்ட்டு விடுவதால் அதில் மாற்றம் செய்ய முடியாது.
(ii) ROMல் கணினியை துவங்குவதற்கான மிக முக்கிய நிரல்கள் சேமிக்கப்படும்.
(iii) ஒரு முறைத் தரவுகளை இதில் எழுதிவிட்டால் அதை மாற்றவோ அல்லது அழிக்கவோ முடியாது. ஆனால் படிக்க மட்டும் முடியும்.
(iv) ROM உள்ளடக்கம் மின்சாரம் நிறுத்தப்பட்டாலும் அழிவதில்லை. இதனால் ROM அழியா நினைவகம் என்று அழைக்கப்படுகிறது.
2. நிரலாக்கு படிக்க மட்டும் நினைவகம் (Programmable Read-Only Memory -PROM):
(i) நிரலாக்கு படிக்க மட்டும் நினைவகம், ஒரு அழியா நினைவகம் ஆகும். இதில் தரவுகளை ஒருமுறை மட்டும் எழுத முடியும்.
(ii) PROM-ல் ஒரு முறை நிரல்களை எழுதிவிட்டால் எப்பொழுதும் அழியாமலிருக்கும். கணினியின் செயல்பாடு நிறுத்தப்பட்டாலும், PROM-ன் உள்ளடக்கம் அழியாமல் இருக்கும்.
(iii) PROM தயாரிக்கப்படும் பொழுது ஒரு காலி நினைவகமாக தயாரிக்கப்படும். ஆனால் PROM ல் நிரலருக்கு தேவைப்படும் பொழுது நிரல்களை PROM Burner என்ற மென்பொருளை பயன்படுத்தி எழுதப்படுகின்றது. இந்த வகையான PROM-ன் நிரலாக்கம் PROM-ல் எழுதுதல் என்றழைக்கப்படும்.
3. நிரலாக்கு அழிக்கக் கூடிய நிரலாக்கு படிக்க மட்டும் நினைவகம் (EPROM) Erasable Programmable Read-Only Memory:
(i) அழிக்கக் கூடிய நிரலாக்கு படிக்க மட்டும் நினைவகம், ஒரு PROM வகையான சிறப்பு நினைவகம் ஆகும்.
(ii) EPROM-ல் தகவல்கள் புற ஊதா ஒளி செலுத்தும் வரை சேமித்து வைக்கப்படுகின்றன. புற ஊதா ஒளியை செலுத்தி EPROM-ன் உள்ளடக்கத்தை மாற்றி, மேம்படுத்தி அல்லது நீக்க வேண்டியவற்றை அழிக்க முடியும்.
4. மின்சாரத்தால் அழிக்கும் மற்றும் நிரலாக்கு படிக்க மட்டும் நினைவகம் (EEPROM) Electrically Erasable Programmable Read-Only Memory:
(i) ஒரு சிறப்பு PROM வகையை சார்ந்த நினைவகம் ஆகும்.
(ii) இதில் உள்ளத் தரவுகளை மின்சாரத்தைச் செலுத்தியே அழிக்கலாம். மற்றும் PROM வகையைப் போலவே மின்சாரம் தரவுகள் அழியாது.
(iii) மற்ற வகைகளை ஒப்பிட்டால் EEPROM ஒரு மெதுவாக இயங்கும் நினைவகம் ஆகும்.

1. மையச் செயலகம் (CPU), தரவு நினைவகப் பதிவேடுகளையும் (MDR) மற்றும் நினைவக முகவரி பதிவேடுகளையும் கொண்டுள்ளது.
2. நினைவகத்திற்கு மற்றும் செயலகத்திற்கு இடையே தேவையானத் தரவைத் தரவு நினைவகப் பதிவேடுகள் தேக்கி வைக்கும்.
3. நினைவக முகவரி பாட்டை -நினைவக இடத்தைக் குறிக்கப் பயன்படுகிறது.
4. தரவுப் பாட்டை -தரவை மையச் செயலகத்திற்கும் நினைவகத்திற்கும் கொண்டு செல்ல உதவும்.
5. கட்டுப்பாட்டு பாட்டை-படிக்க மற்றும் எழுதும் செயலைக் கட்டுப்படுத்தும்.
6. படிக்கும் செயல் நினைவகத்திலிருந்து தரவை எடுத்து MDRக்கு கொண்டு செல்லும்.
7. ஒரே ஒரு கட்டுப்பாட்டு இணை 0 மற்றும் 1 மதிப்புகளை ஏற்று படித்தல்/எழுதுதல் வேலைகளைச் செய்யும்.
8. எழுதுதல் செயல் தரவை MDR-ல் இருந்து நினைவகத்திற்கு கொண்டு செல்லும்.

9. RAMல் உள்ள வேர்டின் அளவும், நினைவகத் தரவு பதிவேட்டின் அளவும் ஒன்றாகும்.
10. நினைவக தரவு பதிவேட்டின் அளவு 8 பிட்டாக இருந்தால் நினைவகத்தில் இதை 8-பிட் அளவிலான ஒரு வேர்டுடன் இணைக்கலாம்.
11. நினைவகத் தரவு பதிவேட்டிலிருந்து ஒரு வேர்டிற்கும் அல்லது வேர்டில் இருந்து நினைவக தரவு பதிவேட்டிற்கும் தரவு பரிமாற்றம் செய்ய தரவுப் பாட்டை 8 இணைக் கம்பிகள் கொண்ட கட்டுப்பாட்டின் (படிக்க அல்லது எழுத) அடிப்படையாகச் செயல்படுகிறது.
12. இந்தக் கட்டளை சமிக   சமிக்னை R/W என்று பெயரிடப்பட்டிருக்கும். இதில் 1 என்றால் படிப்பதற்கும் 0 என்றல் எழுதுவதற்கும் உரிய செயல்பாட்டைக் குறிக்கும்.