தனிம வரிசை அட்டவணையில் பண்புகள்
(i) எல்லா தனிமங்களும் அவற்றின் அதிகரிக்கும் அணு எண்ணிற்கு ஏற்றாற்போல் அமைக்கப்பட்டுள்ளன.
(ii) நவீன தனிம வரிசை அட்டவணையில் தனிமங்கள் கிடைமட்டமாக வரிசைப்படுத்தப்பட்ட அமைப்பு தொடர்கள் என அழைக்கப்படுகிறது. 7 தொடர்கள் உள்ளன.
(iii) தனிமங்கள் அவற்றின் அணுக்களில் உள்ள கூடுகளின் எண்ணிக்கைகளுக்கு ஏற்ப தொடர்களில் அமைக்கப்பட்டுள்ளன.
(iv) தனிம வரிசை அட்டவணையில் மேலிருந்து மற்றும் கீழாக உள்ள பத்தி தொகுதிகள் ஆகும். மொத்தம் 18 தொகுதிகள் உள்ளன.
(v) ஒவ்வொரு தொகுதியிலும் உள்ள தனிமங்களின் பண்பிற்கு ஏற்ப இவைகள் பல குடும்பங்களாக பிரிக்கப்பட்டுள்ளன.
(vi) மூன்றாம் தொகுதியில் வரும் லாந்தனைடுகளும், ஆக்டினைடுகளும் உள் இடைநிலைத் தனிமங்கள் என்று அழைக்கப்படுகின்றன. இவை அட்டவணையில் கீழ்தொகுதியில் தனியாக வைக்கப்பட்டுள்ளன.

1) பண்புகளில் அதிக வேறுபாடுள்ள தனிமங்களும் ஒரே தொகுதியில் வைக்கப்பட்டன. எ.கா.கடின உலோகங்களாகிய செம்பு, மற்றும் வெள்ளி மென் உலோகங்களாகிய சோடியம் மற்றும் பொட்டாசியத்தோடு ஒரே தொகுதியில் வைக்கப்பட்டன.
2) ஹைட்ரஜனுக்கு என்று ஒரு தனி இடம் கொடுக்க முடியவில்லை அலோகமாகிய ஹைட்ரஜன், லித்தியம், சோடியம் பொட்டாசியம் போன்ற மென் உலோகங்களோடு ஒரே தொகுதியில் வைக்கப்பட்டுள்ளது .
3) கூடிக்கொண்டே செல்லும் அணு நிறை எனும் விதியை சில வேளைகளில் கடைபிடிக்க முடிவதில்லை.
எ. கா : Co & Ni, Te & I 
4) ஐசோடோப்புகளுக்கு தனிப்பட்ட இடம் ஒதுக்கப்படவில்லை.

தனிம வரிசை அட்டவணையில் தனிமங்கள் கிடைமட்டமாக வரிசைப்படுத்தப்பட்ட அமைப்பு 'தொடர்கள்' என அழைக்கப்படுகிறது. மொத்தம் 7 தொடர்கள் உள்ளன. தனிம வரிசை அட்டவணையில் மேலிருந்து கீழாக செங்குத்தாக உள்ள பத்தி 'தொகுதிகள்'. தனிம வரிசை அட்டவணையில் 18 தொகுதிகள் உள்ளன.

தனிமங்களின் இயற்பியல் மற்றும் வேதியியல் பண்புகள் அவற்றின் அணு எண்களின் தனிம வரிசை செயல்பாடுகளாகும். இது நவீன ஆவர்த்தன விதி ஆகும்.