முதலில் இரும்புத்துகள்களை காந்தமுறையில் பிரித்தெடுக்கலாம். மேலும் மரத்தூள் மிதக்கும். நாப்தலீனை பதங்கமாக்கல் முறையில் தனித்தனியே பிரித்தெடுக்கலாம்.

R_f காரணி (பிடிமானக் காரணி) என்பது கரைபொருள் நகரும் தொலைவிற்கு, கரைப்பான் நகரும் தொலைவிற்கும் இடையேயான விகிதம் என வரையறுக்கப்படுகிறது.

(i) ஒருபடித்தான கலவை விளக்கம்:
சிறிதளவு உப்பை எடுத்து நீரில் கரைத்துவிட வேண்டும். நன்றாக உப்பு கரைந்து விடும். நம்மால் உப்பின் துகள்களை பார்க்க முடிவதில்லை. மேலும் சுத்தமான கரைசல் கிடைக்கிறது. எந்தந் துகள்களும் கரைசலின் அடியில் தங்குவதில்லை.
(ii) பலபடித்தான கலவை விளக்கம்:
சிறிதளவு சுண்ணாம்புத் துகளை நீரில் கரைக்கவும். கரைந்த பின் 10 நிமிடங்களுக்கு தனியாக வைத்துவிடவும். சுண்ணாம்புத் துகள்கள் கரைசலின் அடியில் தங்கியிருப்பதைக்காணலாம். மேலும் சுண்ணாம்பிற்கும் நீருக்கும் இடையே எல்லையைப் பார்க்க முடியும்.

ஆக்ஸிஜன் ஒரு தனிமம்.

ஸ்மைலி பந்தின் உட்புறம் நுண்துளைகள் கொண்ட பஞ்சு போன்ற பொருள் (foam) உள்ளது. பந்தை அழுத்தும்போது உள்ளே உள்ள காற்று வெளியேறுவதால் நம்மால் பந்தை அழுத்த முடிகிறது. அழுத்துவதை விட்டு விட்டால், வெளிக்காற்று வேகமாகப் பந்தின் துளைகளுக்குள் சென்று விடுகிறது. இதனால் பந்து தனது பழைய உருண்டை நிலையை மீண்டும் அடைகிறது.

வாயுக்களில் உள்ள துகள்கள் நெருக்கமின்றிக் காணப்படுகின்றன. இந்தத் துகள்களுக்கிடையே அதிக இடைவெளி காணப்படுகிறது. எனவே அழுத்தத்தை செலுத்தி வாயுத் துகள்களை நெருக்கமாக கொண்டுவர இயலும். வாயுக்களை எளிதில் அழுத்த முடியும். ஆனால் திண்மத்துகள்கள் ஒன்றோடொன்று நெருக்கமாக உள்ளதால் இவற்றை அழுத்தமுடிவதில்லை.

(i) பிரிபுனல் முறை:
ஒன்றாக கலவாத இரண்டு திரவங்களின் கலவை பிரிபுனல் மூலம் பிரிக்கப்படுகிறது. முதலில் உப்புக்கரைசலும் எண்ணெயும் சேர்ந்த கலவை பிரிபுனலில் ஊற்றப்படுகிறது. பின் நன்றாக கலக்கப்படுகிறது. பின்னர் 5 நிமிடங்களுக்கு இந்தக் கலவை தனியே வைக்கப்படுகிறது. பிரிபுனலில் எண்ணெய் மேலடுக்காகவும் உப்பு நீர் கீழ் அடுக்காகவும் தங்கி விடுகிறது. பிரிபுனலில் உள்ள உப்புநீரை பிரிதலின் நிறுத்துக் குழாயின் மூலம் வெளியேற்றி முகவையில் சேமிக்கப்படுகிறது.உப்புநீர் சேர்த்த பின் மற்றொரு முகவையில் எண்ணெய் சேமிக்கப்படுகிறது.
(ii) ஆவியாக்கல் மற்றும் படிகமாக்கல்:
இம்முறையானது கரைபொருளை கரைசலிலிருந்து பிரித்தெடுக்கப் பயன்படுகிறது. உப்புக் கரைசலை வெப்பப்படுத்தும் போது நீரானது ஆவியாகி உப்பு (திடப்பொருள்) கீழே படிகமாக தங்கி விடுகிறது. இவ்வாறு எளிய உப்பு, எண்ணெய் மற்றும் நீர் ஆகியவை கலந்த கலவை பிரிபுனல் முறை, ஆவியாக்கல் மற்றும் படிகமாக்கல் முறையில் பிரித்தெடுக்கப்படுகிறது.

(1). டிண்டால் விளைவு:
(i) டிண்டால் என்பவர் ஒரு வலுவான ஒளிக்கற்றைகளை கூழ்மக் கரைசலின் வழியே செலுத்தும் போது ஒளிக்கற்றையின் பாதையை பார்க்க முடியும் என்று கண்டறிந்தார். மேலும் கூழ்மத்துகள்களால் ஒளி சிதறடிக்கப்படுகிறது. இதுவே டிண்டால் விளைவு ஆகும்.
(ii) எ.கா: ஒளிக்கற்றையானது தூய நீர் வழியாக செல்லும்போது கண்களுக்கு புலப்படுவதில்லை. ஆனால் கூழ்மக் கரைசலின் வழியே செல்லும்போது ஒளிக்கற்றை கண்களுக்குபுலப்படுகிறது
.
(2). பிரௌனியன் நகர்வு:
(i) கூழ்மக் கரைசல்களை செறிவு மிக்க நுண்ணோக்கியில் பார்க்கும் போது கூழ்மத்துக்கள்கள் இங்கும் அங்குமாக ஒழுங்கற்ற நிலையில் சீராகவும் வேகமாகவும் நகர்ந்து கொண்டிருப்பதைக் காணலாம். இந்த நகர்வு பிரௌனியன் நகர்வு எனப்படும்.
(ii) எ.கா: பிரௌனியன் இயக்கத்திற்கு காரணம் பரவல் ஊடகத்திலுள்ள மூலக்கூறுகளுடன், பரவிய நிலைமை மூலக்கூறுகள் சமமற்ற முறையில் தாக்குவதே ஆகும்.

ஒரு பொருளின் மேற்பரப்பில் வேறொரு பொருளின் துகள்கள் ஒட்டிக் கொள்வது பரப்புக்கவர்தல் எனப்படும். எடுத்துக்காட்டாக சுண்ணக்கட்டியின் துண்டுகளை நீலநிற மையினுள் ஊற வைக்கும் போது சுண்ணக்கட்டியின் மேற்பரப்பு நீலநிறமாக மாற்றமடைகிறது. இதில் சுண்ணக்கட்டி பரப்பு கவரும் பொருள். நீல நிற மை பரப்பு கவரப்படும் பொருள் ஆகும்.