இயக்க அமைப்பு (Operating system)ஒரு அமைப்பு மென்பொருள் (System Software)ஆகும். இது வன்பொருட்களை, மற்ற மென்பொருட்களுடன் தொடர்பு கொள்ளவும், இயக்கவும் வகை செய்கிறது .மேலும், பயனரையும், வன்பொருட்களையும் இணைக்கும் இடைமுகமாகவும். கணிப்பொறியின் அனைத்து இயக்கங்களைக் கட்டுப்படுத்தவும் பயன்படுகிறது.

இயங்கும் கணிப்பொறியில் நம்முடைய பணி முடிந்தவுடன்,மேல் குழுவின் வலது ஓரத்திலுள்ள அமர்வு குறிப்பானில் உள்ள வெளியேறுதல் (Logout) இடைநிறுத்தம் (Suspend)அல்லது மூடுதல் (Shut Down) போன்ற ஏதேனும் ஒன்றைத் தேர்ந்தெடுத்து அதிலிருந்து வெளியேற வேண்டும்.

1. திறந்த மூல நிரல் அனைத்துப் பயனரும் பயன்படுத்த வசதியாக வலைதள சமூகத்தில் விலையில்லாமல் கிடைக்கும்.
2. ஒரு திறந்த மூல நிரல் பொதுவாக பல நிரலர்களின் கூட்டு முயற்சியால் உருவாக்கப்பட்டு. தொடர்ந்து பலராலும் மேம்படுத்தப்பட்டு அனைத்து பயனரும் பயன்படுத்த பகிரப்படுகிறது. 

1.முதன் முதலாக ஒரு கோப்பினை சேமிக்கும் போது 'Save' அல்லது 'Save As'. இதில் எதைத் தேர்வு செய்தாலும் 'Save As'. உரையாடல் பெட்டி தோன்றும்.அதில் கோப்பின் பெயர்,வடிவம்,மற்றும் எங்கு சேமிக்க வேண்டும் என்பதைக் கொடுத்து சேமிக்கலாம்.
2. ஒரு முறைக் கோப்பினைக் குறிப்பிட்ட பெயரில் சேமித்த பின்,'Save' என்றத் தேர்வைப் பயன்படுத்தினால் மாற்றங்கள் நடப்புக் கோப்பில் சேமிக்கப்படும்.மேலும் தொடர்ந்து அக்கோப்பில் வேலை செய்யலாம்.
3. அனால் 'Save As' தேர்வைப் பயன்படுத்தினால் மீண்டும் 'Save As' உரையாடல் பெட்டி தோன்றும் அதில் கோப்பிற்கு வேறொரு பெயர், வடிவம் மற்றும் எங்கு சேமிக்க வேண்டும் என்பதைக் கொடுத்து,கோப்பினை நகலெடுத்துக் கொள்ளலாம்.

1. கோப்பு விரிவாக்கம் என்பது கோப்பின் வகையைக் கண்டறியப் பயன்படும் கோப்புப் பெயரின் ஒரு பகுதியாகும்.
2.கோப்பின் விரிவாக்கம் முக்கியமானதாகும். ஏனெனில் அவை கோப்பினைக் குறிக்க எந்தப் பணிக்குறியைப் பயன்படுத்துவது மற்றும் எந்தப் பயன்பாடு அந்தக் கோப்பைத் திறக்கமுடியும் என்பதைக் கணிப்பொறிக்கு அறிவிக்கின்றன.
எ.கா :doc என்ற விரிவாக்கம். கோப்பானது Microsoft word என்றப் பயன்பாட்டின் கோப்பு என்பதைத் தெரிவிக்கிறது.

1. உபுண்டு முகப்புத்திரையில் இடது புறத்தில் சில பணிக்குறியுடன் உள்ள ஒரு செங்குத்து பெட்டியை லான்ச்சர் (Launcher) எனப்படும்.
2. கணிப்பொறிப் பயன்பாடுகளையும் (Applications),இணைக்கப்பட்ட சாதனங்களையும் மற்றும் மறுசுழற்சி (Trash) போன்றவற்றை எளிதாக இயக்கும் வசதியை லான்ச்சர் வழங்குகிறது.
3. நமது கணிப்பொறியின் அனைத்து நடப்புட் பயன்பாடுகளின் பணிக்குறிகளை லான்ச்சர் கொண்டிருக்கும்.

1. உபுண்டு இயக்க அமைப்பு,லினக்ஸ் இயக்க அமைப்பின் அடிப்படையில் அமைந்ததாகும்.
2. இது கணிப்பொறி, வலையமைப்பு சேவையகம், ஸ்மார்ட் கைபேசிக்காக உருவாக்கப்பட்ட ஒரு இயக்க அமைப்பாகும்.
3. இந்த இயக்க அமைப்பை U.K நிறுவனமான, கானோனிக்கல் லிமிட் (Canonical Ltd.,) உருவாக்கியது. 

1.பயன்பாட்டு சன்னல் திரை:
1. தகவல்களை திரையிடுவதற்கான, வரையறுக்கப்பட்ட எல்லைகளைக் கொண்ட கணிப்பொறித் திரையின் பகுதி."பயன்பாட்டு சன்னல்திரை"எனப்படும்.
2. சன்னல் திரைகளை சிறிதாக்கி (Minimize),பெரிதாக்கி (Maximize),அருகருகே வைத்தல் (side by side),ஒன்றன் மீது ஒன்றாக வைத்தல் (Overlap) போன்ற செயல்களைக் செய்ய முடியும்.
3. ஒரு பயன்பாட்டு சன்னல் திரை என்பது திறக்கப்பட்டுள்ள ஒரு பயன்பாடு. அதாவது Word, Paint போன்ற இயங்கும் பயன்பாடுகளை குறிக்கும். இரண்டுக்கும் மேற்பட்ட சன்னல்கள் திறந்திருக்கும் போது அதனுள் ஒன்று மட்டுமே செயலில் இருக்கும்.
2.ஆவண சன்னல் திரை:
ஒரு ஆவணத்தின் உள்ளடக்கத்தைக் காட்டும் சன்னல் திரை "ஆவண சன்னல் திரை" எனப்படும்.

1.Cortana என்பது குரல் செயலியாக்க தனி உதவியாளர் வசதியாகும்.இது Windows 10 இயக்க அமைப்பு பதிப்பின் முக்கியப் பகுதியாகும்.
2. இது வலைதள தேடல் மற்றும் தொடக்கப்பட்டி விண்டோஸ் தேடல் போன்ற இரு வேலைகளைச் செய்கிறது.
3.மேலும் குரல் மூலம் தேடல் செய்யும் திறன் பெற்றது.

இயக்கிகளின் (drives) பிரிவு என்பது வன்வட்டினை எத்தனை தருக்க வட்டுகளாகப் பிரிக்கின்றோம் என்பதைக் கணிப்பொறிக்குத் தெரியப்படுத்தும் ஒரு வழியாகும்.வன்வட்டினை பல பிரிவுகளாகப் பிரிக்கும் போது. ஒவ்வொரு பிரிவையும் தனித்தனியான இயக்கியாக (drive) கருதவேண்டும் என்பதை நாம் தெரியப்படுத்துகிறோம். தானமைவாக 'C:' எனப் பெயரிடப்பட்ட ஒரு பிரிவு இருக்கும்.