1. நாடுகளுக்கு இடையிலான பணம் செலாவணி என அழைக்கப்படுகிறது.
2. இந்தியாவின் செலாவணி ரூபாய் என்று அழைக்கப்படுகிறது.
3. உள்நாட்டில், அன்னிய நாட்டுச் செலாவணி வெளிநாட்டுச் செலாவணி என அழைக்கப்படுகிறது.
4. உலக நாடுகளுக்கு இடையிலான செலாவணி அமெரிக்க டாலர் அடிப்படையில் மதிப்பிடப்படுகிறது.
5. இந்த மதிப்பு நாட்டுக்கு நாடு வேறுபடுகிறது. உலக வணிகத்தின் பெரும்பகுதி அமெரிக்க டாலர் மதிப்பிலேயே நடைபெறுகிறது.

1. தங்கம், வெள்ளி போன்ற உலோகங்கள் பண்டமாற்று முறைக்குப் பதிலாகப் பயன்படுத்தப்பட்டன.
2. இவை புராதனப் பணம் என்று அழைக்கப்பட்டன.
3. படிப்படியாகத் தங்கம், வெள்ளி ஆகிய உலோகங்கள் உலகம் முழுவதும் மதிக்கப்படும் உலோகங்களாக ஏற்கப்பட்டன.
4. இதையொட்டி இந்த இரு உலோகங்கள் நாடுகளுக்கு இடையிலான பண்ட மாற்றத்தில் பொது மதிப்பீடாகப் பயன்படுத்தப்பட்டன. இவையே இயற்கையான பணம் என்று அழைக்கப்பட்டன.

1. தமிழகத்தின் கிழக்குக் கடல் வழியாக மிளகு மற்றும் நறுமணப் பொருள்கள், முத்து, ரத்தினங்கள், மாணிக்கம் மற்றும் மென்மையான பருத்தி ஆடைகள் போன்ற பொருள்கள் பல நாடுகளுக்கு ஏற்றுமதி செய்யப்பட்டன.
2. இவற்றில் மிளகு மற்றும் நறுமணப் பொருள்கள் அதிகம் இடம்பெற்றதால் இந்த வணிகப்பாதை நறுமணப்பாதை என்று அழைக்கப்படுகிறது.

1. நாகரிகங்கள் உருவான அனைத்துப் பகுதிகளிலும் பண்டமாற்று முறை செல்வாக்குப் பெற்றிருந்தது.
2. ஒரே நாகரிகத்திற்குள் மட்டுமல்லாமல் வேறு நாகரிகங்களுக்கிடையிலும் பண்டமாற்று முறையில் பரிமாற்றம் நிகழ்ந்துள்ளது.
3. இவ்வாறு பொருள்களைப் பண்டமாற்றம் செய்வதில், பண்டமாற்றுப் பொருள்களின் அளவு மற்றும் மதிப்பைக் கணக்கிடுவதில் பிரச்சனைகள் உருவாகின.
4. இப்பிரச்சனைகளுக்கு விடை காண பண்டங்களை மாற்றிக் கொள்ளப் பொதுவான மதிப்புள்ள ஒரு பொருளை நிர்ணயம் செய்தனர். இது பெரும்பாலும் உலோகமாக இருந்தது.
5. இந்த உலோகங்களே முதன் முதலில் பயன்படுத்தப்பட்ட பணம் எனலாம்.

1. பணப்பரிமாற்றத்தைப் பராமரிக்கும் பொறுப்பும் கண்காணிக்கும் கடமையும் ஓர் அரசுக்கு இருக்கிறது.
2. பொதுவாகப் பணம் பதுக்கி வைக்கப்படுவது பொருளியலில் தவிர்க்கப்பட வேண்டும். இதனால் வங்கிகளில் பணம் சேமிக்கப்படுகிறது.
3. இந்தியாவில் பணப்புழக்கத்தை ஒழுங்குபடுத்தும் பணியினை இந்திய ரிசர்வ் வங்கி மேற்கொள்கிறது.
4. இந்திய ரிசர்வ் வங்கி ஏப்ரல் 1, 1935 முதல் செயல்படத் தொடங்கியது. 1937 லிருந்து நிரந்தரமாக மும்பையில் இயங்கி வருகிறது.
5. இது 1949 இல் நாட்டுடைமையாக்கப்பட்டது. அச்சடித்த பணத்தில் 85% புழக்கத்தில் விடப்படுகிறது.
6. ஆகஸ்ட் 2018 நிலவரப்படி இந்தியாவில் ரூபாய் 19 லட்சம் கோடி மதிப்பிலான பணம் புழக்கத்தில் உள்ளது.