ஒப்பந்தத்தை மீறுகையினால் பாதிக்கப்பட்ட நபருக்கு பின்வரும் தீர்வுகள் கிடைக்க வாய்ப்புள்ளது. ஒப்பந்தத்தை ரத்து செய்தல், திட்டவட்டமான நிறைவேற்றத்திற்கான வழக்கு, தடையுத்தரவிற்கான வழக்கு, பணிக்கு ஏற்ற தொகைக்கான வழக்கு ஏற்பட்ட நட்டத்திற்கான இழப்பீடு 
(i) ஒப்பந்தத்தை ரத்து செய்தல் (Recission of Contract):
ஒப்பந்தத்தில் ஈடுபடும் ஒருவர் ஒப்பந்தத்தை மீறும் பொழுது மற்றவர் அவ்வொப்பந்தம் ரத்து செய்யப்பட்டதாகக் கருதிக் கொள்ளலாம். மேலும் பாதிக்கப்பட்ட நபர் ஒப்பந்தத்தின் தீமைக்குள்ள அணைத்து கடமைகளிலிருந்து அவர் விடுவிக்கப்படுகிறார். (.க) M என்பவர் N என்பவருக்கு குறிப்பிட்ட நாள் அன்று மோட்டார் வண்டி வழங்குவதாக வாக்குறுதி அளிக்கிறார். அதே போல் குறிப்பிட்ட நாள் அன்று மோட்டார் வண்டிக்குரிய பணத்தை N அளிப்பதாக வாக்குறுதி அளிக்கிறார், அதே போல் குறிப்பிட்ட நாள் அன்று மோட்டார் வண்டிக்குரிய பணத்தை N அளிப்பதாக வாக்குறுதி அளிக்கிறார், ஆனால் N அந்த நாளில் பணத்தை அளிக்க மறுக்கிறார்.
(ii) திட்டவட்டமான நிறைவேற்றத்திற்கான வழக்கு (Claim for Specific Performance):
சில சமயங்களில் இழப்பீடுகள், ஒப்பந்த முறிவிற்கான போதுமான ஓர் தீர்வாக இருக்காது.இச்சமயங்களில் நீதிமன்றம் ஒப்பந்த அவரது வாக்குறுதியை நிறைவேற்றுமாறு ஆணையிடலாம். ஒப்பந்த விதிமுறைகள் மற்றும் நிபந்தனைகள் அடிப்படையில் வாக்குறுதி நிறைவேற்றப்பட வேண்டும்.
(iii) தடையுத்தரவிற்கான வழக்கு:
ஒரு குறிப்பிட்ட செயலை ஒரு நபர் செய்யாதிருக்குமாறு தடைப்படுத்தும் வகையில் அமையும் நீதிமன்றத்தின் ஆணை தடையுத்தரவு ஆகும், ஒரு நபர் ஒரு செயலை செய்யமாட்டேன் என வாக்குறுதி அளித்த நிலையில், அச்செயலைச் செய்யாதிருக்க நீதிமன்றம் தடையுத்தரவு பிறபிக்கலாம். பின்வரும் வழக்குகளில் நீதிமன்றம் தடையுத்தரவு பிறப்பிக்கலாம். (i) தவிர்க்கக்கூடிய ஒப்பந்தம் இருந்தால் (2) செல்லாத ஒப்பந்தமாக இருந்தால் அல்லது (3) செல்லாத ஒப்பந்தம் என கண்டுபிடித்தால்.
(iv) பணிக்கு ஏற்ற தொகைக்கான வழக்கு:
ஒப்பந்தத்தில் ஈடுபடும் ஒரு நபர் வாக்குறுதியை நிறைவேற்றிய பின்னர் மற்றொரு நபர் ஒப்பந்தத்தை மீறுவதால் பணிகி ஏற்ற தொகை என்ற கூற்று எழுகிறது. " எவ்வளவு ஈட்டப்பட்டதோ அவ்வளவு" என்ற சொல்லின் பொருள் பணிக்கு ஏற்ற தொகை எனப்படுகிறது. ஒப்பந்தத்தின் ஒரு பகுதி நிறைவேற்றப்பட்டு மறுபகுதி நிறைவேற்றப்பட முடியாமல் தடை 'ஏற்பட்டால் ஒப்பந்தத்தின் ஒரு பகுதியை முடிந்த நபருக்கு இழப்பீடு வகை செய்கிறது.
(v) ஏற்பட்ட நட்டத்திற்கான இழப்பீடு:
இழப்பீடு என்பது ஒப்பந்தம் மீறுகையால் பாதிக்கப்பட்ட நபர் அடைந்த நட்டத்தை ஈடுகட்டும் வகையில் தவறிழைத்த நபரால் அளிக்கப்படும் பணம் சார்ந்த ஈடு ஆகும். ஆகவே பாதிக்கப்பட்ட நபர், ஒப்பந்தம் மீறுகைக்கு காரணமான நபர் மீது இழப்பீடு பெரும் வகையில் சட்ட நடவடிக்கை எடுக்கலாம். இந்திய ஒப்பந்த சட்டம் 1872ன் பிரிவு 73, ஒப்பந்தத்தை மீறும் நபர் அதனால் பாதிக்கப்பட்ட நபருக்கு இழப்பீடு அளிக்கும் பொறுப்புள்ளது. இழப்பீடு நான்கு வகைகளாக உள்ளன, அவை சாதாரண இழப்பீடுகள், சிறப்பு இழப்பீடுகள் பழிவாங்கும் தன்மையுள்ள அல்லது முன்மாதிரி இழப்பீடுகள் மற்றும் பெயரளவு இழப்பீடுகள்.

குறு சிறு மற்றும் நடுத்தர நிறுவனங்களுக்குப் பல வங்கிகளும் மற்றும் நிதி நிறுவனங்களும் நிதி உதவி வழங்கி வருகின்றன. அவையாவன
(i) வணிக வங்கிகள்: பொதுத்துறை வங்கிகள் (எ.கா) பாரத ஸ்டேட் வங்கி, இந்தியன் வங்கி, இந்தியன் ஓவர்சீஸ் வங்கி, கனரா வங்கி, தனியார் துறை வங்கி (எ.கா) ஐசிஐசிஐ, ஆக்சிஸ் வங்கி, சிட்டி யூனியன் பாங்க், தமிழ்நாடு மெர்கண்டைல் வங்கி
(ii) வட்டார ஊரக வங்கிகள்:(எ.கா) பாண்டியன் கிராம வங்கி, பல்லவன் கிராம வங்கி, வள்ளலார் கிராம வங்கி.
(iii) கூட்டுறவு வங்கிகள்:(எ.கா) தமிழ்நாடு மாநிலக் கூட்டுறவு வங்கி (TNSC Bank) மாவட்ட மத்தியக் கூட்டுறவு வங்கிகள்.
(iv) குறும நிதி நிறுவனங்கள்: (எ.கா) முத்ரா வங்கி

வணிக நடவடிக்கைகள் பண்டைய காலத்துப் பண்டமாற்று முறையிலிருந்து நாணயமுறை, அஞ்சல் வழி வணிகம், வாடகைக் கடன் கொள்முதல் முறை, தவணை விற்பனை முறை போன்ற பன்முகத் தன்மையில் உருமாறி வளர்ந்துள்ளது.

(i) CORE என்பது மையப்படுத்தப்பட்ட உண்மை நேர இணையப் பரிமாற்றம் ஆகும்.
(ii) மையப்படுத்தப்பட்ட இணையப் பரிமாற்றம் உள்ள வங்கிகள் அனைத்துக் கணக்குகளின் விபரங்களையும் அனைத்து வங்கிகளின் கிளை விபரங்களையும் கொண்டுள்ளது.
(iii) ஒரு வாடிக்கையாளர் காசோலை மூலம் உலகெங்கிலும் உள்ள வங்கியின் எந்தக் கிளை அலுவலகத்திலும் பணத்தை எடுக்க முடியும்.
(iv) இதே போல் யார் வேண்டுமானாலும் இந்தக் கணக்கில் எந்த கிளையிலும் பணத்தை வைப்பு செய்ய முடியும் .
(v) பரிவர்த்தன நடவடிக்கைகள், உண்மையான நேரத்தில் மையப்படுத்தப்பட்ட இணையப் பரிமாற்றத்தில் பதிவு செய்யப்படுகிறது.  

(i) உள்ளூர் தொழில்களுக்கு அபாயம் : பன்னாட்டு நிறுவனங்களின் மிகப்பெரிய பொருளாதாரச் சக்தி உள்நாட்டுத் தொழில்களின் முன்னேற்றத்திற்கு தடையை ஏற்படுத்துகிறது.
(ii) வழக்கொழிந்த தொழில்நுட்பத்தை மாற்றுதல்: வழக்கொழிந்த தொழில்நுட்பத்தை வளரும் நாடுகளுக்கு மாறுவதன் மூலம் இந்த நாடுகளின் தொழில் முன்னேற்றம் தடைபடும்.
(iii) ஏழை மக்களுக்கு நன்மையில்லை: பணக்காரர்களால் மட்டுமே பன்னாட்டு நிறுவனங்களின் பொருட்களை வாங்க முடிகிறது.
(iv) தனிமனித சுதந்திற்கு அபாயம்: உள்நாட்டில் உற்பத்தி செய்யப்படும் பொருட்களின் விற்காமல் தடை ஏற்படுகிறது.
(v) உள்நாட்டு மக்களுக்கு வேலைவாய்ப்பு இழப்பு: உள்நாட்டு மக்களுக்கு கணிசமான அளவில் வேலைவாய்ப்பு பன்னாட்டு நிறுவனங்கள் உருவாக்குவதில்லை.
(vi) வலுவான தகுதி நிலையை தவறாக பயன்படுத்துதல் : பன்னாட்டு நிறுவனங்கள் பேரளவு பொருளாதார நிறுவனங்கள் ஆகும்.
(vii) இயற்கை வளங்களைச் சுயநலத்திற்குப் பயன்படுத்துதல் : பன்னாட்டு நிறுவனங்கள் உள்நாட்டு இயற்கை வளங்களை தன சுயநலத்திற்காக தவறாகப் பயன்படுத்துகின்றன.
(viii) அயல் நாட்டின் சுயநல வளர்ச்சிப் போக்கு: பன்னாட்டு நிறுமங்களின் கலாச்சாரத்தால் உள்ளூர் மக்கள் தங்கள் பாரம்பரிய கலாச்சாரத்தை இழக்கும் அபாயம் உள்ளது.
(ix) உள்நாட்டு தொழில், மற்றும் பொருளாதார முன்னேற்றம் புறக்கணிப்பு: உள்நாட்டு வணிகம் முன்னேற்றம் ஏற்படுவதில்லை.   

(i) இது மற்ற மாற்றுமுறை சாதனங்களை போலவே தடையின்றி வியாபாரம் செய்யப்படும் மாற்றுமுறை பிணையாகும்.
(ii) உலகளாவிய வைப்பு இரசீதுகள் அனைத்து நாட்டு முதலீட்டாளர்களுக்கு அவர்கள் நாட்டு செலாவணியில் அல்லது பொதுவாக ஏற்கப்படும் செலாவணியில் வெளியிடப்படுகிறது.
(iii) உலகளாவிய வைப்பு இரசீதை வைத்திருப்பவர் அதில் குறிப்பிடப்பட்டுள்ள பங்கிற்கு உரிய பங்காதாயம் மற்றும் பங்கு மேலுதியம் பெற உரிமை பெற்றவராவர்.

(i) பேரளவு மூலதனம்:
தனியார் வணிகம் மற்றும் கூட்டாண்மையை காட்டிலும் நிறுமத்திற்கு பேரளவு மூலதனத்தைத் திரட்ட இயலும். பேரளவு மூலதனம் என்பது பெரிய அளவு மூலதனத்தை திரட்டி அவற்றை பெரிய தொழில் நிறுவனங்களில் முதலீடு செய்வதாகும்.
(ii) வரையறுக்கப்பட்ட பொறுப்பு:
பங்குதாரர்களின் பொறுப்பு வரையறுக்கப்பட்டதாகும். பங்குதாரரின் இடர் என்பது பங்குகளின் முகமதிப்பில் செலுத்தப்படாத தொகைக்கு மட்டுமே பொறுப்பாகும்.
(iii) பங்குகள் மாற்றம்:
இரண்டு தனிப்பட்ட நபர்கள் இடையே பங்குகள் மாற்றம் என்பது எளிது. ஆகவே முதலீடு என்பது எளிமையான ஒன்றாகும். ஒரு பங்குதாரர் பங்குகளை எளிதாக வாங்கவும், விற்று பணமாக்கவும் முடியும்.

(i) மின்னணு வணிகப் பிரிவு சுமார் 4 கோடி நபர்கட்டு வேலை வாய்ப்பை நல்கி வருகிறது.
(ii) இணையதள சில்லறை வணிகம் இணையதள சேவை வர்த்தகம் போன்ற துறைகளில் தொடங்கப்படும் தொழில்களில் பெருகி வருகிறது.
(iii) மின்னணு வணிக நிறுவனங்கள்,பண்டங்கள் அமைத்தல் அளிப்பு சங்கிலித் தொடர்புகளை ஏற்படுத்துதல் போன்ற கட்டமைப்பை உருவாக்கி மின்னணு வர்த்தகத்தை பலமானதாக மற்ற அதிக முதலீடுகளை செய்து வருகின்றன.   

தனியாள் வணிகத்தில் அவர் ஒருவரே உரிமையாளராதலால் தனது தொழில் பற்றி ரகசியங்களை எளிதாக காப்பாற்றலாம்.

(i) வறட்சி, வெள்ளம் போன்ற காரணங்களால் விவசாயிகளுக்கு இழப்பு ஏற்படும் போது இழப்பீடு வழங்குவதற்காக செய்யப்பட்டு காப்பீடு வேளாண்மை காப்பீடு ஆகும்.
(ii) நெல்,கோதுமை,கரும்பு எண்ணெய் வித்துகள் மற்றும் பருப்பு வகைகள் போன்ற பயிர்களுக்கு ஏற்படும் இழப்பு மற்றும் சேதங்களுக்கு ஈட்டுறுதி அளிக்கிறது.      

(i) பொருட்கள் குளிரூட்டப்பட்ட கொள்கலன்களில் கொண்டு செல்லப்படுகின்றன மற்றும் குளிரூட்டப்பட்ட பண்டக சாலைகளில் சேமிக்கப்படுகின்றன.
(ii) பழங்கள், காய்கறிகள்,முட்டை,வெண்ணெய்,மீன் மற்றும் இறைச்சி போன்ற விரைவில் அழுக்கக்கூடிய பொருட்களை சேமித்து வைப்பதற்காக இந்த பண்டக சாலைகள் பயன்படுத்தப்படுகின்றன.
(iii)சரியான தரத்தில் குளிரூட்டப்பட்டு சேமிக்கப்படும் பொருட்கள் ஆண்டு முழுவதும் கிடைக்க வழிவகை செய்யப்படுகிறது.      

போலக்கின் இலக்கணம் (Definition of pollock): ஒருவரின் வாக்குறுதியை பெற மற்றவரால் அளிக்கப்படும் விலையே மறுபயனாகும். அவ்வாறு மதிப்பைப் பெரும் பொருட்டு செய்யப்பட்ட வாக்குறுதி செயல்படுத்த கூடியதாகும்.

ஒப்பந்தத்தில் ஈடுபட்டுள்ள நபர்கள் அனைவரும் தமது கடமைகளை நிறைவேற்ற வேண்டும். ஒப்பந்தத்தில் ஈடுபட்டுள்ள ஒருவர் தமது கடமைகளைச் செய்ய தவறுதல் ஒப்பந்த மீறுகை எனப்படும்.

(i) அனுப்புகை முகவர் ஏற்றுமதி கட்டணம் செலுத்திய பிறகு சரக்கை துறைமுகத்திற்கு கொண்டு செல்ல ஏற்பாடு செய்ய வேண்டும். அவர் துறைமுக செலுத்து சீட்டை இரண்டு நகல்களின் பூர்த்திசெய்து கப்பல் சீட்டின் ஒரு நகலை இணைத்து துறைமுக அதிகாரிகளிடம் சமர்ப்பிக்க வேண்டும்.
(ii) மேலும் அவர் துறைமுக கட்டணத்தையும் செலுத்த வேண்டும். துறைமுக அதிகாரிகள் செலுத்து சீட்டின் ஒரு நகலை வைத்துக்கொண்டு மற்றொன்றை மூகவருக்கு வழங்குவர்.
(iii) இந்த கையொப்பமிட்ட நகலே துறைமுக இரசீது (Dock Receipt or Port Trust Receipt) எனப்படும்.

(i) தமிழ்நாடு தொழில் வர்த்தக சங்கம் 
(ii) தமிழ்நாடு வணிகர் சங்கங்கள்

மத்திய சரக்கு மற்றும் சேவை வரிச் சட்டம் 2017ன் கீழ் ஒரு மாநிலத்திற்குள்ளே அளிக்கபப்டும் சரக்குகள் மீது மத்திய அரசால் சுமத்தப்பட்டு வசூலிக்கப்படும் வரியாகும்.

திரு. விக்ரம் என்பவர் தான் நடத்தி வரும் பின்னலாடைத் தொழிற்சாலைக்குத் தேவையான பஞ்சினை வெளிநாட்டிலிருந்து வாங்குவதால், இது இறக்குமதி வியாபாரம் ஆகும். உள்நாட்டு தேவைக்காக வெளிநாட்டிலிருந்து பொருட்களை வாங்குவதே வியாபாரம் ஆகும்.

ஒரு நாட்டின் பண மற்றும் வங்கிக் கட்டமைப்பின் உச்சநிலையாகவும், தேசிய பொருளாதார நலனுக்காகவும் சிறந்த முறையில் செயல்படும் வங்கி அந்த நாட்டின் மைய வங்கி எனப்படும். என டிகாக் அவர்கள் இலக்கணம் வகுத்துள்ளார்.

பன்னாட்டு வணிகம் என்பது நாடுகளின் புவியியல் எல்லைகளை கடந்து நடைபெறும் அனைத்து வணிக நடவடிக்கைகளையும் குறிக்கும். இது சரக்கு மற்றும் சேவைகளின் பரிமாற்றம் மட்டுமல்லாமல் மூலதனம், பணியாளர்கள், தொழில்நுட்பம், காப்புரிமை, வணிகக் குறி, அறிவுசார் உரிமை மற்றும் பதிப்புரிமைகளை உள்ளடக்கியது.

இது சமுதாயத்தால் எதிர்க்கப்படும் ஒரு வகை பொறுப்பாகும்.ஆனால் இப்படிப்பட்ட பொறுப்புகள் சட்டத்தில் குறிப்பிடப்படாதவையாகும்.(எ.கா) ஒரு நிறுவனம் தனது பொருட்கள் குறித்த விளம்பரம் மேற்கொள்ளும்போது,அத்தகைய விளம்பரம் மத உணர்வுகள் மற்றும் மக்களின் கண்ணியம் மதிக்கத்தக்க வகையில் இருத்தல் வேண்டும்.இத்தகைய பொறுப்புகளை தொழில் அமைப்புகள் தானே விருப்பப்பட்டு கடைபிடிக்க வேண்டும்.    

கே.கே.செக்சேனா அவர்கள் "ஒரு இருட்டறையில் மெழுகுவர்த்தியின் ஒளிபரவுவது போல் போக்குவரத்து அந்தந்த பகுதிகளில் தனது பணியைச் செய்கிறது" என்று வரைவிலக்கணம் தந்துள்ளார்.     

(i) இந்திய ரூபாயின் எளிமையான மாற்றீடு:பன்னாட்டு நாணய நிதியம் உருவாக்கப்பட்ட பின்னர் இந்திய ரூபாயின் மதிப்பு தனித்துவம் பெற்று விளங்குகிறது.முன்னதாக இது பவுண்டு ஸ்டெர்லிங் உடன் இணைக்கப்பட்டு அந்நிய செலாவணியின் மடிப்பு நிர்ணயிக்கப்பட்டது.அதன் மதிப்பானது இப்போது தங்கத்தின் அடிப்படையில் நிர்ணயிக்கப்பட்டு எளிதாக மாற்ற கூடிய செலாவணியாக மாறியுள்ளது.
(ii) வளர்ச்சி நடவடிக்கைகளுக்கான கடன் :பன்னாட்டு நாணய நிதியத்திடம் பல வளர்ச்சி திட்டங்களுக்காக பல வகையான கடன் வசதிகளை இந்தியா பெற்றுள்ளது
(iii) வெளிநாட்டு நாணயத்தை வாங்குவதற்கான திறன், வளர்ந்து வரும் தேவையை பூர்த்தி செய்ய இந்திய அரசாங்கம் வெளிநாட்டு நாணயங்களை அவ்வபோது வாங்குகிறது
(iv) நிபுணர் ஆலோசனை : பொருளாதார பிரச்சனைகளை தீர்ப்பதற்காக பன்னாட்டு நாணய நிதியத்தின் ஆலோசனையை இந்திய பெற்று வருகிறது.ஐந்தாண்டு திட்டத்திற்கு நிதி ஒதுக்கீடு செய்வதில் இந்தியாவிற்கு மிக முக்கிய ஆலோசனைகளை வழங்கி வருகிறது
(v) சரியான உதவி :வாணிக செலுத்து நிலையில் ஏற்படும் பற்றாக்குறையை தற்காலிகமாக அகற்றுவதற்கு பன்னாட்டு நாணய நிதியத்திடமிருந்து சரியான நேரத்தில் உதவி பெற்றுள்ளது.1966ல் பாகிஸ்தானுடனான போருக்குப் பின்னர் இந்தியாவிற்கு பன்னாட்டு நாணய நிதியம் உதவியளித்தது.இது கச்சா எண்ணெய் பற்றாக்குறையை சமாளிக்க பன்னாட்டு நாணய நிதியம் உதவியளித்தது இது கச்சா எண்ணெய் பற்றாக்குறையை சமாளிக்க பன்னாட்டு நாணய நிதியத்தின் உதவி பெற்றுள்ளது.1980க்கும் 1983க்கும் இடையில் இந்தியாவில் ஏற்பட்ட உலகளாவிய பொருளாதாரமந்த நிலையை சரிக்கட்ட பன்னாட்டு நாணய நிதியத்திலிருந்து உதவியை பெற்றுள்ளது
(vi) இயற்கைப் பேரழிவின் போது நிதி உதவி :பன்னாட்டு நாணய நிதியத்திடம் இருந்து இந்தியா,அதிக நிதி உதவியை பெற்று வெள்ளம்,பஞ்சம்,பூகம்பம் ,சீன மற்றும் பாகிஸ்தானின் ஆக்கிரமிப்பு போன்றவற்றால் ஏற்பட்ட பொருளாதார நெருக்கடிகளை சமாளித்துள்ளது
(vii) உலக வங்கியில் உறுப்பினர் : பன்னாட்டு நாணய நிதியத்தில் இந்தியா உறுப்பினராக உள்ளத்தில் அடிப்படையில் உலக வங்கியில் உறுப்பினராக முடியும்
(viii) 1991 பொருளாதார நெருக்கடியில் உதவி :1990 ம் ஆண்டு இந்தியா கடுமையான பொருளாதார நெருக்கடியை எதிர்கொண்டது.நொடிப்பு நிலையை அடையும் தருவாயில் தங்கத்தை பன்னாட்டு நாணய நிதியத்தில் அடகு வைத்து வாணிக செலுத்து நிலையில் ஏற்பட்ட நெருக்கடியை சமாளித்தது.

(i) மகிழ்வுடன் வாங்குதல்: ஒரு குடும்பத்தில் உள்ள அனைத்து உறுப்பினர்களுக்கும் தேவையான அனைத்து வகைப் பொருட்களையும் வாங்க வெவ்வேறு இடங்களுக்குச் செல்லாமல் ஒரே கூரையின் கீழ் வாங்கி கொள்ளலாம். இதனால் வாடிக்கையாளரின் நேரமும் உழைப்பும் மிச்சப்படுத்தப்படுகின்றன.
(ii) சிறந்த சேவைகள்: ஓய்வறைகள், உணவகங்கள், குழந்தைகள் விளையாட்டு அரங்கங்கள் தொலைபேசி மூலம் வரும் ஆணைகளை ஏற்றல் மற்றும் வீட்டுக்கே சென்று பொருட்களை விநியோகம் செய்தல் போன்ற அதிகபட்ச சேவைகளையும் வசதிகளையும் வாடிக்கையாளர்களுக்கு இது வழங்குகிறது.
(iii) மைய இட அமைவு: பொதுவாக துறைவாரிப் பண்டக சாலைகள் நகரின் மையப் பகுதியில் தான் அமைந்திருக்கும். ஆகவே நகரின் அனைத்துப் பகுதிகளிலிருந்தும் பிற ஊர்களிலிருந்தும் நுகர்போர் எளிதாக வந்து செல்ல முடிகிறது.
(iv) இடைநிலையர்கள் நீக்கம்:
தயாரிப்பாளர்களிடமிருந்து பொருள்களை நேரடியாக கொள்முதல் செய்து சொந்த பண்டகக் காப்பகங்களில் சேர்த்து வைத்து விற்பனை செய்வதால் முகவர்கள் மற்றும் மொத்த வியாபாரிகள் உள்ளிட்ட இடைநிலையர்கள் தவிர்க்கப்படுகின்றன .அதனால் விலை குறைவாக தரமானப் பொருட்களை வாங்க முடிகிறது.
(v) பேரளவு செயல்பாட்டினால் உண்டாகும் சிக்கனங்கள்: துறைவாரிப் பண்டக சாலைகள் பெரிய அளவில் ஏற்படுத்தப்படும் ஒரு அமைப்பு ஆகும்.அதாவது பொருட்களை பேரளவில் கொள்முதல் செய்வதால் சிறப்பு தள்ளுபடிகள் உள்ளிட்ட பல்வேறு நன்மைகள் கிடைக்கின்றன. இதனால் வாடிக்கையாளர்கள் தரமான பொருட்களை குறைந்த விலையில் பெற முடிகிறது.

அந்நிய நேரடி முதலீட்டின் தீமைகள்:
(i) அந்நிய நேரடி முதலீட்டாளர்கள் வரவேற்கும் நாடுகளில் உள்ள நீர், காடுகள், தாதுப்பொருட்கள் ஆகிய இயற்கை வளங்களை விரைவில் தீர்த்து விடும் அபாயம் உள்ளது. எதனால் உள்நாட்டில் உள்ள சாதரண குடிமகனுக்கு தேவைப்படும் இயற்கை வளங்கள் கிடைக்காமல் போகலாம்.
(ii) அதிகப்படியான முதல் வெளியேறுதல்:?
அயல்நாட்டு நிறுமங்கள் பங்காதாயம், குத்தகைக் கட்டணம் போன்றவை மூலம் பெருமளவு உள்நாட்டு பணத்தை வெளியே கொண்டு செல்கின்றன. எதனால் உள்நாட்டில் பணப்புழக்கம் குறைந்துவிடும் வாய்ப்புள்ளது.
(iii) தொழில் நுட்பத்தை மாற்றமை: சில அயல்நாட்டு நிறுவனங்கள் வளரும் நாடுகளுக்குத் தாங்கள் கண்டுபிடித்து வைத்துள்ள தொழில் நுட்பத்தை அப்படியே தருவதில்லை. அவை பெரும்பாலும் இரண்டாம் தஹ்ரா தொழில்நுட்பத்தையே, முதலீடு செய்யும் நாட்டிற்கு கொண்டு வருகின்றன. உயர் தொழில்நுட்பத்தினை தங்களின் சொந்த நாட்டிலேயே வைத்துக்கொள்கின்றன. இத்தகைய நிலையில் அன்னிய முதலீட்டைப் பெரும் நாட்டிற்குப் புதிய தொழில்நுட்பம் கிடைக்காமல் போகிறது. இதனால் உள்நாட்டு பொருளாதாரம் உயராமல் போகும் சூழல் ஏற்பட வாய்ப்பு உள்ளது.
(iv) உழைப்பு சுரண்டல்: அயல்நாட்டு நிறுமங்கள் வளரும் நாடுகளில் உள்ள தொழிலாளர்களின் உழைப்பை, மிகக்குறைவான கூலி மற்றும் ஊதியம் கொடுத்து சுரண்டி வருகின்றன. அவர்கள் உள்ளூரில் உள்ள மக்களை, மேலாண்மையில் உயர்பதவியில் அமர்த்துவதில்லை. தம் சொந்த நாட்டு தொழிலாளர்களுக்கு வழங்கும் எந்தச் சலுகைகளையும் முதலீடு செய்யும் நாடுகளில் உள்ள தொழிலாளர்களுக்கு அந்நிறுவனங்கள் வழங்குவதில்லை. இப்படியாக அவை வளரும் நாடுகளில் உள்ள தொழிலாளர்களின் உழைப்பை சுரண்டி வருகின்றன.
(v) ஏகாதிபத்தியச் சூழலை உருவாக்குதல்: அந்நிய நேரடி முதலீட்டின் மூலம் ஒரு நாட்டில் நுழையும் பன்னாட்டு நிறுமங்கள், அந்த நாடுகளின் சந்தைகளைக் கைப்பற்றி ஏகாதிபத்திய நிலையை ஏற்படுத்துகின்றன. அவைகள் அந்நிய முதலீட்டை பெறும் ஒரு நாட்டில் ஆரோக்கியமான போட்டிச் சூழலை உருவாக்குவதில்லை மாறாகப் போட்டியைஅறவே ஒழித்து தம் மேலாதிக்கத்தைச் செலுத்துவதாகும். 

சில்லறை வியாபாரியின் பணிகள் பின்வருமாறு:
(i) சில்லறை வியாபாரிகள் நுகர்வோரின் தேவையை, மதிப்பிட்டு பல்வேறு மொத்த வியாபாரிகளிடமிருந்து பல்வேறு வகையானபி பொருட்களை வாங்கி தமது கடைகளில் விற்பனைக்கு வைக்கின்றனர். ஒவ்வொரு மொத்த வியாபாரியிடமிருந்தும், அவரிடமுள்ள மிகச்சிறந்த பொருட்களை வாங்கி வைத்து அனைத்துப் பொருட்களையும் ஒரே இடத்தில் கிடைக்கும்படி செய்கின்றனர். ஆகவே, அவர்கள் கொள்முதல் செய்தல், ஒன்று திரட்டல் ஆகிய இரட்டைப் பணிகளையும் செய்கின்றனர்.
(ii) மொத்தவியாபாரிகளிடமிருந்தும் பெற்ற பொருட்களை, சில்லறை வியாபாரிகள் தம் பண்டகக் காப்பில் விற்பனைக்கு தயார் நிலையில் சேமித்து வைக்கின்றனர்.
(iii) விற்பனை செய்தல்: சில்லறை வியாபாரி நுகர்வோர்களுக்கு அவரது தேவைகள், சுவை, விருப்பம், மற்றும் முன்னுரிமைக்கு ஏற்ப சிறு அளவுகளில் விற்பனை செய்கின்றனர். இதன் மூலம் விற்பனையின் அளவு அதிகரிக்கின்றது.
(iv) வகைப்படுத்துதல் மற்றும் கட்டுமம் செய்தல்: உற்பத்தியாளர் மற்றும் மொத்த வியாபாரிகளால் வகைப்படுத்தப்படாத பொருட்களை அவற்றின் தன்மைக்கேற்ப வகைப்படுத்தி, அவற்றை கட்டுமம் செய்கின்றனர்.
(v) இடர் ஏற்றுதல்: சில்லறை வியாபாரி நுகர்வோரின் எதிர்காலத் தேவைக்கு ஏற்ப பொருட்களை வாங்கி இருப்பு வைக்கிறார். இதனால் தீயினால் அழிவு, திருட்டு, தரக்குறைவு, கேட்டுப் போதல், மற்றும் விலை ஏற்றத் தாழ்வுகள் போன்றவற்றால் ஏற்படும் இடர்களை எவர் ஏற்றுக் கொள்கிறார்.
(vi) போக்குவரத்து செய்தல்: சில்லறை வியாபாரி உற்பத்தியாளர்களிடமிருந்து பொருட்களை தமது சில்லறை விற்பனையகங்களுக்கு எடுத்துச் செல்வதன் மூலம் போக்குவரத்துப் பணியினை மேற்கொள்கிறார்.
(vii) நிதியளிப்பு: சில சில்லறை வியாபாரிகள் தமது வாடிக்கையாளர்களுக்கு கடன் விற்பனை மூலம் நிதி வசதி அளிக்கின்றனர்.
(viii) இதர சேவைகள்: விற்பனைக்குப்பின் குறைபாடுகளுடைய பொருட்களை மாற்றித்தருதல் போன்ற பணிகளை இவர் செய்கிறார். மேலும் விற்பனைக்கு, பின் சேவை மற்றும் வீட்டுக்கே பொருட்களை கொண்டு சென்று விநியோகம் செய்தல் போன்ற பணிகளையும் அளிக்கிறார்.

மூலதனக் கணக்கில் மூன்று இனங்கள் உள்ளன. தனியார் மூலதனம் (Private Capital), வங்கி மூலதனம்(Banking Capital),அலுவல் சார்ந்த மூலதனம் (Offical Capital) 
தனியார் மூலதனம் : தனியார் மூலதனம் அயல்நாட்டு  முதலீடுகள், நீண்ட காலக் கடன்கள் மற்றும் அயல்நாட்டு நாணய வாய்ப்பு ஆகியவற்றைக் உள்ளடக்கியது
வங்கி மூலதனம் ; அந்தியச் செலாவணியைக் கையாள அதிகாரம் கொண்ட வணிக மற்றும் கூட்டுறவு வங்கிகளின் வெளிப்புற நிதி சார்ந்த சொத்துக்கள் மற்றும் பொறுப்புகளின் அளவு, வங்கி மூலதனத்தில் அடங்குகிறது
அலுவல்சார்ந்த மூலதனம்: அலுவல்சார்ந்த மூலதனத்தில் அயல்நாட்டு நாணயம், அரசிடம் உள்ள சிறப்பு எடுப்பு உரிமைகள் போன்ற வகைகளில் உள்ள ரிசர்வ் வங்கியின் சொத்துகள் போன்றவை அடங்குகின்றது                        

பின்வருமான ஏற்றுமதி வணிகத்தின் நடைமுறைகளாகும்.
(i) வியாபார தகவல் வினவல்: ஏற்றுமதியாளர் இறக்குமதியாளரிடமிருந்தோ அல்லது அவரின் முகவரிடமிருந்தோ பொருட்களை இறக்குமதி செய்வதற்கான எழுத்து மூலமான விசாரணையைப் பெறுகிறார்.
(ii) சரக்காணை பெறுதல் மற்றும் ஏற்றுமதி ஆணையை உறுதிப்படுத்துதல்: இறக்குமதியாளர் வியாபார விசாரணைக்குப் பிறகு சரக்கை வாங்குவதற்கான சரக்கணையை தானோ அல்லது தனது முகவர் மூலமோ ஏற்றுமதியாளருக்கு அனுப்பி வைக்கிறார்.
(iii) நாணய உறுதி கடிதம் ஏற்பாடு செய்தல்: அயல் நாட்டில் உள்ள இறக்குமதியாளரைப் பற்றியும் அவரின் பணம் செலுத்தும் திறன் பற்றியும் ஏற்றுமதியாளர் அறிந்திருக்க வாய்ப்பில்லை எனவே அவர் இறக்குமதியாளரை நாணய உறுதி கடிதம் ஏற்பாடு செய்து தருமாறு கோருகிறார்.
(iv) ஏற்றுமதியாளர் இறக்குமதியாளர் குறியீட்டு ஏன் பெறுதல் : ஏற்றுமதியாளர் குறியீட்டு எண் பெற அயல்நாட்டு வணிக பொது இயக்குநரின் மண்டல அலுவலகத்திற்க்கு விண்ணப்பிக்க வேண்டும்.
(v) உறுப்பினர் சான்று பெறுதல்: ஏற்றுமதியாளர் அரசு வழங்கும் ஏற்றுமதி தொடர்பான சலுகைகளை பெற வேண்டுமெனில் ஏற்றுமதி வளர்ச்சிக்  குழுவிடம் உறுப்பினர் சான்று பெற வேண்டும்.
(vi) பொருட்களை உற்பத்தி செய்தல்/கொள்முதல் செய்தல்/ கட்டுமம் செய்தல்: ஏற்றுமதியாளர் இறக்குமதியாளர் குறிப்பிட்ட பொருட்களை தொழிற்சாலையிலிருந்தோ அல்லது சந்தையிலிருந்தோ தருவித்துக்கொள்ள வேண்டும். இறக்குமதியாளர் குறிப்பிட்ட நிபந்தனைகளின் அடிப்படையில் பொருட்கள் கட்டுமம் செய்யப்பட வேண்டும்.
(vii) ஏற்றுமதி ஆய்வு சான்று: பொருட்கள் கட்டுமம் செய்யப்பட்ட பிறகு ஏற்றுமதியாளர் ஏற்றுமதி ஆய்வு முகாமைக்கு விண்ணப்பித்து சான்று பெற வேண்டும்.
(vii) பொருட்களை காப்பீடு செய்தல்: ஏற்றுமதியாளர் சரக்கை அனுப்புவதற்கு முன் உரிய நிறுவனத்தில் காப்பீடு செய்ய வேண்டும்.
(ix) தோற்றுவாய் சான்றிதழ் : இறக்குமதி வணிக நடைமுறையில் தோற்றுவாய் சான்று மிக முக்கிய ஆவணமாகும். இச்சான்று ஏற்றுமதி செய்யப்படும் பொருள் குறிப்பிட்ட நாட்டில் தான் உற்பத்தி செய்யப்பட்டது என்ற உறுதி மொழியை விளம்புகிறது.
(x) வணிக தூதுவர் இடாப்பு : இறக்குமதியாகும் சரக்கின் மதிப்பு சரியானது தான் என்று சான்று பகரக்கூடிய ஆவணமே வாணிகத் தூதுவர் இடாப்பு ஆகும். இறக்குமதி நாடு சுங்க அதிகாரிகள் சரக்கு கட்டுமத்தை திறந்து பார்க்காமலே இடாப்பில் குறிப்பிட்ட மதிப்பின் அடிப்படையில் சுங்கத் தீர்வை விதிப்பர்.
(xi) அனுப்புகை முகவரி அமர்த்துதல் : ஏற்றுமதியாளர் ஏற்றுமதி ஆய்வு சான்று பெற்ற பிறகு சரக்கை அனுப்ப சுங்க அதிகாரிகளிடம் அனுமதி பெற வேண்டும். பொதுவாக இந்த அனுமதிபெறும் பணிக்காக தன் சார்பாக அனுப்புகை முகவரி நியமிக்கிறார்.
(xii) துறைமுகத்திற்கு சரக்கை அனுப்புதல் மற்றும் முகவருக்கு தகவல் தருதல்: ஏற்றுமதியாளர் சரக்கைத் துறைமுகத்திற்கு இரயில் அல்லது லாரி மூலம் அனுப்பி விட்டு, அதற்குரிய இரயில் ரசீது லாரி இரசீதை அனுப்புகை முகவருக்கு அனுப்பி வைக்க வேண்டும்.
(xiii) அனுப்புகை முகவர் பின்பற்ற வேண்டிய சுங்க நடைமுறைகள்: துறைமுக நகரத்தில் சரக்கைப் பெற்றுக் கொள்ளுதல், கப்பலிடு ஆணை பெறுதல், கப்பல் வாடகை முறி ஏற்பாடு செய்தல்.
(xiv) சரக்கை அகற்றுதல் தொடர்பான சுங்க நடைமுறைகள்: துறைமுகக் கட்டணம் செலுத்துதல் சரக்கை அனுப்ப அனுமதி பெறுதல், கப்பல் தலைவர் இரசீது பெறுதல்,  கப்பல் தலைவர் இரசீது பெறுதல், கப்பல் இரசீது பெறுதல்.
(xv) வாணிக இடாப்பைத் தயாரித்தல் மற்றும் வங்கியில் ஆவணங்களை தாக்கல் செய்தல் : இறக்குமதியாளருடன் செய்து கொண்ட நிபந்தனைகளின் அடிப்படையில் ஏற்றுமதியாளர் ஏற்றுமதி செய்யப்பட்ட சரக்குகள் தொடர்பாக வாணிக இடாப்பைத் தயாரிக்கிறார். அதன் பிறகு ஏற்றுமதியாளர் ஏற்றுமதி தொடர்புடைய அனைத்து ஆவணங்களையும் தன்னுடைய வங்கிக்கு அனுப்பி வைக்கிறார்.
(xvi) பணம் செலுத்தப் பெறுதல்: மாற்றுச்சீட்டு மூலம் பணம் செலுத்தப் பெறல் (அ) செலுத்தகைக்குப் பிறகு ஆவணங்கள் ஒப்படைத்தல் (ஆ) ஏற்புக்குப் பிறகு ஆவணங்கள் ஒப்படைத்தல், வங்கி சான்று மூலம் பணம் செலுத்தப் பெறல்.

பொருளாதார சார்பு: பன்னாட்டு வணிகத்தில் ஒரு நாடு இறக்குமதிக்காக மற்ற நாடுகளை அதிகம் சார்ந்திருக்க வேண்டிய சூழ்நிலை உருவாகிறது. இதனால் இறக்குமதி செய்யும் நாடு தானாகவே ஏற்றுமதி செய்யும் நாட்டிற்கு அடிமையாகும். சுழல் ஏற்படுகிறது.
(ii) உள்நாட்டு தொழில்களின் வளர்ச்சி பாதிப்பு: பன்னாட்டு வணிகம் உள்நாட்டுத் தொழில்களின் வளர்ச்சியைப் பாதிக்கிறது. அயல் நாட்டு நிறுவனங்கள் உள்நாட்டில் சந்தையைக் கைப்பற்றும் நயவஞ்சக நோக்குடன் தங்கள் பொருட்களை உற்பத்தி விலைக்கும் குறைவாகவே விற்கின்றன. மேலும் கட்டுபாடற்ற இறக்குமதியும் அயல்நாட்டு நிறுவனங்களின் கடுமையான போட்டியும் உள்நாட்டுத் தொழில்களை முற்றிலும் அழிக்கக்கூடும்.
(iii) ஆபத்து விளைவிக்கும் பொருட்களை இறக்குமதி செய்தல்: பன்னாட்டு வணிகம் ஆடம்பரப் பொருட்கள் மற்றும் தீங்கு விளைவிக்கும் பொருட்களை அதிகம் இறக்குமதி செய்ய வழிவகுக்கிறது. இது மக்கள் நலனைப் பாதிக்கிறது.
(iv) உள்நாட்டில் அத்தியவாசிய பொருட்களுக்கு தட்டுப்பாடு: அந்நிய செலாவணியை அதிகம் ஈட்டுவதற்காக அத்தியவாசியப் பொருட்களை அதிகம் ஏற்றுமதி செய்வதன் மூலம் உள்நாட்டில் பற்றாக்குறை ஏற்படுகிறது. இதனால் மக்கள் அப்பொருட்களை அதிக விலை கொடுத்து வாங்க வேண்டிய சூழல் ஏற்படுகிறது.
(v) இயற்கை வளங்களை தவறாகப் பயன்படுத்துதல்: அரிய இயற்கை வளங்களை அதிகமாக ஏற்றுமதி செய்வதன் மூலம் அவை வெகு விரைவாக வெறுமையாகி விடுகின்றன. இதனால் ஏற்றுமதி செய்யப்படும் நாட்டில் சுற்றுச்சூழல் பேரழிவு ஏற்படுகிறது.
(vi) அரசியல் சுரண்டல்: பன்னாட்டு வணிகம் உலக நாடுகளிடையே பொருளாதார சார்பு நிலையை உருவாக்குகிறது. இது நாட்டின் அரசியல் சுதந்திரதிற்கு அச்சுறுத்தலாக அமைகிறது.
(vii) நாடுகளிக்கிடையே போட்டி: ஏற்றுமதி செய்வதில் ஏற்படும் நாடுகளுக்கிடையே போட்டியாக உருவெடுக்கிறது. இது நாடுகளுக்கிடையே சச்சரவுகளை உருவாக்கி போர் ஏற்படக்கூடிய சூழலை ஏற்படுத்துகிறது.
(viii)கலாச்சார சீரழிவு: பன்னாட்டு வணிகம் நாட்டின் கலாச்சார சீரழிவிற்கு காரணமாக அமைகிறது. இளைய தலைமுறையினர் அன்னிய நாட்டு மோகத்தில் தங்கள் வாங்கும் சக்தியையும் மீறி தங்களை சமுதாயத்தில் மேம்பட்டவரகளாக காட்ட முற்படுகின்றனர். இது பழமையான வாழ்வியல் முறையை அழிக்கிறது.

(i) மதிப்பீட்டிற்குரியவர்: பிரிவு 2(7) "சட்டத்தின் கீழ் யாரால் வருமான வரி அல்லது ஏதேனும் பிற பணத்தொகை செலுத்தப்படத்தக்கதாக உள்ளதோ, அந்நபர் மதிப்பீட்டிற்குரியவராவார்" மேலும் தன்னுடைய வருமானம் அல்லது நட்டம் அல்லது தனக்கு வரவேண்டிய பாக்கித் தொகை ஆகியவற்றிற்காக வருமான வரிச்சட்டத்தின் கீழ் வருமான வரி மதிப்பீட்டு நடவடிக்கைக்கு உட்பட்ட ஒவ்வொரு நபரும் மதிப்பீட்டிற்குரியவர் என்ற சொல்லில் அடங்குவர். வருமான வரிச் சட்டம் மூன்று வகையான மதிப்பீட்டிற்குரியவர்களை கண்டுணர்ந்துள்ளது.
(ii) சாதாரண மதிப்பீட்டிற்குரியவர்கள்: இச்சட்டத்தின் கீழ் வட்டி, வரி அல்லது அபராதம் போன்ற ஏதேனும் தொகையை செலுத்த வேண்டிய நபர்.
(iii) பிரிதி நிதித்துவ மதிப்பீட்டிற்குரியவர்: மற்றவரின் வருமானத்தின் மதிப்பீட்டிற்கு பொறுப்பேற்கும் ஒரு நபர்,  பிரிதிநிதித்துவப் மதிப்பீட்டிற்குரியவர் எனப்படுகிறார். (எ.கா.) மைனர் ஒருவரின் பாதுகாவலர்.
(iv) தவறிழைத்த மதிப்பீட்டிற்குரியவர் : வருமான வரிச் சட்டத்தின் கீழ், தமது சட்டக் கடமை எதையேனும் நிறைவேற்றத் தவறியவர் தவறிழைத்த மதிப்பீட்டிற்குரியவராவார் (எ.கா) தமது பணியாளர்களுக்கு மாதாந்திர சம்பளத்தை அளிக்கும் எஜமானர் ஒருவர், அச்சம்பளத்தில் இருந்து உரிய வரியை பிடித்தம் செய்தல் வேண்டும். அவ்வாறு அவர் செய்யவில்லை எனில், அவர் தவறிழைத்த மதிப்பீட்டிற்குரியவர் என அழைக்கப்படுவார்.

(i) குறு தொழில் நிறுவனம் : ஒரு நிறுவனம் உற்பத்தி தொழில்துறையில்  ரூ 25. இலட்சத்திரகுள்ளும் சேவைத்தொழில் துறையில்  ரூ 10  இலட்சத்திரகுள்ளும்  முதலீடு  செய்திருந்தால் அது குறு தொழில் நிறுவனம் என்று அழைக்கப்படும் 
(ii) சிறு தொழில் நிறுவனம் : ஒரு நிறுவனம் உற்பத்தி தொழில் துறையில் இயந்திரம் மற்றும் ஆலைகளில் ரூ 25 இலட்சத்துக்கு மேல் 5 கோடிக்கு மிகாமல் சேவைத் தொழில் துறை உபகரணங்கலில் ரூ 10  இலட்சத்துக்கு மேல் ரூ  2 கோடிக்கு  மிகாமல் முதலீடு செய்திருந்தால் அந்நிறுவனம் சிறு தொழில் நிறுவனம் என்று அழைக்கப்படும்
(iii ) நடுத்ததர தொழில் நிறுவனம் : ஒரு நிறுவனம் உற்பத்தி தொழில் துறையில் இயந்திரம் மற்றும் ஆலைகளில்  ரூ 10 கோடிக்கு மிக்காமலும் சேவை தொழில் துறையில் உபகரணங்களில் ரூ 2 கோடிக்கு மேல்  ரூ  5 கோடிக்கு மிகாமலும் முதலீடு செய்திருந்தால்  அந்நிறுவனம் நடுத்தர தொழில் நிறுவனம் என்று அழைக்கப்டும்                        

(i) பொது வருங்கால வைப்பு நிதி (Public Provident Fund) : இந்தியாவில் உள்ள மிகச்சிறந்த முதலீட்டு வாய்ப்புகளில், இது மிகப்பாதுகாப்பான நீண்டகால முதலீட்டு வாய்ப்பாகும். இதற்கு முழுமையான வருமாவரி விலக்கு உண்டு. இந்த வருங்கால வைப்பு நிதி கணக்கை வங்கி அல்லது அஞ்சலகத்தில் ஆரம்பிக்கலாம். இதில் செலுத்தப்படும் தொகை 15 ஆண்டுகளுக்கு முன்பாகத் திரும்பப்பெற முடியாது. பணத்தின் கூட்டு வட்டியைப்  பெற முடியும்.
(ii) பரஸ்பர நிதிகள் (Mutual Fund) :பரஸ்பர நிதி என்பது நிதிநிறுமங்கள் பொதுமக்களிடமிருந்து பல்வேறு பரஸ்பர நிதித்திட்டங்கள் மூலமாக திரட்டி பணத்தை, பங்குச் சந்தையில் முதலீடு செய்து, அவை ஈட்டும் இலாபத்தை முதலீட்டாளர்களுக்கு பகிர்ந்தளிக்கும் ஏற்பாடு ஆகும். இதன் மூலம் சாதாரண மக்கள் மறைமுகமாக பங்குச் சந்தையில் பங்கு பெறும் வாய்ப்பை பெறுகின்றனர்.
(iii) அசையாச் சொத்தில் முதலீடு செய்தல்: அசையாச் சொத்தில் முதலீடு செய்தல் என்பது இந்தியாவில் வேகமாக வளர்ச்சி பெற்று வரும் முதலீட்டு துறையாகும். ஒரு வீட்டு மனை (Plot) அல்லது அடுக்குமாடி குடியிருப்பு (Flat) வாங்குவது என்பது, மிகச் சிறந்த தனி மனித முதலீட்டிய முறைகளில் ஒன்றாக விளங்குகிறது. ஒரு நிலப்பிரிவு அமைந்துள்ள இடம் மற்றும் அங்குள்ள பிற அடிப்படை வசதிகளைப் பொறுத்து அசையாச் சொத்தின் மதிப்பு பல மடங்கு உயர்வதற்கான வாய்ப்பு உள்ளது.
(iv) விலையுயர்ந்த உலோகங்களில் முதலீடு செய்தல்: தங்கம், வெள்ளி, பிளாட்டினம் வழிகளில் ஒன்றாகும். சந்தை நிலைக்கேற்றார்போல், உலோகங்களின் மதிப்பு மெதுவாக ஆனால் உறுதியாக அதிகரித்து கொண்டு இருக்கிறது. இவ்வகை முதலீட்டில், முதலீட்டாளர்கள் எந்தவித நட்டமும் இல்லாமல் அவற்றை உடனடியாக பணமாக மாற்றிக் கொள்ள இயலும். 

(i) போக்குவரத்து : உற்பத்தி செய்த பொருட்களை உற்பத்தி செய்த பகுதிலேயே அனைத்தையும் விற்பது அரிது. அவற்றை நாட்டின் (அல்லது) உலகின் பல்வேறு பகுதிகளில் வசிக்கும் நுகர்வோருகளுக்குச் சென்று சேர்க்க வேண்டும்.
(ii) வங்கியில்: வங்கிகளின் உதவியின்றி எந்த தொழில் அமைப்பும் இயங்க முடியாத அளவிற்கு வங்கிச்சேவை மகத்துவம் பெற்று விளங்குகிறது. வங்கிகள் தொழில் அமைப்புகளிடம் உள்ள பணத்தை வைப்புகளாகப் பெறுவதுடன் தொழில் அமைப்புக்குத் தேவையான நிதியை பல்வேறு கடன் திட்டங்கள் மூலம் கிடைக்க வகை செய்கிறது. வங்கி நிதியின் மூலம் தொழில் அமைப்புகள் நில சொத்து வாங்குதல் சரக்கு கொள்முதல், இயந்திரம் வாங்குதல் இவ்வாறு நடைமுறை செலவுகளைச் செய்ய ஒரு தொழில் அமைப்பிற்கு குருதி ஓட்டமாக செயல்படுகிறது.
(iii) காப்பீடு: வியாபாரம் நடத்துவது என்பது முழுக்க முழுக்க இடர்பாடு செறிந்த செயலாகும். வியாபாரம் நிறுமங்கள் கேட்டார் என்ற கடலில் ஏப்போதும் நீந்திச் செல்லும் கப்பல் ஆகும். எல்லா தொழில் நிறுமங்களும், தீ, களவு, சூறாவளி, நிலா நடுக்கம், கடல் நடுக்கம், வெடிவிபத்து, இயந்திரக் கோளாறு போன்ற பலதரப்பட்ட இடர்பாட்டால் காப்பீடு செய்ய வேண்டிய அவசியமாகிறது.
(iv) பண்டகக் காப்பு செய்தல்: சாதாரணமாக பொருட்கள் யாவும் உற்பத்தி செய்யப்பட்ட உடனே விற்கப்படுவதில்லை மற்றும் நுகரப்படுவதில்லை. பொருட்கள் தேவைப்படும் நேரத்தில் அவை கிடைப்பதற்கு ஏற்றவாரு இருப்பு வைத்து கொள்ள வேண்டியது அவசியமாகிறது. பண்ட காப்பகங்கள் தொடரில் நிறுவனங்களின் பொருட்களை சேமித்து வைக்க பேருதவி புரிகின்றது. பொருட்கள் கிடைக்கச் செய்வதால் விலை சீராக இருக்க வகை செய்யப்படுகிறது.     

பொருளாதாரத் செயல்பாடுகள்	பொருளாதாரச் சார்பற்ற செயல்பாடுகள்
வரை விலக்கணம் :வாழ்வாதாரத்திற்குத் தேவையான பணம், நிதி சார்ந்த தேவைகளை ஆதாயங்களை ஈட்டுவதற்காக மேற்கொள்ளப்படும் நடவடிக்கைகள் பொருளாதாரச் செயல்(எ.கா) பழ வியாபாரி பழங்களை விற்பது.	மகிழ்ச்சி, அன்பு, இரக்கம் உணர்வுகளின் அடிப்படையில் மேற்கொள்ளப்படும் நடவடிக்கைகள் பொருளாதாரச் சார்பற்ற செயல்பாடுகள் ஆகும். (எகா). தாய் தன குடும்பத்திற்கு உணவு சமைப்பது.
நோக்கம் : இலாபம் ஈட்டுவது அல்லது நிதி சார்ந்த ஆதாயம் அடைவது ஒன்றே நோக்கம் ஆகும்.(எகா) ஒரு வழக்கறிஞர் தன பணியைச் செய்வது.	சமூக உளவியல், உணர்வுரீதியான தேவைகளைப்  பூர்த்தி செய்ய மேற்கொள்ளப்படும் நடவடிக்கைகள் ஆகும்.(எகா) கோவிலுக்கு செல்வது.
பணத்தின் அடிப்படையில் அளவிடல்: அனைத்து பொருளாதாரச் செயல்பாடுகளையும் பணமதிப்பின் அடிப்படையில் அளவிடலாம். (எகா. ஒரு மருத்துவர் ஆலோசனைக் கட்டணம் ரூ.500 வசூலித்தல்.	பொருளாதாரச் சார்பற்ற செயல்பாடுகளை பணத்தின் அடிப்படையில் அளவிட முடியாது. இவைகள் எண்ணம் உணர்வுகள் ஆகியவற்றின் வெளிப்பாடு ஆகும். (எகா.) ஒரு அரசு சாரா அமைப்பு ஏழை குழந்தைகளுக்கு இலவசமாக உடைகள் வழங்குவதை கூறலாம்.
உறவு: பொருளாதார நடவடிக்கைகள் செல்வத்தை உருவாக்குவதுடன் தொடர்புடையவை.(எ.கா) ராம் என்பவர் சொந்தமாக வீடு வாங்குவதற்கு தனது ஊதியத்தின்  ஒரு பகுதியை சேமித்து வருவது.	பொருளாதாரச் சார்பற்ற நடவடிக்கைகள் செல்வத்தை உருவாக்குவதில்லை.(எ.கா) நன்கொடையாகப் பெற்ற பணத்தை அறக்கொடை பணிகளுக்கு செலவிடுவது.
கால அளவு: பொருளாதார நடவடிக்கைகள் திரும்ப திரும்பத் நிகழும் தன்மை கொண்டவை. (எ.கா) குல்பி ஐஸ்கீரிம் விற்பவர் நாள்தோறும் மாலை வேளைகளில் விற்பார்.	இவை தொடர்ந்து நிகழாது, நேரம் கிடைக்கும் போது நிகழும். (எ.கா) ஆதரவற்றோர் இல்லம் சென்று பார்த்தல்.
உருவாகக் கரணம்: பொருளாதார நடவடிக்கைகள் மனித விருப்பங்களையும் தேவைகளையும் நிறைவேற்றுவதற்காக உருவாக்கப்படுகிறது.	பொருளாதாரச் சார்பற்ற நடவடிக்கைகள் உணர்வு பூர்வமாக மகிழ்ச்சியினை அனுபவிக்க செய்யப்படுகிறது.

அடிப்படை	ஒப்பந்தம்	உடன்படிக்கை
வரை  விலக்கணம்	சட்டத்தால் நடைமுறைப் படுத்தப்படும் உடன்படிக்கை யாகும்.	உடன்பாடு  என்பது மறுபயன் உருவாக்கும் ஒவ்வொரு உறுதிமொழியும் உறுதிமொழிகளின் ஒவ்வொரு தொகுதியும் .
செயலாக்கத் தன்மை	அனைத்து ஒப்பந்தங்களும் செயல் படுத்த முடியும்	அனைத்து உறுதிமொழிகளும் செயல் படுத்த முடியாது.
பரஸ்பர உறவு	ஒப்பந்தம் என்பது உடன்படிக்கை உள்ளடக்கியது	உடன்படிக்கையில் எல்லா ஒப்பந்தம் உள்ளடக்கியது அல்ல.
செல்லக்கூடியது	சட்டத்திற்கு உட்பட்ட உடன்படிக்கை மட்டுமே ஒப்பந்தமாகும்	சட்டத்திற்கு உட்பட்ட அல்லது உட்பாதவையும் உடன்படிக்கை ஆகும்
சட்டபுர்வமான கடமை	அனைத்து ஒப்பந்தங்களும் சட்டப்பூரவமான கடமை உள்ளன.	சட்டப்பூரவமான கடமையானது .அனைத்து உடன் படிக்கையிலும் இருக்க வேண்டிய அவசியம் இல்லை