சோமு ஓர் உந்து வண்டியை மற்றொருவரிடமிருந்து ரூ.28,000 க்கு வாங்கி, அதனைப் பழுது பார்க்க ரூ.2000 செலவு செய்தார். பிறகு அதனை ரூ.30,000 க்கு விற்பனை செய்தார் எனில் அவருடைய இலாபம் அல்லது நட்டம் காண்க.

முத்து ஒரு மகிழுந்து வண்டியை ரூ.8,50,000 க்கு வாங்கினார். அதை ரூ.25,000 இலாபத்திற்கு விற்பனை செய்ய விரும்பினார் எனில் மகிழுந்தின் விற்பனை விலை என்னவாக இருக்கும் ?

பாரதன் தனது வாடிக்கையாளர்களுக்கு ஒரு சட்டையின் விலையில் ரூ.50 தள்ளுபடி செய்த பிறகும் ஒரு சட்டைக்கு ரூ.100 இலாபம் பெறுகிறார். குறித்த விலை ரூ.800 எனில் ஒரு சட்டையின் அடக்க விலை என்ன ?

சிதம்பரம், மருது நூல் அங்காடியிலிருந்து 12.04.2018 அன்று வாங்கப்பட்ட பின்வரும் வாழ்க்கை வரலாறு நூல்களுக்கு 507 ஆம் எண்ணுடைய  பட்டியல் தயாரிக்க.
ஒன்று ரூ.55 வீதம் சுப்பிரமணியப் பாரதியார் நூல்கள் 10, ஒன்று ரூ.75 வீதம் திருவள்ளுவர் நூல்கள் 15, ஒன்று ரூ.60 வீதம் வீரமாமுனிவர் நூல்கள் 12 மற்றும் ஒன்று ரூ.70 வீதம் தி.ரு.வி.க நூல்கள் 12.

இராணி ஒரு சோடி வளையல்களை ரூ.310க்கு வாங்கினார்.அவளுடைய தோழி அதை மிகவும் விரும்பியதால், இராணி அவ்வளையல்களை ரூ.325க்கு விற்றார் எனில் இராணியின் இலாபம் அல்லது நட்டம் காண்க.

இரம்யா  சில ஒப்பனைப்  பொருள்களை வாங்கிக் கொண்டு பின்வரும் பட்டியலைப் பெறுகிறார்.

பட்டியலைக் கவனித்துப் பின்வரும் வினாக்களுக்கு விடையளி.
(i) பட்டியல் எண் என்ன ?
(ii) பொருள்கள் வாங்கப்பட்ட தேதியைக் குறிப்பிடுக.
(iii) வாங்கப்பட்ட வெவ்வேறு  பொருள்கள் எத்தனை ?
(iv) ஒரு தலைமுடிக் கவ்வியின் விலை என்ன ?
(v) நாடாவின் மொத்த விலை என்ன ?

கோயம்பத்தூரிலுள்ள ஆவின் விற்பனை நிலையத்தில் 25.06.2018 அன்று வாங்கப்பட்ட பின்வரும் பொருள்களுக்கு 160 எண்ணுள்ள பட்டியல் தயார் செய்க.
(i) ஒன்று ரூ.40 விதம் 100 கி பால்கோவா பாக்கெட்டுகள்  5
(ii) ஒன்று ரூ.8 விதம் மோர் பாக்கெட்டுகள்   5
(iii) ஒன்று ரூ.25 விதம் 500 மி.லி பால் பாக்கெட்டுகள்   6
(iv) ஒன்று ரூ.40 விதம் 100 கி நெய் பாக்கெட்டுகள்  5

பின்வரும் அட்டவணையில் பொருத்தமான விவரங்களை நிரப்புக.

25 கி.கி எடையுள்ள கோதுமைப்பை ஒன்று ரூ.1550 க்கு விற்பனை செய்யப்பட்டு ரூ.150 இலாபம் பெறப்படுகிறது எனில் கோதுமையின் அடக்க விலையைக் காண்க.

பின்வரும் அட்டவணையை பொருத்தமான விவரங்களைக் கொண்டு நிரப்புக.