சங்க காலத்தவர் குடும்பம், அரசு, சமூகம் என்ற மூன்று நிலைகளிலும் சிறப்பினைப் பெறக் கல்வி தேவை என்பதனை உணர்ந்து கற்றனர்.

கல்வி, மருந்து, உணவு, அடைக்கலம்‌ ஆகிய நான்கு கொடைகளும்‌ சமண சமயத்தின்‌ தலையாய அறங்களாகும்‌.

கற்பவர்‌ மனத்தில்‌ ஆழப்‌ புதைந்துள்ள சிந்தனைகளைத்‌ தோண்டி வெளிக்கொணர்வதே, கல்வியின்‌ நோக்கமாகும்‌.

(i) கல்வி கற்பிக்கும்‌ இடங்களைப்‌ பெரிய திருமொழி பள்ளி எனக்‌ குறித்தது.
(ii) திவாகர நிகண்டு ஒதும்‌ பள்ளி எனக்‌ குறித்தது.
(iii) சீவகசிந்தாமணி கல்லூரி எனக்‌ குறித்தது.

(i) குருகுலக்‌ கல்வி முறையில்‌, மாணவர்கள்‌ ஆசிரியரை அணுகி, அவருடன்‌ பல ஆண்டுக்காலம்‌ தங்குவர்‌.
(ii) அவருக்குத்‌ தேவைப்படும்‌ பணிகளைச்‌ செய்து கல்வி கற்றனர்‌.
(iii) செய்து கற்றல்‌, வாழ்ந்து கற்றல்‌, எளிமையாய்‌ வாழ்தல்‌ ஆகியவற்றின்‌ அடிப்படையில்‌ இக்கல்விமுறை அமைந்திருந்தது.

(i) திருவாவடுதுறை ஆதீன மடத்தில்‌ தலைமைப்புலவராய்‌ விளங்கியவர்‌, மகாவித்துவான்‌ மீனாட்சிசுந்தரம்‌ பிள்ளை ஆவார்‌. இவரிடத்தில்‌ தமிழ்த்தாத்தா உ.வே.சாமிநாதர்‌ பாடம்‌ பயின்றார்‌.
(ii) இம்முறை, தனி நிலையில்‌ புலவர்களிடத்துக்‌ கற்கும்‌ உயர்நிலைக்‌ கல்விமுறை என்னும்‌ வகைமைக்கு அடங்கும்

(i) சங்க காலத்தில்‌ தமிழகம்‌ பெற்றிருந்த சுதந்தரத்தினால்‌ தமிழ்‌, ஆட்சிமொழியாகவும்‌ பயிற்று மொழியாகவும்‌ இலக்கிய மொழியாகவும்‌ விளங்கியது.
(ii) மேலும்‌, சமயம்‌, வாணிகம்‌ போன்ற எல்லாத்‌ துறைகளிலும்‌ பொது மொழியாகவும்‌ விளங்கியது எனத்‌ தமிழின்‌ நிலை குறித்து இராசமாணிக்கனார்‌ கூறுகிறார்‌.

பெளத்தக்கல்வி
(i) பெளத்தப்‌ பள்ளிகள்‌ போன்ற அமைப்புகள்‌ சங்க காலத்திலும்‌ சங்கம்‌ மருவிய காலத்திலும்‌ கற்பித்தல்‌ பணியைத்‌ தமிழகத்தில்‌ செய்து வந்துள்ளன.
(ii) தமிழர்கள்‌ இன்று பரவலாக ஏற்றுக்கொண்டிருக்கும்‌ பட்டிமண்டபம்‌ என்ற கலைவடிவம்‌ 'சமயத்‌ துறையிலிருந்து தோன்றியது.
(iii) காஞ்சிபுரத்திலுள்ள பெளத்தப்‌ பல்கலைக்‌ கழகத்திற்கு வந்த சீனப்பயணி யுவான்சுவாங்‌ அங்குத்‌ தங்கிச்‌ சிறப்புரை ஆற்றியிருக்கிறார்‌.
சமணக்கல்வி
(i) சமணசமயத்தைச்‌ சார்ந்த திகம்பரத்துறவிகள்‌ மலைக்குகைகளைத்‌ தங்கள்‌ தங்குமிடமாய்க்‌ கொண்டனர்‌. அங்கு, கற்பதற்கு முன்வந்த மாணவர்களுக்குத்‌ துறவியர்‌ கல்வியையும்‌, சமயக்‌ கருத்துகளையும்‌ போதித்தனர்‌.
(ii) சமணர்களின்‌ படுக்கைகளின்மீது அமர்ந்து மாணவர்‌ கற்றதால்‌ 'பள்ளிக்கூடம்‌' என வழங்கப்பட்டது.
(iii) வந்தவாசிக்கு அருகிலுள்ள வேடல்‌ என்ற ஊரிலிருந்த சமணப்பள்ளியில்‌ பெண்‌ சமண ஆசிரியர்‌ இருந்தார்‌. பெண்களுக்கெனத்‌ தனியாய்க்‌ கல்வி கற்பிக்கப்பட்டது. அச்சமணப்பள்ளிகள்‌ பெண்‌ பள்ளிகள்‌ என வழங்கப்பட்டன.
மரபுவழிக்கல்வி
(i) மரபுவழிக்கல்வி முறைகளுள்‌ ஒன்று, குருகுலக்‌ கல்விமுறை. இது செய்துகற்றல்‌, வாழ்ந்து கற்றல்‌, எளிமையாய்‌ வாழ்தல்‌ என்னும்‌ அடிப்படையில்‌ அமைந்தது.
(ii) இம்முறை, போதனா முறையைத்‌ தாண்டி, வாழ்வியலைக்‌ கட்டமைப்பதில்‌ உறுதியானதாய்‌ விளங்கியது.
மற்றொரு மரபுவழிக்‌ கல்வி முறை, திண்ணைப்‌ பள்ளிகள்‌ ஆகும்‌. கிராமந்தோறும்‌ திண்ணைப்பள்ளி இருந்தது.
(iii) திண்ணைப்பள்ளிக்கூட ஆசிரியர்களைக்‌ “கணக்காயர்கள்‌” என்று வழங்கினர்‌.
(iv) இன்னொரு மரபுவழிக்கல்வி, உயர்நிலைக்‌ கல்விமுறையாகும்‌. இம்முறைப்படி உயர்நிலைக்‌ கல்வியைப்‌ புலவர்களிடம்‌ தனிப்பட்ட முறையில்‌ கற்றுத்‌ தேர்வதாகும்‌.
(v) இவ்வாறு பலவகைக்‌ கல்வி முறைகளால்‌ தமிழகம்‌ கல்வியின்‌ பல நிலைகளில்‌ சிறப்புற்று விளங்கியது.