புறப் பயனீட்டாளர்கள்:
புறப்பயனீட்டாளர்கள் என்பவர்கள் நிறுவனத்திற்கு வெளியிலுள்ள நபர்கள். ஆனால், நிறுவனத்தின் கணக்கியல் விவரங்களை தங்களுடைய தேவைகளுக்கு ஏற்ப பயன்படுத்துபவர்கள் ஆவர். அவர்கள் பின்வருமாறு,
(i) கடனீந்தோர் மற்றும் நிதி நிறுவனங்கள்:
பொருட்கள் மற்றும் சேவைகளை வழங்குபவர்கள், வணிக வங்கிகள், பொது வைப்புநிதி வைத்திருப்பவர்கள் மற்றும் கடனீட்டு பத்திரத்தார்கள் இந்த பிரிவில் அடங்குவர்.
(ii) முதலீட்டாளர்கள்:
(1) ஒரு நிறுவனத்தில் தங்களது நிதியை முதலீடு செய்யும் ஆர்வமுள்ள முதலீட்டாளர்கள், நிறுவனத்தின் நிதி நிலையை அறிந்து கொண்டு தங்களது முதலீட்டு முடிவுகளை எடுக்கின்றனர்.
(2) அவர்கள் நிறுவனத்தின் எதிர்கால இலாபம் மற்றும் இடர்ஏற்கும் திறன் போன்ற, தங்களது இலாபத்தை பாதிப்பவைகளில் அதிக ஆர்வம் கொண்டிருப்பர்.
(iii) வாடிக்கையாளர்கள்:
(1) வணிக நிறுவனங்கள் தயாரிக்கும் பொருள் மற்றும் சேவைகளை, வாங்கிப் பயன்படுத்தும் வாடிக்கையாளர்கள் அவற்றின் விவரங்கள் மற்றும் விலைகள் பற்றி அறிய விருப்பம் கொண்டுள்ளனர்.
(2) அவர்களுக்கு தொடர்ந்து பொருட்களும், சேவைகளும் கிடைப்பதை உறுதி செய்து கொள்வதற்காக நிறுவனத்தின் நிலைத்தன்மை மற்றும் இலாபம் ஈட்டும் திறன் ஆகியவற்றை அறிய ஆர்வம் காட்டுவர்.           

கணினிமயக் கணக்கியல் முறையின் கூறுகளை ஆறு பிரிவுகளாக வகைப்படுத்தலாம்.
அவைகளானவன
(i) வன்பொருள் 
(ii) மென்பொருள் 
(iii) ஆட்கள்
(iv) செயல்படும்முறை 
(v)தரவு மற்றும் 
(vi) இணைப்பு நிலை.
(i) வன்பொருள் 
கணினியின் இயற்கூறுகளை உள்ளாகியது அதன் வன்பொருளாகும்.முழுமையான கணினி அமைப்பை உருவாக்குவதற்கான உள்ளீட்டு சாதனங்கள் மற்றும் வெளியீட்டு சாதனங்களையும் வன்பொருள் கொண்டிருக்கும்.
(ii) மென்பொருள் 
வன்பொருள் மற்றும் கணினி அமைப்பின் பயனளிக்கும் இடையே இடைமுகமாக அமையும் நிரல்களின் தொகுப்பு மென்பொருள் எனக் குறிப்பிடப்படுகிறது.
(iii) ஆட்கள் :
கணினி அமைப்பின் மிக முக்கியமான கூறு அதன் பயனாளிகள்.அவர்களை கணினி அமைப்பின் நிகழ்பொருள் எனவும் அழைக்கிறார்கள். 

பொதுவான பயன்பாட்டிற்காக கணக்கியலில் கீழ்கண்ட மூன்று அடிப்படைகள் உள்ளன.
ரொக்க அடிப்படை:
ரொக்க அடிப்படையில், உண்மையாக ரொக்கமாகப் பெறப்பட்ட மற்றும் செலுத்தப்பட்டவைமட்டும் பதியப்படுகின்றன. இந்த அடிப்படையில் வருவாயனது ரொக்கம் பெற்ற பிறகும், செலவானது ரொக்கம் செலுத்திய பிறகும் மட்டுமே அங்கீகரிக்கப்படுகிறது. கடன் நடவடிக்கைகள் இதில் இடம் பெறாது. இந்த அடிப்படையில் நடப்பாண்டில்,
வருமானம் ரொக்கமாகப் பெற்றது.
செலவினம் ரொக்கமாகச் செலுத்தியது.
ரொக்கம் செலுத்தி சொத்து வாங்கியது.
பொறுப்புகளுக்காக சொத்தும் செலுத்தியது ஆகியவை கடந்த, நிகழ் அல்லது எதிர்காலத்திற்கு உரியதாக இருந்தாலும் கணக்கில் எடுத்துக்கொள்ளப்படும்.
நிகழ்வு/வணிக அடிப்படை:
இந்த அடிப்படையில் வருமானம் ரொக்கத்தில் பெற்றாலும் பெற வேண்டியதாக இருந்தாலும், செலவுகள் ரொக்கத்தில் செலுத்தினாலும் செலுத்த வேண்டியதாக இருந்தாலும், நடப்பாண்டிற்கு உரிய அனைத்தும் பதியப்பட வேண்டும்.
வருமானம் ரொக்கத்தில் பெறப்பட்டிருந்தாலும் அல்லது பெற வேண்டியதாக இருந்தாலும்.
செலவுகள் ரொக்கத்தில் செலுத்தியிருந்தாலும் அல்லது செலுத்த வேண்டியதாக இருந்தாலும்.
சொத்து வாங்கியதற்கு ரொக்கம் செலுத்தியிருந்தாலும் அல்லது செலுத்தப்பட வேண்டியதாக இருந்தாலும்.
பொறுப்புகள் ரொக்கத்தில் செலுத்தியிருந்தாலும் அல்லது செலுத்த வேண்டியிருந்தாலும். கணக்கண்டிற்குரியவை அனைத்தும் கணக்கேடுகளில் பதியப்பட வேண்டும். இந்திய கூட்டுபங்கு நிறமச் சட்டம் 2013 - பிரிவு 128 (3) -ன் படி நிறுமங்கள் அனைத்தும் நிகழ்வின் அடிப்படையில் கணக்கேடுகளில் நடவடிக்கைகளைப் பதிவு செய்வது அவசியமாகிறது.
கலப்பு அல்லது கலப்பின் அடிப்படை: 
ரொக்க அடிப்படை மற்றும் நிகழ்வு அடிப்படை ஆகிய  இரண்டும் இணைந்த ஒரு முறையே கலப்பு முறையாகும். இந்த முறையில் ரொக்க அடிப்படை மற்றும் நிகழ்வு அடிப்படை இரண்டும் பின்பற்றப்படுகிறது.
ரொக்க அடிப்படையில் வருமானமும், சொத்துக்களும் பதிவு செய்யப்படுகின்றன. செலவுகளும், பொறுப்புகளும் நிகழ்வு அடிப்படையில் பதிப்படுகின்றன.