அழுத்தமுறா திரவங்களில் செயல்படும் புறவிசையானது, திரவங்களின் அனைத்துத் திசைகளிலும் சீராகக் கடத்தப்படும் என்று பாஸ்கல் விதி கூறுகிறது. 

வளிமண்டலத்தில் உள்ள காற்றானது இடத்தை அடைத்துக் கொள்ளும். மேலும் அதற்கு எடை உள்ளது என்பதால் காற்றின் அழுத்தத்தை ஏற்படுத்தும் அழுத்தம் வளிமண்டல அழுத்தம் எனப்படுகிறது.

காற்றை விட ஹீலியம் அடர்த்தி குறைவாக உள்ளதாலும் ஹீலியமானது அதிக மிதப்பு விசையை பெற்றுள்ளதாலும் ஹீலியம் பலூன் காற்றில் மிதக்கிறது.

திரவம் ஏற்படடுத்தும் அழுத்தமானது கீழ்க்கண்ட காரணிகளால் நிர்ணயிக்கப்படுகிறது.
i) ஆழம் (h)  
ii) திரவத்தின் அடர்த்தி (\(\rho\)) 
iii) புவியீர்ப்பு முடுக்கம் (g)

1. பாய்மம் ஒன்றின் மீது மிதக்கும் பொருளொன்றின் எடையானது, அப்பொருளினால் வெளியேற்றப்பட்ட பாய்மத்தின் எடைக்குச் சமமாகும்.
2. (i) மிதக்கும் பொருளின் ஈர்ப்பு மையமும் மிதப்புவிசையின் மையமும் ஒரே நேர்கோட்டில் அமையும்.
(ii) மிதப்புவிசை செயல்படும் புள்ளியே மிதப்பு விசை மையம் எனப்படுகிறது.

வளிமண்டல அழுத்தத்தை அளக்க காற்றழுத்தமானி என்னும் கருவி பயன்படுகிறது. இத்தாலிய இயற்பியலாளர், டாரிசெல்லி என்பவர் முதன்முதலாக பாதரச காற்றழுத்தமானியை உருவாக்கினார். ஒரு முனை திறந்தும் ஓர் முனை மூடியும் உள்ள நீண்ட கண்ணாடிக்கு குழாயில் பாதரசம் நிரப்பப்பட்டு தலைகீழாக ஒரு கொள்கலனில் வைக்கப்பட்ட ஒரு அமைப்பை இது கொண்டுள்ளது. தலைகீழாகக் கவிழ்க்கும் போது, திறந்திருக்கும் முனையை கட்டை விரலால் மூடி, பாதரசம் உள்ள கொள்கலனில் கவிழ்க்க வேண்டும். காற்றழுத்தமானியில் உள்ள பாதரசம் வெளியில் உள்ள காற்றின் அழுத்தத்தை சமன்செய்து இயங்குகிறது. காற்றின் அழுத்தம் அதிகரிக்கும் போது, கொள்கலனில் உள்ள பாதரசம் கண்ணாடிக் குழாயினுள் தள்ளப்படுகிறது. காற்றின் அழுத்தம் குறையும் போது, குழாயினுள் உள்ள பாதரசம் வெளியேற்றப்படுகிறது. குழாயின் மூடிய முனைக்கு உள்ளே உள்ள பாதரசத்திற்கும் இடையே காற்று இல்லாமல் வெற்றிடமாக உள்ளது. வெற்றிடம் எந்த அழுத்தத்தையும் ஏற்படுத்த இயலாது. ஆகையால் குழாயில் உள்ள பாதரசம் வளிமண்டலத்தின் அழுத்தத்தைத் துல்லியமாக வழங்குகிறது. இக்கருவியை ஆய்வகத்திலோ அல்லது வானிலை மையத்திலோ பயன்படுத்தலாம்.

மரக்கட்டையின் எடை = 100 கி
மிதக்கும் பொருளின் மேல் நோக்கு விசையானது மிதக்கும் பொருளின் எடைக்கு சமமானது. எனவே அதன் மேல் நோக்கு விசையானது =100 கிராம்
எனவே அதன் தோற்ற எடை = 0
(மிதக்கும் பொருளின் எடை - மிதக்கும் பொருளின் மேல்நோக்கு விசை)
= 100 - 100
= 0 கிராம்

நீரின் அடர்த்தி S.I அலகில் =1 கி செ.மீ³
அடர்த்தியில் S.I அலகில் = ?
1 கி = 1000 கி.கி/மீ³
1 செ.மீ³ = 1 \(\times\) 10^-6 மீ³
1 கி செ.மீ³ = \(\frac{10^{-3}}{10^{-6}}\)= கி.கி/மீ³ = 1000 கி.கி/மீ³
அடர்த்தி S.I அலகில் =1000 கி.கி/மீ³

பாதரசத்தின் அடர்த்தி = 13600 கிகி/மீ³

=\(\frac { 13600 }{ 1000 } \)
= 13.6

படகின் அடியில் துளை இருப்பதால் அதிக அளவு நீர் படகினுள் சென்றுவிடும். என வே படகானது அதிக எடையுடன் காணப்படும். எனவே படகு மூழ்கத் தொடங்கும். படசின் அடிப்பகுதியில் உள்ள நீரின் அழுத்தம் வளிமண்டல அழுத்தத்தினை விட அதிகமாக இருப்பதால் படகு நீரினுள் மூழ்கி விடும்.

மீன்கள் மிதப்புத் தன்மையை சீராக வைத்துள்ளன. மீன்கள் தன் உடலில் உள்ள நீந்த தேவையான பை போன்ற அமைப்பு காணப்படுகிறது. இந்த பையானது எடையை குறைத்து மீன்கள் மேலே நீந்த உதவுகிறது. இந்த பையின் எடை அதிகரிக்கும் போது கீழே செல்கிறது. அதாவது இந்த பையில் காற்று அடைத்துக் கொண்டு நீர் பரப்பிற்கு வருகிறது. காற்றினை இடப்பெயர்ச்சி செய்தபின் நீரின் அடிப்பகுதிக்கு சென்று விடுகிறது. இவ்வாறு மீன்கள் நீரில் மேலும், கீழும் நீந்த முடிகிறது.