1. வணிகத்தின் விரிவாக்கத்திற்கு ஏற்ப தங்கம் மற்றும் வெள்ளி இருப்பு இல்லை.
2. சுரங்கங்களிலும் தங்கம், வெள்ளி குறைவாகத்தான் இருந்தன.
3. இதனால் குறைந்த மதிப்புக் கொண்ட உலோகங்களைக் கொண்டு நாணயங்கள் அதிகமாகத் தயாரிக்கப்பட்டன.
4. இவை சிறிய மதிப்பிலான பொருள்கள் வாங்கவும் விற்கவும் பயன்படுத்தப்பட்டன.

1. தங்கம், வெள்ளி போன்ற உலோகங்கள் பண்டமாற்று முறைக்குப் பதிலாகப் பயன்படுத்தப்பட்டன.
2. இவை புராதனப் பணம் என்று அழைக்கப்பட்டன.
3. படிப்படியாகத் தங்கம், வெள்ளி ஆகிய உலோகங்கள் உலகம் முழுவதும் மதிக்கப்படும் உலோகங்களாக ஏற்கப்பட்டன.
4. இதையொட்டி இந்த இரு உலோகங்கள் நாடுகளுக்கு இடையிலான பண்ட மாற்றத்தில் பொது மதிப்பீடாகப் பயன்படுத்தப்பட்டன. இவையே இயற்கையான பணம் என்று அழைக்கப்பட்டன.

1. தமிழகத்தின் கிழக்குக் கடல் வழியாக மிளகு மற்றும் நறுமணப் பொருள்கள், முத்து, ரத்தினங்கள், மாணிக்கம் மற்றும் மென்மையான பருத்தி ஆடைகள் போன்ற பொருள்கள் பல நாடுகளுக்கு ஏற்றுமதி செய்யப்பட்டன.
2. இவற்றில் மிளகு மற்றும் நறுமணப் பொருள்கள் அதிகம் இடம்பெற்றதால் இந்த வணிகப்பாதை நறுமணப்பாதை என்று அழைக்கப்படுகிறது.

1. பண்டமாற்று முறையினால் உருவாகும் சிக்கல்களுக்கு மாற்றாக பணத்தின் வரவு பெரிதும் உதவி வருகிறது.
2. பணம் என்பது ஒரு பரிமாற்ற ஊடகமாகவும், ஒரு கணக்கின் அலகாகவும் மதிப்புச் சேமிப்பாகவும் செயல்பட வேண்டும்.
3. ஒரு நாட்டின் அனைத்துப் பொருள்கள் மற்றும் சேவைகளுக்குப் பணம் தடையின்றி ஏற்கப்பட வேண்டும்.
4. ஒரு நாட்டில் அனைத்து நுகர் பொருள்கள், தயாரிப்புகள், சேவைகள் என அனைத்திற்குமான மதிப்பினைக் கணக்கிடுவதில் பணம் பொதுவான, தரப்படுத்தப்பட்ட அலகாக இருக்க வேண்டும்.
5. எடுத்துக்காட்டாக ஒரு புத்தகத்தின் விலை 750 என்றால் அப்புத்தகத்தின் விலை 50 பண அலகுகளுக்கு இணையானது என்று பொருள்.
6. ஒரு நாட்டில் நடைபெறும் நிதி பரிவர்த்தனைகளை அளவிடவும் கணக்குகளாக பராமரிக்கவும் பணம் பயன்படுகிறது.

1. வங்கிச் சேமிப்பில் உள்ள பணத்தை எடுப்பதற்கு நேரடியாக வங்கிக்குச் சென்று படிவம் நிரப்பி அல்லது காசோலை வழங்கி, பெறுவதற்குப் பதிலாக, பணம் எடுக்கும் இயந்திரம் (ATM) மூலமாக
2. தேவையான பணத்தை எடுக்க தானியங்கி பணம் வழங்கும் அட்டை (ATM card) பயன்படுகிறது.
3. இதன்மூலம் ஆங்காங்கு நிறுவப்பட்டுள்ள பணம் எடுக்கும் இயந்திரம் மூலம் எந்த நேரமும் நமக்குத் தேவையான பணத்தை நமது கணக்கிலிருந்து நாம் எடுத்துக் கொள்ளலாம்.
4. இதே போன்று வங்கிக்குச் செல்லாமலே நமது கணக்கில் பணம் செலுத்தும் வசதி சில வங்கிகளில் உள்ளது.
5. இதே போன்று முன்னதாகப் பணம் பெற்று, பின்னர் செலுத்தும் வகையில் கடன் அட்டை (Credit Card) பயன்படுத்தப்படுகிறது.
6. பணப் பரிமாற்றம் செய்வதற்குக் காசோலை (Cheque) அல்லது கேட்பு வரைவோலை (Demand Draft) போன்றவற்றைப் பயன்படுத்துவதற்கு மாற்றாக இணைய வழி பரிமாற்றங்கள் தற்போது நடைமுறையில் உள்ளன.
7. இதன்மூலம் நினைத்த நேரத்தில் உலகின் எந்த மூலையில் இருப்பவருக்கும் நொடியில் பணப்பரிமாற்றம் செய்யலாம்.
8. இதேபோல் அலைபேசி மூலம் மின்னணு பரிமாற்றம் செய்யும் தொழில் நுட்பம் பரவலாகப் பயன்பாட்டில் உள்ளது.